Fréttablaðið - 12.09.2008, Blaðsíða 62

42 12. september 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. hugga, 6. hætta, 8. grein, 9. espa,
11. guð, 12. frækorns, 14. sýna elli-
glöp, 16. í röð, 17. skjön, 18. ennþá,
20. grískur bókstafur, 21. velta.
LÓÐRÉTT
1. fnæs, 3. hvort, 4. flutningaskip, 5.
temja, 7. áleitinn, 10. skel, 13. angan,
15. heimsálfa, 16. húðpoki, 19. nudd.
LAUSN
LÁRÉTT: 2. sefa, 6. vá, 8. fag, 9. æsa,
11. ra, 12. sæðis, 14. kalka, 16. hi, 17.
mis, 18. enn, 20. pí, 21. snúa.
LÓÐRÉTT: 1. hvæs, 3. ef, 4. farskip, 5.
aga, 7. ásækinn, 10. aða, 13. ilm, 15.
asía, 16. hes, 19. nú.
LÖGIN VIÐ VINNUNA
„Það væri nærri lagi að spyrja
hvað ég hlusta á þegar ég læri.
Familjen, Aeroplane, Fred Falke,
Gui Boratto og margt fleira er í
uppáhaldi hjá mér. Annars var
ég að horfa á Lost in Translation
og mundi eftir því hversu æðisleg
hljómsveit mér þykir My Bloody
Valentine vera. Hún hefur mikið
verið á fóninum síðan.“
Jónas Margeir Ingólfsson laganemi.
VEISTU SVARIÐ
Svör við spurningum á síðu 8
1 Ingimundur Sigurpálsson.
2 Við Ísafjörð í Skutulsfirði.
3 Mike Pollock.
„Ekkert í þessu kemur á óvart.
Ríkissjónvarpið hefur stundað
lengi að stilla fram einhverju til
höfuðs dagskrá okkar. En sjálf-
sagt kann Þórhallur [Gunnarsson]
einhverjar skýringar á þessu
aðrar,“ segir Pálmi Guðmundsson,
sjónvarpsstjóri Stöðvar 2.
Stöð 2 hefur auglýst hraustlega
að undanförnu eitt sitt helsta
tromp í vetrardagskránni sem er
Dagvaktin, framhald Nætur-
vaktarinnar sem naut fádæma
vinsælda í fyrra. Frumsýning 1.
þáttar verður 21. september og er
sýningartíminn sá sami og var á
Næturvaktinni: Upp úr klukkan
átta á sunnudagskvöldum. Nú
spyrst að RÚV ætli að spila einu
sínu helsta trompi hvað varðar
innlenda dagskrárgerð – spennu-
þáttaröðinni Svörtum englum – á
nákvæmlega sama tíma dags og
viku og er frumsýning fyrsta
þáttar 21. september. „Hversu
augljóst getur þetta orðið?“ spyr
Pálmi sem segist geta nefnt ýmis
dæmi máli sínu til stuðnings en
segir þetta blasa nú við. „Þórhallur
er að stilla þessu fram til höfuðs
okkar efni. Ríkissjónvarpið er að
skipuleggja dagskrá sína eins og
sjónvarpsstöð sem er í bullandi
samkeppni og lifir á auglýsingum
einum saman eins og þetta dæmi
sannar. En ekki eins og ríkissjón-
varp í eigu allra landsmanna sem
vill að innlend dagskrárgerð njóti
sín sem best,“ segir Pálmi.
„Já, er Dagvaktin á dagskrá á
sunnudagskvöldum?“ spyr Þór-
hallur Gunnarsson, dagskrárstjóri
innlendrar dagskrár Ríkissjón-
varpsins. Hann segir af og frá að
skipulagning dagskrár RÚV taki
mið af dagskrá Stöðvar 2. „Alltaf
hefur staðið til að sýna þetta
svona. Engin breyting. Við höfum
alltaf verið með íslenska og danska
þætti á þessum tíma. Strax á eftir
Evu Maríu.“ Þórhallur segir jafn-
framt að það stefni í að sunnu-
dagskvöld verði gæðasjónvarps-
kvöld og óttast ekki samkeppnina.
„Ég óttast enga samkeppni og
vona að þetta verði skemmtilegur
vetur fyrir alla þá sem horfa á
sjónvarp,“ segir Þórhallur sem
séð hefur Svarta engla og segir
þetta dúndurþætti, frábærlega
leiknir og útfærðir af Óskari
Jónassyni sem leikstýrir en þætt-
irnir byggjast á samnefndum
krimma Ævars Arnar Jósepssonar.
„Svo verða menn að athuga að það
er fullt af fólki sem ekki nær Stöð
2. Við tökum ekki tillit til þess í
dagskrársetningu hvað Stöð 2 er
að gera.“ jakob@frettabladid.is
PÁLMI GUÐMUNDSSON: DAGSKRÁ RÚV TIL HÖFUÐS STÖÐ 2
SVARTIR ENGLAR Á DAGVAKT
STÆRSTU ÞÆTTIRNIR Á SAMA TÍMA
Gamanþættirnir Dagvaktin á Stöð 2 og sakamálaþættirnir Svartir englar
í Ríkissjónvarpinu verða sýndir á sama tíma á sunnudagskvöldum. Pálmi
Guðmundsson sjónvarpsstjóri Stöðvar 2 segir þessa ákvörðun RÚV gerða
til að bregða fæti fyrir innlenda dagskrárgerð Stöðvar 2. Þórhallur Gunn-
arsson dagskrárstjóri RÚV segir alltaf hafa staðið til að Svartir englar yrðu
sýndir á sunnudagskvöldum.
Niðurstöður síðasta málverkaupp-
boðs Foldar í Súlnasalnum leiða
í ljós nokkurt verðfall á íslenskri
list. Tryggvi P. Friðriksson stóð
vaktina með hamarinn í hönd og
sló verk undir mati meðal annars
eftir Sverri Haraldsson sem sam-
kvæmt uppboðsskrá var ómerkt.
Verkið var metið á 120 þúsund en
fyrsta boð var 20 þúsund krónur.
Tryggva þótti það lélegt grín en var
bent á að myndin væri ómerkt.
Tryggvi sagði viðkomandi að sá
gæti farið til Péturs í
Borg og fengið hana
merkta. Voru fremur
dræmar undirtektir við
þessu hráslagalega
gríni en myndin
var slegin á 50
þúsund og kom
það kaupanda
þægilega á óvart
að sjá að mynd-
in var merkt.
Samkeppnisaðili Foldar, Pétur Þór
Gunnarsson hjá Gallerí Borg, mun
ekki hafa látið grátt gaman Tryggva
P. Friðrikssonar á sig fá en
stefnir þess í stað á að
halda upp á fimmtugs-
afmæli sitt og konu
sinnar, Ernu Flyg-
enring, í kvöld í
Gallerí Borg en
þar mun stíga
á svið Rúnar
Júlíusson.
Tónleikaferð Barða Jóhannssonar
og Bang Gang um Evrópu hófst
í Sviss í gærkvöldi. Leikið verður
á fjölda tónleika
en hápunkturinn
verður um miðjan
október þegar
Barði hitar upp
fyrir Air í Frakk-
landi. - jbg/fb
FRÉTTIR AF FÓLKI
Tónlistarhátíðin London Airwaves
fer fram þar í borg 19. september
næstkomandi. Þar kemur fram
fjöldi erlendra hljómsveita auk
íslensku sveitanna FM Belfast og
Steed Lord. Þorsteinn Stephen-
sen, eigandi Hr. Örlygs, segir
undirbúning ganga vel. „Þetta fer
langleiðina í að verða uppselt,“
segir Þorsteinn, en til sölu eru um
fjögur þúsund miðar. Hann segir
hátíðina hafa hlotið mikla umfjöll-
un í breskum fjölmiðlum. „Það
þykir forvitnilegt að einhverjir
frá Íslandi geri svona og mér sýn-
ist þetta bara lofa góðu,“ segir
hann.
Sara María Eyþórsdóttir og
samstarfsfólk hennar í Nakta
apanum mun halda til London í
kringum hátíðina og kynna Breta
fyrir apavarningi. „Við ætlum að
sýna Lundúnabúum hvernig á að
klæða sig,“ segir Sara og hlær
við. „Við verðum með boli á borð
við þá sem við höfum gert fyrir
Iceland Airwaves. Ég hef verið í
samstarfi við Jónsson & Le‘Macks
í því. Siggi Odds, sem er grafísk-
ur hönnuður hjá þeim, og var ein-
mitt að vinna hjá mér í fyrra,
hannaði lógóið sem er notað fyrir
London Airwaves. Það er rosa-
lega flott og það eru allir mjög
spenntir fyrir þessu,“ útskýrir
Sara, en bolirnir eru nú í fram-
leiðslu.
Sara verður einnig með nýja
boli fyrir Iceland Airwaves í
október og hyggst láta framleiða
þá fyrir sig líka. Hingað til hafa
þeir allir verið handprentaðir.
„Iceland Airwaves gekk næstum
af mér dauðri í fyrra. Ég missti
alveg af hátíðinni, því við vorum
að prenta boli fram til fimm á
nóttunni alla dagana,“ segir hún
og hlær við. „Í ár látum við þess
vegna framleiða hluta þeirra
fyrir okkur, en verðum svo með
handprentaða boli í takmörkuðu
upplagi,“ segir hún. - sun
Íslensk hönnun á London Airwaves
NAKTI APINN TIL LONDON Sara María og samstarfsfólk hennar í Nakta apanum heldur
til London í kringum London Airwaves, en þar verða sérstakir hátíðarbolir til sölu.
FRÉTTABLAÐIÐ/ARNÞÓR
Nýlegar auglýsingar í Fréttablaðinu og á Vísir.
is um Kynlífsbiblíuna sem Vaka-Helgafell
gefur út særðu blygðunarkennd margra sem
þær sáu. Kvörtunum rigndi yfir fyrirtækið 365
og var auglýsingunni á Vísir.is kippt snarlega út
eftir aðeins eina og hálfa klukkustund í loftinu.
„Fólki finnst að það sé verið að birta alltof
mikið af beru holdi,“ segir útgefandinn Jóhann
Páll Valdimarsson. „Þetta eru að mínu viti mjög
sakleysislegar myndir og ekkert verri en sjást
af fólki á sólarströndum.“
Í heilsíðuauglýsingu Fréttablaðsins sáust ber
kvenmannsbrjóst, sem virðast hafa farið fyrir
brjóstið á mörgum, en á Vísir.is voru lesendur
spurðir út í kynlífshjálpartæki og nærbuxnaát,
sem féll jafnvel enn verr í kramið. „Í auglýs-
ingunni var spurt: „Hefur þú borðað nærbux-
ur?“, sem hefur víst að gera með tilvísun í
bókina um að verið sé að framleiða buxur úr
lakkrísefnum. Ég er ekki mjög vel að
mér í innihaldi bókarinnar en þýðand-
inn, Bergsteinn Sigurðsson, kann betri
skil á því,“ segir Jóhann Páll, sem er
ekki undrandi á þessum hörðu
viðbrögðum. „Það hefur sýnt sig í
gegnum tíðina þegar við höfum gefið
út bækur um kynlífstengd efni og
bækur Hugleiks Dagssonar að það
fer iðulega allt á hliðina á miðlunum
vegna kvartana úti í bæ. Ég hef grun um að
þetta sé ákaflega fámennur en hávær hópur
sem stendur að baki þessu. En hann linnir ekki
látum og má helst ekki sjá kvenmannsbrjóst,“
segir hann. Til stuðnings þessu má nefna að
Kynlífsbiblían rauk beint á metsölulista þegar
hún kom út og því ljóst að meirihluti Íslendinga
tekur nýjum fræðibókum um bætt og lostafullt
kynlíf algjörlega opnum örmum. - fb
Djarfar auglýsingar valda usla
JÓHANN PÁLL
VALDIMARSSON
Jóhann Páll er síður
en svo undrandi
á hörðum við-
brögðum vegna
Kynlífsbiblíunnar.
Löggildir
rafverktakar
Rafmagnsvandamál
Talaðu þá við okkur
Uppl. síma
8604507 / 8494007
islagnir@islagnir.is
www.islagnir.is
Auglýsingasími
– Mest lesið