Fréttablaðið - 18.09.2008, Page 54

34 18. september 2008 FIMMTUDAGUR
Leiklistarfólk sem á ættir
sínar að rekja til Grinda-
víkur vill koma þar í gang
reglulegu leiklistarstarfi.
Nýverið hófust æfingar
á 21 manns saknað sem
Grindvíska atvinnuleikhús-
ið frumsýnir í lok október.
Það eru Bergur Þór Ingólfsson,
Víðir Guðmundsson og Guðmund-
ur Brynjólfsson sem stofnuðu leik-
félagið og semja verkið sem bygg-
ir á ævi séra Odds V. Gíslasonar.
21 manns saknað verður sýnt í
nýuppgerðu Flagghúsi í Grinda-
vík.
Um sögupersónu verksins sem
er einleikur segja aðstandendur: Á
seinni hluta 19. aldar var prestur í
Staðarsókn í Grindavík sem ekki
gat sætt sig við að Íslendingar
stæðu utan við þá iðnbyltingu sem
hafði átt sér stað í Evrópu, Oddur
V. Gíslason. Hann gat heldur ekki
sætt sig við það að á einni vetrar-
vertíð yrðu tuttugu skipsskaðar og
níutíu sjómenn týndust í hafi.
Hann hafði samanburðinn vegna
tíðra ferðalaga sinna til útlanda og
ævi sína helgaði hann baráttunni
við náttúruna, fátækt og Bakkus.
Hann ferðaðist um landið endi-
langt til að predika um nauðsyn
þess að hafa um borð í bátum allan
þekktan björgunar- og slysavarna-
búnað. Jafnvel henti hann háset-
um útbyrðis til að sýna þeim
hversu nauðsynlegt það væri að
læra að synda. Honum var lýst
sem „mesta braskmenni sinnar
samtíðar“ vegna fjölda verkefna
sem hann hratt af stað: lýsis-
bræðslu í Höfnum, brenni-
steinsnámum í Krísuvík, kolanám-
um við Hreðavatn: Hann tók
saman fyrstu kennslubók í ensku
fyrir landa sína. Aldrei hélst
honum á peningum. Hann stóð að
frægasta brúðarráni síðustu alda á
Íslandi. Hann lagði grunninn að
slysavörnum á Íslandi − dó síðan í
sárri fátækt í landnemabyggðum
Kanada.
Í stefnuskrá hins nýja leikhúss
segir: „Meginmarkmið félagsins
er að taka þátt í þjóðfélagsumræð-
um, … Til þess að ná markmiðum
sínum hyggjast félagsmenn nú
stofna FYRSTA ATVINNULEIK-
HÚSIÐ Í GRINDAVÍK og skal það
bera sama nafn og félagið. …
GRAL skal setja upp leiksýningar
í Grindavík sem standast þær
bestu gæðakröfur sem gerðar eru
til atvinnuleikhúss í landinu.“
Bergur Þór segir þá félaga hafa
unnið lítinn þátt um Odd árið 2000
fyrir hvatningu og ábendingu Jónu
Kristínar Þorvaldsdóttur, núver-
andi bæjarstjóra. GRAL hafi síðan
byrjað sem djók, en nú sé komin
alvara í málið. Sýnt verði í Flagg-
húsinu sem er uppgert pakkhús í
Járngerðarstaðahvefinu. Þar kom-
ist fyrir 30-40 gestir. Festi í Grinda-
vík verði brátt rifin og sé því ekki
framtíðarhúsnæði fyrir leiksýn-
ingar. Líklega verði næst ráðist í
barnaleikrit fyrir Grindvíkinga og
nágranna. Þeir hafi þá augastað á
gamla Kvenfélagshúsinu sem er
fornt menningarsetur þar í bæ.
„Þótt leikhús sé ekki steinsteypa
stefnir GRAL að því að vera komið
með fast húsnæði fyrir haustið
2012“, segir í stefnuskránni.
Eitt hús er uppistandandi af
verslunarhúsum Einars kaup-
manns í Garðhúsum. Flagghúsið
var áður íbúðarhús, byggt 1890 og
síðar pakkhús við Einarsbúð. Það
er upphaf skipulagðrar byggðar í
Grindavík, enda öll húsnúmer frá
því talin. Flagghúsið hefur verið
íbúðarhús, verbúð, samkomustað-
ur, beituskúr, pakkhús, salthús,
veiðarfærageymsla og netaloft.
Auk þess er þarna leiksvið kvik-
myndarinnar Sölku Völku.
pbb@frettabladid.is
Hvalreki í Grindavík
Á nýliðinni Art Fart, hátíð ungra
leikhúslistamanna, var sýningin
Ikea-ferðir í boði þeim fáu sem af
henni vissu. Hún er nú sýnd á
Eyjaslóð í hráu og óhentugu sýn-
ingarhúsnæði og er hægt að nálg-
ast miða á www.16lovers.blogspot.
com. Það er leikflokkurinn 16 elsk-
endur sem stendur fyrir sýning-
unni. Sýningin er spaugilegur
samsetningur þar sem rúsínan er
stuttur leikþáttur um hina sígildu
sögu af stofnanda og eiganda
IKEA; þar er líka tvískiptur fyrir-
lestur um tónlistarhúsið í Reykja-
vík og áhorfendahópunum er deilt
upp í smærri grúppur sem leiddar
eru í lítil ferðalög á fjarlæga og
nálæga staði.
Hér er mikið leikið með aðföng
úr ferðaiðnaði, klisjur úr kynning-
um og fyrirtækjabæklingum. Allt
er framreitt af titrandi tauga-
veiklun þar sem hluti spaugsins er
margvísleg mistök og glundroði.
Amatörismi í flutningi er svo kær-
komið hulstur þeim sem hefur
ekki fyllileg tök á bærilegum og
þjálfuðum flutningi. Örfáir gestir
úr leikhúsbransanum voru á sýn-
ingunni sem elskendurnir sextán
voru svo næs að bjóða þessum
gagnrýnanda á.
Það liggur í hlutarins eðli að
sýningum sem þessum er ekki
ætlað að ná til margra áhorfenda.
Þótt Reykjavíkurborg, Minningar-
sjóður Margrétar Björgúlfsdóttur
og Evrópa unga fólksins hafi
styrkt þessa smíð sem hefur verið
unnin síðan í júlí er hér allt með
miklum frumstæðingsbrag – og
vafalítið státa menn af því. Svo
margt í listsköpun nú á tímum
jaðrar við opinbera flekkun að það
kemur ekki á óvart. Vænta má að
þeir kraftar sem þarna sýndu sig
fái bragðmeiri tækifæri í næstu
för. Verst þau skyldu ekki hafa
haft skopskyn til að bjóða upp á
leikinn þar sem hann á heima – í
IKEA. Páll Baldvin Baldvinsson
Ferð í boði IKEA
LEIKLIST
Ikea-ferðir – styttu þér leið
Höfundar og flytjendur: Aðalbjörg
Árnadóttir, Davíð Freyr Þórunnarson,
Eva Rún Snorradóttir, Friðgeir Einars-
son, Karl Ágúst Þorbergsson, Ylfa
Ösp Áskelsdóttir og Lovísa Elísabet
Sigrúnardóttir.
★
Illa unnin en ágæt hugmynd.
LEIKLIST Margir fræknir Suðurnesjamenn hafa farið á svið. Nú hefur Bergur Þór Ing-
ólfsson ásamt fleirum stofnað atvinnuhóp með aðsetur í Grindavík.
Nánari upplýsingar og skráning:
sími 525 4444
endurmenntun.is
EININGANÁMSKEIÐ SAMHLIÐA STARFI
Menning og arfur (einnig í fjarnámi)
Hefst 25. sept.
Hagfræði (einnig i fjarnámi)
Hefst 29. sept.
Sölu- og markaðsmál (einnig i fjarnámi)
Hefst 3. okt.
Forysta og stjórnun (einnig i fjarnámi)
Hefst 7.okt.
Markaðssamskipti I
Hefst 10. okt.
Vinnuréttur (einnig i fjarnámi)
Hefst 22. okt.
Viðskipta- og tengslaauðurinn og þjónustuveitingin
Hefst 25. okt.
Mat á árangri (einnig i fjarnámi)
Hefst 28. okt.
Reikningshald og skattskil (einnig i fjarnámi)
Hefst 8. nóv.
Lögfræði (einnig i fjarnámi)
Hefst 12. nóv.
Hagnýt námskeið sem eru kjörin fyrir þá sem vilja auka menntun sína samhliða starfi
og safna einingum í grunnnám á háskólastigi.