Fréttablaðið - 03.10.2008, Blaðsíða 52
32 3. október 2008 FÖSTUDAGUR
tonlist@frettabladid.is
TÓNNINN GEFINN
Dr. Gunni
Tvær af skærustu stjörnum
breska rappsins eru ný-
búnar að senda frá sér
plötur. Roots Manuva gaf
út sína sjöttu plötu, Slime &
Reason, í byrjun september
og hálfum mánuði seinna
sendi Mike Skinner frá sér
fjórðu Streets-plötuna Every-
thing Is Borrowed. Trausti
Júlíusson lagði við hlustir.
Það hefur aldrei farið mjög mikið
fyrir bresku rappi. Það virðist að
mestu leyti dæmt til að falla í
skuggann á því bandaríska sem
meiri peningum er dælt í að fram-
leiða og markaðssetja. Ég þreytist
samt seint á því að lofsyngja helstu
framverði breska rappsins, en þeir
hafa gert nokkrar af bestu plötum
síðustu ára. Þeirra á meðal má telja
bæði hvíta Birmingham-strákinn
Mike Skinner sem sló í gegn fyrir
sex árum með Original Pirate
Material og svarta dub-skáldið og
Lundúnabúann Roots Manuva sem
hóf glæstan feril árið 1999 með
Brand New Second Hand. Þeir voru
báðir að senda frá sér nýjar plötur.
Mýkri og víðsýnni Mike Skinner
Mike Skinner hefur lýst því yfir að
Everything Is Borrowed sé mýkri
og jákvæðari plata heldur en The
Hardest Way to Make an Easy
Living sem kom út fyrir tveimur
árum. Tónlistin kemur öll frá hefð-
bundnum hljóðfærum sem gefur
mýkri og lífrænni hljóm og text-
arnir eru jákvæðari og opnari. Þeir
fjalla um lífið í stærra samhengi
en áður. Mike er ekki lengur bara
að tala um hversdagslífið í hverf-
inu. Það eru mörg ágæt lög á plöt-
unni, til dæmis titillagið, The
Escapist og Heaven for the Weather
og í raun eru engin vond lög á
henni, en það vantar samt töluvert
upp á að tónlistin sé jafn spennandi
og manni fannst hún á fyrstu
tveimur Streets-plötunum. Það er
enn gaman að Mike Skinner og
rímunum hans, en hann virðist
samt eiga í erfiðleikum með að
þróa sig áfram.
Umslagið á Everything Is
Borrowed hefur vakið töluverða
athygli, en á framhliðinni er ljós-
mynd af Skógarfossi og inni í plötu-
bæklingnum eru fleiri myndir af
villtri og tilkomumikilli náttúru, að
minnsta kosti einhverjar þeirra
teknar á Íslandi. Myndirnar eru úr
myndröð portúgalsk/breska ljós-
myndarans Edgar Martins. Þær
eru eins og staðfesting á því að
Mike Skinner er farinn að horfa
upp úr verkamannahverfinu sínu
og er byrjaður að skoða heiminn á
nýjan hátt.
Enn eitt meistaraverkið
„We Don’t Sell Out/Bout We Sell A
Tune Or Two/We Can Buy A Wood-
en Spoon Or Two,“ rappar Roots
Manuva meðal annars í Again &
Again, fyrsta smáskífulaginu af
nýju plötunni Slime & Reason.
Roots Manuva er listamannsnafn
Rodney Smith. Hann hefur aldrei
selt jafn mikið af plötum og Mike
Skinner þó að hann hafi vakið
mikla athygli, sérstaklega í Bret-
landi. Roots Manuva er stærsta
stjarna Big Dada-útgáfunnar sem
er hip-hop armur Ninja Tune.
Það er þrennt sem einkennir tón-
list Roots Manuva. Í fyrsta lagi er
það röddin sem er einstök. Í öðru
lagi er tónlistin framsækin og
fersk, án þess að vera endilega
byltingarkennd. Hljóðheimurinn
er alltaf spennandi. Á nýju plötunni
mætti kalla hann elektró-skotið
dub-fönk. Og í þriðja lagi eru það
textarnir sem eru ljóðrænni en hjá
mörgum öðrum röppurum, fullir
af flottum stílbrögðum og alvöru
tjáningu...
Slime & Reason er þrusu plata.
Ein af plötum ársins. Upphafslagið
Again & Again er algjör snilld
(prófið að spila það á miklum
styrk!) og svo kemur hvert gæða-
stykkið á fætur öðru.
Framverðir enska rappsins
THE STREETS Þrátt fyrir ágæt tilþrif virðist Mike Skinner eiga í vandræðum með að
þróa Streets-konseptið og tónlistina áfram.
SLIME & REASON Roots Manuva klikkar
ekki á sinni sjöttu plötu.
Brand New Second Hand (1999) ★★★★
Run Come Save Me (2001) ★★★★★
Dub Come Save Me (2002) ★★★★
Awfully Deep (2005) ★★★★
Alternately Deep (2006) ★★★★
Slime & Reason (2008) ★★★★
PLÖTUR ROOTS MANUVA
Original Pirate Material (2002) ★★★★★
A Grand Don’t Come for Free (2004) ★★★★★
The Hardest Way to Make an Easy Living (2006) ★★★
Everything Is Borrowed (2008) ★★★
PLÖTUR THE STREETS
> Plata vikunnar
Andrúm - Andvakar
★★★
„Lögin á plötunni Andvakar
eru vel samin, útsett og flutt,
en tónlistin nær samt ekki að
koma manni á óvart. Engu að
síður mjög efnileg sveit.“
TJ
> Í SPILARANUM
The Viking Giant Show - The Viking Giant Show
TV on the Radio - Dear Science
Of Montreal - Skeletal Lamping
Mercury Rev - Snowflake Midnight
Oasis - Dig Out Your Soul
OASISTHE VIKING GIANT SHOW
Poppsveitin Menn ársins er að senda sér
sína fyrstu plötu, sem er samnefnd
sveitinni. Platan var tekin upp í sveita-
hljóðveri í Danmörku í nóvember í fyrra.
Að sögn Sváfnis Sigurðarsonar, gítar-
leikara og söngvara, voru aðstæður þar
stórfínar. „Að vera vakinn í morgunmat,
kallaður í hádegismat og kvöldmat og
sinna svo eingöngu hugðarefnum sínum
þess á milli er eitthvað sem enginn okkar
hefur upplifað síðan í barnæsku,“ segir
hann. „Við vorum auk þess svo lukkulegir
að getað smalað saman hinum og þessum
kunningjum, dönskum og íslenskum
tónlistarmönnum, sem lögðu okkur lið á
langri leið.“
Menn ársins með plötu
MENN ÁRSINS Haraldur Vignir Sveinbjörnsson, Sigur-
dór Guðmundsson, Kjartan Guðnason og Sváfnir
Sigurðarson skipa hljómsveitina Menn ársins.
Þessi staðreynd er auðvitað þungbær fyrir gamlan skarf eins og mig,
sem enn er eitthvað að belgja sig, en samt liggur hún í augum uppi:
bestu popp- og rokktónlistina gerir ungt fólk, fólk undir þrítugu í
yfirgnæfandi fjölda tilfella.
Formið er í eðli sínu ætlað áhyggjulausum hugum sem nálgast heim-
inn af forvitni og sakleysi, fólki sem er líkamlega upp á sitt besta.
Hvernig á fólk sligað af áhyggjum, afborgunarkvíða og barnauppeldis-
legum spursmálum að geta gert eitthvað af viti með sín magasár, bak-
mein og hækkandi kollvik?
Poppsagan sýnir þetta svart á hvítu. Öll besta popptónlistin var gerð
af fólki undir þrítugu. Jónsi og strákarnir í Sigur Rós voru 24-25 ára
þegar þeir gerðu Ágætis byrjun, langbestu
plötuna sína og Björk var 27 ára þegar hún
gerði Debut.
Ég get haldið áfram endalaust. Stuð-
menn voru ekki orðnir 25 þegar þeir voru
búnir að gera sitt besta stöff, Sumar á Sýr-
landi og Tívolí; Fræbbblarnir, Purrkur
Pillnikk og Þeysarar voru rétt skriðnir úr
menntó þegar meistaraverkin hlóðust upp,
Bubbi var 23 ára þegar hann gerði
Ísbjarnarblús.
Þetta er sama alþjóðlega sagan. Bítlarnir voru hættir áður en þeir
urðu þrítugir. Á lista Rolling Stone frá árinu 2003 yfir 500 bestu plötur
sögunnar er yfirgnæfandi meirihluti platna saminn og fluttur af fólki
undir þrítugu. Meðaltalið er í kringum 25 ár komst ég að þegar ég gerði
vísindalega úttekt á þessu.
Fyrirsögn þessarar greinar – Ekki gera tónlist yfir þrítugt! – er nú
kannski einum of dramatísk samt. Auðvitað mega gamlingjar gera tón-
list og ættu að gera það, alltaf gaman að gera plötur og svona. Niðurstaðan
blasir þó við öllum sem á annað borð hafa eyru: Stöff ellibelgja verður
aldrei eins gott og ferskt og stöff ungmenna. Rollingar og McCartneyar
heimsins eiga auðvitað að koma með nýjar plötur. Fólk mun jafnvel
segja ef það leggur sig fram í jákvæðninni: Nei, sko gamla; þetta minnir
um margt á gamla stöffið hans!
Ekki gera tónlist yfir þrítugt!
V
in
n
in
g
ar
v
er
ð
a
af
h
en
d
ir
h
já
B
T
Sm
ár
al
in
d
. K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
1
99
k
r/
sk
ey
ti
ð
.
9.FIFA 09
· 250 breytingar frá síðustu útgáfu
· Grafíkin aldrei betri
· Fleiri spilunarmöguleikar
· Mun meiri hraði
· Aukinn viðbragðshraði leikmanna
· Besti FIFA til þessa
Ú T G Á F U D A G U R 3 . O K T Ó B E R