Fréttablaðið - 03.10.2008, Blaðsíða 2
2 3. október 2008 FÖSTUDAGUR
dy.is
Diddy.is
y.is
Diddy.is
ddy.is
Diddy.iDiddy.is
Diddy.is
Faxafeni 14.
Fallegar vörur og frábært verð, sjón er sögu ríkari
Erum með mikið
úrval af buxum,
peysum og
toppum í stærri
stærðum, ásamt
mittisúlpum með
loðkraga.
Did
Didd
Did
FÉLAGSMÁL Koma á upp göngudeild
fyrir kynferðisbrotamenn á
aldrinum þrettán til átján ára á
vegum Barnahúss á næsta ári.
Bragi Guðbrandsson, forstjóri
Barnahúss, segir að vegna þeirra
staðreyndar að
rúmlega helm-
ingur kynferðis-
brotamanna
hefji sinn brota-
feril fyrir
fimmtán ára
aldur hafi lengi
verið kallað
eftir fjármagni
til þess að reka
sérstaka deild
fyrir þessi ungmenni. Það hafi
ekki fengist fyrr en nú en í fjár-
lagafrumvarpi er gert ráð fyrir að
sjö og hálf milljón renni til Barna-
húss vegna reksturs göngudeildar
fyrir þennan hóp. Um þriðjungur
geranda í kynferðisbrotum er nú
undir átján ára aldri.
„Með þessu er hægt að forða
mörgum fórnarlömbum auk þess
sem meðferðarárangur er almennt
séð meiri eftir því sem gerendur í
kynferðisbrotum eru yngri þegar
meðferð hefst. Það er því til mikils
að vinna að geta tekið á vandanum
strax,“ útskýrir Bragi og bætir við
að kynferðisbrotamenn verði ekki
til á einni nóttu. „Þetta er þróun
sem þarf að grípa inn í strax,“
segir hann.
Bragi segir það hafa verið mat
þeirra sem starfa á vegum Barna-
verndarstofu að um tuttugu til
þrjátíu ungmenni þurfi á þessari
aðstoð að halda árlega. Svo virðist
sem þessi hópur hafi farið
stækkandi síðustu ár. Vitað sé að
hluti þessara ungmenna átti sig
fljótlega á því að það sem þau hafa
gert er rangt. Fræðin sýni að af
þessum hópi haldi um fimmtán
prósent og upp í helming áfram að
brjóta af sér.
Bragi segir að hingað til hafi
verið reynt að vinna með unga
gerendur í kynferðisbrotamálum
á meðferðarheimili hér á landi en
reynslan sýni að það sé ekki heppi-
legt að vista þennan hóp barna og
unglinga á slíkum stofnunum.
Bæði geti það haft í för með sér
svokölluð smitáhrif, ógnað öryggi
annarra auk þess sem þeir hafi
lent í einelti á stofnununum. Betra
sé því að vinna með þennan hóp á
göngudeildum en með innlögnum.
Enn sem komið er sé ekki búið að
taka ákvörðun um hvar göngu-
deildin eigi að vera til húsa.
„Við höfum séð gríðarlega góðan
árangur af sams konar starfi í
nágrannalöndum okkar og
vonumst til þess að svo verði
einnig hér,“ segir hann en einkum
verður litið til þeirrar meðferðar
sem fer fram í Danmörku við
útfærslu á meðferð hérlendis.
karen@frettabladid.is
Barnungir kynferðis-
brotamenn fá aðstoð
Rúmlega helmingur kynferðisbrotamanna hefur brotaferil sinn fyrir 15 ára
aldur. Forstjóri Barnaverndarstofu telur að um 20 til 30 ungmenni þurfi á með-
ferð að halda árlega. Opna á sérstaka göngudeild fyrir þessi ungmenni í bráð.
BRAGI
GUÐBRANDSSON
TIL MIKILS AÐ VINNA Bragi Guðbrandsson, forstjóri Barnaverndarstofu, segir árangur
af meðferðarvinnu með unga kynferðisbrotamenn mikinn. Um þriðjungur gerenda í
kynferðisbrotamálum er nú undir átján ára aldri. Bragi telur að um það bil tuttugu til
þrjátíu ungmenni þurfi nú á meðferð að halda árlega. NORDICPHOTOS/GETTY
Óskar, ætlið þið að stokka
spilin?
„Er ekki „Stokkum upp“ ágæt þýðing
á „New Deal“?“
Sex mánaða uppgjör Reykjavíkurborgar
og aðgerðaáætlun verða lögð fram í
næstu viku. Svo gæti farið að ellefu millj-
arða umferðarstokki verði frestað. Óskar
Bergsson er formaður borgarráðs.
VIÐSKIPTI „Það ber nokkuð á því að
menn séu til í að lækka verðið
verulega til að flýta fyrir sölu,“
segir Pétur Þór Gunnarsson,
eigandi Gallerís Borgar, um lista-
verkasöluna um þessar mundir.
Hann nefnir dæmi um mynd
sem galleríið er með í umboðssölu
og var metin á um fjórar milljónir
fyrir ári en nú er eigandinn
tilbúinn til að selja hana á þrjár.
Eins er mynd eftir Tolla í gallerí-
inu sem metin hefur verið á 1,2
milljónir en nú býðst hún á 550
þúsund krónur.
Hann segir að nú, eins og venju-
lega þegar kreppi að, sé mikið
framboð af málverkum. „Þegar
framboðið er mikið lækkar verðið
náttúrulega. Ég tel að myndlist
hafi lækkað í verði síðustu mánuð-
ina um svona tuttugu prósent,“
segir hann.
Elínbjört Jónsdóttir, eigandi
Gallerí Foldar, segist ekki verða
eins vör við þessa þróun. „Eitt-
hvað höfum við orðið vör við það
að fólk sé að spá í það hvaða verk
sé best að selja til að losa um pen-
inga en það er þó ekki mjög mikið
af því,“ segir hún.
Pétur Þór segir að í Danmörku
hugi margir að listaverkum sem
fjárfestingu þegar kreppir það.
„En það er ekki hefð fyrir þessu
hér á landi en Kjarval verðfellur
ekki og týnist eins og hlutur í
Glitni,“ segir hann. - jse
Listaverk lækka verulega í verði þegar eigendur vilja flýta fyrir sölu:
Verk á hálfvirði í kreppunni
PÉTUR ÞÓR GUNNARSSON Lausafjár-
kreppa veldur því að nú gefst færi á að
kaupa málverk á verulega lágu verði.
LÖGGÆSLA „Það komu fjórir óeinkennisklæddir
lögreglumenn og skelltu mér í handjárn,“ segir Gísli
Guðmundsson, aðalræðismaður Suður-Kóreu, sem
átti sér einskis ills von, þar sem hann sat í
flugstöðvar byggingunni í Frankfurt í fyrradag og
beið eftir flugi heim.
Gísli hafði verið í Moskvu. Þar keypti hann
eftirlíkingu af vélbyssu í búð. Með henni fékk hann
pappíra á nokkrum tungumálum þess efnis að
byssan væri eftirlíking.
„Þetta var plastbyssa með einhverjum smá
málmi,“ útskýrir hann.
Þegar Gísli hélt frá Moskvu til borgarinnar
Samara í Rússlandi, þar sem hann ætlaði að veiða
villisvín og hitta vini sína, var taskan hans opnuð á
flugvellinum.
„Þeir hlógu eins og vitlausir menn þegar þeir sáu
byssuna; hvað maður á þessum aldri væri að gera
með svona leikfang,“ segir Gísli.
Í Samara var farangur Gísla bókaður til Íslands í
gegnum Frankfurt. Og á síðarnefnda flugvellinum
byrjaði ballið. Hann var handtekinn „fyrir framan
120 manns“ eins og hann segir og færður til þriggja
klukkustunda yfirheyrslu vegna byssunnar, sem
sést hafði í töskunni við öryggisleit. Af vélinni
missti hann, en er nú kominn heim. Plastbyssan er
enn í höndum þýsku flugvallarlögreglunnar. - jss
GÍSLI GUÐMUNDSSON Segir mjög neyðarlegt og leiðinlegt að
lenda í svona. En þegar fólk hafi hreina samvisku sé ekkert að
óttast.
Gísli Guðmundsson aðalræðismaður komst í hann krappan í Frankfurt:
Handtekinn vegna plastbyssu
MANNFAGNAÐUR Talsvert fjár-
magn mun streyma um götur
Borgarness á morgun. Það er
áhættufé þótt það rýrni minna en
annað fé um þessar mundir, að
sögn Gísla Einarssonar frétta-
manns. Hér á hann við sauðfé
enda stendur hann fyrir hátíð
sem hann kallar Sauðamessu,
ásamt Bjarka Þorsteinssyni. Hún
verður í Skallagrímsgarði, sem
Gísli segir vannýttan afrétt í
hjarta bæjarins.
Ókeypis kjötsúpa verður í boði
og fjöldi skemmtiatriða, meðal
annars keppni í ólympíugreinum
eins og sparðatíningi og fjár-
drætti.
Í lokin verður hlöðuball þar
sem ærlega verður skvett úr
klaufunum.
- gun
Sauðamessa í Borgarnesi:
Ærlega skvett
úr klaufunum
STJÓRMMÁL Dómsmálaráðuneytið
ætar að ýta úr vör verkefni á
sviði upplýsingatækni sem
kallast lögreglustöð á netinu.
Markmið þess er að koma á
gagnvirkum þjónustuvef
lögreglu þar sem almenningi
gefst meðal annars kostur á að
sækja um ýmiss konar leyfi hjá
lögreglu, sækja persónulegar
upplýsingar um sig; til dæmis
skoða punktastöðu og skráningu
persónuupplýsinga í lögreglu-
kerfinu og tilkynna eða kæra
tiltekin brot.
Óskar ráðuneytið eftir fimm
milljónum króna til verkefnisins
á fjárlögum næsta árs. - bþs
Nýjung í löggæslumálum:
Hægt verði að
kæra á netinu
DÓMSMÁL Hæstiréttur hefur
staðfest 65 milljóna króna
stjórnvaldssekt á hendur Árdegi
fyrir brot á samkeppnislögum.
Þetta kom fram í frétt á Vísi.is í
gær.
Samkeppniseftirlitið hafði
komist að því að Skífan, forveri
Árdegis, hefði misnotað markaðs-
ráðandi stöðu sína með því að gera
samninga við Hagkaup um sölu á
hljómdiskum og tölvuleikjum. Með
samningunum hefðu keppinautar
Skífunnar verið nánast útilokaðir
frá viðskiptum. Var um ítrekunar-
brot að ræða og félagið því sektað
um 65 milljónir króna. - ghs
Hæstiréttur um Árdegi:
Tugmilljóna
sekt staðfest
EFNAHAGSMÁL Hrafn Magnússon,
framkvæmdastjóri Landssam-
taka lífeyrissjóða, segir að
sjóðirnir neiti ekki viðræðum
við stjórnvöld um efnahags-
aðgerðir.
Gylfi Arnbjörnsson, fram-
kvæmdastjóri Alþýðusambands
Íslands, segir skoðun sambands-
ins þá að forsendur kunni að
vera fyrir aðkomu sjóðanna.
Hvorugur hafði þó heyrt í
stjórnvöldum í gær.
Gylfi segir ekki útilokað að
lífeyrissjóðir yrðu með, lægju
fyrir heildstæðar áætlanir, til
lengri og skemmri tíma.
„Það má vel vera að hægt yrði
að sannfæra lífeyrissjóðina um
þátttöku í aðgerðum. En við
verðum að hafa í huga að hér er
um lífeyrissparnað fólksins í
landinu að ræða.“
- ikh
LL og ASÍ tilbúin til viðræðna:
Ekkert rætt við
lífeyrissjóðina
VEÐUR Þétt snjókoma var á
höfuðborgarsvæðinu síðdegis í
gær og í gærkvöld og lagðist
snjóþekja yfir. Theodór Hervars-
son veðurfræðingur segir að hætt
sé við því að hálka geti verið á
götum í morgunsárið og ástæða
fyrir fólk að fara varlega á leið í
vinnuna í dag.
Í dag og á morgun er búist við
norðaustanátt og telur Theodór að
bjartviðri verði á Suðvesturlandi,
jafnframt þurrt og kalt. Á
sunnu dag er gert ráð fyrir að hlýni
en hvessi jafnframt. „Það verður
hlýtt eitthvað fram í næstu viku,“
segir hann. - ghs
Höfuðborgarsvæðið:
Hætta á hálku
eftir snjóinn
FYRSTA SNJÓKOMAN Fyrsta snjókoma
haustsins var á suðvesturhorni landsins í
gærkvöld. Búast má við hálku í dag.
SPURNING DAGSINS