Fréttablaðið - 11.10.2008, Page 6

6 11. október 2008 LAUGARDAGUR

Nýtt efni frumflutt
Erlent gæðapopp og gullmolar Gunnars Þórðarsonar
í glitrandi útsetningum Guitar Islancio
Aðgöngumiðaverð: 2.900.-
Miðasala er hafinn Salurinn.is
specials
I´m on an Island and I got Nowhere to run
Players laugardagskvöld 11. október
Þó útlitið sé dökkt þá er ljós í myrkrinu því
DÓRI Í TEMPÓ er kominn heim.
Sérstakir heiðursgestir Tempóstjörnurnar
Halldór Kristinsson og Þorgeir Ástvaldsson
Toggi og Dóri í Tempó taka að sjálfsögðu TRUE LOVE WAYS
Eftirpartíð hans Villa Vill boðið sérstaklega velkomið
Kolbrjáluð sixties stemning upp um alla veggi
Allar konur landsins fá frítt inn til miðnættis (24:00)
Auglýsingasími
– Mest lesið
VIÐSKIPTI Staða sparisjóðsins
Byrs er „sterk, hvort heldur sem
litið er til eiginfjárhlutfalls,
lausafjárstöðu, eða hluts
erlendra lána í starfseminni“.
Þetta kemur fram í tilkynningu
sem send var frá Byr í gær. Þar
segir að misskilnings hafi gætt á
ólíkri stöðu sparisjóðanna.
Tilefnið var umfjöllun Morg-
unblaðsins um áhrif erfiðleika
Existu á stöðu tveggja spari-
sjóða. Þar var nöfnum Byrs og
SPRON víxlað. Áréttað er að
engin tengsl eru á milli Byrs og
Existu.
„Að Byr standa fjórir samein-
aðir sparisjóðir og hefur Byr
talsverða sérstöðu að því leyti,“
segir í tilkynningunni. - hhs
Byr tengist ekki Existu:
Staða Byrs sterk
VIÐSKIPTI „Þróun mála er þyngri
en tárum taki,“ segir Lýður Guð-
mundsson, stjórnarformaður
Existu. Lýður og bróðir hans
keyptu í gær Bakkavör út úr
Existu fyrir 8,4 milljarða króna.
Þeir stofnuðu Bakkavör árið
1987 og hafa haldið um stjórnar-
tauma síðan. Þeir lögðu Bakka-
vör inn í Meið, sem síðar varð
Exista, fyrir sex árum.
Við þrot Kaupþings varð kjöl-
festueign Existu í bankanum að
engu. Markaðsverðmætið nam
134 milljörðum.
Lýður segir hlutinn hafa verið
skuldlausan og komi þrotið því
ekki eins harkalega við Exista og
annars væri. Höggið sé þó mikið
og sárt sé að hugsa til taps ann-
arra fjárfesta. Staða Existu sé
óljós enda hafi gríðarleg verð-
mæti glatast. Jafnframt eigi
Exista og tengd félög inneignir og
afleiðusamninga upp á tugi millj-
arða hjá íslenskum bönkum, sem
ekki hafa fengist greidd.
Lýður segir sölu Bakkavarar
neyðarráð til bjargar verðmæt-
um. Vegna stöðunnar dragi kaup-
in úr óvissu fyrir Bakkavör og
hluthafa þess, svo sem stærstu
lífeyrissjóðina. Exista hafi í vik-
unni selt stórar eignir, svo sem í
norrænu fjármálafyrirtækjunum
Sampo og Storebrand fyrir 210
milljarða. „Við vinnum að þessu
dag og nótt,“ segir hann.
- jab
Bakkabræður kaupa „barn“ sitt aftur til bjargar verðmætum eftir fall Kaupþings:
Þróunin þyngri en tárum taki
ÁGÚST OG LÝÐUR Sala Existu á Bakkavör
var neyðaraðgerð til bjargar verðmætum
hluthafa beggja félaga. FRÉTTABLAÐIÐ/VILHELM
EFNAHAGSMÁL Seðlabankinn hefur
sent viðskiptabönkunum tilmæli
um að takmarka sölu gjaldeyris
eftir forgangsflokkum. Ferðamenn
á leið úr landi þurfa að framvísa
farseðlum til að fá gjaldeyri keypt-
an.
Geir Haarde forsætisráðherra
sagði í gær að Seðlabankinn væri „á
fullu“ að vinna að því að fá gjald-
eyri til landsins en kvaðst ekki vita
hversu lengi þetta haftatímabil
muni vara. „Vonandi sem allra styst
og vonandi verður þetta komið í lag
á mánudaginn,“ sagði Geir á blaða-
mannafundi í Iðnó.
Í tilmælum Seðlabankans eru
nefnd dæmi um vörutegundir sem
„gætu til dæmis verið“ í forgangs-
flokki. Eru það matvara, lyf, olíu-
vörur og opinber kostnaður erlend-
is. Eitt dæmi er nefnt um það sem
bankarnir eiga ekki að nota erlenda
peninga í. „Forðast ætti að nýta
gjaldeyri sem kemur inn í bankana
til fjármálatengdra gjaldeyrisvið-
skipta af neinu tagi,“ segir í tilmæl-
unum.
Seðlabankinn ætlast þó ekki til að
tíma sé ekki eytt í að eltast við ein-
staka vöruflokka heldur kröftunum
einbeitt að háum fjárhæðum.
„Þar sem starfsmenn bankaúti-
búa þekkja best til sinna viðskiðpta-
vina væri eðlilegt að þeir hefðu með
höndum mat á því hvort beiðnir um
gjaldeyriskaup vegna innflutnings
eru vegna nauðsynlegs innflutnings
á vöru og þjónustu. Yfirmenn
ábyrgðust sölu gjaldeyrisins og
gætu leitað til Seðlabankans til að
fá úrskurð ef vafi léki á nauðsyn,“
segir í tilmælunum þar sem þess er
krafist að bankar sem njóta fyrir-
greiðslu Seðlabankans geri honum
„sundirliðaða grein fyrir öllum
gjaldeyrisviðskiptum sínum í lok
hvers dags.“
Skúli J. Björnsson, formaður
Félags íslenskra stórkaupmanna,
kveðst hafa skilning á tímabundn-
um aðgerðum Seðlabankans.
„Þegar gjaldeyrir er af svo skorn-
um skammti hlýtur þjóðarheill að
ráða og nauðsynjavörur á borð við
mat og lyf settar í forgang. En auð-
vitað ber stjórnvöldum að sjá til
þess að gjaldeyrisviðskiptin geti
verið eðlileg. Til þess að erlendir
aðilar treysti sér til að eiga viðskipti
við Íslendinga er grundvallaratriði
að menn geti greitt sínar skuldbind-
ingar. Við trúum að þetta verði
komið í eðlilegt horf strax í næstu
viku,“ segir Skúli Björnsson.
gar@frettabladid.is
Skammta gjaldeyri
fyrir nauðsynjum
Seðlabankinn beinir því til bankanna að setja nauðsynjavörur í forgang við
sölu erlends gjaldeyris. Forsætisráðherra vonar að ástandið lagist á mánudag.
Stórkaupmenn hafa skilning á tímabundnum aðgerðum til verndar þjóðarheill.
FORSÆTISRÁÐHERRA
Geir Haarde gengur til
fundar við fréttamenn
í Iðnó í gær. Forsætis-
ráðherra vonast til að
gjaldeyrisviðskipti verði
eðlileg eftir helgi.
FR
ÉTTA
B
LA
Ð
IÐ
/VILH
ELM
Telur þú að milliríkjadeila
sé skollin á milli Íslands og
Bretlands?
Já 64%
Nei 36%
SPURNING DAGSINS Í DAG:
Hyggur þú á utanlandsferð í
vetur?
Segðu skoðun þína á vísir.is
HEILBRIGÐISMÁL Lyf ætti
ekki að skorta í landinu á
næstunni. Guðlaugur Þór
Þórðarson heilbrigðis-
ráðherra segir að í heil-
brigðisráðuneytinu hafi
verið brugðist skjótt við
alvarlegum atburðum í
efnahagslífinu og farið
hafi verið yfir birgða-
stöðuna í landinu. Vegna
gjaldeyriskreppu eru öll
innkaup mjög erfið þar á meðal á
lyfjum.
Guðlaugur segist hafa sent út
tilkynningu til allra heilbrigðis-
stofnana í landinu snemma morg-
uns á þriðjudag. Í henni var lögð
áhersla á að erfiðleikar riðu yfir
íslenskt þjóðfélag og voru allir
heilbrigðisstarfsmenn
hvattir til að hafa augun
opin og gæta sérstaklega
að fólki sem hætt væri
við að lent gæti í erfið-
leikum vegna ástandsins í
fjármálaheiminum.
Tvö dreifingarfyrir-
tæki eru með yfir 90 pró-
sent af öllum lyfjum í
landinu. Eftir að farið hafi
verið yfir birgðir hafi
komið í ljós að þau eiga um og
yfir þriggja mánaða lager af lyfj-
um.
Þá hafi Landlæknisembættinu
verið falið að fylgjast með að til-
mælum ráðuneytisins sé fylgt og
mun ráðuneytið þess utan vera í
daglegu, milliliðalausu sambandi
við stofnanir á borð við Heilsu-
gæslu höfuðborgarsvæðisins og
Landspítalann, auk stofnana utan
Höfuðborgarsvæðisins. - kdk
Heilbrigðisráðuneytið hefur farið yfir birgðastöðuna á lyfjum:
Þriggja mánaða lyfjabirgðir í landinu
LYF Heilbrigðisráðherra hefur hvatt alla
heilbrigðisstarfsmenn til að hafa augun
opin og gæta að fólki sem á um sárt að
binda.
GUÐLAUGUR ÞÓR
ÞÓRÐARSON
KJÖRKASSINN