Fréttablaðið - 11.10.2008, Page 24

● Forsíðumynd: Stefán Karlsson tók mynd á heimili Margrétar Einarsdóttur Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar: Roald Eyvindsson roald@frettabladid.is, Emilía Örlygsdóttir
emilia@frettabladid.is og Hrefna Sigurjónsdóttir hrefna@frettabladid.is Auglýsingar: Hlynur Steingrímsson
s. 512 5439 Útlitshönnuður: Kristín Agnarsdóttir kristina@frettabladid.is.
● heimili&hönnun
Listakonan Jónína Sæmundsdóttir, eða Nína eins og hún var
jafnan kölluð, fæddist, í Nikulásarhúsum í Fljótshlíð árið 1892.
Hún nam myndlist við Tekniske skole í Kaupmannahöfn á árun-
um 1915 og 16, þá aðeins 23 ára gömul. Að svo búnu fór hún í
Konunglegu listaakademíuna þar sem hún var við nám til 1920.
Þrátt fyrir heilsuleysi vegna berkla fór Nína til Rómar þar sem
hún sinnti myndlist sinni í eitt ár árið 1920. Sex árum síðar fluttist
hún til New York, þar sem henni bauðst að sýna, en flutti síðar til
Hollywood þar sem hún bjó í 30 ár. Hún var vinsæll portrettlista-
maður í Bandaríkjunum og mjög hæfileikarík. Meðal verka sem
eftir hana liggja vestra er Afrekshugur sennilega þeirra þekkt-
ast, sem hún vann fyrir Waldorf Astoria hótelið í New York árið
1931. Einnig vann hún minnsvarða um Leif Eiríksson í Los Angel-
es árið 1936. Nína var alltaf íslenskur ríkisborgari og tók þátt í ís-
lensku listalífi. Hún sýndi hér á landi höggmyndir og málverk en meðal höggmynda eftir hana má nefna Móður-
ást í Lækjargötu í Reykjavík, Maríumynd í Selfosskirkju og styttuna af Nonna sem stendur við Nonnahús á Akur-
eyri. Nína Sæmundsdóttir lést árið 1965.
Í ALDANNA RÁS
Stórir draumar sveitastúlku rætast
● HIRSLA FYRIR DISKA HJÁLP-
AR UPP Á SKIPULAGIÐ Þegar
þrengist um fjárhaginn hjá fólki er vert að
gefa gaum að því sem til er á heimilinu og
nýta það. Nægir þar að nefna góðar kvik-
myndir á DVD diskum sem fengið hafa að
eldast í friði án þess að nokkur hafi hirt
um þær en eru þó enn í fullu gildi. Einnig
geisladiska sem kannski hafa verið sjaldan
spilaðir síðustu mánuði en geyma gamla
uppáhaldstónlist sem gaman er að rifja
upp.
Þeir sem vilja koma skipulagi á slíka fjár-
sjóði geta fengið heppilega standa í versl-
unum Pier sem hægt er að stafla hverjum
ofan á annan og mynda þannig hillur.
Hver eining í geisladiskastandinum
kostar 990 krónur og í DVD-standinum
1.990 krónur.
Margrét Einarsdóttir, eigandi
verslunarinnar Sia, vill hafa fal-
legt og notalegt í kringum sig.
„Ég kveiki alltaf á kertum
þegar ég kem heim en það lífgar
upp á tilveruna sem veitir ekki af
þessa dagana. Ég held að það sé
mikilvægt að reyna að slappa af
og njóta augnabliksins með fjöl-
skyldunni,“ segir Margrét þar
sem hún lætur fara vel um sig í
uppáhaldshorni heimilisins. „Það
má ekki gleymast í allri kreppu-
umræðunni.“
Margrét hefur ávallt haft auga
fyrir fallegum hlutum og varð
það til þess að hún keypti Sia
fyrir ári. Verslunin flutti inn í
Tekk Company í sumar en er þó
rekin sér.
Margrét segist skipta um kerti
og skraut eftir árstíðum en þó
halda sig við sama grunn. „Ég er
með sófasett úr Tekk Company
en breyti svo til með því að skipta
um smávöru. Ég nota mikið gler
og kerti og er sérstaklega hrif-
in af silkiblómum. Þau má setja í
vatn sem gerir það að verkum að
þau virka mjög raunveruleg.“
Á stofuborðinu er Margrét með
stóran bakka fullan af kertum en
auk þess dreyfir hún kertalukt-
um um alla stofuna. „Ég er mest
fyrir jarðliti en er þó mjög hrif-
in af fjólubláum lit sem stend-
ur. Um jólin er ég hrifnust af
hvítu, gylltu og silfruðu í bland
við rautt.
- ve
Kveikir alltaf á kertum
● Þegar fagurkerinn Margrét Einarsdóttir vill breyta til á heimilinu skiptir hún út smávöru
eins og blómum og kertum. Hún dreifir kertum í kringum sig að lífga upp á tilveruna.
Margrét hefur ávallt haft gaman að því að skreyta í kringum sig. FRÉTTABLAÐIÐ/STEFÁN
Margrét skiptir út smávöru og kertum
þegar hún vill breyta til.
Sportlínan
frá Miele
11. OKTÓBER 2008 LAUGARDAGUR2