Fréttablaðið - 16.10.2008, Blaðsíða 46
26 16. október 2008 FIMMTUDAGUR
menning@frettabladid.is
> Ekki missa af
Ný danskri á Akureyri. Sveitin
verður með tvenna tónleika á
Græna hattinum á laugardag
kl. 20 og 23. Þar frumflytja
þeir Turninn í heild sinni
auk þess að kíkja í skjóðuna
sem geymir öll gömlu lögin.
Hljómsveitin fagnaði 20 ára
afmæli í fyrra og sendi frá
sér nýtt lagasafn, Turninn í
vikunni. Forsala fer fram í
Pennanum, Akureyri.
Tekið hefur til starfa sýning-
arrýmið 101 Projects. Eins og
nafnið gefur til kynna er 101
Project á vegum 101 Gallery
og byggir á grunni þess, enda
rekið í sama húsnæði. Í sýning-
arrýminu 101 Projects verður
áfram boðið upp á samtíma-
myndlist, með aukinni áherslu
á sýningar framsækinna,
alþjóðlegra myndlistarmanna.
Listrænn stjórnandi 101
Projects er Birta Guðjónsdóttir.
Heiðurinn af fyrstu
sýningunni í hinu endurskírða
sýningarrými fær ísraelska
myndlistakonan Tamy Ben-Tor.
Hún hefur að mestu starfað á
sviði myndbandsverka, en er
jafnframt þekkt fyrir gjörninga
sína, sem hún hefur flutt við
mikil fagnaðarlæti í leikhúsum,
á gjörningahátíðum og nætur -
klúbbum. Hún kemur sjálf
fram í verkum sínum, bregður
sér í ýmis gervi og leikur
karaktera, sem hún byggir
á þekktum erkitýpum. Verk
hennar eru full af gálgahúmor
og beittri gagnrýni Ben-Tor
á hennar eigin persónulegu
aðstæður.
Á sýningunni í 101 Projects,
sem opnuð verður í kvöld kl.
18, verða sýnd ný myndbands-
verk. Þess ber að geta að sýn-
ingin er hluti af listahátíðinni
Sequences sem staðið hefur
yfir síðustu daga við mikinn
fögnuð íslenskra listunnenda.
Sýningin stendur svo til 16.
nóvember. -vþ
Gallery verður Projects
MYNDBANDALIST Hluti úr verki eftir
Tamy Ben-Tor.
Kl. 20
Haldnir verða tónleikar í Norræna
húsinu í kvöld kl. 20 á vegum
listahátíðarinnar Sequences, en
henni lýkur senn. Á tónleikunum má
sjá og heyra afraksturinn af sam-
starfi Bjarkar Viggósdóttur og
bandarísku listakonunnar Caroline
Mallonée. Ásamt þeim koma fram
Borgar Magnason, Hákon Aðal-
steinsson og Kristín Marínella
Friðjónsdóttir. Aðgangur er ókeypis.
Adiga fær Booker
Indverski rithöfundurinn
Aravind Adiga hlaut í fyrradag
hin eftirsóttu Booker-
bókmenntaverðlaun fyrir
skáldsögu sína The White
Tiger.
Bókin fjallar um
viðskiptagosann Balram Halwai
sem lýgur, prettar og svíkur sig
úr sárri fátækt upp í hæstu
hæðir blómstrandi
viðskiptalífsins í Bangalore.
Halwai er sögumaður
bókarinnar og er því sem sagt
sannkölluð andhetja. Dómarar
Booker-verðlaunanna voru þó
sammála um að Adiga takist
merkilega vel upp með að halda
samúð og áhuga lesandans með
Halwai, þrátt fyrir ógeðfellda
hegðun hans og hugsanagang.
Nokkra athygli vekur að The
White Tiger er fyrsta útgefna
skáldsaga Adiga. Hann er fjórði
höfundurinn sem vinnur til
Booker-verðlauna fyrir sína
fyrstu bók, en seinastur til að
vinna það afrek var DBC Pierre
árið 2003. Adiga er að auki
næstyngsti vinningshafinn til
þessa, aðeins 33 ára gamall.
Yngsti vinningshafinn var Ben
Okri sem vann árið 1991, þá 32
ára gamall. Adiga þótti framan
af ekki sérlega sigurstranglegur,
enda atti hann kappi við reynda
höfunda á borð við Sebastian
Barry og Amitav Ghosh.
Formaður Booker-
dómnefndarinnar, Michael
Portillo, sagði keppnina hafa
verið óhemjujafna í ár en bók
Adiga hafi einfaldlega verið
nægilega sláandi til þess að
hljóta verðlaunin.
- vþ
Fjórir dansar frumsýndir
Íslenski dansflokkurinn
frumsýnir í kvöld samsetta
dagskrá með fjórum nýjum
dansverkum eftir fjóra
íslenska dansahöfunda. Allt
eru þetta dúettar, samdir
fyrir tvo dansara.
Höfundar þessara nýju verka eru
Gunnlaugur Egilsson, Lára Stef-
áns dóttir, Peter Anderson og
Sveinbjörg Þórhallsdóttir. ÍD
lofar fjölbreyttri kvöldstund með
samblandi af drama, húmor,
dulúð, rómantík og síðast en ekki
síst fallegum og tilfinningaríkum
dansi.
Djöflafúgan eftir Gunnlaug
Egilsson fjallar um tvær mann-
eskjur og togstreitu þeirra milli
veruleika og ímyndunar. „Stund-
um eru þær samhljóma en oft á
flótta í sitt hvora áttina,“ segir í
kynningu verksins. Gunnlaugur
hefur um langt árabil starfað í
Svíþjóð sem dansari en hefur
samið fjölda verka, unnið við gerð
tónlistarmyndbanda og komið að
nokkrum stuttmyndum sem dans-
höfundur.
Peter Anderson á verkið Ekki
beint, kannski á sýningunni í
kvöld: „Getur sönn vinátta sprott-
ið af átökum og togstreitu?“ spyr
hann í aðfararorðum: „Stundum
lærum við að meta fólk með því
að takast á við það – þegar ýmis-
legt óvænt brýst upp á yfirborð-
ið.“ Peter Anderson hefur starfað
hjá dansflokkum víða um Evrópu
og hefur verið fastráðinn dansari
hjá ÍD frá árinu 2001.
Konurnar tvær sem eiga verk á
dagskrá kvöldsins eru Lára Stef-
áns dóttir og Sveinbjörg Þórhalls-
dóttir. Lára er eldri í hettunni, hóf
störf hjá ÍD þegar flokkurinn var
stofnaður og var þá búin að dansa
frá blautu barnsbeini. Hennar
verk kallast Svanurinn: „Lítið
ævintýri um mann sem hvílist í
faðmi fölnandi minninga sem
birtast í vitund hans eins og ljós
og skuggar. En í djúpi hjarta hans
þekkir hann leyndardóma daga
sinna og drauma.“ Lára Stefáns-
dóttir hefur samið fjölda dans-
verka fyrir ÍD, Pars pro toto og
öll helstu leikhús landsins. Lára
hefur unnið til fjölda verðlauna
fyrir verk sín, m.a. fyrir Lúnu og
Elsu, en bæði verkin samdi hún
fyrir ÍD og hefur flokkurinn sýnt
þau víða um heim.
Yngri er Sveinbjörg Þórhalls-
dóttir en hennar verk kallast
Skekkja: „Þráhyggja og persónu-
leikaröskun fólks tekur á sig
ýmsar birtingarmyndir og hefur
áhrif á hversdagslegar athafnir
þess. Tilvera einstaklinga skekk-
ist sem og samband þeirra á
mili.”
Sveinbjörg hefur viðtæka
reynslu sem dansari og danshöf-
undur og hefur unnið við upp-
færslur í öllum atvinnuleikhús-
um Reykjavíkur. Sveinbjörg
hefur samið fjölda dansleikhús-
verka í samstarfi við listamenn
úr ólíkum listgreinum.
pbb@frettabladid.is
LEIKLIST Hannes Þór Egilsson og Emilía
Benedikta Gísladóttir í Svaninum eftir
Láru Stefánsdóttur. MYND ÍD/GOLLI
Hér er ko
mið nýtt v
erkefni
fyrir spæjarann snjalla,
Fjóla Fíf ils!
„... grín og gaman í hverri setningu.“
hildur loftsdóttir, morgunblaðinu
Um Fjóli Fíf ils – Skuggaúrið:
NÝ BÓK
Skilaboðaskjóðan
Þorvaldur Þorsteinsson og Jóhann G. Jóhannsson
Geysivinsælt ævintýri fyrir alla fjölskylduna!
sun. 19/10 örfá sæti laus
Macbeth
William Shakespeare
Blóð vill blóð...
Ekki missa af ögrandi sýningu
Takmarkaður sýningafjöldi
Klókur ertu, Einar Áskell
Bernd Ogrodnik
Heillandi og krúttleg brúðusýning fyrir yngstu börnin
sun. 19/10 tvær sýningar örfá sæti laus
Hart í bak
Jökull Jakobsson
Ástsælt verk sem hittir okkur öll í hjartastað
Frumsýning 17. október
Örfá sæti laus á fyrstu átta sýningar
www.leikhusid.is
ÞJÓÐLEIKHÚSIÐ
Þjóðleikhúsið
Miðasala í síma 551 1200 og á www.leikhusid.is
Sá ljóti
Marius von Mayenburg
Nú á leikferð um landið,
sýningar í Reykjavík
í nóvember
Utan gátta
Sigurður Pálsson
Snarskemmtileg
sýning í Kassanum
Frumsýning 24. október
Ástin er diskó, lífið er pönk
Hallgrímur Helgason
Ekki missa af eldfjörugum söngleik og ekta diskófjöri!
lau. 18/10 uppselt, sýningum lýkur í nóvember