Fréttablaðið - 16.10.2008, Blaðsíða 48
28 16. október 2008 FIMMTUDAGUR
bio@frettabladid.is
Á morgun frumsýnir Myndform kvikmyndina Konur.
Myndin skartar hópi þrautþjálfaðra leikkvenna með
þær Meg Ryan og Annette Bening í broddi fylkingar.
Hér er á ferðinni endurgerð á samnefndri mynd frá
1939 sem George Cukor vann eftir að hann var rekinn
frá Gone with the wind. Mynd sú er sögufræg: 130
konur konu fram í henni og þar var safnað saman
öllum helstu leikkonum MGM á sínum tíma. Myndin
er gerð eftir samnefndu leikriti eftir Claire Booth
Luce sem sýnt var á Broadway 1936, en handritið
vann hún árið 1939 ásamt Anitu Loos með aðstoð F.
Scott Fitzgerald.
Þessi nýja uppsuða úr hárbeittri sýn á stöðu
velmegandi kvenna á Manhattan á fjórða áratugnum
er tilkomin vegna áhuga Diane English, leikstjóra,
handritshöfundar og framleiðanda sem á að baki hina
vinsælu þætti um Murphy Brown sem hér voru
sýndir fyrir margt löngu. Meðal annarra leikkvenna
sem koma fram í þessari nýju gerð er Candice
Bergen. Önnur þekkt andlit sem sjást í nýju gerðinni
eru Debra Messing, Jada Pinkett Smith, Carrie
Fisher og Bette Midler.
Konur er kómedía um konur í stórborg, heim giftra
kvenna sem búa við velsæld, ekki ólíkt því sem við
þekkjum úr Sex and the City, utan þær eru ögn eldri
og komnar í hjónaband. Vinátta og vantraust,
framhjáhald og fleðuskapur eru blandan í þessum
kokteil, sem lýsir fáguðu lífi sem byggir þó á sömu
gildum og byggja upp vinahóp og kunningja. - pbb
Í kvennafans á Manhattan
Kvikmyndin Sex Drive
verður frumsýnd í
kvikmyndahúsum á Íslandi
og í Bandaríkjunum á
morgun. Segja fróðir menn
að hér sé kominn réttmætur
arftaki American Pie-
myndanna.
Í Sex Drive fylgja áhorfendur
eftir hinum seinheppna Ian, 18 ára
gömlum Bandaríkjamanni, sem á
sér þann draum heitastan að missa
sveindóminn áður en hann hefur
háskólanám að hausti. Honum
gengur illa að nálgast konur í
sumarstarfi sínu sem
kleinuhringjasölumaður og þykir
botninum endanlega náð þegar
yngri bróðir hans nær sér í
kærustu.
Ian leitar á náðir veraldar -
vefjarins og kynnist þar hinni
sjóðheitu Ms. Tasty sem gefur
honum til kynna að hún sé til í
tuskið. Vandinn er bara sá að Ian
þarf að komast frá Chicago til
Flórída til þess að láta drauminn
rætast. Hann tekur því bíl eldri
bróður síns traustataki og leggur
af stað í langferð yfir Bandaríkin
ásamt tveimur bestu vinum sínum
til móts við manndóm sinn og örlög.
Það þarf vart að taka það fram að
ferðalangarnir lenda í ýmsum
ævintýrum á leiðinni og fullorðnast
talsvert.
Sex Drive er markaðssett sem
arftaki American Pie-myndanna,
en sá ágæti bálkur naut mikilla
vinsælda um heim allan í lok
tuttugustu aldarinnar og blábyrjun
þeirrar tuttugustu og fyrstu.
Yrkisefni myndanna eru enda
svipuð; ástin, lífið og ekki síst
kynlífið. Myndirnar fjalla um hið
viðkvæma skeið þegar
unglingsárunum er við það að ljúka
og alvara fullorðinsáranna að taka
við og þær takast á gamansaman
hátt á við hin margvíslegu
vandamál sem að fólki steðja á
þessum aldri. Það þarf vart að
minna kvikmyndaáhugafólk á að
American Pie-myndirnar urðu að
lokum svo margar að ekki er
hlaupið að því að henda reiður á
endanlegum fjölda þeirra. Fróðlegt
verður að sjá hvort Sex Drive-
veldið verður jafnmikið um sig
þegar upp er staðið.
Kvikmyndagerðarfólkið sem
stendur að Sex Drive hefur komið
víða við í kvikmynda- og
sjónvarpsbransanum vestanhafs.
Leikstjóri myndarinnar er Sean
Anders, en hann er einnig annar
handritshöfunda ásamt John
Morris. Nú er bara að bíða og sjá
hvort þeir félagar hafa náð að seiða
fram grínsmell vetrarins.
vigdis@frettabladid.is
Ekið inn í fullorðinsárin
KVIKMYNDIR Hópur kvenna í safaríkum hlutverkum. Annette
Bening í hlutverki sínu í Konum sem sýnd er í Háskólabíói og
Laugarásbíói. MYND: MYNDFORM
Sænski kvikmyndaleikstjórinn Roy Anderson
og framleiðandi hans Pernilla Sandström fengu
í gær kvikmyndaverðlaun Norðurlandaráðs
2008 fyrir kvikmyndina Þið, sem lifið: „Í
þessari stórkostlegu kvikmynd Þið, sem lifið
veltir Roy Andersson fyrir sér lífinu, dauðan-
um og veikleikum mannskepnunnar. Með
einstökum stílog tilþrifum í myndatöku og
frásagnartakti vekur þessi sinfónía daglegs lífs
okkur til umhugsunar um gildi kvikmynda, en
kennir okkur líka að skynja kvikmyndafrásögn
á nýjan hátt. Í stað hefðbundinnar línulegrar
frásagnar er Þið, sem lifið gerð úr röð sam-
settra atriða, sögubrotum úr heimi sem er í
senn dapur og afkáralega fyndinn. Þessar
meinfyndnu og tragísku svipmyndir sýna
okkur manninn í sinni fegurstu og ljótustu
mynd, þær koma okkur til að hlæja og vekja
okkur til umhugsunar. Í stuttu máli minnir Þið,
sem lifið okkur á kosti kvikmyndarinnar, að
hún getur miðlað afar persónulegri sýn á
heiminn,“ segir í áliti dómnefndar. Myndin
var frumsýnd í Cannes 2007 í Un Certain
Regard-keppninni. Hún var framlag Svía til
Óskarsverðlaunanna. Hún vann einnig til
Gullþrennu-verðlaunanna í Chicago í ár og
er tilnefnd til Evrópsku kvikmyndaverðlaun-
anna. Anderson sagði í gær verðlaunin hafa
mikla þýðingu: „ Ég tel ástæðu til að hrósa
Norðurlandaráði fyrir viðleitni til að setja
kvikmyndina á stall og meta sem æðri list,
eins og gert hefur verið með öðrum verð-
launum fyrir tónlist og bókmenntir. En auk
þess heiðurs sem verðlaunin eru mér skipta
þau einnig máli í raun, vegna þess að
peningarnir sem fylgja viðurkenningunni
veita mér einstakt tækifæri til að flýta
rannsókn og handritagerð fyrir næstu
kvikmynd mína, en þar mun mér gefast
tækifæri til að nýta nýja tækni.“
Roy vann verðlaun Norðurlandaráðs
TIL MÓTS VIÐ ÖRLÖGIN Þrjár aðalpersónur Sex Drive komast í hann krappann á ferð sinni um Bandaríkin.
Baader Meinhof Komplex, kvik-
mynd Uli Edel, skekur nú þýskt
samfélag en hún var frumsýnd í
þýskumælandi löndum 25.
september. Þykir ýmsum nóg
um þá athygli sem upprifjun á
blýárum Evrópu vekur. Myndin
er að fara hinn hefðbundna rúnt
um Evrópu. Hún verður sýnd á
kvikmyndahátíðinni í London í
nóvember. Hún var frumsýnd í
Svíþjóð í gær, en ekki er vitað
um frumsýningu hennar hér á
landi enn.
Í Danmörku verður hún frum-
sýnd í apríl, en þar í landi eru
menn líka uppteknir af slóð
hermdarverkamanna.
Baader Meinhof Komplex
byggir á stórri rannsókn sem
kom út á bók. Skyldur hópur
borgarskæruliða í Danmörku,
Blekinggadebanden, hefur líka
fengið sitt rannsóknarverk í
tveimur bindum sem eru efni-
viður í kvikmyndir. Stóð lengi í
vetur mikill slagur milli Dan-
marks Radio og Zentropa og
TV2 um rétt á sögunni og er nú
að skýrast að tvær langar sjón-
varpsseríur verða í boði á
dönsku sjónvarpsstöðvunum í
vetur sem fjalla um efnið frá
ólíkum sjónarhólum.
Andstætt blóði drifinni slóð
Baader Meinhof í bankaránum,
sprengjuárásum og átökum við
lögreglu, var hópurinn í Blek-
inggade bara í bankaránum,
þótt þar félli einn lögreglumað-
ur. Hópurinn rændi fjölda banka
og kom ránsfengnum í hendur
PFLP, samtaka til frelsunar
Palestínu. Þeir voru handteknir
um síðir rétt eins og Baader
Meinhof-hópurinn og dæmdir í
fangelsi. Fæstir félagar þýska
hópsins kembdu hærurnar:
forystumenn hans styttu sér
aldur í Stamheim-fangelsinu
sem byggt var yfir þau. Ekki er
vitað til að íslenskar sjónvarps-
stöðvar hafi tryggt sér þessar
væntanlegu þáttaraðir.
- pbb
Terroristamyndir
KVIKMYNDIR Stríðið gegn ríkinu
– kunn forsíða Spiegel eftir ránið á
Schleyer.
KVIKMYNDIR Roy Anderson
hlaut kvikmyndaverðlaun
Norður landaráðs.
> Gekko snýr aftur
Kvikmyndafyrirtækið Twentieth
Century Fox hyggst, í ljósi atburða
á efnahagsmörkuðum heimsins,
hraða framleiðslu framhalds mynd-
ar um ævintýri auðmannsins
gráðuga Gordons Gekko, sem
Michael Douglas túlkaði á
ógleymanlegan hátt í kvikmyndinni
Wall Street. Í nýju myndinni þarf
Gekko að takast á við
óstöðuga fjármálamark-
aði 21. aldarinnar.