Fréttablaðið - 25.10.2008, Síða 8

8 25. október 2008 LAUGARDAGUR
Jonas Gahr Støre, utanríkisráð-
herra Noregs, hóf umræður í
stórþinginu á því að lýsa alvöru
kreppunnar á Íslandi og vilja
norskra stjórnvalda til að hjálpa
bræðraþjóð í Atlantshafi. Forsæt-
isráðherrann og ráðherrar í ríkis-
stjórninni hafi fylgst grannt með
þróuninni á Íslandi og sendinefnd
var send hingað til lands.
„Norðmenn taka jákvætt í það
að styðja Ísland. Staðan sem
komin er upp á Íslandi er flókin
og krefst þess að farið sé vel yfir
hana. Við höfum lagt áherslu á að
hugsanlegur norskur og norrænn
stuðningur grundvallist á þörfum
og óskum Íslendinga,“ sagði
hann.
Anna Margrethe Larsen, þing-
maður Vinstriflokksins, sagði að
Norðmenn hefðu hagsmuni af því
að koma í veg fyrir að efnahagur
nágrannaríkis hryndi. Ef allt færi
á versta veg þá færði það
kreppuna nær Norðmönnum.
Bjørg Tørresdal, þingmaður
Kristilega þjóðaflokksins, gagn-
rýndi norsk stjórnvöld fyrir að
hafa brugðist seint við. „Það vakti
undrun þegar við sáum upplýs-
ingar um að Íslendingar sæju sig
neydda til að hefja viðræður við
Rússland um stórt lán. Við hefð-
um búist við að viðbrögðin frá
norskum og norrænum stjórn-
völdum hefðu verið sterkari og
sneggri,“ sagði hún.
Sænskir þingmenn lýstu
áhyggjum yfir því hvað Rússum
gengi til að bjóða Íslendingum lán
og bentu á að Íslendingar hefðu
ekkert varnarlið lengur.
Finn Bengtsson, þingmaður
sænska hægriflokksins, velti upp
spurningu um hvort Rússar gætu
fengið efnahagsleg völd á Íslandi
í samningaviðræðum milli þjóð-
anna um lán. Mats Odell, við-
skiptaráðherra Svía, sagði að
Svíar vildu hjálpa Íslendingum.
„Íslendingar eru í skipum og um
borð í flugvélum á leið til Brussel
til að sækja um aðild að Evrópu-
sambandinu,“ sagði Johan
Pehrsson, þingmaður í sænska
miðjuflokknum.
Göran Montan, í sænska hægri-
flokknum, taldi að sjálfstæði og
tilvera Íslands væri í hættu ef
íslenska þjóðin fengi ekki aðstoð.
„Hvað myndu efnahagslegar
skuldbindingar gagnvart Rúss-
landi þýða fyrir sjálfstæði
Íslands,“ spurði hann. „Maður
þarf nefnilega ekki að hafa grun
um samsæri til að fá grunsemdir
um að ástæðurnar fyrir vilja
Rússa til að aðstoða Íslendinga
séu eitthvað annað en saklausar.“
Danskir stjórnmálamenn taka
jákvætt í aðstoð við Íslendinga.
ghs@frettabladid.is
Við hefðum búist við að
viðbrögðin frá norskum
og norrænum stjórnvöldum
hefðu verið sterkari og sneggri.
BJØRG TØRRESDAL
ÞINGMAÐUR KRISTILEGA ÞJÓÐARFLOKKS-
INS.
Ísland leitar til Alþjóðagjaldeyrissjóðsins
Allir
krakkar sem
mæta fá fría
jólahúfu
Erum staðsett í sama húsi og Office1 Skeifunni 17
Kíkið við á alvöru jólamarkað. Jólapappír, jólakort, jólagjafir, seríur og allt sem tengist jólunum á ótrúlegu verði.
í boði Nóa Siríus í
dag frá kl. 13 - 16
Heitt Súkkulaði
og piparkökur
UTANRÍKISRÁÐHERRA NOREGS Jonas
Gahr Støre, utanríkisráðherra Noregs,
ásamt Valgerði Sverrisdóttur.
Norrænir þingmenn
óttast rússneskt lán
Íslensk efnahagsmál komu til umræðu á norrænu þingunum í vikunni. Norsk
stjórnvöld voru gagnrýnd fyrir að hafa ekki brugðist nógu snemma við. Íslend-
ingar eru í skipum og flugvélum á leið til Brussel, segir sænskur þingmaður.
„Ég er mjög hugsi yfir þeirri
stöðu sem er að koma upp og verð
að segja það að ég vildi að við
ættum fleiri og betri kosti um að
velja,“ sagði Steingrímur J. Sig-
fússon, formaður Vinstri grænna,
eftir að ríkisstjórnin hafði kynnt
formönnum stjórnarandstöðu-
flokkanna umsókn um lán hjá
Alþjóðagjaldeyrissjóðnum.
Guðni Ágústsson, formaður
Framsóknarflokksins, og Guðjón
Arnar Kristjánsson, formaður
Frjálslynda flokksins, voru eins
og Steingrímur afar þungbúnir
þegar þeir gengu af fundi ríkis-
stjórnarinnar. „Við erum búin að
vera að horfa á þetta ferli núna í
þrjár vikur og nú eru menn komn-
ir í einhverja stöðu sem er kannski
bara endapunktur í því sem ríkis-
stjórnin sér fram undan í þessum
málum. Það er auðvitað á hennar
ábyrgð að fara með þessi mál eins
og hefur verið gert,“ sagði Guð-
jón. Steingrímur tók undir með
Guðjóni að undanfarnar þrjár
vikur hefðu ekki spilast vel. „Að
sjálfsögðu eru engir góðir kostir í
stöðunni, það er öllum ljóst. En að
þeir yrðu að lokum svona hroða-
lega þröngir finnst mér hart að
þurfa að horfast í augu við. Og ég
tel að menn hefðu getað notað tím-
ann betur, reynt fleiri leiðir og
haldið fleiri möguleikum opnum.
Þar segi ég enn og aftur, að ég eig-
inlega skil það ekki, að það skyldi
ekki reynt að samræma norrænar
aðgerðir okkur til stuðnings.“
Hvorki Guðni né Guðjón kváð-
ust lofa stuðningi sinna flokka við
lántökuna. Steingrímur tók enn
dýpra í árinni. „Ég get engu lofað
um slíkt og frekar hið gagn-
stæða,“ sagði hann.
Aðspurður um deilu Íslendinga
og Breta sagðist Guðni hafa mót-
mælt því alla tíð að Íslendingar
tækju á sig meiri byrðar vegna
IceSave-reikninga en þeim bæri
og gagnrýndi framgöngu ríkis-
stjórnarinnar.
„Það þýðir ekkert annað en að
taka fast á þessum Bretum. Það
er okkar vandamál í dag að hafa
ekki gengið strax til orrustu við
þá þegar þeir settu á okkur
hryðjuverkalöggjöf og fóru með
okkur eins og glæpamenn um
allan heim og eyðilögðu okkar
viðskiptakerfi. Það eru ein af
þeim mistökum sem ríkisstjórnin
stendur frammi fyrir,“ sagði
Guðni.
Formennirnir þrír eru hlynntir
því að eignamenn sem stóðu að
bönkunum flytji fjármagn til
Íslands. „Það hljóta allir að telja
það eðlilega kröfu að ná í þær
eignir sem hægt er inn í þennan
pakka. Ef þeir aðilar sem settu í
okkur í þennan gríðarlega vanda
geta komið að því máli með því að
leggja til eignir þá væri það auð-
vitað fagnaðarefni. Að öðrum
kosti hljótum við að reyna að
nálgast það eftir öðrum leiðum,“
sagði Guðjón.
gar@frettablaðið
Lofar ekki
stuðningi
Formenn stjórnarandstöðuflokkanna lofa ekki
stuðningi við lántöku íslenska ríkisins hjá Alþjóða-
gjaldeyrissjóðnum. Ábyrgðin sé ríkisstjórnarinnar
sem hafi spilað illa úr stöðunni síðustu þrjár vikur.
FORMENN STJÓRNARANDSTÖÐUFLOKKANNA Þungt var yfir Guðna Ágústssyni,
Guðjóni Arnari Kristjánssyni og Steingrími J. Sigfússyni þegar þeir gengu af fundi
ríkisstjórnarinnar í Ráðherrabústaðnum í hádeginu í gær. FRÉTTABLAÐIÐ/ARNÞÓR