Fréttablaðið - 25.10.2008, Blaðsíða 34

● heimili&hönnun
Sýningin 100% Design Tokyo verður
haldin í Tókýó dagana 30. október
til 3. nóvember næstkomandi.
Sýningin þykir vera ein af virtari
hönnunarsýningum sem settar eru
upp árlega í heiminum. Ragnheiður
Ösp Sigurðardóttir verður meðal
sýnenda sem fara út á vegum
Útflutningsráðs, sem tekur í fyrsta
sinn þátt í sýningunni.
„Ég mun sýna kolla sem ég
hannaði í námi mínu í Bandaríkj-
unum. Það verður einn fullorðins-
kollur og tveir sams konar barna-
kollar sem kallast Pippi. Síðan verð
ég með litlu sykurkarlana mína,“
útskýrir hún.
Ragnheiður viðurkennir að vera
undir miklum japönskum áhrif-
um og að hún sæki innblástur helst
þangað. „Því er frábært að fá að
vera með á svona flottri sýningu í
Japan. Þarna eru fyrirtæki, blaða-
menn og fjöldi fólks sem kemur að
skoða,“ segir hún áhugasöm.
Á sýningunni er aðallega kynnt
sérvalin innanhússhönnun, hús-
gögn, eldhús- og baðherbergisvör-
ur auk heimilistextíls. Markmið
sýningarhaldara er að gera nýstár-
legri og framúrstefnulegri hönnun
sem hæst undir höfði.
„Undirbúningurinn hefur tekið
dágóðan tíma. Ég kom heim í júní
eftir meistaranám í Bandaríkjun-
um og sótti um að fá að vera með
í sýningunni síðasta vetur. Síðan
hefur hópurinn fundað frá því í
sumar til að undirbúa sýninguna,“
segir Ragnheiður
sem hóf nám sitt
í vöruhönnun við
Listaháskóla Íslands
en lauk því við Cran-
brook Academy of
Arts í Michigan í
Bandaríkjunum.
Um þessar mundir
er hún að skapa sér
sína eigin vinnu
og koma hlutum í
framleiðslu með
því að taka þátt í
keppnum og sýn-
ingum. „Það er
það sem þarf til að koma sér áfram
og fá fólk til að taka eftir og sýna
áhuga.“
Ragnheiður hefur nú þegar hlot-
ið athygli fyrir hönnun
sína og má þar nefna
Ikea-kolla sem hún
skreytti með kross-
saumi. „Þeir hafa feng-
ið einna mesta athygli
og hefur verið fjallað
um þá í mörgum tíma-
ritum hér heima og
erlendis. Mig langar
að koma þeim í fram-
leiðslu og þá með
minni eigin kolla-
hönnun, því þetta er
náttúrulega Ikea-
kollur sem ég nota,“
segir hún og bætir við: „Annars er
ég að fara að selja litlu sykurkarl-
ana mína og áprentuð viskustykki í
nýrri verslun á Skólavörðustígnum
sem heitir Krakk og opnar bráð-
lega.“
Um 85.000 gestir komu á 100%
Design Tokyo á síðasta ári. Sýn-
ingin verður opin í fimm daga og
verða íslensku hönnuðirnir með 60
fermetra sýningarbás sem skiptist
á milli hönnuðanna. „Básinn verð-
ur smíðaður í Japan en arkitekt-
inn Theresa Himmer hannaði bás-
inn út frá stuðlabergi,“ útskýrir
Ragnheiður. Útflutningsráð heldur
utan um allt skipulag og nýtur mik-
ils stuðnings frá sendiráði Íslands í
Tókýó sem hefur aðstoðað þátttak-
endur í hvívetna. - hs
Innblástur frá Japan
● Útflutningsráð skipuleggur nú þátttöku íslenskra fyrirtækja og hönnuða á hönnunarsýning-
unni 100% Design Tokyo. Ragnheiður Ösp Sigurðardóttir er einn þeirra hönnuða sem taka þátt.
Pippi-barnakollarnir eru litskrúðugir og skemmtilegir. MYND/RAGNHEIÐUR ÖSP
Setið á rökstólum? Litlu sykurkarlarnir minna óneitanlega á japanskar
teiknimyndafígúrur enda viðurkennir Ragnheiður að hún sé undir miklum áhrifum
frá japanskri hönnun. Hún hefur einnig gert listaverk sem útskýra þá veröld sem
sykurkarlarnir lifa og hrærast í. MYND/RAGNHEIÐUR ÖSP
Heimur sykurkarlanna. MYND/RAGNHEIÐUR ÖSP
F
R
É
T
TA
B
L
A
Ð
IÐ
/G
V
A
Ragnheiður Ösp telur
sýningar á borð við
100% Design Tokyo
vera gríðarlega
mikilvægar til að
koma hönnun sinni á
framfæri.
25. OKTÓBER 2008 LAUGARDAGUR8