Fréttablaðið - 25.10.2008, Síða 53

LAUGARDAGUR 25. október 2008 33
Allt frá árinu 1982 hafa Tónlistar-
dagar Dómkirkjunnar verið fastur
liður í menningarlífi Reykjavíkur á
haustdögum. Það er Dómkórinn og
stjórnandi hans, Marteinn H. Frið-
riksson dómorganisti, sem standa
fyrir Tónlistardögunum. Um er að
ræða röð tónleika þar sem meðal
annars er frumflutt nýtt verk sem
er sérstaklega samið fyrir Tónlist-
ardagana. Oftast hafa verið samin
kórverk fyrir Dómkórinn, en þess
eru einnig dæmi að samin hafi
verið orgelverk.
Að þessu sinni hefjast Tónlistar-
dagarnir með hefðbundnum hætti
með tónleikum í Dómkirkjunni á
laugardag 25. október kl. 17. Þar
frumflytur Dómkórinn kórverkið
Aeterna lux divinitas eftir gest
Tónlistardaganna, Huga Guð-
mundsson tónskáld, en auk þess
verður flutt kór-, einsöngs- og
orgeltónlist eftir tékkneska tón-
skáldið Petr Eben sem lést fyrr á
þessu ári en hann samdi á sínum
tíma verk fyrir Dómkórinn. Auk
Dómkórsins og Marteins tekur
Anna Sigríður Helgadóttir altsöng-
kona þátt í þessum tónleikum. Dag-
inn eftir, sunnudaginn 26. október,
verður verk Huga endurflutt í
hátíðarmessu á kirkjuvígsludegi
Dómkirkjunnar en henni er að
vanda útvarpað á Rás 1 í Ríkis-
útvarpinu. - pbb
Tónlistardagar Dómkirkjunnar
TÓNLIST Hugi Guðmundsson tónskáld
hefur samið verk fyrir Dómkórinn.
Stefán Máni vék af braut slorsins
og verbúðanna eftir Hótel Kali-
forníu og skautaði inn á braut
hráslagalegra og einfaldra
krimma. Það var stuð á honum í
nýrri braut, sumum þótti nóg um
ofbeldið, kvenfyrirlitninguna og
einfaldan stíl en hann náði meiri
athygli, hitti hvella og háværa
nótu í borðinu. Nýja sagan hans,
Ódáðahraun, er af sama toga,
spíttsalinn og ofurtöffarinn Óðinn
er ekki bara að murka lífið úr
skítseiðum í efnadreifingunni,
hann er tekinn að snúast fyrir
háttsetta menn og lendir á þeirri
braut í föðurleit, eins og Jafet
forðum.
Hér er allt á yfirborðinu, orð-
færið einfalt og svo mikill svali á
síðunum að stundum er eins og
hinn snarhenti höfundur sé að
skrifa skopstælingu á töffara-
skapnum. En það er hann ekki –
svo þá er tímabært að hafa
áhyggjur.
Stefán Máni er efnilegur höf-
undur, hann er fylginn sér í text-
anum, veður hroðann og elginn
hiklaust og ætlar sér að ná landi á
íslenska örmarkaðinum. Vonandi
tekst honum það og nær þá í leið-
inni að hrinda burt samkeppnis-
aðilum í þessari tegund af „pulp“-
litteratúr sem hér á árum áður
voru bundinn við Nýtt úrval.
Þetta er rislítill skáldskapur,
klisjukenndur og sniðinn að and-
legum þörfum þeirra sem sækja
mesta draslið úr fjölþjóðlega
kvikmyndaiðnaðinum. Og fyrr en
síðar vonar þessi lesandi að Mán-
inn rísi úr þessu rosalega svaði
sem hann sullast nú í.
Páll Baldvin Baldvinsson
Máninn á rosaferð
BÓKMENNTIR
Ódáðahraun
eftir Stefán Mána
JPV útgáfa
★
Suddalegt klisjusafn
BÓKMENNTIR Stefán Máni heldur áfram
á braut hins ofursvala töffarakrimma.
HVAÐ? HVENÆR? HVAR?
Laugardagur 25. október 2008
➜ Tónleikar
14.00 Kammertónleikar í Norræna
húsinu Nemendur Tónlistarskólans í
Reykjavík flytja verk eftir Atla Heimi
Sveinsson, Jón Ásgeirsson, Anton Reicha,
J.S. Bach og fleiri. Aðgangur ókeypis.
14.00 Söngfélagið
Sálubót og Jónsi verða
með tónleika í Fella- og
Hólakirkju.
16.00 Afmælistónleikar
Kórs Átthagafélags
strandamanna
Tónleikar
verða haldnir í
Langholtskirkju,
Sólheimum 13.
17.00 Kammermúsík Eyjólfur
Eyjólfsson tenór flytur tónlist eftir
Beethoven, Schubert og Reynaldo
Hahn í Kirkjuhvoli, safnaðarheimili
Vídalínskirkju í Garðabæ.
17.00 Tíbrá Barítónsöngvarinn Jón
Svavar Jósefsson og píanóleikarinn
Ástríður Alda Sigurðardóttir verða
með tónleika í Salnum, Hamraborg 6
í Kópavogi.
21.30 Gítar Islancio spila á Græna
Hattinum, Hafnarstræti 96, Akureyri.
➜ Síðustu Forvöð
Hvaðan koma þær – hvert fara þær
Guðmunda Kristinsdóttir sýnir verk í
Reykjavík Art Gallerý, þar sem konur
leika aðalhlutverkið. Opið 14.00-17.00.
Sýningin stendur til 26. okt.
➜ Uppákomur
Gerum okkur dagamun Í tilefni af
fyrsta vetrardegi býður Reykjavíkurborg
borgarbúum upp á fjölskyldudagskrá.
Víða verður boðið upp á skemmti- og
fræðsludagskrá. Nánari upplýsingar á
www.reykjavik.is.
Með ráð undir rifi hverju Minjasafnið
á Akureyri verður með dagskrá í tilefni
af fyrsta vetrardegi. Aðgangur er ókeyp-
is og opið kl. 14.00-16.00. Minjasafnið
á Akureyri, Aðalstræti 58.
➜ Tungumálavika
Ítalska sendiráðið í Ósló og ítölsku-
kennarar við Háskóla Íslands standa
fyrir ítalskri tungumálaviku 20.-26.
okt.
11.00 Rithöfundurinn Carlo Lucarelli
verður með upplestur í Te og Kaffi
í Bókabúð Máls og Menningar,
Laugavegi 18.
➜ Málþing
Ábyrgð, vald og þjóð Reykjavíkur-
Akademían stendur fyrir málþingi
í Háskólabíói frá kl. 12.00-14.00.
Fundarstjóri er Viðar Hreinsson.
Hin ómissandi ættfræði Ættfræði-
félagið ReykjavíkurAkademían og
Þjóðskjalasafn Íslands standa fyrir
málþingi kl. 13.00-16.00, í húsnæði
ReykjavíkurAkademíunnar, Hringbraut
121.
Tengsl upplýsinga og rómantíkur í
íslenskri hugmyndasögu Félag um
átjándu aldar fræði heldur málþing
í fyrirlestrasal Þjóðarbókhlöðunnar,
Arngrímsgötu 2, kl. 13.00-16.30.
➜ Sýningar
Orð Guðs Sex listamenn opna sýn-
ingu kl. 15.00 í Listasafninu á Akureyri,
Kaupvangsstræti 12. Málþing um sýn-
inguna verður haldið sama dag í
Ketilhúsi kl. 13.00 þar sem þátttak-
endur kynna hana og taka á móti
fyrirspurnum.
➜ Ljósmyndasýningar
Þorsteinn H. Ingibergsson og Bragi
J. Ingibergsson sýna ljósmyndir
í Frímúrarahúsinu að Ljósatröð 2,
Hafnarfirði. Sýningin er opin á laugardög-
um frá 14.00-17.00 og stendur til 8. nóv.