Fréttablaðið - 09.11.2008, Blaðsíða 10
10 9. nóvember 2008 SUNNUDAGUR
Þ
að versta sem gæti
gerst núna er að við
Íslendingar myndum
hætta að þora þar sem
við eigum svo margar
fallnar hetjur,“ segir
Svafa Grönfeldt rektor Háskólans
í Reykjavík. Sá háskóli er í eigu
atvinnulífsins, segir Svafa, svo
honum er bæði ljúft og skylt að
sporna við því að áfallið sogi úr
mönnum máttinn eftir rothöggið
nú á haustdögum. Þar kemur hug-
myndahúsið til sögunnar sem verið
er að ýta úr vör í samvinnu við
Listaháskóla Íslands.
Enn er verið að leita að húsnæð-
inu en þó er gert ráð fyrir því að
það verði opnað fyrir hugmynda-
ríkt „hústökufólk“, eins og Svafa
segir sjálf, í janúar næstkomandi.
Það er hins vegar alveg á hreinu
hvað þar á að fara fram. „Við erum
að leita að húsnæði, stóru hráu iðn-
aðarhúsi,“ segir Svafa. „þar sem
við getum leitt saman hönnuði, við-
skiptafræðinga, tæknimenntað
fólk, listamenn, smiði, fólk úr þjón-
ustu, vísindamenn og fleiri. Við
erum þarna að skapa opinn vett-
vang þar sem allir gefa vinnu sína.
Opni háskólinn í HR og Listahá-
skólinn munu sjá til þess að þarna
verði alltaf námskeið í boði og eins
verða þarna uppákomur daglega.
Klak, sem er nýsköpunarmiðstöð
atvinnulífsins, mun miðla af þekk-
ingu sinni um það hvernig þekk-
ingarfyrirtæki verða til og hverju
verði að huga að. Þá munum við
leita til endurskoðenda og lögfræð-
inga sem geta veitt sína aðstoð.
Þetta verður því eins konar suðu-
pottur hugmynda. Í hann mun HR
setja eins margar viðskiptaáætlan-
ir og hægt er en Listaháskólinn
mun svo leggja til kryddið sem
örvar litlu gráu sellurnar. Síðan
höfum við leitað til stéttarfélaga,
fjármálafyrirtækja og stofnana og
erum að reyna að safna í 250 millj-
óna króna sjóð. Þannig að þegar
búið er að láta fólk og fjármagn
malla í þessum suðupotti teljum
við nokkurs að vænta. Enda er
stefnan að um tvö til þrjú þúsund
manns nýti sér aðstöðuna eða njóti
góðs af henni og að innan 18 mán-
aða verði stofnuð fleiri en 50 fyrir-
tæki.“
Koma barninu á legg, fara svo
Rektorinn hefur í höndum gögn
sem næra vonir hans um góðan
ávöxt af þessu verkefni því nýleg
úttekt sýnir að 30 prósent þeirra
sem útskrifuðust úr viðskiptadeild
HR á árunum frá 2005 til 2006 hafa
stofnað fyrirtæki og skapað fjöl-
mörg störf.
En verður ekki erfitt að fá fjár-
magn til verkefnisins í þessu
árferði? „Jú, það verður eins og að
draga tönn úr fíl en það dregur
ekkert máttinn úr okkur.“
Svafa segir það takmark HR og
Listaháskólans að búa til gróðrar-
stíuna og ákjósanleg skilyrði til
vaxtar en hins vegar muni skólarn-
ir lítt skipta sér af afurðunum. „Við
búum til vettvang, leiðum saman
fólk og fjármagn en síðan þegar
afkvæmið er komið á legg sleppum
við af því hendinni,“ segir hún.
Meira að segja nafngiftin á húsinu
er látin í hendur hústökufólks.
Hrina uppsagna hefur gengið
yfir landið að undanförnu svo
hætta er á að atvinnuleysið í jan-
úar næstkomandi verði meira en
Íslendingar eiga að venjast í ára-
fjöld. Svafa segir því tímasetning-
una vera afar hentuga fyrir hug-
myndahúsið en hún á von á því að
margir þeirra sem misst hafi vinn-
una sjái sér hag í því að nýta sér
það sem þar fer fram.
Og vefurinn allt í kring
„Samhliða þessu verður til vefur
sem nemendur í Háskólanum í
Reykjavík og Listaháskólanum
hafa hannað og heitir I am innovat-
ion,“ segir rektorinn. „Hann er
unninn á sameiginlegu námskeiði
skólanna tveggja. Vefurinn virkar
þannig að hver sem er getur sett
inn sínar hugmyndir, óskað eftir
athugasemdum eða þátttöku ann-
arra við sína hugmynd og óskað
eftir fjármagni svo hún megi líta
dagsins ljós. Þannig að vettvangur-
inn verður ekki aðeins undir þaki
þessa húss sem við leitum nú að
heldur einnig þessi vefur sem
umlykur allt; stafrænn vettvangur
er nefnilega óendalega breiður á
alla kanta.“
Svafa segir að kveikjuna að hug-
myndahúsinu megi rekja til frum-
kvöðlasamstarfs sem Háskólinn í
Reykjavík eigi með London Busin-
ess School og Babson College sem
er fremsti frumkvöðlaskóli Banda-
ríkjanna. Þann 5. desember verður
skrifað undir samkomulag sem 44
þjóðir koma að um samstarf í
nýsköpunar- og frumkvöðlarann-
sóknum. „Þetta þriggja ára verk-
efni er fólgið í því að rannsaka
frumkvöðlahegðun og nýsköpun
víða um heim,“ segir hún. „Síðan er
það okkar meginverkefni að þróa
nýtt nám fyrir frumkvöðla. HR er
hornsteinninn í þessu samstarfi
enda verður Ísland í raun tilrauna-
stofan fyrir þetta verkefni. Þetta
er annars vegar rannsóknarverk-
efni en hins vegar byggist það á
því að þróa nám sem fyrst yrði
prófað hér í HR en síðan flutt út
þannig að við munum fyrst fá þekk-
ingu alls staðar að en síðan munum
við flytja hana út.“
Nú fyrst er Ísland verulega spenn-
andi
Ekki er langt síðan útlenskir fjár-
málamenn og frumkvöðlar litu til
Íslands með blik í auga og dáðust
að dugnaði og þori þessarar þjóðar.
Nú er öldin önnur. Hvað segir
Svafa um það, eru samstarfsmenn
hennar í Bretlandi og Bandaríkjun-
um nokkuð orðnir afhuga þessu
ævintýri hér í ljósi aðstæðna sem
upp eru komnar? „Nei, þvert á
móti. Þeir segja „Núna fyrst er
Ísland orðið verulega spennandi.“
Þannig að nú er enn meiri áhugi á
því að koma og sjá hvað er að ger-
ast. Fyrir þá er þetta eins og að
koma á hamfarasvæði en það sem
kemur þeim verulega á óvart er að
upplifa bjartsýni og baráttuanda
Íslendinga sem neita að láta í minni
pokann fyrir hamförunum. Það er
eins og bandaríski sendiherrann
sagði við mig, „það er eins gott að
virða Íslendinga því eyjan hefur
reynt að drepa þá í 1100 ár en þeir
fara hvergi.“ Þetta er viðhorfið
sem við mætum frá okkar sam-
starfsmönnum. Menn vilja sjá
Íslendinga komast hraðar út úr
þessu en venjulega er hægt að ætl-
ast til af einni þjóð. Við Íslendingar
höfum alltaf þurft að bjarga okkur
og nú eru kjöraðstæður fyrir okkar
vini að utan að sjá hvernig það fer
fram.“
Hús fyrir hugsandi hústökufólk
Háskólinn í Reykjavík ætlar í samvinnu við Listaháskóla Íslands að koma á laggirnar hugmyndahúsi. Verið er að leita að húsi en
síðan verða hústökumenn boðnir velkomnir; svo lengi sem hugur þeirra er opinn. Rektor segir frumkvöðla erlendis frá jafnvel
enn spenntari fyrir Íslandi nú en þegar allt lék í lyndi.
REKTORINN MEÐ HUGMYNDIRNAR BAK VIÐ SIG Svafa Grönfeldt, rektor Háskólans í Reykjavík, vonast til þess að sem flestar hugmyndirnar sem ritaðar hafa verið á töflum
skólans muni verða að veruleika í hugmyndahúsinu þegar hugmyndaríka hústökufólkið flykkist þangað. FRÉTTABLAÐIÐ/STEFÁN
■ Eflum flæði þekkingar með fyrirlestrum,
námskeiðum, leiðsögn og upplýsingaveitum á
staðnum og á vefnum. Sköpum umhverfi fyrir
hugflæði og hugmyndabanka auk aðgengis að
á annað þúsund viðskiptaáætlunum úr safni
Háskólans í Reykjavík.
Þekkingarfræði
■ Fjárfestingarsjóður til að gera hugmyndir að
veruleika.
Fjármagn til
framkvæmda
■ Tengjum fólk og hugmyndir með opnun
húsnæðis þar sem skapandi fólk komi saman
og vefjar fyrir samstarf um allt land og utan
landsteinanna.
Skapandi
einstaklingar
➜ NÝ SKÖPUN
Sköpun lifandi vettvang þar sem við tengjum saman fólk, þekkingu, hugmyndir og fjármagn.
Til að skapa ný störf og ný verðmæti með því að nýta hæfileika og sköpunarkraft fólksins í landinu.
Allir sem vilja leggja sitt af mörkum og skapa ný tækifæri. Markmiðið er að leiða saman ólíka ein-
staklinga úr öllum atvinnugreinum; verslun og þjónustu, framleiðslu, hönnun og listum, fjármálum,
tækni og vísindum.
Sköpum vettvang, stuðlum að þekkingar- og hugmyndaflæði og öflum fjár til að hrinda viðskiptaá-
ætlunum í framkvæmd.
Stefnt er að því að stofnuð verði innan 18 mánaða meira en 50 fyrirtæki, 2-3.000 manns nýti sér
aðstöðuna eða njóti góðs af henni á einn eða annan hátt, sjóðurinn nemi allt að 250 milljónum.
Undirbúningur þegar hafinn. Húsnæðið verður opnað í desember/janúar.
Háskólinn í Reykjavík og Listaháskóli Íslands sem gefa alla vinnu sína.
Aðstandendur hafa nú þegar leitað til stéttarfélaga, aðila vinnumarkaðarins, ráðuneyta og fyrir-
tækja um samstarf.
Fjármagn
til fram-
kvæmda
Skapandi
einstakl-
ingar
Ný
sköpun
Þekking-
arfræði
Hvað:
Hvers vegna:
Hverjir:
Hvernig:
Markmið:
Hvenær:
Aðstandendur:
„Okkur rennur
blóðið til
skyldunnar,
við erum með
fjármagn frá
almenningi til
að nýta og ef
einhvern tím-
ann á að nota
háskólana til
uppbyggingar
þá er það
núna.“
Hann segir
að rektorar
allra háskól-
anna hafi
komið tvívegis saman til að ræða það hvernig háskólarnir gætu nýtt krafta
sína til að koma íslensku atvinnulífi til hjálpar. „Ég á því von á að fleiri verkefni
en þeim sem við í Listaháskólanum erum að undirbúa með HR líti dagsins
ljós áður en langt um líður.“
Hann segir Listaháskólann vel til þess fallinn að láta til sín taka nú.
„Listamenn eru vanir því að skapa úr engu, þeir eru venjulega ekki háðir því
að geta fengið fisk eða ál til sköpunar svo þeir eru kannski ekki svo háðir
áhrifum kreppu eða þenslu. Þannig að þær aðstæður sem uppi eru nú geta
jafnvel verið kjöraðstæður fyrir listamenn.“ Hann er fullur tilhlökkunar vegna
hugmyndahúss. „Þetta er náttúrlega enn á undirbúningsstigi en ef vel tekst til
verður þetta eins konar orkustöð hugmynda og sköpunar.“
HJÁLMAR H. RAGNARSSON, REKTOR LISTAHÁSKÓLA ÍSLANDS
Listamenn eru ekki háðir fiski eða áli