Fréttablaðið - 09.11.2008, Blaðsíða 38
22 9. nóvember 2008 SUNNUDAGUR
HVAÐ SEGIR MAMMA?
Hvað er að frétta? Ég er að taka þátt í þremur sýningum
á einni viku. Í gær tók ég þátt í samsýningu í Kling og Bang
galleríi, á þriðjudaginn opna ég einkasýningu í Galleríi
Vegg hjá Helga Þorgils og svo föstudaginn 14. nóvember
opna ég einkasýningu í Gallery Turpentine. Svo var heima-
síða mín, flotakona.com, að fara á veraldarvefinn.
Augnlitur: Gráblár.
Starf: Myndlistarmaður.
Fjölskylduhagir: Þægilegir.
Hvaðan ertu? Evrópu.
Ertu hjátrúarfullur? Ég trúi ekki … ég veit.
Uppáhaldssjónvarpsþátturinn?: Ég horfi aldrei á sjón-
varp, en fréttunum undanfarið hef ég þó ekki misst af, þær
eru svo skemmtilega veruleikafirrtar.
Uppáhaldsmaturinn?: Ferskir ávextir og grænmeti.
Fallegasti staðurinn?: Ásbyrgi.
iPod eða geislaspilari?: ?
Hvað er skemmtilegast? Að verða fyrir hugljómunum.
Hvað er leiðinlegast? Mér leiðist aldrei.
Helsti veikleiki?: Kann ekki að skammast mín.
Helsti kostur?: Óþekktin.
Helsta afrek?: Hætti að reykja og drekka.
Mestu vonbrigðin?: Stjórnvöld.
Hver er draumurinn?: Að verða forseti.
Hver er fyndnastur/fyndnust? Kolfinna Bald-
vinsdóttir.
Hvað fer mest í taugarnar á þér? Að amer-
ísk ruslmenning hafi yfirtekið heiminn.
Hvað er mikilvægast? Að vera þakklátur
og að vera í góðu vitundarsambandi við
lífið.
HIN HLIÐIN SNORRI ÁSMUNDSSON LISTAMAÐUR
Kann ekki að skammast sín
13.11.1966
Sterkustu menn landsins eru á
leið í víking – ætla að taka hraust-
lega á því á heimsmeistaramóti
kraftlyftingamanna sem haldið
verður í Austurríki. Engan bilbug
er að finna á þeim enda væri það
hart ef kraftajötnar okkar væru
með tárin í augunum.
„Við erum að fara fjórtán út til
Austurríkis. Ég og fjórir aðrir
erum að fara að keppa sem öld-
ungar. Svo erum við með unga
menn sem eru að stíga í átt til
heimsfrægðar,“ segir Ingvar Jóel
gjaldkeri hjá íslenska kraftlyft-
ingafélaginu - IPF Metal.
Langt er síðan svo stór hópur
kraftlyftingamanna hélt frá
Íslandi til að taka þátt í heims-
meistaramótinu. Auðunn Jónsson
var til að halda uppi merkinu, síð-
asti móhíkaninn, segir Ingvar
Jóel, en nú hefur starfsemin verið
rifin upp í orðsins fyllstu merk-
ingu. Stofnað var nýtt félag og
með mikilli vinnu hefur tekist að
efla menn til sálar og líkama.
„Við erum með nokkra feikilega
öfluga stráka sem eiga eftir að
stimpla sig rækilega inn,“ segir
Ingvar Jóel og nefnir sérstaklega
til sögunnar Þorvald Kristbergs-
son, eða Bolluna, sem menn binda
miklar vonir við enda reif hann
nýverið upp 400 kíló í hnébeygju
en gildandi heimsmet í hans flokki
er 420 kíló. Ingvar Jóel segir
menn reikna með því að hann saxi
á það.
„Þeir eru farnir að fylgjast með
Bollunni á „Powerliftingwatch“,
helsta vef kraftamanna. Hann
hefur verið að fá komment fyrir
frábæran stíl og glæsilegan. Þar
er hann kallaður Meatball.“
Þorvaldur gegnir nafninu Boll-
an. Var áður kallaður Borgarnes-
bollan en hann bjó uppi í Borgar-
nesi og þótti feitur í æsku. „Ekkert
neikvætt við það. Bollan er frá-
bær, alltaf brosandi, jákvæður og
drífur menn með sér í góðum
anda,“ segir Ingvar Jóel en sá
háttur er hafður á að menn í kraft-
lyftingum fá ýmis upp- og viður-
nefni:
„Palli fermeter er jafnhár á alla
kanta, einn er Skyri sem eitt sinn
var styrktur af KEA, Valdi kerfis-
fræðingur er bara kallaður Kerf-
ismolinn, Balli bekkur, Gullsmið-
urinn …“ segir Ingvar og þylur
upp nöfn þessara hrikalegu félaga
sinna. Sjálfur er hann kallaður
Ringó, þótti svo líkur Hring kon-
ungi í Hringadróttinssögu – en
Hringur þótti of virðulegt.
„Þetta eru alvörumenn. Og frá-
bært fyrir Ísland, nú á þessum
síðustu og verstu, að heimurinn
sjái að hér búa enn karlmenn með
krafta í kögglum en ekki bara
möppudýr og peningaslóðar,“
segir Ingvar Jóel Hópurinn held-
ur utan á þriðjudag. „Já, ég fékk
aukareikning á flugfarseðlana
sem ég greiddi með Vísa. Konan
kemur með mér og flugið breytt-
ist úr 107 í 154 þúsund. Ég kann
ekki almennilega að skýra þetta,“
segir Ringó – gjaldkeri Metals. En
ekki er að heyra að hann muni láta
þetta trufla sig þegar hann fer að
rífa upp járnin. jakob@frettabladid.is
INGVAR „RINGÓ“ JÓEL: ÆTLUM AÐ KOMA ÍSLANDI Á KORTIÐ AFTUR
Borgarnesbollan í víking
RINGÓ OG BOLLAN Félagar í Metal hafa eflst til muna að undanförnu og halda nú til Austurríkis – verðugir fulltrúar þjóðarinnar.
FRÉTTABLAÐIÐ/VILHELM
„Það er ansi mikið að gera hjá
okkur,“ segir Gunnar Hákonarson
framkvæmdastjóri Kolaportsins,
en svo virðist sem vinsældir þess
séu meiri nú en nokkru sinni fyrr,
því allir básar eru nú þegar upp-
pantaðir fram að jólum. „Það
hefur yfirleitt verið mikið að gera
hjá okkur á þessum tíma árs, en
það er að gerast miklu fyrr núna.
Vinsældir Kolaportsins hafa vaxið
jafnt og þétt, en það er engin
spurning að það er meiri fólks-
fjöldi sem kemur að versla núna,“
útskýrir Gunnar og segir
kreppuna óneitanlega hafa haft
sitt að segja.
„Hvort sem fólk hefur lent illa í
kreppunni eða ekki hefur hún
kennt fólki og fengið alla til að
hugsa sinn gang. Til okkar kemur
aðallega fólk sem er að taka til hjá
sér og vill koma gömlum hlutum í
verð, en fólk er farið að hugsa
betur um notagildi hlutanna og að
hver króna skiptir máli. Markaðir
með notaðar vörur hafa verið
þekktir í árhundruð á meginlandi
Evrópu og Freddy Mercury seldi
meira að segja notuð föt áður en
hann varð rokkstjarna,“ bætir
hann við og brosir.
Aðspurður segir Gunnar leigu-
verð á básum ekki hafa hækkað
þrátt fyrir vaxandi vinsældir
Kolaportsins. „Við hækkum
leiguna bara eftir vísitölu. Það er
eina hækkunin sem við höfum
farið eftir og erum ekkert að
keyra upp leiguverðið þó svo að
aðsóknin sé að aukast og þeir sem
eru að taka til í geymslum sínum
geta komist að eftir áramót,“ segir
Gunnar. - ag
Kolaportið fullt í kreppunni
FULLT FRAM AÐ JÓLUM Allir básar eru
upppantaðir í Kolaportinu fram að
jólum, en Hákon segir fólk geta komist
að eftir áramót. FRÉTTABLAÐIÐ/VALLI
„Hann er voða duglegur. Þetta
er sniðug hugmynd hjá honum
með fjarþjálfunina og það
kannski veitir ekki af því á þess-
um tímum að vera með eitthvað
til að lyfta mannskapnum upp.
Fólk þarf að halda áfram að
hreyfa sig og gera eitthvað þótt
á móti blási í kreppunni.“
Ester Ásbjörnsdóttir, móðir Egils Einars-
sonar, Gilzeneggers, sem hefur slegið í
gegn með fjarþjálfun sinni.
Myndlistarmaðurinn Frosti
Friðriksson hyggst á næstu
dögum koma upp litlum köss-
um í grennd við dvalarstaði
erlendra ferðamanna. Þar geta
þeir keypt sér svokölluð krónu-
kort – lítil kort með einni
íslenskri krónu inni í – fyrir
erlendan gjaldeyri. Fram
kemur á verðskránni að 12 pró-
sent af gjaldeyrinum renni til
Seðlabanka Bretlands.
Frosti segir að hugmyndinni
hafi slegið niður í kollinn á
honum eins og eldingu. Nánast
eins og fullsköpuð úr höfði
Seifs. Hann var nýkominn með
„gjörninginn“ sinn úr prent-
smiðju og var í þann mund að
fara að líma krónurnar inn í
bréfin. „Ég prentaði fimm þús-
und stykki þannig að þetta
verða fimm þúsund stakar
krónur sem þarf að líma,“ segir
Frosti. Ein króna mun kosta eitt
pund eða eina evru, nú eða einn
dollara.
Hann hefur áður sem mynd-
listarmaður gripið til sérstakra ráðagerða og er frægt þegar hann
fékk nokkra tugi Finna til að gefa fingrafarið sitt. „Þeir fengu síðan
skjal til staðfestingar á því að fingrafarið þeirra væri til í Öskju á
Íslandi,“ segir Frosti. Hann stofnaði jafnframt útibú fyrir indverska
betlara í kjallaranum á i8-galleríi.
Frosti vonast jafnframt til þess að viðtökur útlendinga hér á landi
eigi eftir að svala þeirri gjaldeyrisþurrð sem virðist ríkja á Íslandi
um þessar mundir. - fgg
Safnar gjaldeyri með
sölu á krónukortum
KRÓNUKORT Frosti með krónukortin og
verðskrána en 12 prósent af sölunni eiga
að renna til Seðlabanka Bretlands.
FRÉTTABLAÐIÐ/ARNÞÓR
LÆKKUM TAXTA:
Öll almenn bókhaldsvinna. Ársreikningar/
skattframtöl lögaðila, rekstraraðila og einstak-
linga. Áralöng reynsla/fagleg vinnubrögð.
Uppl. sími 8929336 eða email:
ek3289@gmail.com
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...