Fréttablaðið - 09.11.2008, Blaðsíða 26
6 Fjölskyldan
afþreying
leikum og lesum ...
KLÚTAR Litríkir klútar geta verið uppspretta mikillar ánægju hjá
krökkum. Þeir nýtast enda skemmtilega í alls kyns leikjum, geta
verið skikkja, pils eða ábreiða. Í Börnum náttúrunnar eru seldir
fallegir silkiklútar handa börnum, en gamlir klútar úr fataskápnum
nýtast auðvitað á sama hátt.
SAMVERA
Spil Góð afþreying fyrir börn og fullorðna er að
spila á spil. Dæmi um skemmtileg spil sem börn
geta lært auðveldlega er veiðimaður og ólsen
ólsen, svo ekki sé minnst á lönguvitleysu. Í
síðastnefnda spilinu eru tveir þátttakendur sem
skipta stokknum á milli sín og hafa hvor sinn
bunkann. Báðir draga spil og sá sem hefur hærra
spilið hirðir þau bæði. Markmiðið er að enda með
allan stokkinn sem getur auðvitað tekið óralangan tíma eins og
nafnið gefur til kynna.
Eldað með Mikka Börnum þykir
gaman að hjálpa til í eldhúsinu og ekki
er verra ef stuðst er við matreiðslubók
sem gaman er fyrir börnin að skoða.
Foreldrar barna í dag stigu eflaust
margir sín fyrstu skref í eldamennsku
við leiðsögn bókarinnar Matreiðslu-
bókin mín og Mikka og nú er tilvalið
að dusta rykið af henni. Hver man
ekki eftir súkkulaðisjeik Júmbó svo
dæmi sé tekið? Það eina sem þarf
eru 3 dl mjólk, 1/2 l af vanilluís og
svo fjórar til sex msk. kakómalt. Svo
er bara að þeyta allt saman og
drekka drykkinn góða.
Aðventan Það er kjörið að hefja aðventuna í rólegheitum
fjarri mögulegu stressi heimilisins. Helgarferð í Þórsmörk, nánar
tiltekið í Bása á Goðalandi, er tilvalið upphaf aðventunnar en
eins og undanfarin ár efnir
Útivist til slíkrar ferðar. Boðið
er upp á notalega aðventu-
og jólastemningu og ef
heppnin er með gestum
verður glitrandi jólasnjór á
svæðinu. Ferðin er hugsuð
sem fjölskylduferð.
Könglar Ódýr og góð leið til þess að eiga stund með fjöl-
skyldunni er að fara í gönguferð. Á þessum árstíma er auðvelt
að safna könglum ef farið er í göngutúr í
Heiðmörk til dæmis eða bara í kirkjugarðinn
við Suðurgötu. Könglana má nota í ýmiss
konar jólaskraut enda ekki úr vegi að fara
að huga að því nú þegar nóvember er
hafinn. Skrautið þarf alls ekki að vera
flókið, könglar í skál eru til að mynda
einfalt og fallegt skraut sem allir geta
gert, líka þeir sem eru með þumal-
putta á hverjum fingri.
Hvolpurinn þinn á skilið
það allra besta!
Vörumerkið er eign Hill's Pet Nutrition,
© 2003 Hill's Pet Nutrition, Inc. www.hills.is
Hill’s kappkostar í hvolpafóðri sínu að mæta
fjölbreyttum þörfum hvolpsins í vexti og þroska og
stuðlar þannig að heilbrigðu lífi og fyrir vikið enn
ánægjulegri samvistum þínum við hundinn þinn.
Í Klifurhúsinu eru hressir krakkar á námskeiði þegar Fréttablaðið lítur í heimsókn. Eftir stutta upphitun undir leiðsögn þjálfara er farið í að klifra miserfiðar leiðir á veggjum salarins sem
eru bæði beinir og slútandi fram. Krökkunum ferst
sportið vel úr hendi enda segjast þau vera hálfgerðir
klifurkettir í samtali við Fréttablaðið.
„Mamma vissi af þessu námskeiði og fannst
sniðugt að ég færi á það, ég er svo dugleg að klifra,“
segir Írena Þöll Arnarsdóttir. Guðberg Hrafnsson er
líka mikill klifrari og hefur enda lagt ferðir sínar í
Klifurhúsið í nokkur ár, oft með frænda sínum en
núna lætur hann að mestu nægja ferðir í tengslum
við námskeiðið. Kolbeinn Tumi Gautason byrjaði að
klifra í klifurhúsinu fyrir átta mánuðum og hefur
mjög gaman af.
Faðir hans, Jón Gauti Jónsson, nýtir tímann
sjálfur í klifur meðan á krakkanámskeiðinu stendur
og hann mælir eindregið með klifri sem fjölskyldu-
sporti. „Klifrið er þannig íþrótt að það tekur stuttan
tíma fyrir börn að ná ákveðnu jafnræði við foreldra
sína og þá er hægt að stunda íþróttina í sameiningu.“
Jón Gauti bendir á klifurveggi og útskýrir að hægt
sé að fara miserfiðar leiðir á sama svæði, þannig
geti fullorðnir og börn klifrað saman. Hann segist
líta á klifurferðirnar sem samverustund sem sé
skemmtilegra en að fylgja krökkum í íþróttir og
vera passífur á hliðarlínunni á meðan þau sprikla.
Klifurhúsið er opið alla daga vikunnar og er boðið
upp á námskeið þar fyrir alla aldurshópa. Í dag er
hægt að fylgjast með keppni í grjótglímu í Klifur-
húsinu sem hefst rétt fyrir tvö.
Fjölskyldusport af ýmsu tagi
Margt fleira er skemmtilegt fjölskyldusport annað
en klifur, til dæmis skíði, hvort sem er svigskíði eða
gönguskíði. Skíðavertíðin er hafin fyrir norðan en á
höfuðborgarsvæðinu þarf meiri snjó áður en hægt
verður að bregða sér á skíði.
Annað skemmtilegt vetrarsport eru skautar. Þótt
rómantískast sé að renna sér á tjörninni gefst ekki
endilega oft tækifæri til þess. Þá er gott að hafa
skautahöllina í Laugardalnum í huga en þar er hægt
að skauta alla daga vikunnar.
Svo er auðvitað frábærlega gaman fyrir fjölskyld-
una að fara út að ganga, hvort sem er um næsta
nágrenni eða út í náttúruna, aldur hvers og eins
ræður kannski dálítið ferðinni um hversu langar
leiðir eru farnar. - sbt
Klifurkettir í Klifurhúsinu
Klifur er skemmtileg íþrótt fyrir fullorðna og börn sem geta lagt stund á sportið
saman. Þannig er hægt að ná góðri samverustund við íþróttaiðkunina. Sama á við
um skíði, skauta og fleiri íþróttagreinar.
Klilfurkettir Kolbeinn Tumi
Gautason spreytir sig. Með
honum fylgjast Salka Krist-
insdóttir, Guðberg Hrafnsson
og Jón Gauti Jónsson.
FR
ÉT
TA
BL
A
Ð
IÐ
/A
N
TO
N
www.klifurhusid.is
www.skidasvaedi.is
www.skautaholl.is