Fréttablaðið - 09.11.2008, Blaðsíða 33
SUNNUDAGUR 9. nóvember 2008
„Þetta er að sprengja allar okkar
væntingar,“ segir Jón Heiðar
Gunnarsson, verkefnastjóri hjá
Hinu húsinu, um námskeiðið
Klár í kreppu. Námskeiðið er
haldið í samstarfi við Reykjavík-
urborg og Neytendasamtökin
fyrir fólk á aldrinum sextán til
25 ára og gengur út á að veita
þeim ókeypis og óháða fjármála-
fræðslu á mannamáli. Jón Heiðar
skipuleggur námskeiðið í
samstarfi við Ragnhildi Björgu
Guðjónsdóttur, varaformann
Neytendasamtakanna, sem mun
sjá um fjármálafræðsluna.
„Hugmyndin að námskeiðinu
kviknaði svo fljótlega eftir að
kreppan skall á. Við vonuðumst
til að fá um 40 manns til að
mæta, en strax eftir fyrsta dag í
skráningu voru yfir 100 manns
búnir að skrá sig. Við bættum
strax við öðru námskeiði til að
koma til móts við þessa miklu
aðsókn, en neyddumst til að loka
fyrir skráninguna strax eftir
fyrsta daginn,“ útskýrir Jón
Heiðar. Sjálfur segist hann hafa
farið í gegnum alla sína skóla-
göngu án þess að fá nokkra
fjármálafræðslu og telur brýna
þörf á að skólakerfið veiti slíka
fræðslu fyrir ungt fólk.
„Við fórum með rýnihóp inn í
menntaskóla til að skoða þörfina
á svona námskeiði og þar er
nánast hver einasti unglingur
með Visa-kort eða yfirdrátt.
Margir í þessum hópi hafa alist
upp við stanslaust góðæri og
hafa því tekið lán fyrir öllum
þörfum, án þess að huga um of
að afleiðingum,“ útskýrir Jón
Heiðar og gerir ráð fyrir
áframhaldandi námskeiðshaldi
til að anna eftirspurn. - ag
Yfirfullt á
fjármála-
námskeið
ÞURFTU AÐ LOKA FYRIR SKRÁNINGU
Jón Heiðar segir aðsóknina á námskeið-
ið bera þess merki hversu mikil þörf er á
óháðri fjármálafræðslu fyrir ungt fólk.
FRÉTTABLAÐIÐ/VALLI
E I N F A L T G O T T Ó D Ý R T B E N S Í N D Í S E L
BRÁÐSKEMMTILEG GAMANMYND MEÐ
SNILLINGNUM SIMON PEGG ÚR „HOT FUZZ”