Fréttablaðið - 09.11.2008, Blaðsíða 34

18 9. nóvember 2008 SUNNUDAGUR
sport@frettabladid.is
ESKIMOS
Enska úrvalsdeildin:
ARSENAL - MANCHESTER UNITED 2-1
1-0 Samir Nasri (21.), 2-0 Samir Nasri (47.), 2-1
Rafael (89.).
HULL CITY - BOLTON WANDERERS 0-1
0-1 Matthew Taylor (49.).
SUNDERLAND - PORTSMOUTH 1-2
1-0 Djibril Cisse (3.), 1-1 Nadir Belhadj (50.), 1-2
Jermain Defoe (90.).
WEST HAM UNITED - EVERTON 1-3
1-0 Jack Collison (62.), 1-1 Joleon Lescott (82.),
1-2 Louis Saha (84.), 1-3 Louis Saha (86.)
LIVERPOOL - WBA 3-0
1-0 Robbie Keane (34.), 2-0 Robbie Keane (43.),
3-0 Arbeloa (90.)
STAÐA EFSTU OG NEÐSTU LIÐA:
Liverpool 12 9 2 1 19-8 29
Chelsea 11 8 2 1 27-4 26
Arsenal 12 7 2 3 25-13 23
Man. United 11 6 3 2 20-10 21
Aston Villa 11 6 2 3 19-14 20
------------------------------------------------------------
Sunderland 12 3 3 6 10-18 12
Fulham 10 3 2 5 8-9 11
WBA 12 3 2 7 10-21 11
Tottenham 11 2 3 6 13-17 9
Meistaradeild Evrópu:
Haukar-Flensburg 25-34 (15-14)
Mörk Hauka (skot): Sigurbergur Sveinsson 8/1
(19/2), Freyr Brynjarsson 4 (5), Andri Stefan 4
(8), Gunnar Berg Viktorsson 3 (9), Pétur Pálsson
2 (3), Stefán Sigurmannsson 2 (3), Kári Kristjáns-
son 1 (1), Gísli Þórisson 1 (2).
Varin skot: Birkir Ívar Guðmundsson 8.
Mörk Flensburg (skot): Thomas Mogensen 8
(9), Lasse Svan Hansen 8 (9), Lars Christiansen
5/2 (7/2), Alen Muratovic 4 (5), Oscar Carlén 2
(4), Torge Johannsen 2 (3), Lasse Boesen 2 (2),
Michael Knudsen 2 (4).
Varin skot: Dan Beutler 14, Jendrik Meyer 4.
N1-deild karla:
HK-Valur 22-22 (9-14)
Mörk HK (skot): Valdimar Þórsson 7/4 (14/6),
Ragnar Hjaltested 4 (5), Ásbjörn Stefánsson 3
(7), Einar Ingi Hrafnsson 3 (6), Brynjar Hregg-
viðsson 3 (5), Gunnar Steinn Jónsson 2 (4).
Varin skot: Björn I. Friðþjófsson 15 (37/6) 41%
Mörk Vals (skot): Arnór Gunnarsson 7/1 (11/1),
Baldvin Þorsteinsson 5/1 (7/1), Elvar Friðriksson
4/3 (9/4), Hjalti Pálmason 3 (6), Orri Gíslason 1
(2), Gunnar Harðarson 1 (1), Ingvar Árnas. 1 (2).
Varin skot: Ólafur Haukur Gíslason 18/1 (39/4)
46%, Pálmar Pétursson 1/1 (2/2) 50%.
N1-deild kvenna:
HK-Valur 28-32
FH-Haukar 27-29
Fylkir-Stjarnan 24-17
ÚRSLIT
> Veigar Páll spilar í dag
Stabæk getur unnið tvöfalt í Noregi í vetur en Noregs-
meistararnir mæta Valerenga í bikarúrslitunum í dag.
Stabæk fór einmitt illa með Valerenga er það tryggði sér
norska titilinn fyrir tveimur vikum og er mun sigur-
stranglegri aðilinn í rimmu dagsins. Veigar Páll
Gunnarsson meiddist á ökkla í vikunni og var
óttast um þátttöku hans í leiknum. Veigar
æfði með liðinu í gær og verður að
öllum líkindum í byrjunarliði Stabæk í
dag. Pálmi Rafn Pálmason er einnig
á mála hjá Stabæk en byrjar líklega
á bekknum.
FÓTBOLTI Það var mikið undir hjá
Arsenal er það tók á móti Man.
Utd á Emirates-vellinum í gær.
Guttarnir hans Wengers stóðust
prófið og lögðu Englandsmeistar-
ana, 2-1, í hreint frábærum knatt-
spyrnuleik.
Samir Nasri skoraði bæði mörk
Arsenal en Rafael minnkaði mun-
inn undir lok leiksins. United var
mun betra framan af og fyrra
mark Arsenal kom nokkuð gegn
gangi leiksins. Það var smá heppn-
isstimpill á fyrra markinu en ekki
seinna markinu sem kom með frá-
bæru langskoti eftir magnaða
spilamennsku Arsenal.
„Þetta var gríðarlega mikilvæg-
ur sigur því ég var farinn að
ímynda mér hvað myndi gerast ef
við töpuðum þessum leik,“ sagði
Arsene Wenger, stjóri Arsenal,
kátur í leikslok. „Þetta var mikil-
vægur leikur fyrir framtíð þessa
liðs. Til að vera í baráttunni þarf
að vinna þessa stórleiki og þessi
sigur gefur hinu unga liði mínu
mikið. Það var frábær andi og bar-
áttuvilji hjá liðinu í þessum leik.“
Sir Alex Ferguson, stjóri Man.
Utd, viðurkenndi að þetta tap hefði
svo sannarlega áhrif á titilvonir
liðsins.
„Þetta er mikið áfall enda urðum
við að vinna þennan leik. Úrslit
okkar gegn hinum toppliðunum
eru verulegt áhyggjuefni og geng-
ið allt annað en það var í fyrra
gegn þessum liðum. Við þurfum
að komast yfir 85 stig til að eiga
möguleika á titlinum og verðum
að halda áfram að reyna að ná því
takmarki,“ sagði Ferguson. - hbg
Arsenal heldur sér í baráttunni með gríðarlega mikilvægum sigri á Man. Utd.:
Samir Nasri afgreiddi meistarana
SÁTTUR VIÐ STRÁKINN Arsene
Wenger klappar hér Samir Nasri
eftir að hann hafði skorað í leikn-
um í gær.
NORDIC PHOTOS/AFP
Það var mikið fjör í Digranesi í gær er HK og
Valur skildu jöfn, 22-22, í hörkuleik. Miklar
sveiflur voru í leiknum, mikið um mistök hjá
leikmönnum sem og dómurum og jafntefli
sanngjörn niðurstaða eftir allt saman.
Valsmenn byrjuðu með miklum látum,
komust í 0-4 og létu þá forystu ekki af
hendi í fyrri hálfleik en þá leiddu
þeir 9-14. HK-ingar komu hins vegar
brjálaðir í seinni hálfleikinn, lokuðu
vörninni, börðu hraustlega á Vals-
mönnum sem þoldu barsmíðarnar
illa. HK skoraði sex fyrstu mörkin í
síðari hálfleik og komst yfir, 15-14.
Valsmenn tóku fljótlega leikhlé
eftir það og hefðu að ósekju
mátt taka það leikhlé fyrr og
jafnvel skipta um markvörð.
Leikurinn jafnaðist í kjölfarið
á ný en HK var þó ávallt skrefi á undan,
komst í 22-20 en Valur skoraði síðustu tvö
mörk leiksins og náði að tryggja sér eitt stig.
Óskari Bjarna Óskarssyni, þjálfara Vals, var
heitt í hamsi í lok leiksins.
„Það var skandall hvernig við komum inn
í seinni hálfleik því við hefðum átt að
drepa þá. Ég geri mistök með
því að taka ekki leikhlé fyrr
en maður á það til að vilja
geyma það svolítið. Við
komumst svo inn í leikinn
en eyðleggjum hann á ný
þegar við erum einum fleiri
sem var afar dapurt. Þegar
upp var staðið var þó ágætt
að tryggja eitt stig,“ sagði
Óskar Bjarni sem var
ósáttur við dómgæsl-
una en vildi þó lítið láta hafa eftir sér um
hana. Hann hafði nokkuð til síns máls þar
en félagarnir Ingvar og Jónas áttu ekki góðan
dag. Byrjuðu strax að dæma illa, samræm-
ið ekkert og margir furðulegir dómar litu
dagsins ljós en það hallaði þó nokkuð jafnt
á bæði liðin svona heit yfir.
Gunnar Magnússon, þjálfari HK, var
ívið rólegri en kollegi hans hjá Val.
„Við Óskar vorum búnir að semja
um jafntefli þegar við vorum með
landsliðinu út í Noregi,“ sagði
Gunnar og glotti. „Valsmenn sáu
ekki til sólar í sókn í seinni hálfleik
en slæmar ákvarðanir hjá okkur
undir lokin fóru með sig-
urinn. Verðum að læra
af því.“
N1-DEILD KARLA: JAFNTEFLI NIÐURSTAÐAN Í HÖRKUSPENNANDI OG DRAMATÍSKUM LEIK HJÁ HK OG VAL
Jafntefli í uppgjöri aðstoðarlandsliðsþjálfaranna
HANDBOLTI Hálfleikarnir á Ásvöll-
um í gær voru eins og svart og
hvítt. Haukar frábærir í þeim
fyrri og Flensburgarar stórkost-
legir í þeim síðari þar sem Haukar
fengu hraustlega á baukinn hjá
þessu magnaða þýska liði.
Leikurinn í gær var uppgjör um
annað sæti F-riðilsins. Það var vel
mætt á Ásvelli í gær og áhorfend-
ur kveiktu vel í Haukum sem byrj-
uðu leikinn með miklum látum.
Þeir spiluðu frábæra vörn og
lömdu stórstjörnurnar frá Flens-
burg eins og harðfisk. Stjörnurnar
létu barsmíðarnar koma sér á
óvart og gáfu vel eftir. Á hinum
enda vallarins spiluðu Haukar
afar agaðan og ákveðinn sóknar-
leik. Þessi flotti leikur skilaði
þeim fjögurra marka forystu, 8-4,
eftir 10 mínútur og breytti engu
þótt Haukar væru meira og minna
manni færri.
Þá var Kent-Harry Anderson,
þjálfara Flensburg, nóg boðið og
tók leikhlé. Hléið skilaði sínu því
vörnin stórlagaðist, Beutler fór að
verja í markinu og Flensburg jafn-
aði, 8-8. Þá tók Sigurbergur Sveins-
son til sinna ráða en hann átti stór-
leik í hálfleiknum og skoraði 6
mörk. Haukar héldu sínu og leiddu
í leikhléi, 15-14.
Ræðan hjá Andersson í hálfleik
hefur verið af dýrari gerðinni því
hans menn mættu heldur betur
grimmir til síðari hálfleik. Flens-
burgarar hreinlega keyrðu yfir
Haukana á fyrstu tíu mínútum
hálfleiksins og kláruðu leikinn.
Skoruðu sjö mörk í röð og
breyttu stöðunni úr 17-16 í 17-23.
Sóknarleikur Hauka var í molum á
þessum kafla sem og vörnin. Þess
utan markvarslan engin. Andri og
Gunnar Berg, sem voru sprækir í
fyrri hálfleik, heillum horfnir og
eina ógnunin frá Sigurbergi. Línu-
sendingarnar virkuðu ekkert og
Haukar köstuðu þess utan boltan-
um frá sér á ódýran hátt.
Flensburg þakkaði pent fyrir
sig með hverju hraðaupphlaupinu
á fætur öðru og hreinlega keyrðu
Haukana í kaf. Haukar héldu þeim
í tveim hraðaupphlaupum í fyrri
hálfleik en leikmönnum Flens-
burgar héldu engin bönd í síðari
hálfleik þar sem þeir skoruðu úr
13 hraðaupphlaupum.
Þeir buðu upp á frábæra flug-
eldasýningu þar sem klassamun-
urinn á þessum tveim liðum kom
klárlega í ljós. Uppskeran að
lokum verðskuldaður stórsigur
hjá þýska liðinu, 25-34.
„Við vorum gjörsamlega keyrð-
ir í kaf og virtumst einfaldlega
ekki hafa úthald í þetta,“ sagði
dauðþreyttur Sigurbergur Sveins-
son í leikslok en það fjaraði undan
honum eins og öðrum leikmönnum
Hauka þegar leið á og síðustu sex
skot hans misstu marks. „Þetta
eru atvinnumenn en við erum í
kreppunni hér heima, vinnandi og
í skóla. Það sást bersýnilega í
seinni hálfleik. Fyrri hálfleikur
var samt mjög jákvæður og þar
sýndum við hvað í okkur býr en
það kostaði sitt og við sprungum á
limminu.“ henry@frettabladid.is
Sýning í síðari hálfleik
Þýska stórliðið Flensburg bauð upp á flugeldasýningu í síðari hálfleik gegn
Haukum á Ásvöllum í gær. Eftir frábæran fyrri hálfleik gáfu Haukar allt of mik-
ið eftir og Flensburgarar hreinlega keyrðu þá í kaf með mögnuðum handbolta.
STERKUR Sigurbergur Sveinsson átti flottan leik í gær og gerði varnarmönnum Flens-
burg oft lífið leitt. FRÉTTABLAÐIÐ/DANÍEL
HANDBOLTI Danska stórstjarnan
Lars Christiansen var að vonum
kátur með sigurinn í gær.
„Haukar voru mjög góðir í
fyrri hálfleik og nýttu sér okkar
mistök til fullnustu. Vörnin hjá
okkur var þess utan slök og hæg.
Við vissum að við yrðum að vera
á tánum því þeir eru hraðir og
berjast,“ sagði Christiansen sem
skoraði 5 mörk í leiknum.
„Svo komu hraðaupphlaupin
hjá okkur þegar vörnin small.
Síðari hálfleikur var allt of
auðveldur og það kom mér á
óvart enda höfum við séð
Haukana afar sterka í seinni
hálfleik í þessari keppni. Mér
fannst Haukarnir eiginlega gefast
upp og tapa trúnni allt of snemma
í síðari hálfleik,“ sagði Christi-
ansen og hafnaði öllum kenning-
um um vanmat. Sagði Flensburg
hafa búið sig undir erfiðan leik
gegn sterku liði Hauka. - hbg
Lars Christiansen:
Auðveldara en
ég átti von á
LARS CHRISTIANSEN Danska stjarnan
lék listir sínar á Ásvöllum í gær.
FRÉTTABLAÐIÐ/DANÍEL