Fréttablaðið - 09.11.2008, Blaðsíða 12

12 9. nóvember 2008 SUNNUDAGUR
timamot@frettabladid.is
Kreppan stóð sem hæst árið 1932. Atvinnuleysi
var mikið og sár fátækt. Eftir mikinn átakafund þar
sem slagsmál urðu ákvað bæjarstjórnin í Reykja-
vík að koma á atvinnubótavinnu þótt hún hefði
áður þverneitað að taka upp slíkt fyrirkomulag.
Þegar líða tók á veturinn fór féð sem var ætlað
til atvinnubótavinnunnar að verða uppurið. Bæj-
arstjórnin ákvað þá að lækka launin til vinnunnar.
Verkalýðssinnar mótmæltu því og ákveðið var að
efna til bæjarstjórnarfundar 9. nóvember í Góð-
templarahúsinu sem kallað var Gúttó.
Mikill mannfjöldi safnaðist saman fyrir utan
húsið og áheyrendabekkir voru þétt settnir. Þegar
sýnt þótti að bæjarstjórnin ætlaði ekki að skipta
um skoðun varð háreysti á pöllunum. Ekki heyrð-
ist mannsins mál og ákveðið var að slíta fundi.
Upphófust þá heiftúðug slagsmál. Lögreglan var
með mikinn mannskap auk hvítliða en hún mátti
sín lítils gegn margnum og lagði á flótta. Lögreglu-
menn voru þá eltir uppi og þeir barðir til óbóta.
Um kvöldið ákvað ríkisstjórnin að veita fé til
Reykjavíkurbæjar svo ekki þyrfti að lækka launin.
Þeir sem höfðu sig mest í frammi í átökunum
voru dæmdir í nokkurra mánaða fangelsi en fyrir
þrýsting frá almenningi var ákveðið að skilorðs-
binda dómana.
ÞETTA GERÐIST: 9. NÓVEMBER 1932
Gúttóslagurinn í ReykjavíkCHARLES DE GAULLE, FRAKK-LANDSFORSETI, FÆDDIST
ÞENNAN DAG ÁRIÐ 1890.
„Í velgengni geta rætur
ósigurs leynst og í ósigri
rætur velgengni.“
Charles de Gaulle varð for-
seti Frakklands í tvígang.
Stjórnmálaskoðanir hans
eru þekktar sem gaullismi
og hafa verið áberandi í
frönskum stjórnmálum.
Innilegar þakkir fyrir auðsýnda samúð
og hlýhug við andlát og útför eiginmanns
míns, föður okkar, tengdaföður, afa og
langafa,
Guðmundar
Valdimarssonar
Móasíðu 6a, Akureyri.
Sérstakar þakkir til Oddfellowreglunnar fyrir veittan
stuðning.
Þóranna Þórðardóttir
E. Ásrún Guðmundsdóttir Árni Ragnarsson
Margrét Unnur Akselsdóttir Erik Andersson
Valdimar R. Guðmundsson Daðey A. Sigþórsdóttir
og afabörn.
Elskuleg eiginkona mín, móðir og tengda-
móðir,
Ástdís Guðjónsdóttir
Suðurgötu 37, Reykjavík,
sem lést á líknardeild Landakotsspítala föstudaginn
31. október, verður jarðsungin frá Dómkirkjunni í
Reykjavík mánudaginn 10. nóvember klukkan 11.00.
Haraldur Theodórsson
Guðjón Haraldsson Sigríður Siemsen
Þórir Haraldsson Mjöll Flosadóttir
og fjölskyldur.
Elskuleg móðir okkar, tengdamóðir, amma
og systir,
Ester Haraldsdóttir,
sjúkraliði, Flétturima 36, Reykjavík,
lést á Landspítalanum Hringbraut mánudaginn
3. nóvember. Hún verður jarðsungin miðvikudaginn
12. nóvember kl. 15.00 frá Grafarvogskirkju.
Vignir Þór Siggeirsson Katrín Jónsdóttir
Haraldur B. Siggeirsson Margrét Á. Jóhannsdóttir
Ólafur Karl Siggeirsson
Guðlaug Edda Siggeirsdóttir Helgi Hafþórsson
barnabörn og systkini hinnar látnu.
„Það var full kirkja og vel það. Fólk
þurfti greinilega mjög á því að halda
að koma saman og hittast,“ segir séra
Sigurður Arnarson, prestur Íslendinga
í London, en söfnuðurinn hélt upp á 25
ára starfsafmæli síðasta sunnudag í
Sænsku kirkjunni í London.
Sigurður predikaði í messunni og
þjónaði fyrir altari ásamt séra Jóni
Aðalsteini Baldvinssyni, vígslubiskupi
á Hólum, en hann var fyrsti prestur
safnaðarins. Sigurður segist merkja
það á söfnuðinum að ástand síðustu
vikna í samskiptum þjóðanna tveggja
hafi áhrif á fólk.
„Við höfum messað tvisvar síðan
þetta gerðist allt saman og aðsókn
hefur aukist töluvert. Yfir fjögur
hundruð gestir sóttu síðustu tvær
messur en venjulega koma milli fimm-
tíu og sextíu gestir. Bresku gestirnir
höfðu einmitt á orði hvað þeim fannst
skemmtilegt að sjá hvað margar fjöl-
skyldur komu saman í messuna en það
mættu gestir víða að og sumir höfðu
ekið í fjóra fimm tíma.“
Margt góðra gesta lagði Sigurði lið
við hátíðahöldin en undirbúningur
þeirra hafði staðið í tæpt ár. Hafdís
Huld tónlistarkona söng meðal annars
fyrir börnin og auk Sigurðar og Jóns
Aðalsteins þjónuðu Michael Hunt-
er, rektor ensku biskupakirkjunnar í
Grimsby, og sr. David Hamid, vígslu-
biskup Evrópubiskupsdæmis biskupa-
kirkjunnar, fyrir altari.
„Allir norrænu sóknarprestarnir og
þeir prestar sem hafa tengst íslenska
söfnuðinum gegnum tíðina tóku þátt.
Maður fann mikinn stuðning við að
við værum að gera þetta. Ekki síst frá
gestgjöfum okkar Svíunum. Svo var
boðið upp á hátíðarkaffi niðri og þang-
að komu enn fleiri en í messuna því
það komust bara ekki fleiri inn í kirkj-
una.“
Íslenski kórinn í Lundúnum frum-
flutti sérsamið verk fyrir söfnuðinn
eftir Báru Grímsdóttur við texta séra
Einars Sigurðssonar frá Heydölum.
Björg Þórhallsdóttir söng einsöng og
ritningarlestra og lögðu tveir kórfé-
lagar leið sína alla leið frá Danmörku
til að taka þátt. Það segir Sigurður til
marks um velviljan og þann stuðning
sem fólk sýndi framtakinu.
„Það var bara gríðarleg stemning
og þarna töluðu saman gamli og nýi
tíminn. Orð Bretanna um hvað starfið
væri fjölskyldumiðað glöddu mig en
hér er unnið mjög öflugt og blómlegt
safnaðarstarf.
heida@frettabladid.is
ÍSLENSKI SÖFNUÐURINN Í LUNDÚNUM: FAGNAR 25 ÁRA STARFSAFMÆLI
Kærkomin samverustund
FJÖLSKYLDUMIÐAÐ STARF Bresku gestir hátíðarmessunnar höfðu á orði hve gaman væri að sjá fjölskyldur mæta saman í messuna.
MYND/GUÐRÚN EYJÓLFSDÓTTIR
MERKISATBURÐIR
1848 Þýski byltingarmaðurinn
Robert Blum er tekinn af
lífi í Vín.
1818 Vilhjálmur II, keisari
Þýskalands, segir af sér
og þýska ríkið verður lýð-
veldi.
1921 Albert Einstein hlýtur
Nóbelsverðlaunin í eðlis-
fræði.
1986 Tveimur hvalbátum er
sökkt í Reykjavíkurhöfn og
samtökin Sea Shepherd
lýsa ábyrgð á verknaðin-
um á hendur sér.
1989 Berlínarmúrinn fellur.
Fólki er leyft að ferðast
milli V- og A-Berlínar og
það byrjar að brjóta niður
múrinn.
AFMÆLI
ALESSANDRO
DEL PIERO
fótboltakappi
er 34 ára.
VALGERÐUR
RÚNARSDÓTT-
IR dansari er
þrítug.
EIRÍKUR
HJÁLMARS-
SON, upplýs-
ingafulltrúi
Orkuveitunn-
ar, er 44 ára.
EGILL HELGA-
SON sjón-
varpsmaður er
49 ára.
Ástkær dóttir mín, móðir, amma, systir,
móðursystir, mágkona og frænka,
Katla Sigurgeirsdóttir
Þórsgötu 22, Reykjavík,
andaðist á líknardeild Landspítalans föstudaginn
31. október. Útförin fer fram í Dómkirkjunni í
Reykjavík mánudaginn 10. nóvember kl. 13.00.
Anna G. Kristgeirsdóttir
Elva Rakel Sævarsdóttir
Aron Kristinn Haraldsson
Stella Sigurgeirsdóttir Jóhann Bjarni Pálmason
Salka Þorgerður Jóhannsdóttir Stelludóttir
Daði Sigurgeirsson
Kristgeir Sigurgeirsson og fjölskylda.