Fréttablaðið - 09.11.2008, Blaðsíða 14

2 Fjölskyldan
Vera
Einarsdóttir
skrifar
Fjölskyldan kemur út mánaðarlega með sunnudagsblaði
Fréttablaðsins. Ritstjórn: Sigríður Björg Tómasdóttir Hönnun:
Silja Ástþórsdóttir Forsíðumynd: Anton Brink Pennar: Þórdís
Lilja Gunnarsdóttir, Sigríður Björg Tómsdóttir Ljósmyndir:
Fréttablaðið Auglýsingar: Benedikt Jónsson benediktj@365.is
Ég byrjaði á kvöldsundferðum með eldri börnin tvö síðastliðið haust, þegar yngsta dóttir mín var sex
mánaða. Þá var ég heima í fæðingarorlofi
á meðan eldri systkinin voru í ærslum og
daglegu amstri skóla og leikskóla – og
fannst þau eiga inni sinn einkatíma með
mömmu sinni áður en dagsverkum lyki,“
segir Drífa Baldursdóttir, meistaranemi í
lýðheilsufræðum við Háskólann í Reykja-
vík, en Drífa eignaðist soninn Benedikt
árið 2001, dótturina Hildi Arney 2005 og
litlu Jóhönnu Karen 2007.
„Börnin tóku sundferðunum fagnandi
og hefðu helst viljað fara daglega, eins og
reyndar ég sjálf. Það er yndislegt að fara
saman ofan í heitan umvefjandi pott í
huggulegu haust- og vetrarmyrkri eftir
snemmbúinn kvöldverð heima, en ákjós-
anlegasti tíminn finnst mér vera frá hálf-
sjö til átta, því þá eru allir komnir í hátt-
inn fyrir níu,“ segir Drífa sem á
kvöldferðum sínum með börnin sín litlu
í Vesturbæjarlaugina fékk fljót-
lega félagsskap vinkonu sinn-
ar, Mörtu Jónsdóttur hjúkr-
unarfræðinema, og sonar
hennar, Matthíasar Hjart-
ar.
„Kvöldsundið er hjart-
fólginn tími samveru og
notalegheita. Þá er dýr-
mætt að geta treyst vina-
böndin við Mörtu og móður-
tengsl við börnin eftir langan
dag að heiman. Í þessum ferðum
er enginn sundbolti eða ærslagangur;
við spjöllum bara og höfum það notalegt í
heita pottinum. Börnin vilja ekki einu
sinni fara upp úr og yfir í laugina; svo
mjög njóta þau stundarinnar, enda sam-
einar hún samveru, baðtíma, rólegheit og
slökun fyrir svefninn,“ segir Drífa sem
leggur mikið upp úr gæðastundum með
hverju barni fyrir sig, ekki síst
þar sem annríki er mikið í
meistaranámi meðfram
starfi hennar á leikskóla.
„Eftir sundið fara börn-
in beint í náttfötin og tylla
sér saman á náttsloppum
til að maula ávexti í fata-
klefanum á meðan við
mömmurnar klæðum okkur
og puntum. Sæl og þreytt
fara þau svo heim að lúlla og
víst að mamman græðir mikið á
sundferðinni því auðveldara er að fara
með þrjú börn í laugina en að baða alla
heima. Pabbinn getur svo nýtt tímann
fyrir sig á meðan, eða átt stund með ein-
hverju barninu, því pabbastundir eru ekki
síður nauðsynlegar börnunum. - þlg
Á náttsloppum heim eftir
kvöldsund lítilla kroppa
Tvær umhyggjusamar og uppteknar mæður tóku upp þann góða sið að fara reglulega með krútt-
in sín litlu í heitu pottana fyrir svefninn öllum til ómældrar ánægju, slökunar og gleði.
Gott í pottinum Marta Jónsdóttir, sonur hennar Matthías Hjörtur, Hildur Arney, Drífa Baldursdóttir og Jóhanna Karen slaka á í heita pott-
inum í Vesturbæjarlauginni eftir daginn. FRÉTTABLAÐIÐ/VALLI
BARNVÆNT
Borgarbókasafnið Það er
leitun að barnvænni stað en
Borgarbókasafninu fyrir litla og
stóra bókaorma. Notaleg
fjölskylduferð getur falist í því
að rölta á bókasafnið í hverfinu,
koma sér fyrir og fletta nýjum
bókum og blöðum eftir aldri og
smekk. Útibúin eru öll með
barnahorn þar sem bókunum er
komið fyrir og þar eru líka
leikföng. Í Aðalsafninu í
Grófarhúsinu við Tryggvagötu
eru sunnudagar barnadagar.
Þar er boðið upp á skipulagða
dagskrá klukkan þrjú, upplestur,
föndur og þar fram eftir
götunum. Þar er líka stórt og
myndarlegt leikhorn fyrir yngri börnin, dýnur til að liggja á og lesa, alls konar spil og búningar og
margt ævintýralegt og skemmtilegt fyrir yngri kynslóðina. Foreldrarnir geta komið sér fyrir í þægileg-
um sófanum í leikhorninu og ef báðir eru með í för er náttúrulega hægt að taka vaktina í barnadeild-
inni til skiptis og næla sér í bækur eftir smekk í öðrum deildum safnsins.
Orðatiltækið börnin læra það sem fyrir þeim er haft er mér ofarlega í huga þessa dagana. Í síðustu sveitarstjórnarkosningum vorum
við fjölskyldan búsett í Svíþjóð. Við foreldrarnir
fylgdumst með úrslitum kosninganna í gegnum
tölvuna og sátum sem límd við skjáinn. Sonur okkar,
sem þá var fjögurra ára, valsaði um í kringum okkur
og spurði hvað væri um að vera. Ég tók að mér að
skýra það:
Sko, það er verið að kjósa um það hverjir koma til
með að ráða á Íslandi. Bláu og grænu kallarnir
(Sjálfstæðisflokkurinn og Framsóknarflokkurinn)
eru vondu kallarnir og hugsa bara um peninga.
Rauðu og appelsínugulu kallarnir (Samfylkingin og
Vinstri grænir) eru hins vegar góðu kallarnir og
hugsa um að börn fái góða leikskóla og að vel sé
hugsað um gamla fólkið, fullyrti ég. Ég gerði mér
fulla grein fyrir því að ekki var um hlutlausa útskýr-
ingu að ræða en óraði ekki fyrir afleiðingunum. Það
var svo skömmu síðar sem þær komu fyrst í ljós. Þá
fékk snáðinn ekki vilja sínum framgengt, var fljótur
að leggja saman tvo og tvo og sagði: Þú ert vond
mamma. Þú hugsar bara um peninga.
Nú er drengurinn að verða sjö ára og enn spyr
hann þegar hann horfir með okkur á sjónvarpsfrétt-
irnar yfir kvöldmatnum hvort þessi eða hinn tilheyri
bláa eða rauða liðinu. Við höfum reynt að malda í
móinn og sagt að það leynist nú góðir kallar í bláu og
grænu liðunum og að meira að segja tilheyri
ættingjar og allra bestu vinir þeim liðum. Eins
höfum við sagt honum að fólk geti verið misjafnlega
blátt og rautt. Það hefur þó lítið haft að segja og er
drengurinn staðráðinn í því að halda með „góðu
köllunum“ um aldur og ævi.
Þessi afstaða hefur síðustu daga vakið ugg í
brjósti mér. Ég hef nú lengi þóst vita það að börn
erfi í mörgum ef ekki flestum tilfellum kosningasiði
foreldra sinna og þannig virðist það ætla að verða á
mínu heimili. En er þá einhver von til þess að
nokkuð breytist? Nú þegar hugmyndafræði bláu
kallanna, sem flestir hafa hingað til haldið með, er
hrunin eru þá einhverjar líkur á því að þeir hugsi
sinn gang og sjái hlutina í nýjum lit? Eða mun
innrætið og uppeldið ætíð hafa yfirhöndina?
Ég ætla í það minnsta að reyna að taka mér tak og
læða inn gagnrýnari hugsun hjá syni mínum því það
kann ekki góðri lukku að stýra ef börnin apa allt upp
eftir okkur fullorðna fólkinu gagnrýnislaust, hvaða
lit sem við kunnum að tilheyra.
GAGNRÝNIN
HUGSUN
Á slóðinni www.th.is er hægt
á aðgengilegan hátt að
skoða úrvalið og gera
góð kaup!
Það er alveg óþarfi að láta
sér verða kalt á höndunum
Fjölbreytt úrval af leðurhönskum af öllum stærðum og gerðum!