Fréttablaðið - 11.11.2008, Blaðsíða 2

2 11. nóvember 2008 ÞRIÐJUDAGUR
Guðmundur Páll, fara ekki
margir í fýlu án hákarls?
„Nei, nei, en svo gæti farið
að menn þyrftu að þreyja
þorrann án hans.“
Útlitið er dökkt fyrir þorrablótin að sögn
Guðmundar Páls Óskarssonar, fiskverk-
anda í Hnífsdal, þar sem ekki tekst að
anna eftirspurn eftir hákarli.
ALÞINGI Geir H. Haarde forsætis-
ráðherra hefur ekki uppi áform
um að flýta kosningum að svo
stöddu. Hann
upplýsti það á
Alþingi í gær í
svari við fyrir-
spurn Steingríms
J. Sigfússonar,
formanns VG.
Það er skoðun
Steingríms að
efna beri til
kosninga í síðasta
lagi í vor. Stein-
grímur sagði svar Geirs óskyn-
samlegt enda veruleikafirring að
horfast ekki í augu við að kjósa
þurfi innan skamms. - bþs
Geir H. Haarde um kosningar:
Ekki áformaðar
að svo stöddu
GEIR H. HAARDE
BELGÍA, AP Framkvæmdastjórn
Evrópusambandsins leggur til að
dregið verði mjög úr fiskveiðum í
norðaustanverðu Atlantshafi á
næsta ári.
Veiðar á nærri
30 fiskistofnum
verði minnkaðar
verulega, í sumum
tilfellum um
helming, og algert
bann verði lagt við
veiðum á nokkrum
stofnum að auki.
„Við þurfum að
veiða minna um hríð,“ segir Joe
Borg, sem fer með fiskveiðimál í
framkvæmdastjórn ESB. Hann
segir að ofveiði hafi valdið því, að
fækkað hafi verulega í mörgum
fiskistofnum.
Verndaraðgerðir hafi þó skilað
þeim árangri að sumir stofnar hafa
lagast, en „þessar góðu fréttir eru
undantekningar, ekki reglan“. - gb
Evrópusambandið:
Hyggst draga
úr fiskveiðum
JOE BORG
Ágreiningur um greiðslur
Norski rækjutogarinn Remøy Viking
hefur verið í kvínni í Hafnarfjarðar-
höfn þó að viðgerð á stýri hafi lokið
fyrir rúmri viku. Ástæðan er ágreining-
ur um greiðslur og bankatryggingar í
bankakreppunni á Íslandi.
HAFNARFJÖRÐUR
Guðjón Ólafsson vaknar á sjúkrahúsi
og hefur misst minnið. Hvað gerðist?
Lenti hann í slysi? Var það slys?
Hvaða ókunni maður kom að
honum og bjargaði lífi hans?
Algleymi er ný skáldsaga eftir
Hermann Stefánsson, einn
fyndnasta og frumlegasta
rithöfund okkar daga.
ÆÐISGENGINN FLÓTTI
OFSÓKNIR OG UPPLJÓSTRANIR
D
Y
N
A
M
O
R
E
Y
K
JA
V
ÍK
Bræðraborgarstíg 9
VARNARMÁL Ef hætta á við komu
breskrar flugsveitar til loftrýmis-
gæslu á Íslandi í desember þarf
ákvörðun um það að koma í dag.
Komi hún seinna verða gámar
með hergögnum þegar lagðir af
stað til landsins með skipi, sam-
kvæmt heimildum Fréttablaðs-
ins.
Talsmaður breska varnarmála-
ráðuneytisins segir enn ekki
ákveðið hvort af loftrýmiseftirlit-
inu verði. Bresk stjórnvöld hafi
boðið fram flugsveit en íslensk
stjórnvöld virðist ekki hafa gert
upp við sig hvort boðið verði
þegið.
Urður Gunnarsdóttir, fjölmiðla-
fulltrúi utanríkisráðuneytisins,
segir að skilningur ráðuneytisins
sé sá að af heimsókninni verði
nema annað verði ákveðið.
Verið er að vinna að hugmynd-
um um sparnað í utanríkisráðu-
neytinu. Urður staðfestir að meðal
þeirra sparnaðaraðgerða sem séu
til umræðu sé að hætta við heim-
sókn flugsveitarinnar. Hún tekur
þó fram að engin ákvörðun hafi
verið tekin um slíkt. Urður segir
vinnu við niðurskurð „á síðustu
metrunum“. Heimildarmaður sem
vel þekkir til segir að tilkynnt
verði um niðurstöðuna í dag.
Loftrýmiseftirlit á vegum ríkja
Atlantshafsbandalagsins er til
komið að beiðni Geirs H. Haarde
forsætisráðherra. Með því brugð-
ust stjórnvöld við brotthvarfi
bandaríska varnarliðsins. Áætlað
er að þær þjóðir sem séu tilbúnar
til að leggja fram flugsveitir komi
með óreglulegu millibili í stuttan
tíma í senn til að sinna eftirlitinu.
Össur Skarphéðinsson, þá starf-
andi utanríkisráðherra, sagði eftir
ríkisstjórnarfund 17. október að
honum fyndist það ekki við hæfi á
þeirri stundu að Bretar kæmu
með þessum hætti Íslandi til varn-
ar. Það myndi „misbjóða þjóðar-
stolti Íslendinga“. Vísaði hann þar
í aðgerðir breskra stjórnvalda
gegn Landsbankanum og öðrum
íslenskum fyrirtækjum í Bret-
landi. Aðrir ráðherrar tóku ekki
svo sterkt til orða.
Í fjárlögum er áætlað að kostn-
aður við hverja heimsókn erlendr-
ar flugsveitar sé um 50 milljónir
króna. Ellisif Tinna Víðisdóttir,
forstjóri Varnarmálastofnunar,
segir að kostnaðurinn við heim-
sókn Bretanna verði ekki svo mik-
ill. Áætlað sé að hann verði um
það bil 25 milljónir króna. Verið
sé að ræða við Breta um að þeir
taki þátt í þeim kostnaði.
Fyrirhugað er að loftrýmis-
eftirlit bresku flugsveitarinnar
hefjist 8. desember, og standi til
20. desember. brjann@frettabladid.is
Bresk hergögn send
af stað til Íslands
Taka þarf ákvörðun í dag um hvort hætta eigi við komu breskrar flugsveitar til
loftrýmisgæslu í desember. Kostnaður við heimsóknina er áætlaður um það bil
25 milljónir króna. Koma Bretanna er til endurskoðunar vegna niðurskurðar.
FRANSKAR LOFTVARNIR Það sem af er árinu hafa tvær flugsveitir komið hingað til
lands til eftirlits, frá Frakklandi og Bandaríkjunum. Reiknað er með komu danskrar
sveitar í mars á næsta ári. FRÉTTABLAÐIÐ/ARNÞÓR
URÐUR
GUNNARSDÓTTIR
ELLISIF TINNA
VÍÐISDÓTTIR
STJÓRNMÁL Í ljósi gjörbreyttrar
stöðu eftir hrun bankakerfisins
hefur þingflokkur Sjálfstæðis-
flokksins rætt málefni Evrópusam-
bandsins að undanförnu.
Margir þættir sem vega með og
á móti aðild að sambandinu hafa
breyst á skömmum tíma og er nýr
veruleiki sagður kalla á nýtt stöðu-
mat.
Raunar telja einstaka þingmenn
ríka ástæðu til að taka alla utan -
ríkisstefnu landsins til endurskoð-
unar. Samskipti við aðrar þjóðir
gefi tilefni til þess. Er þar einkum
átt við samskipti við Breta.
Innan Sjálfstæðisflokksins hefur
verið hörð andstaða við aðild
Íslands að Evrópusambandinu og í
ályktun frá síðasta landsfundi
segir að flokkurinn telji aðild ekki
þjóna hagsmunum þjóðarinnar
eins og málum sé háttað. Þó sé
mikil vægt að sífellt sé í skoðun
hvernig hagsmunum landsins verði
best borgið í samstarfi Evrópu-
ríkja.
Þingflokkur Sjálfstæðisflokks-
ins fjallaði ítarlega um Evrópu-
málin í vor en ekki urðu áherslu-
breytingar í afstöðunni til
málaflokksins.
Lagt er upp í umræðurnar nú
undir því fororði að niðurstöðurn-
ar séu ekki gefnar fyrirfram.
Samkvæmt upplýsingum Frétta-
blaðsins er ekki litið svo á innan
þingflokksins að nýtt mat á Evr-
ópumálum sé forgangsverkefni
stjórnmálanna; önnur viðfangsefni
séu brýnni í augnablikinu. - bþs
Þingflokkur Sjálfstæðisflokksins ræðir um Evrópusambandið í ljósi nýrrar stöðu:
Nýr veruleiki kallar á nýtt mat
FRÁ ALÞINGI Evrópumálin eru rædd á
vettvangi þingflokks Sjálfstæðisflokksins
þessa dagana.
EFNAHAGSMÁL „Við erum ákaflega
leiðir yfir því að þurfa að segja
hæfu fólki upp,“ segir Haraldur
Flosi Tryggvason, framkvæmda-
stjóri Framtíðarsýnar útgáfufé-
lags Viðskiptablaðsins. Öllum
starfsmönnum félagsins, um
fjörutíu talsins, var í gær sagt upp
störfum.
Í tilkynningu frá félaginu segir
meðal annars: „Erfitt rekstrarum-
hverfi fjölmiðla hefur mjög verið
til umfjöllunar undanfarið – er þar
ekki einasta rætt um efnahags-
lægð sem dregur úr allri umsetn-
ingu, heldur bætist við brengluð
samkeppni á auglýsingamarkaði.“
Haraldur segir að hér eftir
verði aðeins eitt tölublað gefið út í
viku en rekstur fréttavefsins
www.vb.is verði óbreyttur. - kdk, kg
Útgáfufélag Viðskiptablaðsins:
Framtíðarsýn
segir öllum upp
ALÞINGI Með sérstökum lögum um
rannsókn á aðdraganda banka-
hrunsins verður bankaleynd
afnumin þar sem þess er talin
þörf.
Frumvarp þess efnis verður
lagt fram á Alþingi í vikunni.
Frumvarpið er unnið í samstarfi
allra flokka undir forystu
þingforseta.
Samkvæmt heimildum Frétta-
blaðsins er líklegt að rannsóknin
muni ná mörg ár aftur í tímann.
Enn fremur mun í frumvarpinu
kveðið á um víðtækar heimildir
til handa rannsóknaraðila. - kg
Rannsókn á bankahruninu:
Bankaleynd
vikið til hliðar
LÖGREGLUMÁL Mikil ásókn virðist
vera í gróðurhúsalampa þessa
dagana, samkvæmt upplýsingum
lögreglunnar á Selfossi. Á
rúmlega viku hefur verið brotist
inn í þrjár gróðrarstöðvar og
lömpum stolið. Aðfaranótt
síðastliðins miðvikudags var
brotist inn í gróðurhús við
Gróðurmörk og þaðan stolið
ellefu 600 watta lömpum.
Aðfaranótt laugardags var
brotist inn í gróðrarstöð í
Laugarási og sjö 600 watta
lampar numdir á brott. Talsvert
tjón er af þessu þar sem lampar
af þessu tagi kosta á milli 20 og
30 þúsund krónur. - jss
Tíð innbrot í gróðrarstöðvar:
Ásókn í gróður-
húsalampana
STJÓRNMÁL „Þetta var svona í gamni gert bara,“ segir
Bjarni Harðarson, alþingismaður Framsóknarflokks-
ins, sem fól í gær aðstoðarmanni sínum að áfram-
senda trúnaðarbréf tveggja framsóknarmanna til
fjölmiðla frá nafnlausu netfangi sem aðstoðarmaður-
inn átti að útbúa.
„Við höfðum þetta í flimtingum milli okkar í samtali
en ég ætlaðist ekki til að þetta yrði tekið alvarlega,“
segir Bjarni um fyrirmæli sín til aðstoðarmannsins
sem Bjarni sendi honum í tölvupósti og einnig í ógáti
á helstu fjölmiðla.
Framsóknarmennirnir Gunnar Oddsson og Sig-
tryggur Jón Björnsson í Skagafirði hafa átt í bréfa-
skriftum við Valgerði Sverrisdóttur, alþingismann
Framsóknarflokksins og fyrrverandi viðskiptaráð-
herra, um þátt hennar í einkavæðingu bankanna. Í
bréfi sem þeir sendu Valgerði í gær gagnrýna þær
hana afar harðlega fyrir þátt hennar í einkavæðingu
bankanna. Hvorugur þeirra kveðst hafa gefið leyfi
fyrir því að senda bréfið til fjölmiðla.
Auk þess sem bréf Skagfirðinganna var sent
Valgerði barst það þingmönnum Framsóknarflokksins
og örfáum öðrum, alls sextán manns.
Bjarni kveðst hafa velt því fyrir sér að senda bréfið
á fjölmiðla en fallið frá því. Hann sendi fjölmiðlum í
gær ósk um að tölvuskeyti hans til aðstoðarmannsins
yrði eytt. Hann segist undrast að fjölmiðlar skuli ekki
verða við þeirri ósk heldur nota slíkar upplýsingar
sem þeim berast fyrir misgáning til „að koma höggi á
menn“. - gar
Bjarni Harðarson fól aðstoðarmanninum að senda nafnlaust bréf til fjölmiðla:
Vildi nafnlaust bréf um Valgerði
VALGERÐUR SVERRISDÓTTIR OG BJARNI HARÐARSON „sæll,
hér er merkilegt bréf. ertu til í að búa til anymous netfang
og senda þetta úr því á alla fjölmiðla. -b.“ segir í tölvupósti
þingmannsins til aðstoðarmannsins.
SPURNING DAGSINS