Fréttablaðið - 11.11.2008, Blaðsíða 18
● fréttablaðið ● jólahlaðborð 11. NÓVEMBER 2008 ÞRIÐJUDAGUR2
„Ég er að lesa Leyndardóma Snæfellsjökuls,“ segir
Kolbeinn Rastrick sem er níu ára gamall lestrarhest-
ur. „Hún er um mann og frænda hans sem ferðast að
miðju jarðarinnar.“ Kolbeinn sá samnefnda kvikmynd
fyrir stuttu og datt þess vegna í hug að lesa bókina
sem er sígilt ævintýri eftir Jules Verne. Svo heppilega
vildi til að pabbi hans, Ólafur Rastrick, átti hana en
annars nær Kolbeinn sér oft í bækur á bókasafninu.
Kolbeinn lærði að lesa í fyrsta bekk í Vestur-
bæjarskóla og hefur verið duglegur að lesa síðan.
„Skemmtilegast er að lesa ævintýrabækur eins og til
dæmis Harry Potter og Narníubækurnar og Lord of
the Rings,“ segir Kolbeinn sem bæði les mikið sjálfur
en mamma hans, Sesselja Magnúsdóttir, les líka alltaf
fyrir hann á kvöldin. Svo á hann yngri bróður, Mart-
ein, sem nýtur góðs af dugnaði Kolbeins við lesturinn.
„Ég las fyrir hann Gúmmí Tarsan og svo hef ég lesið
Bróður minn ljónshjarta fyrir hann.“
Kolbeinn velur sér stundum bækur á bókasafninu
í Vesturbæjarskóla en lesstundir eftir frímínútur eru
á meðal uppáhaldstímanna hans í skólanum. Þar fyrir
utan finnst honum skemmtilegast í alls konar íþrótt-
um. „Og ég er á námskeiði í skylmingum og í leiklist,“
segir hann að lokum. - sbt
Ævintýrabækur eru lang-
skemmtilegustu bækurnar
Kolbeinn niðursokkinn í lestur.
FRÉTTABLAÐIÐ/ARNÞÓR.
Börn og unglingar hafa á und-
anförnum árum sökkt sér ofan
í fantasíur og ekkert lát virðist
á því.
„Fantasíur hafa notið hvað mestra
vinsælda á meðal barna- og ungl-
inga undanfarin ár og er það lík-
lega Harry Potter sem kom þeirri
skriðu af stað,“ segir Þorbjörg
Karlsdóttir, barnabókavörður á
Borgarbókasafninu, en fátt í heimi
barnabóka fer framhjá henni.
Þó að ekki sé að vænta fleiri
bóka um galdrastrákinn knáa þá
taka aðrar við og segir hún hina
dönsku Lene Kaaberböl, sem
skrifar Ávítarabækurnar, hafa
notið vinsælda. „Eins hafa bæk-
urnar um Artemis Fowl verið
mikið lesnar. Þá rjúka Spiderwick
og Eragon-bókaflokkarnir út.“
Áður en fantasíurnar ruddu sér
til rúms voru að sögn Þorbjargar
raunsærri bækur eins og bækurn-
ar um Bert og Svan eftir sænsku
höfundana Anders Jacobsson
og Sören Olsson mikið lesnar en
þær taka á daglegu lífi barna og
unglinga með glettni og húmor
að vopni. „Yngri börnin leita svo
mikið að mér finnst í fyndnar
bækur og lesa til að mynda Kaf-
tein ofurbrók og Skúla skelfi af
miklum móð.
En hvað með íslenskar barna-
bækur? „Sigrún Eldjárn gefur út
bók á hverju ári og hún hefur meðal
annars verið í fantasíum. Krist-
ín Helga Gunnarsdóttir, Gerð-
ur Kristný og Björk Bjarkadóttir
hafa líka verið afkasta miklar svo
dæmi sé tekið. Í fyrra kom svo
sprenging í unglingabókaútgáfu
en ég held að þá hafi um sex frum-
samdar unglingabækur litið dags-
ins ljós. Þær eru margar raunsæj-
ar og taka á áleitnum spurning-
um sem unglingar standa frammi
fyrir. Þannig bækur eru alltaf vin-
sælar. “
En á Þorbjörg von á því að
bókaútgáfa og -lestur muni breyt-
ast í takt við þjóðfélagsástand-
ið. „Ég hugsa nú að fantasíurnar
haldi velli en það gæti þó verið að
höfundar fari að skrifa raunsærri
bækur. Það er svo aldrei að vita
nema kreppan ýti undir sköpunar-
gáfuna og að þeir sem gangi með
höfundinn í maganum setjist við
skriftir.“ - ve
Flestir lesa fantasíur
Þorbjörg telur að fantasían muni halda velli en á þó jafnvel von á því að raunsærri bækur muni líta dagsins ljós á næstunni.
FR
ÉT
TA
BL
Ð
IÐ
/A
N
TA
O
N
Nú býður SKB upp á tvær gerðir af jólakortum sem
hönnuð eru af Braga Einarssyni og listakonunni Mæju
Gleðjið ættingja, vini, samstarfsmenn og viðskiptavini
með fallegri jólakveðju og styðjið um leið við
krabbameinssjúk börn og fjölskyldur þeirra
Boðið er upp
á sérvalda
innáprentun með
texta og/eða merki
fyrirtækja
Jólakortin eru
tvöföld og fylgir
hvítt umslag hverju
korti.
Stærð:115x165
mm.
Jólakort Styrktarfélags
krabbameinssjúkra barna
Tekið er við pöntunum á heimasíðu
félagsins www.skb.is eða í síma 588 7555
Jólakortin eru einnig seld á skrifstofu félagsins í
Hlíðasmára 14 í Kópavogi og þar eru þau seld 10
saman í pakka og kostar pakkinn 1.000 krónur.
Hjálpaðu
umhverfinu
með
Blaðberanum
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...