Fréttablaðið - 14.11.2008, Blaðsíða 6

6 14. nóvember 2008 FÖSTUDAGUR
SVEITARFÉLÖG Kristján L. Möller,
ráðherra sveitarstjórnarmála, mun
leggja fram lagafrumvarp sem
kveður á um að árið 2014 verði
lágmarksfjöldi íbúa í sveitarfélög-
um 1.000. Í dag er lágmarksfjöldi
íbúa 50. Þetta kallar á sameiningu
fjölda sveitarfélaga.
Kristján kynnti þetta á fjármála-
ráðstefnu Samtaka sveitarfélaga.
Hann sagði það umhugsunarefni
hvort við hefðum efni á að reka
mörg smá sveitarfélög. Misgóður
rómur var gerður að tillögu
ráðherra. Spurt var hvort íbúatala
ein ætti að ráða sameiningu, frekar
en landfræðileg skilyrði, samgöng-
ur, tekjur eða þjónusta. - kóp
Sveitarfélög verða sameinuð:
Íbúalágmark
1.000 árið 2014
SVEITARFÉLÖG Einhugur var um það
á fjármálaráðstefnu Samtaka
sveitarfélaga að nauðsynlegt væri
fyrir sveitarfélög að framlög til
jöfnunarsjóðs sveitarfélaga yrðu
óbreytt. Það gildi líka um
viðbótarframlag, en því hefur
verið úthlutað til sveitarfélaga í
vanda. Það hefur numið 1,4 millj-
örðum króna síðustu tvö ár.
Samkvæmt fjárlögum sem lögð
voru fram í október er ekki gert
ráð fyrir aukaframlaginu og reglu-
bundin framlög til hans dragast
saman um 10 prósent.
Framlag jöfnunarsjóðsins vegur
misþungt hjá sveitarfélögum, en
algengt er að það sé 7 til 12 pró-
sent af tekjum þeirra. Í fjölda
þeirra er það hærra, 20 til 25 pró-
sent og í Tálknafjarðarhreppi er
það tæplega 42 prósent af tekjum.
Fjármálaráðherra var krafinn
svara um hvað yrði um jöfnunar-
sjóðinn.
Í máli fundarmanna kom fram
hve miklu framlag jöfnunarsjóðs
skipti sveitarfélögin og án þess
væri stoðunum kippt undan rekstri
margra þeirra. Það eigi líka við
um viðbótarfjármagnið, en dæmi
eru um að það eitt og sér nemi 18
prósentum af heildartekjum A-
hluta sveitarfélags.
Halldór Halldórsson, formaður
Samtaka sveitarfélaga, sagði mörg
sveitarfélög orðin háð viðbótar-
fjármagninu. „Mörg smærri sveit-
arfélög og sameinuð sveitarfélög
eru háð þessu framlagi áfram,
ekki síst við þær aðstæður sem nú
eru.“
Árni M.
Mathiesen fjár-
málaráðherra
sagði í erindi
sínu að því
miður myndu
þær breytinga-
tillögur sem nú
er verið að gera
á frumvarpinu
miða að því að
skera niður
fremur en auka útgjöld. Að lokn-
um umræðum, þar sem sveitar-
stjórnarmenn ítrekuðu mikilvægi
jöfnunarsjóðs og viðbótafram-
lagsins, sagðist ráðherra hafa
fengið skýr skilaboð og með þau
færi hann af fundinum.
„Ég hef sjaldan fengið bein-
skeyttari skilaboð um hvað það er
sem skiptir sveitarfélögin máli og
ég verð að taka það alvarlega og
inn í þá vinnu sem við erum í.
Stakkurinn hefur hins vegar senni-
lega aldrei verið þrengra sniðinn
og ef við bætum í hér verðum við
að minnka annars staðar.“
Ríkisvaldið var á fundinum
sakað um skort á virðingu fyrir
sveitarstjórnarstiginu. Oft gengi
illa að fá greitt frá ríkinu þó að til
væru undirritaðir samningar þar
um. kolbeinn@frettabladid.is
Einhugur á ráð-
stefnu sveitarfélaga
Sveitarstjórnarfólk var einhuga um að nauðsynlegt væri að framlög í jöfnunar-
sjóð yrðu óbreytt á næsta ári, annars lenti fjöldi þeirra í fjárkröggum. Kallað
var eftir skýrum skilaboðum frá ríkisvaldinu en sumum þótti fátt um svör.
ÞUNGT HUGSI Þingfulltrúar á fjármálaráðstefnu sveitarfélaganna voru þungt hugsi yfir
ástandi efnahagsmála. Svo mjög að sumir ræðumenn kvörtuðu og báðu um fleiri
bros. FRÉTTABLAÐIÐ/ANTON
HALLDÓR
HALLDÓRSSON
EFNAHAGSMÁL Tekjur hins opinbera
munu dragast saman um fjórðung
árið 2009, miðað við árið 2008.
Þetta kom fram í máli Árna M.
Mathiesen fjármálaráðherra á
fjármálaráðstefnu Sambands
íslenskra sveitarfélaga í gær.
Þá munu skuldir hins opinbera
aukast mjög, þær voru um 28 pró-
sent af landsframleiðslu árið 2007,
en eru líklegar til að verða mun
meiri en landsframleiðsla árið
2009. Þá sé enn óljóst hvaða áhrif
viðræður við Breta, Hollendinga,
Þjóðverja og fleiri þjóðir muni
hafa á skuldastöðu ríkissjóðs.
Árni segir þörf á niðurskurði í
opinberum vexti og vaxtabyrði af
skuldum geti stefnt opinberum
fjármálum í voða. „Það er brýnt
verkefni hins opinbera að draga
úr útgjöldum, lækka skuldirnar
og ná jafnvægi á ný í fjármálum
bæði ríkis og sveitarfélaga.“
Staða ríkissjóðs gerði það að
verkum að hann væri ekki aflögu-
fær til að koma að niðurgreiðslu
skulda sveitarfélaga, því væri
niðurskurður mikilvægari en
ella.
„Alþjóðagjaldeyrissjóðurinn
hefur metið það svo að þörf væri á
að skera niður útgjöld í opinberum
rekstri á næstu árum og að sú þörf
sé aðkallandi í ljósi breyttrar stöðu.“
- kóp
Árni M. Mathiesen fjármálaráðherra tilkynnir tekjutap hins opinbera:
Fjórðungi minni tekjur 2009
FJÁRMÁLARÁÐHERRA Segir að skuldir hins opinbera verði mun meiri en landsfram-
leiðsla árið 2009. FRÉTTABLAÐIÐ/ANTON
Auglýsingasími
– Mest lesið
LÖGREGLUMÁL „Þetta er grafalvar-
legt mál. Svona nokkuð getur hæg-
lega ollið alvarlegum umferðar-
slysum,“ segir Dagbjartur
Sigur brandsson, verkefnastjóri hjá
framkvæmda- og eignasviði
Reykjavíkurborgar. Haus af
umferðarljósi var stolið á gatna-
mótum Sæbrautar og Holtavegar
um klukkan 18.00 fyrrakvöld.
Umferðarljósin á gatnamótunum
virka enn, en líklegt er að kostnað-
ur vegna kaupa á nýjum ljósahaus
verði í kringum 200.000 krónur.
Dagbjartur segir slík tilvik hafa
komið upp tvisvar áður á sínum
ferli. „Í fyrra skiptið létum við fjöl-
miðla vita af þjófnaði á ljósahaus
hjá Blóðbankanum. Hálftíma eftir
að fréttin var lesin upp hringdi í
okkur faðir ungings, sem væntan-
lega hefur gripið piltinn glóðvolg-
an. Í seinna skiptið fannst ljósahaus
af Kringlumýrarbraut ekki fyrr en
tveimur árum síðar við fíkniefna-
leit í íbúð einni. Hausinn var þá
tengdur og öll ljós logandi, búið að
skipta um perur og hvaðeina,“ segir
Dagbjartur, og bætir við að ýmsir
aðilar hafi reynt að kaupa ljósa-
hausa af honum í gegnum tíðina, oft
til að tengja við hljómflutnings-
græjur og nota sem diskóljós.
Dagbjartur skorar á alla sem
gætu veitt upplýsingar um þjófnað-
inn að láta í sér heyra. - kg
Haus af umferðarljósi var stolið á gatnamótum Sæbrautar og Holtavegar:
Diskó-óður ljósaþjófur á ferð
YFIR Á RAUÐU Að sögn Dagbjarts hefur
nýr ljósahaus verið pantaður ef ske
kynni að sá gamli skili sér ekki. Kostnað-
urinn sé upp undir 200.000 krónur.
KJÖRKASSINN
Finnst þér ráðamenn hafa
staðið sig vel í að upplýsa þjóð-
ina um stöðu efnahagsmála
undanfarnar vikur?
Já 8,6%
Nei 91,4%
SPURNING DAGSINS Í DAG:
Ertu komin/n í jólaskap?
Segðu þína skoðun á visir.is