Fréttablaðið - 14.11.2008, Blaðsíða 34
8 föstudagur 14. nóvember
✽ fylltu frystikistuna
KERTI ERU KÓSÍ Nú þegar skammdegið er skollið á af full-
um þunga jafnast fátt á við kertaljós til að skapa notalega stemningu
heima fyrir. Það kostar ekki mikið að kaupa nokkur kerti, koma þeim
fallega fyrir, kveikja og sjá, heimilið tekur stakkaskiptum.
heima
Pottar, pönnur, geymslubox,
krukkur, bökunarform og ýmis
eldhúsáhöld er á meðal þess
sem rýkur út um þessar mundir
í Ikea. Svanborg Kjartansdóttir í
smávörudeildinni þar segir nóg
að gera og líkt og að fólk hamist
við að baka og hamstra í frysti-
kistuna ef marka má kaupin í
deildinni. „Svo seljum við metra-
vöru í miklu meira mæli en fyrr,“
segir Svanborg sem telur það
vísbendingu um að Íslendingar
sitji nú og saumi jólagjafir enda
ekki seinna vænna en að fara að
huga að jólagjöfum eigi þær að
vera heimatilbúnar eins og verð-
ur örugglega vinsælt í ár.
JÓLI KAUPIR INN
Jólasveinninn hefur hafið inn-
kaup að því er verslunarmenn
Tiger herma. Það sem mest
selst í búðinni, sem státar af því
að flestar vörur kosta nokkra
hundrað kalla, eru hlutir sem
henta vel fyrir jólasveina að
setja í skóinn. Starfsmenn búð-
arinnar segja mikið að gera og
lítill samdráttur enda kannski
mikið leitað í ódýrustu búðirnar
þegar þrengir að hjá fólki.
Hvað selst í kreppunni?
Kökuform og
krukkur rjúka út
S eiðandi krydd frá Norð-ur-Afríku eiga sérstak-
lega vel við á þessum árs-
tíma. Kanelstangir og neg-
ulnaglar gæða mat frá
Marokkó mjúkum og næst-
um jólalegum keim og hefð-
bundnar „tagine“-kássur
eru einmitt tilvalinn matur
á köldum nóvemberkvöld-
um. Uppistaðan í slíkum
rétti er oftast lambakjöt
eða kjúklingur ásamt græn-
meti og kryddi sem borið er
fram með couscous-grjón-
um. Eftirfarandi réttur er
stórsniðugur að því leyti að
hann getur mallað í stórum
potti allan daginn á meðan
maður tekur til eða tekur sig
til. - amb
Eldað um helgina...
MAROKKÓSKT
LAMBA-„TAGINE“
Lokkandi lamba-„tagine“ frá Marokkó er kósí í skammdeginu.
800 grömm lambakjöt skorið í teninga
Ein og hálf matskeið ólífuolía
1 stór laukur, niðurskorinn
2 stór hvítlauksrif
1 tsk. kanill
1 og hálf teskeið cumin
1 teskeið engifer
Saffran á hnífsoddi
Ein dós af kjúklingabaunum
Ein dós af niðursoðnum tómötum
200 grömm couscous
450 ml lambakjötskraftur
Handfylli af kóríander
Handfylli af myntu
Einn kúrbítur
Salt og pipar.
Brúnið lambið á háum hita í olíunni og
setjið það svo til hliðar. Brúnið laukinn
og bætið svo kryddinu við (ekki þeim
fersku). Setjið kjötið ofan í pottinn ásamt
grænmetinu og soðinu. Látið suðuna
koma upp en látið svo malla á vægum
hita í klukkustund. Bætið svo við fersku
kryddjurtunum, salti og pipar. Berið fram
með couscous. Einnig er gott að bragð-
bæta réttinn með döðlum.
SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
NÝJAR BÆ
KUR
GAMALT V
ERÐ!
Opinskáar og einlægar frásagnir átján kvenna
þar sem þær segja frá örlagaríkum atburðum og
upplifunum sem í mörgum tilvikum hafa reynst
vendipunktur í lífi þeirra.
Óður til steinsins er áleitin og áhrifamikil
bók þar sem dregnar eru upp sterkar og oft
átakanlegar myndir úr lífi íslenskra kvenna.
Ógleymanleg bók.
Berorð og krassandi ævisaga eins umdeildasta
listamanns Íslendinga á 20. öld.
Dagur var lengstum utan garðs. Kjaftfor,
drykkfelldur alþýðusinni og bóhem sem gaf
stjórnvöldum jafnan langt nef.
Gott á pakkið er mögnuð ævisaga um mann
sem svo sannarlega batt bagga sína öðrum
hnútum en flestir aðrir.
Skemmtilegt væri að bjóða upp á
myntute eftir matinn að marokkósk-
um sið.