Fréttablaðið - 14.11.2008, Blaðsíða 8
8 14. nóvember 2008 FÖSTUDAGUR
OLÍS ÁLFHEIMUM, OLÍS GULLINBRÚ, HOLTAGÖRÐUM,
OLÍS MJÓDD, OLÍS NORÐLINGAHOLTI, NÝBÝLAVEGI,
SUÐURLANDSBRAUT, OLÍS AKRANESI, OLÍS AKUREYRI,
OLÍS BORGARNESI, OLÍS KEFLAVÍK, OLÍS REYÐARFIRÐI
12 STAÐIR
Íslenska er okkar mál
www. jonas.ms.is
H
V
ÍT
A
H
Ú
S
IÐ
/S
ÍA
–
0
8
-2
3
1
9
VINNUMARKAÐUR Atvinnutilboðun-
um hefur rignt yfir Íslendinga
frá Noregi og Danmörku eftir
bankahrunið. Valdimar Ólafsson,
Eures-ráðgjafi hjá Vinnumála-
stofnun, segir atvinnutilboðin
„streyma yfir okkur frá Noregi.“
Sérstaklega vanti fólk í sunnan-
og vestanverðum Noregi.
Kristine Kopperud Timberlid,
ráðgjafi hjá NAV Sogn og Fjor-
dane, segir að mikið framboð sé á
störfum í sveitarfélaginu Sogn og
Fjordane, sem
er rétt norðan
við Björgvin.
Þar segir hún
að vanti fólk af
báðum kynjum
í flestar starfs-
greinar en þó
sérstaklega fólk
í ferðageirann,
kokka, tækni-
menn og verk-
fræðinga en síst í byggingargeir-
ann. Kristine segir að nóg sé að
kunna ensku til að byrja með og
jafnvel bankamenn sem kunni
skandinavísku eigi möguleika á
að fá starf.
Kristine segir að mikil eftir-
spurn sé eftir Íslendingum. Fjár-
málakreppan hafi ekki komið
jafnilla við Norðmenn og Íslend-
inga og því hafi Norðmenn enn
talsverð atvinnutækifæri að
bjóða. Norskir vinnuveitendur
horfi gjarnan til Norðurlanda
þegar þeir ætli að ráða fólk enda
vinnumenningin lík í löndunum.
„Mest eftirspurn er eftir fólki
með menntun og reynslu og af
báðum kynjum,“ segir Kristine,
einna mest matreiðslumönnum
og kokkum. „Við höfum ekki
menntað nóg af kokkum í Noregi
en höfum verið að byggja mikið
af hótelum og þess vegna er
þörfin enn meiri,“ segir hún.
Þá eru þrjú norsk fyrirtæki að
auglýsa tíu toppstöður sem tengj-
ast olíuiðnaði hjá job.is. Kolbeinn
Pálsson framkvæmdastjóri seg-
ist hafa fengið fleiri fyrirspurnir
að utan og nú bíði hann bara eftir
svörum frá þeim.
Fulltrúar erlendra vinnumiðl-
ana og fyrirtækja eru á leið hing-
að til lands um aðra helgi til að
kynna atvinnumöguleika, taka við
ferilskrám og hugsanlega ráða í
laus störf. Valdimar Ólafsson,
Eures-ráðgjafi hjá Vinnumála-
stofnun, segir að kollegar sínir
komi frá átta löndum, þar á meðal
Noregi og Danmörku, til að gefa
ráð um atvinnuleit og upplýsa um
aðstæður í þessum löndum.
„Auk þess koma hingað fjögur
fyrirtæki, flest úr byggingargeir-
anum, til að taka á móti umsókn-
um og kynna störf. Þessi fyrir-
tæki eru frá Hollandi og Belgíu
og svo er eitt norskt-danskt-þýskt
byggingarfyrirtæki sem aðallega
starfar í Danmörku og Noregi.
Auk þessa kemur ein vinnumiðl-
un sem þjónustar byggingar-
iðnaðinn.“
ghs@frettabladid.is
VALDIMAR
ÓLAFSSON
NÓG AF STÖRFUM Kristine Kopperud Timberlid atvinnuráðgjafi segir nóg af störfum
fyrir Íslendinga í sveitarfélaginu Sogn og Fjordane norðan við Björgvin í Noregi.
Norsk atvinnutilboð
streyma til landsins
Atvinnutilboðin streyma inn á Eures-vinnumiðlunina við Engjateig í Reykjavík,
fyrst og fremst frá Noregi en líka Danmörku. Í Noregi vantar fólk í nánast alla
geira en þó síst í byggingariðnað. Norskt fyrirtæki vantar fólk í tíu toppstöður.
Við höfum ekki menntað
nóg af kokkum í Noregi.
KRISTINE KOPPERUD TIMBERLID
ATVINNURÁÐGJAFI Í NOREGI
AFGANISTAN, AP Nærri tíu manns fórust og meira en sjö-
tíu særðust í gær þegar sjálfsvígsárásarmaður ók bif-
reið með sprengjum inn í bílalest bandaríska hersins.
Nánast allir hinna látnu og særðu voru almennir
borgarar, en einn bandarískur hermaður féll.
Árásin var gerð í Nangarhar-héraði í austanverðu
Afganistan, þegar bandaríska bílalestin var stödd rétt
við markaðstorg þar sem fjöldi fólks var að versla með
búfénað. Hinir særðu voru fluttir á þrjú sjúkrahús í
borginni Jalalabad, sem er höfuðstaður héraðsins.
Enginn hafði lýst yfir ábyrgð á árásinni, en fullvíst
þykir að talibanar eða aðrir uppreisnarhópar hafi stað-
ið að henni. Herskáir talibanar notast oft við bílsprengj-
ur og sjálfsvígsárásarmenn til að ráðast gegn jafnt
afgönskum sem erlendum hermönnum í landinu. Flest
fórnarlömb þeirra árása eru þó saklausir heimamenn.
Í gær voru einnig tveir breskir hermenn drepnir í
sprengjuárás í Kandahar, sunnan til í landinu.
Á sjötta þúsund manns hafa látist í átökum eða árás-
um tengdum talibönum og öðrum uppreisnarhópum
það sem af er þessu ári. Nærri þúsund þeirra voru
óbreyttir borgarar. - gb
Mannskæð sjálfsvígsárás á bandaríska bílalest í austanverðu Afganistan:
Blóðbað á markaðstorgi
SKELFILEG AÐKOMA Bandarískur hermaður kannar bifreið sem
notuð var til sjálfsvígsárásar. FRÉTTABLAÐIÐ/AP
EFNAHAGSMÁL Formaður og fram-
kvæmdastjóri Samtaka atvinnu-
lífsins lögðu á það áherslu í gær á
fundi samtakanna að hefja aðilar-
viðræður við Evrópusambandið.
„Ríkisstjórnin þarf að vinna af
krafti í hagsmunamati í tegnslum
við mögulega inngöngu okkar í
Evrópusambandið,“ sagði Þór Sig-
fússon, formaður Samtaka atvinnu-
lífsins, í ræðu sinni. „Hvatt verður
til þess að þessar viðræður geti
hafist sem fyrst og málinu verði
flýtt eins og kostur er.“
Krónan er ekki samkeppnishæf-
ur gjaldmiðill, sagði Vilhjálmur
Egilsson, framkvæmdastjóri Sam-
taka atvinnulífsins. Evran væri
hins vegar mikið hagsmunamál
fyrir atvinnulífið. Vilhjálmur sagði
peningastefnuna, sem fylgt hefur
verið undanfarin ár, hafa grafið
undan krónunni. Með þetta í huga
þurfi að fara fram endurmat á
aðild að Evrópusambandinu. „Það
hefur ekki verið tekin ákvörðun
um endurmat innan samtakanna,“
segir Vilhjálmur, hins vegar sé
Evrópusambandsaðild til umræðu
innan þeirra. „Það er afgerandi
meirihluti innan Samtaka atvinnu-
lífsins fylgjandi aðild,“ segir Vil-
hjálmur. Það sé hins vegar í verka-
hring stjórnar samtakanna en ekki
hans sem framkvæmdastjóra að
breyta stefnu þeirra. - ss
Formaður og framkvæmdastjóri Samtaka atvinnulífsins á fundi samtakanna:
Hvatt til aðildarviðræðna við ESB
VILHJÁLMUR EGILSSON Framkvæmda-
stjóri Samtaka atvinnulífsins segir upp-
töku evru hagsmunamál fyrir atvinnulíf-
ið á Íslandi. FRÉTTABLAÐIÐ/GVA