Fréttablaðið - 14.11.2008, Blaðsíða 24

SPRENGJUHÖLLIN OG HJALTALÍN spila í Kirkju- og
menningarmiðstöð Fjarðabyggðar á Eskifirði í kvöld og hefjast tón-
leikarnir klukkan 20. Annað kvöld, laugardagskvöldið 15. nóvember,
leika hljómsveitirnar svo á Hótel Valaskjálfi frá klukkan 23.
„Næsta laugardag, 15. nóvember,
ætlum við að rifja upp gamla tíma
þegar fólk gerði sér ferð í miðbæ-
inn til að sjá jólasveinana og fá
sér kakó,“ segir Bryndís Sigurð-
ardóttir, verslunarstjóri Ramma-
gerðarinnar. Gestum og gangandi
verður boðið að kynna sér íslenskt
handverk á handverksdegi í
Rammagerðinni þar sem færir
listamenn sýna verk sín og vinnu-
lag og einnig verður boðið upp á
heitt kakó, kleinur og piparkökur.
„Aldís Bára Einarsdóttir, einn
færasti leirkerasmiður Íslands,
kemur með heilan rennibekk og
ætlar að renna og leyfa fólki að
prófa. Síðan kemur Örn Sigurðs-
son, rennismiður og útskurðar-
maður, líka með rennibekkinn
sinn og hann ætlar að sýna hvern-
ig hann sker út gestabækur auk
þess sem hann sýnir fleiri muni.
Lind Hilmarsdóttir skartgripa-
smiður mun einnig sýna hand-
verk úr náttúrulegum steinum og
veita ráðleggingar um skartgripa-
smíði. Svo bættist í hópinn kaffi-
listamaðurinn Bergur Thorberg
sem málar myndir með kaffi. Hér
verða líka prjónakonur sem veita
ráðleggingar en þær munu prjóna
vesti og lopapeysur,“ segir
Bryndís ánægð. Opnað verður
klukkan tíu um morguninn og
verður dagskrá til sex um kvöldið.
„Aldís mætir fyrst manna klukkan
tíu en um tvöleytið verða allir
hinir komnir á svæðið,“ segir
Bryndís spennt.
Sú hefð hefur lengi verið að
setja jólasveina í glugga Ramma-
gerðarinnar 1. nóvember og áður
fyrr var Rammagerðin alltaf fyrst
með jólin. „Í gamla daga þegar
Haukur Gunnarsson var fram-
kvæmdastjóri var Rammagerðin
alltaf með svo flotta glugga um
jólin og þetta höfum við haldið í.
Ein jólin átti eitthvað að fara að
breyta og það varð bara eiginlega
lögreglumál. Ég var tekin á beinið
og spurð hvar jólasveinarnir
væru,“ segir Bryndís og hlær.
Bryndís finnur fyrir miklum
áhuga á íslenskri framleiðslu sem
og áhuga á að framkvæma. „Þeir
Íslendingar sem voru lagstir í leti
eru allir risnir upp og vilja fara að
gera eitthvað!“ segir hún bros-
andi. „Í öllu baslinu þá höfum við
þó haft gott af. Allir eru að vakna
til lífsins og vilja bjarga sér og
framleiða hér heima.“
hrefna@frettabladid.is
Jólin í Rammagerðinni
Jólin koma oftast snemma í Rammagerðinni þegar jólasveinarnir eru settir út í glugga 1. nóvember. Á
laugardaginn verða rifjaðir upp gamlir tímar og boðið upp á íslenskt handverk, kakó og kleinur.
Jólasveinarnir í gluggum Rammagerðarinnar mæta á svæðið 1. nóvember ár hvert og
hafa gert lengi, mörgum til mikillar gleði. FRÉTTABLAÐIÐ/VALLI
Lind Hilmarsdóttir skartgripahönnuður og Bryndís Sigurðardóttir, verslunarstjóri Rammagerðarinnar, hlakka til handverksdagsins.
FRÉTTABLAÐIÐ/ANTON
Opið 10-16 laugardaga
Amethyst - mjög
glæsilegur “push up”
haldari í BCD skálum
á kr. 6.990,-”
Vetrarstígvél
Auglýsingasími
– Mest lesið
Alla mmtudaga