Fréttablaðið - 19.11.2008, Blaðsíða 14
MARKAÐURINN 19. NÓVEMBER 2008 MIÐVIKUDAGUR2
F R É T T I R
Vika Frá ára mót um
Alfesca -10,1% -48,8%
Atorka 12,5% -93,6%
Bakkavör -33,7% -95,4%
Eimskipafélagið 0,0% -96,1%
Exista 0,0% -76,6%
Icelandair -0,8% -52,4%
Kaupþing 0,0% -100,0%
Marel 10,6% -16,9%
SPRON 0,0% -79,2%
Straumur 0,0% -53,1%
Össur 6,1% 4,8%
*Miðað við lokagengi í Kauphöll í gær.
Úrvalsvísitalan OMXI15 653.
G E N G I S Þ R Ó U N
Jón Aðalsteinn Bergsveinsson
skrifar
„Við höfum sýnt ákveðna biðlund. En framtíð Al-
fesca er óljós og við munum skoða marga kosti
til að bæta hag hluthafa,“ segir Ólafur Ólafsson,
stjórnarformaður Alfesca.
Ólafur er jafnframt stjórnarformaður Samskipa.
Hann segir ganginn yfirleitt góðan en krefjandi
fyrir þau fyrirtæki sem hann stjórni og snúa að al-
þjóðlegum mörkuðum. Ágætlega gangi þrátt fyrir
þrengingar í Bretlandi en erfiðleikar í Eystrasalts-
ríkjunum og í Rússlandi hafi komið niður á Sam-
skipum. Gangurinn sé þó góður enda hagi menn
seglum eftir vindi.
Alfesca sóttist eftir evruskráningu hlutabréfa
á síðasta ári. Tafir urðu á skráningunni eins og
áður var frá greint þegar Seðlabankinn gerði at-
hugasemd við hana og frestaðist skráningin. Síð-
ustu áætlanir Kauphallarinnar og Verðbréfaskrán-
ingar miðuðu við að Seðlabanki Finnlands tæki
uppgjörið að sér til framtíðar. Við fall bankanna
þriggja breyttust forsendur gagnvart Finnlands-
banka en Þórður Friðjónsson, forstjóri Kauphallar-
innar, sagði í samtali við Markaðinn fyrir hálfum
mánuði að semja verði við annan banka um evru-
uppgjör og verkferla því tengdu.
Ólafur segir hrun bankanna og dýfu krónunnar
hafa snert mjög við hluthafa Alfesca. Mestu skipti
um fall krónu, ekki síst gagnvart evru. „Ég held
að það hefði bætt stöðu hluthafa verulega ef við
hefðum skráð hlutaféð í evrur,“ segir Ólafur. „Við
höfum verið mjög þolinmóðir og sýnt ástandinu
skilning. Aðstæður í dag eru hins vegar slíkar að
við þurfum að endurskoða stöðuna.“
Hann segir hugsanlegt að halda ýmist félaginu á
markaði eða afskrá það. Í framhaldinu mætti skoða
skráningu í öðru landi, svo sem í Sviss eða Frakk-
landi. Að minnsta kosti tvö fyrirtæki sem skráð
eru í Kauphöllina hafa íhugað slíkt upp á síðkast-
ið, samkvæmt heimildum Markaðarins. Tvíhliða
skráning kæmi ekki til greina.
Hann segir erlenda hluthafa hafa horft til evru-
skráningar lengi. Einn þeirra var sheikh Mohamed
Bin Khalifa Al-Thani, bróðir emírsins af Katar, sem
stefndi á að kaupa 12,6 prósent hlutafjár í Alfesca.
Al-Thani keypti raunar rétt rúman fimm prósenta
hlut í Kaupþingi fyrir 25,5 milljarða króna hálf-
um mánuði áður en ríkið tók bankann yfir. Við það
gufaði upphæðin upp en viku síðar hætti hann við
kaup í Alfesca.
Sjálfur sá Ólafur á eftir háum fjárhæðum við fall
Kaupþings en hann var næststærsti hluthafi bank-
ans, skráður fyrir tæpum 9,9 prósenta hlut þegar
ríkið tók bankann yfir. Markaðsverðmæti hlutar-
ins þá nam 47,8 milljörðum króna á síðasta degi
en er nú einskis virði. Þrátt fyrir það tekur hann
ekki þátt í að skoða hvort höfðað verði mál á hend-
ur breskum yfirvöldum vegna falls Kaupþings
ásamt Existu, sem var stærsti hluthafi bankans.
„Við fylgjumst bara með því þar til ákveðið verður
hvort farið verði í mál,“ segir hann.
ÓLAFUR ÁSAMT STJÓRNENDUM ALFESCA Stjórnarformaður
Alfesca segir stjórnendur velta fyrir sér framtíð félagsins með það
fyrir augum að tryggja framtíð þess. MARKAÐURINN/GVA
Hugleiða að taka
Alfesca af markaði
Ólafur Ólafsson, stjórnarformaður Alfesca, segir frestun
evruskráningar hlutabréfa og fall bankanna setja mark sitt
á framtíð félagsins. Afskráning komi til greina.
„Það verður að halda öllum mögu-
leikum opnum, jafnvel að leita
lánsfjár hjá einkaframtaks-og
fjárfestingasjóðum í Miðaustur-
löndum og veita hlut í bönkunum
á móti,“ segir dr. Daniel Levin,
lögfræðingur og efnahagsráð-
gjafi ríkisstjórna víða um heim.
Eins og fram kom í Fréttablað-
inu um helgina hefur dr. Levin í
um tuttugu ár komið að uppbygg-
ingu landa eftir efnahagshrun.
Auk þess að sækja um lán frá
Alþjóðagjaldeyrissjóðnum hefur
íslenska ríkið horft í kringum
sig, svo sem hjá nágrannaþjóðun-
um og til Rússlands. Levin telur
ólíklegt að Rússalánið skili sér.
Þar glími menn við mikinn við-
skiptahalla og ólíklegt að burðir
séu þar til að opna pyngjurnar.
Hann telur meiri líkur á já-
kvæðum svörum frá Mið-Aust-
urlöndum, svo sem í Abu Dhabi
eða Katar.
„Þar eru hvorki fjárhags-
áhyggjur né viðskiptahalli. Þótt
sjóðirnir hafi áhyggjur af þróun
efnahagsmála þá eru þær tiltölu-
lega litlar enda sitja olíuríkin
í Mið-Austurlöndum á digrum
sjóðum,“ segir hann. - jab
DANIEL LEVIN Ráðgjafi í efnahags-
málum segir Íslendinga verða að skoða
möguleikann á því að sækja sér lánsfé til
Mið-Austurlanda gegn hlut í bönkunum.
MARKAÐURINN/VALLI
Horfum til Miðausturlanda
„Okkur fannst vanta virkan vett-
vang um nýsköpun,“ segir Hjálm-
ar Gíslason, framkvæmdastjóri
DataMarket.
Hjálmar býr yfir áralangri
reynslu af frumkvöðlastarfi í
upplýsingatækni, smíðaði sem
dæmi leitarvél símaskrárvefs-
ins Já.is.
Hann segir að í kjölfar banka-
hrunsins í byrjun síðasta mán-
aðar hafi hann sest niður ásamt
öðrum frumkvöðlum í upplýs-
ingatæknigeiranum þar sem hug-
myndum var kastað á milli.
Niðurstaðan var vefsíðan ny-
skopun.org en þar má nálgast
reynslusögur og gagnlegar leið-
arstikur fyrir þá sem áhuga hafa
á nýsköpun og frumkvöðlastarfi.
Vefurinn byggir á Wiki-kerf-
inu, sem merkir að hann er opinn
og geta þeir sem vilja sett inn
upplýsingar um efnið. Tuttugu
manns hafa unnið launalaust við
vefinn fram til þessa, samkvæmt
síðustu tölum Hjálmars. - jab
HJÁLMAR GÍSLASON Hjálmar og
kunningjar hans úr upplýsingatækni
hafa sett á laggirnar opinn vettvang þar
sem fólk getur nálgast upplýsingar um
nýsköpun. FRÉTTABLAÐIÐ/ARNÞÓR
Nýsköpun fyrir alla
„Svartsýnin er víða í því óvenju-
lega ástandi sem nú ríkir. Það
sést á breyttum neysluvenjum
fólks sem velur af kostgæfni
hvað það snæðir, sérstaklega um
hátíðir,“ segir Xavier Govare,
forstjóri Alfesca.
Alfesca tapaði 323 þúsund
evrum á fyrsta fjórðungi árs-
ins, sem hófst í byrjun júlí. Til
samanburðar nam hagnaðurinn
828 þúsund evrum á sama tíma
í fyrra. Rekstarhagnaður nam
6,4 milljónum evra, sem er ell-
efu prósenta samdráttur frá síð-
asta ári en 12,5 prósenta aukning
á samanburðargrundvelli þegar
miðað er við stöðugt gengi og án
tilfallandi kostnaðar.
Govare segir stjórnendur hafa
dregið meðvitað úr kostnaði og
aukið vöruúrval í samræmi við
aðstæður á helstu mörkuðum
fyrirtækisins. Vonast sé til að
það skili sér í betri jólasölu.
Til stóð að greiða hluthöfum
arð nú í fyrsta sinn. Sú ákvörðun
hefur verið dregin til baka í ljósi
einkar erfiðra aðstæðna á alþjóð-
legum mörkuðum, að sögn for-
stjórans. - jab
Beðið eftir jólunum
Fjármögnun Skipta hf., aðaleig-
enda Símans, er tryggð út árið
2012.
Pétur Þ. Óskarsson, talsmað-
ur Skipta, segir handbært fé frá
rekstri vera með ágætum, miðað
við aðstæður. „Langtímafjár-
mögnun er tryggð en rekstrar-
umhverfi fyrirtækja hér er ekki
auðvelt. Við þurfum að greiða
mánaðarlega í erlendri mynt af
kerfunum sem við rekum.“
Fyrirtækið hefur mælst til
þess að starfsfólk með yfir 350
þúsund króna mánaðarlaun taki
á sig 10 prósenta skerðingu. - kóp
Fjármögnun
tryggð út 2012
XAVIER GOVARE Forstjóri Alfesca segir
að af fenginni reynslu geri fólk vel við sig
um hátíðarnar þegar kreppi að í efnahags-
lífinu. MARKAÐURINN/GVA