Fréttablaðið - 19.11.2008, Blaðsíða 33
MIÐVIKUDAGUR 19. nóvember 2008 17
sport@frettabladid.is
FÓTBOLTI Jóhannes Karl Guðjóns-
son hefur ekki hlotið náð fyrir
augum landsliðsþjálfarans Ólafs
Jóhannessonar upp á síðkastið
þrátt fyrir frábæra spila-
mennsku með Burnley en lands-
liðþjálfarinn hefur sjálfur verið
tregur til að útskýra almennilega
af hverju hann kýs að velja ekki
leikmanninn.
„Ég gaf ekki kost á mér í
æfingamótið á Möltu og gerði
grein fyrir því við Ólaf af hverju
ég treysti mér ekki í það verk-
efni. Það má í raun og veru
segja að ég hafi þá valið
fjölskylduna fram yfir
æfingamótið og það geta
náttúrulega komið upp
aðstæður þar sem maður
er bara ekki alveg klár
í þessa svokölluðu vin-
áttulandsleiki,“ segir
Jóhannes Karl
hreinskilinn.
Jóhannes Karl
hefur svo verið
úti í kuldanum
hjá landsliðsþjálfaranum
alla tíð síðan.
„Ólafur hefur líklega
verið frekar svekktur með
útskýringar mínar á sínum tíma
og það er náttúrulega bara hans
ákvörðun að velja mig ekki í
framhaldi af því. Hann hlýtur að
velja sitt besta lið í hvert skipti
og ég virði það að sjálfsögðu.“
Jóhannes Karl hefur leikið
glimrandi vel með spútnikliði
Burnley í Championship-deild-
inni og deildarbikarnum á þessu
keppnistímabili og er ekki búinn
að gefa landsliðsferilinn upp á
bátinn.
„Það eina sem ég get gert er að
halda áfram að standa mig hjá
mínu félagsliði og það er bara
eins og það er. Ég gef að sjálf-
sögðu áfram kost á mér í
landsliðið og er alltaf stolt-
ur þegar ég fæ tækifæri
til þess að spila fyrir
Íslands hönd. Ég er því
klár ef kallið kemur
og ætla ekkert að
skæla yfir því að hafa
ekki verið valinn í hóp-
inn upp á síðkastið.
Ég fylgist auðvitað
vel með gangi mála
hjá landsliðinu og
vonast til þess að
Ólafi og strákunum
gangi vel,“ segir
Jóhannes Karl að
lokum. - óþ
Jóhannes Karl er klár í landsliðið ef kallið kemur:
Tók fjölskylduna
fram yfir landsliðið
JÓHANNES KARL Er ekki búinn
að gefa landsliðsferilinn upp á
bátinn. FRÉTTABLAÐIÐ/VILHELM
Íslenska landsliðið í knattspyrnu spilar í dag æfingaleik gegn Möltu
ytra. Leikurinn fer ekki fram á þjóðarleikvangi Maltverja, Ta Q´ali,
heldur á leikvangi félagsliðs í landinu. Þetta er í annað sinn sem
Ísland mætir Möltu ytra en liðið var þar á æfingamóti síðastliðinn
febrúar og tapaði þá fyrir heimamönnum, 1-0.
„Ég hef ekkert sérstaklega mikinn áhuga á því að tapa hérna
fyrir þeim í annað skipti á árinu. Það er ekki ásættanlegt að
tapa og við stefnum að sjálfsögðu á sigur í leiknum enda
eigum við harma að hefna,“ sagði Ólafur Jóhannes-
son landsliðsþjálfari við Fréttablaðið í gær en hann
fór utan síðastliðinn sunnudag en leikmenn frá
meginlandi Evrópu voru komnir til móts við hópinn
á mánudag.
Liðið náði einni æfingu á mánudaginn og æfði
aðeins einu sinni í gær þar sem mikil rigning var á
Möltu og æfingasvæði blautt og erfitt viðureignar.
„Það eru allir heilir í hópnum og klárir í slaginn,“
sagði Ólafur en helsta áhyggjuefni hans var Aron
Einar Gunnarsson sem óttast var að hefði úlnliðs-
brotnað um helgina. „Það var ekkert til í því. Það flísaðist upp úr
beini en það er búið að teipa það og hann á að geta beitt sér af
fullum krafti og sett allan sinn kraft í innköstin löngu.“
Ólafur ætlar að nýta þennan leik til þess að gefa leikmönnum
sem lítið hafa spilað í síðustu leikjum tækifæri.
„Þeir strákar sem hafa verið númer 12 í hópnum og upp
úr fá að sprikla og sýna sig núna. Ég ætla samt ekki að skipta
út öllu liðinu og því verður ákveðinn kjarni úr síðustu liðum til
staðar. Þessi leikur á engu síður að vera kærkomið tækifæri
fyrir menn til þess að sanna sig,“ sagði Ólafur en hvað vill
hann helst fá út úr leiknum?
„Ég vil að við höldum áfram að skerpa á þeim hlutum
sem við höfum verið að vinna í. Ég myndi helst vilja sjá
í þessum leik að okkur takist betur að halda boltanum
innan liðsins og menn hafi sjálfstraust til þess að vera
á boltanum. Við erum að reyna að bæta okkur örlítið í
hverjum leik,“ sagði Ólafur.
Þetta verður síðasti leikur liðsins á þessu ári en næsti
alvöru leikur er gegn Skotum hinn 1. apríl.
ÓLAFUR JÓHANNESSON LANDSLIÐSÞJÁLFARI: SEGIR ALLA LEIKMENN KLÁRA Í SLAGINN GEGN MÖLTU
Eigum harma að hefna gegn Maltverjum
Vinningaskrá
Hausthappdrætti Blindrafélagsins – dregið 14. nóvember 2008
Mitsubishi Outlander Intense jeppi, sjálfskiptur, 2,4l - Verðmæti kr. 4.290.000
100377
Mitsubishi Lancer Intense+, sjálfskiptur, 1,8l m/öllu – Verðmæti kr. 3.345.000
62782
Mitsubishi Lancer Inform, sjálfskiptur, 1,8l – Verðmæti kr. 2.925.000
18895
Ferðavinningur með Heimsferðum að eigin vali – Verðmæti kr. 250.000
1236 15906 32673 54701 71608 81680 88356 94155 102004 115665
5108 17794 34648 57165 72409 82234 89804 95117 102658 118215
6927 19565 38415 57503 73991 83944 90773 96195 103765 119067
7110 22838 42096 60358 74425 84601 91818 98825 105207 9274
24675 43521 65631 76143 86399 92678 99385 105840 12506 26753
44445 66453 78630 86454 92957 99534 106287 13849 29879 49488
67039 80171 87347 93242 100901 113226 15711 30540 52440 70261
81577 87912 93576 101759 113401
Kvöldverður á veitingastaðnum Ó Restaurant, Óðinsvéum – Verðmæti kr. 20.000
400 8109 16428 28484 50360 77100 86663 93623 100360 113071
723 8629 16547 42136 51414 79502 89497 94805 103846 113403
1013 12172 21187 42267 69600 79931 90616 96749 108345 115305
4419 14011 26244 43133 71788 83062 91636 97332 108437 117368
6264 15059 27219 47435 71855 85821 92052 98300 109433 120903
Alls 128 skattfrjálsir vinningar að verðmæti kr. 30.310.000 – Upplag 121.000 - Vinninga ber að vitja
innan árs – Upplýsingasími 525 0000 – Vinningaskrá birt í textavarpi sjónvarpsins á síðu 290 og
á heimasíðu Blindrafélagsins www.blind.is
> Toppslagur á Ásvöllum í kvöld
Haukar og Hamar spila um toppsæti Iceland Express-
deildar kvenna í körfubolta á Ásvöllum klukkan 19.15 í
kvöld. Bæði lið hafa unnið fimm af fyrstu sex leikjum
sínum og hafa tveggja stiga forskot á næsta lið sem er
Keflavík. Hamar tapaði sínum fyrsta leik gegn Íslands-
meisturum Keflavíkur í síðasta leik en
Haukaliðið hefur unnið fjóra leiki í röð eftir
að hafa tapað eina leik sínum með
minnsta mun á móti Val. Hamar hefur
tapað öllum átta leikjum sínum á móti
Haukum í úrvalsdeild kvenna sem
eru eina félagið sem stelpurnar frá
Hveragerði hafa ekki náð að
vinna í efstu deild.
FÓTBOLTI Sigurður Ragnar Eyjólfs-
son, landsliðsþjálfari kvenna í fót-
bolta, er ekki á því að draumurinn
hafi breyst í martröð þegar dregið
var í riðli í Evrópukeppninni í
Finnlandi í gær. Ísland dróst í eins
erfiðan riðil og hægt var að hafa
hann en með íslenska liðinu í riðli
eru Heims- og Evrópumeistarar
Þýskalands, fyrrum Evrópumeist-
arar Noregs og Frakkar sem höfðu
betur gegn íslenska liðinu í undan-
riðlinum. Allt eru þetta þjóðir með
mikla reynslu af stórmótum og
allar eru þær meðal sjö bestu
kvennaknattspyrnuþjóða heims
samkvæmt styrkleikalista FIFA.
„Þetta er dauðariðillinn segja
þeir en ég held að það liggi þarna
mikil áskorun fyrir okkur að fá að
mæta þremur af sjö bestu þjóðun-
um í heimi í fótbolta,“ segir Sig-
urður Ragnar. „Það hlýtur að vera
draumur hvers leikmanns að spila
á móti heims- og Evrópumeistur-
um í úrslitakeppni stórmóts. Það
reiknar örugglega enginn með
neinu af okkur nema við sjálf. Við
verðum litla liðið og getum von-
andi komið á óvart,“ segir Sigurður
Ragnar sem tók eftir viðbrögðum
hinna þjálfaranna.
„Þjálfarar Noregs og Frakk-
lands voru báðir mjög fúlir og
óhressir með riðilinn sem þeir
lentu í enda má segja að þrjú af
fjórum sterkustu liðunum hafi
lent saman í þessum riðli. Þetta er
líka erfiðasti riðillinn sem gat
orðið. Ég held að þessir þjálfarar
Noregs og Frakklands átti sig
alveg á því að það verður ekki auð-
veldur leikur á móti Íslandi held-
ur,“ segir Sigurður Ragnar sem
segir það nú vera ómissandi und-
irbúning að fá að taka þátt í efri
hluta Algarve Cup.
„Það verður stöðutékk fyrir
okkur til að sjá hvar við stöndum á
móti svona sterkum þjóðum,“
segir Sigurður Ragnar sem sér
möguleika í stöðunni.
„Ég tel að við höfum sýnt að við
höfum í fullu tré við Frakkland.
Það er töluvert langt síðan við
mættum Noregi en það eru kyn-
slóðaskipti hjá þeim núna og
því kannski bara fínn
tími að mæta þeim
og sjá hvar við
stöndum.
Svo er
bara
ævintýri
að fá að
spila við
Þýskaland
og það verður
gaman að mæta
þeim.“
Landsliðsþjálfar-
inn stefnir á átta liða
úrslitin enda segist hann
ekki nenna að fara út á
svona mót til vera bara með.
„Við finnum það alveg þegar
við mætum liðum eins og
Frakklandi að við erum að nálgast
þau í getu. Við erum að bæta okkur
mjög mikið þannig að möguleik-
arnir eru fyrir hendi. Ísland getur
náð mjög góðum úrslitum á góðum
degi en það þarf allt að ganga upp
hjá okkur í svona sterkum riðli til
að við komumst áfram. Við verð-
um að horfa bjartsýn á þetta,
leggja mikið á okkur og stefna á
það að fara áfram.“ ooj@frettabladid.is
Eins erfiður riðill og hann gat orðið
Kvennalandsliðið í fótbolta mætir þremur af fjórum bestu þjóðum Evrópu í riðlakeppni EM í Finnlandi.
Sigurður Ragnar Eyjólfsson vonast til að geta komið á óvart og hefur sett stefnuna á átta liða úrslitin.
DAUÐARIÐILLINN KLÁR Michel Platini
sést hér búinn að draga Frakkland upp
úr pottinum en um leið var ljóst hvaða
lið skipuðu riðil Íslands.
NORDIC PHOTOS/GETTY
FÓTBOLTI Knattspyrnugoðið Diego
Maradona stýrir argentínska
landsliðinu í sínum fyrsta leik
sem landsliðsþjálfari í kvöld gegn
Skotum á Hampden Park.
„Ég er gríðarlega stoltur og
þetta verður sérstök stund fyrir
mig,“ sagði Maradona sem lét sér
fátt um finnast vegna ummæla
hins enska Terry Butcher,
aðstoðarlandsliðsþjálfara Skota,
um að hann sé ekki búinn að
fyrirgefa honum fyrir „handar
guðs“-markið sem sló Englend-
inga út úr átta liða úrslitum HM
árið 1986 og ætli ekki að taka í
hönd hans fyrir leikinn.
„Ég mun ekki missa svefn þótt
Butcher vilji ekki heilsa mér en
ég skil ekki hans afstöðu. Ég
meina, England varð heimsmeist-
ari árið 1966 með marki sem fór
ekki einu sinni yfir marklínuna,“
sagði Maradona glottandi á
blaðamannafundi í gær. - óþ
Blaðamannafundur í gær:
Maradona sló
á létta strengi
MARADONA Stýrir Argentínu í fyrsta
skiptið í kvöld. NORDIC PHOTOS/GETTY
Erfitt á EM Sigurður Ragnar
Eyjólfsson landsliðsþjálfari.
-FRÉTTABLAÐIÐ/DANÍEL