Fréttablaðið - 10.12.2008, Side 46

30 10. desember 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. hluta sólahrings, 6. pfn., 8. ról,
9. kóf, 11. tveir eins, 12. sveigur, 14.
morðs, 16. ætíð, 17. skammst., 18.
umhyggja, 20. tveir eins, 21. maður.
LÓÐRÉTT
1. eignaðist, 3. samtök, 4. fugl, 5.
skjön, 7. gluggatjald, 10. skip, 13.
lærdómur, 15. harmur, 16. afbrot, 19.
númer.
LAUSN
LÁRÉTT: 2. dags, 6. ég, 8. ark, 9. kaf,
11. áá, 12. krans, 14. dráps, 16. sí, 17.
möo, 18. önn, 20. rr, 21. karl.
LÓÐRÉTT: 1. fékk, 3. aa, 4. gráspör, 5.
ská, 7. gardína, 10. far, 13. nám, 15.
sorg, 16. sök, 19. nr.
VEISTU SVARIÐ
Svör við spurningum á síðu 8.
1. Össur Skarphéðinsson.
2. 18 mánuði.
3. Toyota Land Cruiser.
„Þetta er einhver harðvítugasti
slagur sem við höfum orðið vitni
að um íslenska bók,“ segir Jóhann
Páll Valdimarsson, útgefandi hjá
Forlaginu. Bók Guðrúnar Evu
Mínervudóttur, Skaparinn, var
slegin hæstbjóðanda á mánudag-
inn eftir mikinn slag þýskra
útgefanda. Jóhann Páll upplýsir
að þrjú stór og virt forlög hafi
sýnt bókinni mikinn áhuga og
lagt fram tilboð. „Og þegar
þannig er þá er bara haldið upp-
boð. Menn fengu frest til hádegis
á föstudag til að skila inn tilboði
og því besta var einfaldlega
tekið.“
Sá sem hreppti hnossið var
bdb-forlagið sem er að hluta til í
eigu Random House en Jóhann
Páll skaut á að bókin yrði gefin út
2010. Meðal rithöfunda sem gefa
út í Þýskalandi undir merkjum
þess má nefna nóbelsverðlauna-
hafann J.M.G Le Clézio og Haruki
Murakami. Höfundarlaun Guð-
rúnar Evu eru rúmlega fimm
milljónir króna.
Jóhann tengir þennan
áhuga ekki við efnahags-
ástandið heldur bendir
einfaldlega á að það sé
mikill áhugi á Íslandi og
íslenskum bókmenntum í
Þýskalandi. „Þetta
hefur náttúrulega
aðallega gilt um
krimmana og það
hefur ekki verið sama
eftirspurn eftir ann-
ars konar bókmennt-
um. Útgefendurnir
mátu það hins vegar þannig að
bók Guðrúnar væri hágæðabók-
menntir samfara því að vera
söluvænleg og ætti í raun skilið
að seljast í gámavís.“
Jóhann viðurkenndi
jafnframt að það
hefði ekki spillt
fyrir að Guðrún Eva
væri sjálf mjög
söluvæn. „Það er
draumur sérhvers
útgefanda að sam-
eina sölubók og
„góða bók“ og bdb-
forlaginu þykir
Skaparinn falla
fyllilega undir þau
skilyrði.“
Guðrún Eva var
að vonum ákaflega ánægð með
tíðindin en þetta verður í fyrsta
skipti sem bók úr hennar smiðju
er gefin út á þýska tungu. Hún
sagðist af þessu tilefni ætla að
fjárfesta í nýju reiðhjóli enda
hefði því gamla verið stolið fyrir
nokkrum dögum. „Ég er náttúru-
lega alveg ótrúlega sátt með
þetta. Ég gerði mér auðvitað
vonir um að hún færi eitthvað á
flakk út fyrir landsteinana en að
slagurinn yrði svona harður var
ekki eitthvað sem ég hafði búist
við,“ segir Guðrún sem getur
ekki annað en verið glöð með
afraksturinn í jólabókaflóðinu,
stór útgáfusamningur og tilnefn-
ing til hinna íslensku bókmennta-
verðlauna. freyrgigja@frettabladid.is
GUÐRÚN EVA MÍNVERVUDÓTTIR: Í HÓP MEÐ NÓBELSHAFA OG MURAKAMI
Þýskir útgefendur slógust
um Skapara Guðrúnar Evu
FJÁRFESTIR Í REIÐHJÓLI Guðrún sagðist ætla að fjárfesta í nýju reiðhjóli af þessu
tilefni en því gamla var stolið fyrir nokkrum dögum. FRÉTTABLAÐIÐ/ARNÞÓR
HARÐUR SLAGUR Jóhann
Páll Valdimarsson segir
slaginn meðal þýskra um
bók Guðrúnar Evu hafa
verið með þeim harðari sem
hann hafi orðið vitni að.
„Það eru nokkur tilboð sem liggja á borðinu.
Ég er hins vegar ekkert að pæla í því núna. Ég
fer bara yfir málin með umboðsmanni í janúar
og við leggjum upp árið í sameiningu,“ segir
Stefán Karl Stefánsson. Leikaranum hefur
verið hrósað í hástert fyrir leik sinn í söng-
leiknum um Trölla sem nú er sýndur fyrir
fullu húsi í Boston. Stefán sagðist ekki hafa
hugmynd um hvort þetta væru áframhaldandi
verk í leikhúsi eða jafnvel kvikmyndahlutverk
frá Hollywood. „Umboðsmaðurinn vill ekkert
segja mér og það er líka bara gott. Ég ætla
bara að einbeita mér að þessu verkefni og
klára það með stæl.“
Stefán segir það ekki hafa komið sér á óvart
hversu mikla athygli verkið hafi fengið.
Athyglin sem hann hafi sjálfur fengið hafi
hins vegar komið honum í opna skjöldu. „Þetta
er náttúrulega afrakstur af margra ára vinnu
og þolinmæði. Þetta var eitthvað sem stefnt
var að og það er gaman að sjá markmiðin sín
rætast,“ segir Stefán og bætir við að nú þurfi
bara að hamra járnið á meðan það er heitt.
Dómar sem hafa birst í bandarískum
blöðum eru eiginlega allir á sömu lund. Stefán
sé stjarna sýningarinnar og beri hana nánast
uppi.„Frammistaða Stefáns Karls sem Trölli
er næg ástæða til að fara með börnin á þessa
sýningu,“ skrifar Jenna Schere, gagnrýnandi
hjá Boston Herald. Gagnrýnanda Boston
Globe, Louise Kennedy, tekst að halda sér á
jörðinni hvað sýninguna varðar. Segir hana of
langa. Kennedy bætir því hins vegar við að
Stefán Karl fari á kostum og að nærvera hans
standi upp úr í þær níutíu mínútur sem
sýningin standi yfir. - fgg
Stefán Karl með nokkur tilboð á borðinu
FER Á KOSTUM Stefáni Karli er hrósað í hástert af
bandarískum gagnrýnendum fyrir frammistöðu sína
sem Trölli.
Fyrsta plata Svölu Björgvins og
krakkanna í Steed Lord er komin
út. Platan kallast Truth Serum og
meðal gesta á henni
eru Krummi Björg-
vinsson, bróðir Svölu,
og Egill Eðvarðsson,
pabbi strákanna í
sveitinni. Á ýmsu
hefur gengið við
gerð plötu Steed
Lord og skemmst er
að minnast að meðlimir sveitarinn-
ar lentu í alvarlegu umferðarslysi
fyrr á þessu ári þegar þeir voru á
leið út á flugvöll. Krakkarnir hafa
ekki gleymt fólkinu sem hjálpaði
þeim á erfiðum tímum í kjölfarið.
Á kápu plötuumslagsins segir: „A
very special thank you to all the
doctors, nurses and good people
who helped us through hard times,
we will never forget you.“
Íslenska kvikmyndin Duggholufólk-
ið kom, sá og sigraði á alþjóðlegu
barna-og unglingakvikmyndahátíð-
inni Olympiu sem haldin var í
Grikklandi um síðustu helgi.
Myndin vann til þrennra
verðlauna; Bergþór Þor-
valdsson var valinn
besti leikarinn, Ari
Kristinsson besti
leikstjórinn auk
þess sem myndin
var valin sú besta
af dómnefnd barna og unglinga.
Frá þessu er greint á vefsíðunni
logs.is.
Jóhanna Vilhjálmsdóttir Kast-
ljósskona og eiginmaður hennar,
Geir Sveinsson, eignuðust son á
mánudaginn. Frá þessu var greint á
Vísi.is. Allt gekk að óskum og fengu
mæðginin að fara heim sama dag.
Svo skemmtilega vill
til að Jóhanna átti
afmæli um helgina
og því gat hún varla
hugsað sér betri
afmælisgjöf en
fæðingu sonarins.
-hdm, fgg
FRÉTTIR AF FÓLKI
„Ég borða morgunmat eins og
grönnu konurnar, Special K og
Cheerios, blanda þessu saman.“
Rúnar Helgi Vignisson rithöfundur.
Bogi Jónsson húsráðandi á Hliði á
Álftanesi vakti athygli fyrir nokkru
þegar hann var kominn með 200
milljón króna Ebay-tilboð (1,4 millj-
ón dali) í veitingastaðinn og hús-
eignina. „Nei, þetta seldist ekki,“
segir Bogi. „Þegar fjölmiðlaathygl-
in skall á hvarf nú bara tilboðið,
sem var frá Íslendingi. Ég hélt það
væri ekki hægt að taka tilboð til
baka en við nánari athugun er það
víst hægt á meðan uppboðið er enn
í gangi.“
Bogi hafði hugsað sér að borga
upp skuldir og hefja nýtt líf í Taí-
landi með eiginkonu sinni Nok. „Ég
var byrjaður að kíkja á sólarvörn
og allar græjur,“ segir Bogi og
hlær. „En maður bítur bara í það
súra.“
Að Hliði hafa Bogi og Nok rekið
rómað heimaveitingahús um ára-
bil. „Það er enn þá mjög góður bis-
ness í því og nóg að gera, pantað
marga mánuði fram í tímann. Það
var bara þetta hryllilega óstöðuga
efnahagsástand sem fór með mig.“
Bogi hafði ráðist í framkvæmdir,
byggt torfbæ og komið upp baðhúsi
og nuddstofu fyrir gesti. „Fjár-
mögnunin við það fór langleiðina
upp að rauða strikinu, en við óbreytt
ástand hefði það sloppið. Þegar óða-
verðbólgan byrjaði og gengið féll
náðu endar einfaldlega ekki saman,
enda lánin bæði á myntkörfu og
með verðbótum. Ég sé ekki fram á
annað en að bankinn taki þetta
bara.“
Þótt Bogi sé eitt af mörgum fórn-
arlömbum kreppunnar er hann ekk-
ert að væla. „Maður ræður kannski
ekki mörgu en maður ræður alla-
vega hvort maður fer í gegnum
lífið smælandi eða skælandi,“ segir
hann. „Og auðvitað er kreppan ekki
alslæm. Við sjáum hvað skiptir
mestu máli eftir þetta. Auðvitað
voru allir komnir á alltof mikinn
sprett. Og það sem við erum að
gera hérna er að hægja á fólki, þótt
það sé ekki nema í hálftíma.“
Og þar til annað kemur í ljós
munu Bogi og Nok halda áfram að
hægja á fólki. Bogi er meira að
segja langt kominn með friðarkúlu
sem hann vígir á næstunni. Nánar
um það síðar. - drg
Bogi smælar framan í gjaldþrotið
200 MILLJÓNA TILBOÐ HVARF Bogi og Nok á Hliði ekki á leið til Tailands í bráð.
FRÉTTABLAÐIÐ/E.ÓL.