Fréttablaðið - 12.12.2008, Síða 8

8 12. desember 2008 FÖSTUDAGUR
1. Um hversu langan tíma gæti
rannsókn á Glitni tafist?
2. Hvað heitir nýstofnað ruðn-
ingslið á Akranesi?
3. Hversu mikið fé á RÚV að fá
í gegnum nefskattinn?
SVÖRIN ERU Á SÍÐU 62
ÍS
L
E
N
S
K
A
S
IA
.I
S
U
T
I
44
21
0
11
.2
00
8
HOLTAGÖRÐUM GLÆSIBÆ KRINGLUNNI SMÁRALIND SÍMI 545 1500
Brettapakkar
20% afsláttur
Brettadeildin er í Kringlunni
NOREGUR, AP Martti Ahtisaari, frið-
arverðlaunahafi Nóbels í ár, hvet-
ur Barack Obama til að láta það
verða sitt fyrsta verk þegar hann
tekur við forsetaembætti að gera
átökin fyrir botni Miðjarðarhafs
að forgangsverkefni stjórnar sinn-
ar.
„Við getum ekki bara haldið
áfram, ár eftir ár, að þykjast bara
vera að gera eitthvað til að bæta
ástandið í Mið-Austurlöndum,“
sagði Ahtisaari í ræðu sinni þegar
hann tók við friðarverðlaununum í
Ósló á miðvikudag.
„Finna má lausn á öllum átökum,
og það er engin afsökun til fyrir
því að láta þau dragast að eilífu.“
Ahtisaari fékk verðlaunin í ár
fyrir þriggja áratuga starf sitt að
friðarmálum víðs vegar um heim,
meðal annars í Namibíu, Kosovo
og Indónesíu. Hann var forseti
Finnlands frá 1994 til 2000, en
stofnaði eftir það alþjóðlega frið-
arstofnun sem hefur unnið að frið-
arsamningum á nokkrum helstu
átakasvæðum heims.
Áður en hann tók við verðlaun-
unum í gær gagnrýndi hann að
helstu leiðtogar heims hafi ekki
gert nóg til að leysa deilur Ísraela
og Palestínumanna.
„Alþjóðasamfélagið og þeir sem
völdin hafa sitja aðgerðarlaus og
láta þá komast upp með að eyða
hvorir öðrum, og þeir láta báða
aðila komast upp með að gera líf
sitt í framtíðinni enn flóknara og
erfiðara en í dag.“ - gb
Martti Ahtisaari skorar á Barack Obama að einbeita sér að Mið-Austurlöndum:
Allar deilur er hægt að leysa
OLE DANBOLT MJØS OG AHTISAARI
Formaður norsku Nóbelsnefndarinnar
ásamt friðarverðlaunahafa ársins 2008
við afhendingarathöfnina. NORDICPHOTOS/AFP
VIÐSKIPTI Innlán voru tveir þriðju eigna
peningamarkaðssjóðs Kaupþings. Annað var í
skuldabréfum, mest frá Kaupþingi og Existu.
Ætla má af yfirliti Nýja Kaupþings um sjóð-
inn að skuldabréf fyrir sjö milljarða króna hafi
verið keypt úr sjóðnum.
Fram kemur í upplýsingum frá Nýja Kaup-
þingi að 36,3 milljarðar króna hafi verið í sjóðn-
um þegar greitt var úr honum. Þá hafi tekist að
greiða út um 85 prósent af því, um 31 milljarð
króna. Skuldabréfin hafi því verið keypt með
um 44 prósenta afslætti.
Skuldabréf útgefin af Kaupþingi voru 11,4
prósent af eignum sjóðsins og skuldabréf útgef-
in af Exista voru tæp sjö. Hlutur annarra útgef-
enda var minni.
Fram kemur í yfirliti Kaupþings að sjóðurinn
hafi smækkað mjög frá því fyrir um ári. Þá voru
um 84 milljarðar í sjóðnum. Skuldabréf fjár-
málafyrirtækja voru um 15 milljarðar af því og
skuldabréf annarra fyrirtækja hátt í 40 millj-
arðar.
Eftir því sem Fréttablaðið kemst næst var
ákveðið að reyna að draga úr stærð sjóðsins og
auka hlutfall innlána þar, eftir að eignarhaldsfé-
lagið Gnúpur fór á hausinn fyrir um það bil ári.
Helstu eignir félagsins voru í FL Group, en
félagið gaf sjálft út mikið af skuldabréfum.
Talið hefur verið að háar fjárhæðir, jafnvel
yfir hundrað milljarðar króna hafi runnið frá
nýju ríkisbönkunum inn í sjóðina. Um þetta
hefur mikið verið spurt á Alþingi. Ekki hafa enn
fengist ítarleg svör, önnur en að viðskiptaleg
sjónarmið hafi ráðið kaupum á skuldabréfum.
Fram kom í Markaðnum fyrir skömmu að Nýi
Glitnir hefði greitt 13 milljarða króna í sjóð 9.
Engar sambærilegar upplýsingar hafa fengist
frá Landsbankanum, þrátt fyrir að um það hafi
verið spurt.
Þá hefur Fréttablaðið og aðrir fjölmiðlar
ítrekað óskað eftir upplýsingum um samsetn-
ingu peningamarkaðssjóðina. Kaupþing ríður
nú á vaðið. - ikh
Innlán voru stærsti hluti
peningasjóðs Kaupþings
Kaupþing birtir nákvæma samsetningu peningamarkaðssjóðs bankans. Skuldabréf voru keypt úr sjóðnum
fyrir um sjö milljarða króna. Á fjórða tug milljarða króna var greitt út úr sjóðnum, en innlán voru tveir
þriðju eigna hans. Glitnir og Landsbanki hafa ekki viljað birta upplýsingar um samsetningu sjóða sinna.
SAMSETNING SJÓÐSINS
Tegund Milljarðar króna hlutfall (%)
Innlán 24 66,3
Kaupþing 4,1 11,4
Exista 2,5 6,9
Atorka 2,0 5,4
Bakkavör 1,1 3,1
Deutsche bank 0,7 1,9
Fasteignatryggð bréf 0,6 1,6
Marel 0,4 1,2
Eyrir 0,4 1,1
Sparisjóðabankinn 0,4 1,1
Alfesca 0,0 0,1 HÖFUÐSTÖÐVAR KAUPÞINGS Innlán voru tveir þriðju
eigna peningamarkaðssjóða. Annað var í skuldabréfum.
DÓMSMÁL Hæstiréttur hefur
dæmt mann í tveggja ára
fangelsi fyrir kynferðisbrot
gegn fjórtán ára stúlku sem
gætti barna hans á kosninganótt
2007. Auk fangelsisdómsins var
manninum gert að greiða
stúlkunni 750 þúsund krónur í
miskabætur.
Við ákvörðun refsingar var
litið til þess að verknaðurinn var
framinn gagnvart ungri stúlku
sem var að gæta barna manns-
ins. Hann misnotaði sér aðstæð-
ur og braut gegn trúnaðartrausti
sem ríkja átti í samskiptum
þeirra.
- jss
Tveggja ára fangelsi:
Braut gegn
barnfóstrunni
KJARAMÁL Forseti Íslands, Ólafur
Ragnar Grímsson, lýsti yfir í nóv-
ember að hann telji eðlilegt að laun
forseta og ráðamanna verði lækk-
uð í ljósi efnahagsaðstæðna. „Ég
mundi fagna slíkri ákvörðun,“
sagði forsetinn og taldi að ákvörð-
un um slíkt ætti að taka sem fyrst.
Ríkisstjórnin hefur kynnt frum-
varp um að lækka laun helstu ráða-
manna og embættismanna en laun
forsetans eru bundin í stjórnar-
skrána. Fréttablaðið sendi í gær-
morgun fyrirspurn til forsetaemb-
ættisins til að fá upplýsingar um
það hvort forsetinn myndi lækka
laun sín. Svar hefur ekki borist.
- ghs
Fréttablaðið spyr um launalækkun forsetans:
Ekkert bólar á svari
ÓLAFUR RAGNAR GRÍMSSON Segist
munu fagna ákvörðun um launalækkun.
BYGGÐAMÁL Samgönguráðherra
hefur ákveðið skiptingu 250
milljóna króna framlags úr
ríkissjóði til sveitarfélaga vegna
tímabundins samdráttar í
aflamarki þorsks á árinu. Er
framlaginu ætlað að koma til
móts við tekjumissi sveitarfélaga
þar sem samdráttur verður í
atvinnu.
Framlagi ríkisins er dreift til
33 sveitarfélaga. Mest kemur í
hlut Grindavíkur, 35 milljónir, en
það er hámarksúthlutun til
einstakra sveitarfélaga. Vest-
mannaeyjabær fær tæpar 25
milljónir, Ísafjarðarbær og
Snæfellsbær fá tæpar 24 milljón-
ir. Hlutfallslega hljóta íbúar
Grímseyjar hæsta framlagið, um
45 þúsund krónur.
- shá
Kvótaniðurskurður bættur:
250 milljónir til
33 sveitarfélaga
GRÍMSEYJARHÖFN Hlutfallslega fá íbúar
í Grímsey hæst framlag. FRÉTTABLAÐIÐ/BÞS
FR
ÉT
TA
B
LA
Ð
IÐ
/P
JE
TU
R
VEISTU SVARIÐ?