Fréttablaðið - 12.12.2008, Qupperneq 48

12 föstudagur 12. desember
✽ glimmer bjargar alltaf stemningunni
útlit
MEÐVIRK ÞJÓÐ
Á undanförnum vikum hef ég tekið eftir því hvað
fólk er pirrað og hef ég orðið vitni að sturlaðri
hegðun fólks á almannafæri. Ég velti því fyrir mér
hvort efnahagsástandið framkalli þessa hegðun
eða hvort ég hafi bara verið óheppin að vera vit-
laus kona á vitlausum stað? Ég hallast þó frekar
að því að þetta sé því fyrrnefnda að kenna.
HVAÐ VARÐ UM NÁUNGAKÆRLEIKANN? Um dag-
inn tók ég meðvitaða ákvörðun um að leggja ameríska bensínhákn-
um mínum uppi á gangstétt. Þegar ég steig út úr bílnum gekk kona
fram hjá og hvæsti á mig og tilkynnti mér að það væri bannað að
leggja þarna. Það eina sem mér datt í hug var að brosa til hennar og
segja henni að ég vissi það enda var það bara einlægur brotavilji sem
framkallaði þetta athæfi.
MÖGNUÐ BÓNUSFERÐ Í sömu vikunni var ég stödd í Bónus á háanna-
tíma. Röðunum miðaði afar hægt áfram. Þegar mér verður litið yfir í
næstu röð sé ég hvar eldra fólk er að smygla sér inn í röðina við hlið-
ina á mér. Þar sem þetta var ekki mín biðröð sagði ég ekkert heldur
fylgdist með. Þegar kona ein úr smyglararöðinni gerði athugasemd
við að þau væru að troðast fram fyrir brugðust þau mjög illa við og úr
varð hávaðarifrildi. Ég skildi konuna ótrúlega vel því auðvitað á fólk
ekkert að vera að smygla sér í röðina eins og smákrakkar. Fólk með
grátt hár á líka að kunna mannasiði.
STURLAÐ SAMFÉLAG Er ekki eitthvað að hjá þjóðinni þegar hún fer
að rífast yfir röðinni í Bónus? Eða er þjóðin að vakna til vitundar eftir
áralangan þyrnirósarsvefn? Kannski er það bara jákvætt ef fólk er til í
að ýta meðvirkninni til hliðar og standa á sínum rétti …
Ljósmyndari: Ari Magg
Förðun: Guðbjörg Huldís með MAC
Stílisti: Auður Karítas
Hárkolla: Frá Hárkollugerð Kolfinnu
Knútsdóttur
G uðbjörg Huldís segir að hún hafi hugsað um sterka konu
sem þori að taka áhættu þegar
hún gerði jólaförðunina með
snyrtivörum frá MAC.
Guðbjörg Huldís förðunarmeistari töfraði fram jólaútlitið frá MAC
SEXÝ&SEIÐANDI
Hún hugsaði um konu sem þorir
að leika sér með liti og er sjálfstæð,
ögrandi og óhrædd við að vera sexý.
Konu sem væri til í að bregða sér í
hlutverk og upplifa smá ævintýri.
Í jólaútlitinu er húðin björt
og hrein en hún bar Hyper Real
Foundation á hana. Svo bar hún
gljáandi Paint Pot-kremaugn-
skugga yfir allt augnlokið. Málmá-
ferð er allsráðandi í augnskuggum
en Guðbjörg Huldís ákvað að nota
brons og brúna tóna á fyrirsætuna.
Hún bleytti upp í bronslitnum með
vatni og skellti í innri augnkrókinn.
Það gefur falleg og seiðandi áhrif.
Síðan setti hún nóg af maskara á
augnhárin. Til að ramma inn auga-
brúnirnar notaði hún svartan augn-
blýant sem heitir Ebony eftir að
hafa greitt þær vel. Hún lagði mikla
áherslu á varirnar og til að gera þær
sterkar notaði hún varalitablýant og
dökkfjólubláan varalit inn í. - mmj
Vino varalitablý-
antur setur punkt-
inn yfir i-ið.
Inter-wiew
augnskuggi frá MAC
býður upp á marga
möguleika.
Cremesheen
party line varalitur-
inn frá MAC er það
sem allar konur
verða að eignast
fyrir þessi jólin.
MARTA MARÍA JÓNASDÓTTIR martamaria@365.is
Þemað hjá L´Occitane í ár eru jólin í Provence í Frakk-
landi. Ein af hefðunum sem fyrirtækið sækir í er að
brenna sérstakan viðarkubb í arninum á aðfangadags-
kvöld og fram yfir nýársdag. Viðurinn sem kemur af
ávaxtatré er borinn þrjá hringi í kringum húsið af öllum
fjölskyldumeðlimum og er blessaður þrisvar sinnum
með kryddaðri vínblöndu. Þetta skapar góða stemningu
en jólalínan frá L‘Occitane ilmar í takt við ávaxtatréð.
Handáburðurinn í jólalínunni er tilvalin jólagjöf handa
þeim sem elska dekur og eiga allt. Fyrsta kremið er með
sítrónu- og hunangsilmi, næsta er með rósailmi og það
þriðja með kirsuberjailmi.
Handáburður í
ferðaumbúðum
GLIMMERÚÐI Til þess að komast í rétta hátíðar-
skapið er rétt að úða á sig svolitlu glimmeri. Glimmer-
úðinn frá Guerlain er alger himnasending.