Tíminn - 15.11.1986, Blaðsíða 17

Laugardagur 15. nóvember 1986
Tíminn 17
Akranes:
Haförninn vígir nýtt
starfsmannahúsnæði
Frá Stefáni L. Pálssyni, Akranesi:
Pann 8. nóvember sl. var tekið í
notkun nýtt starfsmannahús Hrað-
frystihúss Hafarnar hf. á Akranesi.
Húsið er 400 fermetrar á tveim
hæðum. Á neðri hæð, sem er áföst
vinnslusölum eru snyrti- og búnings-
aðstaða og geymslur. Á efri hæð eru
skrifstofur fyrirtækisins og glæsileg-
ur matsalur starfsfólks.
„Hugmynd okkar var að búa eins
vel að starfsfólki okkar og bestur
kostur væri á, og hygg ég að það hafi
tekist," sagði Guðmundur Pálmason
forstjóri Hafarnar í hófi sem fyrir-
tækið bauð til í tilefni þess að húsið
var tekið í notkun. Fjölmenni var
mætt á staðinn. Óskar Hervarsson
einn eigenda Hafarnar ávarpaði
gesti og bauð þá velkomna til þess
að samfagna eigendum fyrirtækisins
þegar þeim merka áfanga væri náð,
að algjörri endurbyggingu húsa og
tækja fyrirtækisins væri nú lokið.
Rakti hann síðan sögu Hafarnar hf.
Árið Í963 tóku þeir sig saman
fimm skipsfélagar á Höfrungi II og
stofnuðu þann 30. október sama ár
útgerðarfélagið Haförn hf. Festu
þeir kaup á bát og hófu síðan
fiskverkun í leiguhúsnæði Fiskvers á
Akranesi og hófu þar rekstur jafn-
hliða auknum umsvifum í útgerð
báta og síðar togara. Árið 1981 hófst
algjör endurbygging á húsum og
tækjum með byggingu nýs viðgerð-
arverkstæðis, en síðan tók hvað við
af öðru, m.a. var frystiaðstaðan
endurbyggð. Þeir fimmmenningar
tóku fljótt upp ákveðna verkaskipt-
ingu innan fyrirtækisins og hefur sú
tilhögun reynst vel allt til þessa dags.
Tveir afeigendum og stofnendum Hafarnar hf. með gjöfína frá bæjarstjórn.
Það var margt veislugesta þegar hið nýja húsnæði var tekið í notkun.
Margar gjafir bárust fyrirtækinu í stjórnar, gjöf frá Akranesbæ. Var
tilefni dagsins m.a. frá starfsfólki og það afsteypa af „sjómanninum"
öðrum velunnurum. Þá afhenti Ingi- minnismerki sjómanna sem stendur
björg Pálmadóttir forseti bæjar- á Akratorgi.
Aðalfundur félags sauðfjárbænda í Strandasýslu:
Dilkar á Ströndum
vöðvamiklir og fitulitlir
Dr. Sigurgeir Þorgeirsson og Stefán Sch. Thorsteinsson.
Frá'/fréttaritara Tímans á Hólmavík, Stcfáni
Gíslasyni:
Aðalfundur félags sauðfjárbænda
í Strandasýslu var haldinn í Sævangi
mánudaginn 3. nóvember sl. Megin-
efni fundarins var umræða um fram-
leiðslu- og markaðsmál landbúnað-
arins, en þegar fundurinn var hald-
inn höfðu sauðfjárbændur ekki feng-
ið útreikning framleiðsluráðs á full-
virðisrétti.
Fundurinn var allvel sóttur, en
auk sauðfjárbænda í Strandasýslu
sátu fundinn Dr. Sigurgeir Þorgeirs-
son sauðfjárræktarráðunautur, Stef-
án Scheving Thorsteinsson búfjár-
fræðingur á RALA og Jón Garðars-
son yfirullarmatsmaður á Norður-
landi vestra.
Strandasýsla hefur lengi verið tal-
in eitt besta sauðfjárræktarhérað á
landinu. Sýslan er nær laus við
sauðfjársjúkdóma og óvíða eru dilk-
ar vænni. Þrátt fyrir þennan mikla
fallþunga fóru þó hlutfallslega færri
skrokkar í 0-flokk á Ströndum í
haust en víðast annars staðar eða
4-8% eftir sláturhúsum. Á fundinum
í Sævangi setti Sigurgeir Þorgeirsson
fram tilgátu sem gæti skýrt þessa
litlu fitusöfnun. Taldi Sigurg'eir að
skýringuna mætti rekja til hins lága
og jafna sumarhita á Ströndum.
Gróður tekur þar seint við sér á
vorin og vaxtartíminn er langur.
Próteininnihald gróðursins helst þvf
hátt fram á haust, en á sama tíma er
gróður tekinn að falla og tréna f
hlýrri héruðum. Hátt próteininni-
hald fæðunnar er forsenda vöðva-
aukningar dilkanna, en hætta á fitu-
söfnun eykst með minnkandi pró-
teininnihaldi.
Jón Garðarsson kynnti haustrún-
ing fyrir fundarmönnum. í máli hans
kom fram, að með haustrúningi
mætti auka verðmæti ullarinnar
verulega, því að á þessum tíma er
ullin algjörlega laus við húsvistar-
skemmdir á borð við heymor og
stækjugulku á togi. Rannsóknir á
haustrúningi ásetningsgimbra
benda enn fremur til þess, að
haustrúnar gimbrar komi frekar upp
lambi að vori en aðrar gimbrar.
Nauðsynlegt er að rýja gimbrarnar
aftur síðla vetrar. Jón hafði með-
ferðis sýnishorn af ull frá ýmsum
árstímum og skar haustullin sig úr
hvað hreinleika og áferð snerti.
I umræðum um styrkjakerfi land-
búnaðarins kom fram gagnrýni á
núverandi fyrirkomulag. Dæmi var
nefnt um heybindigarn sem bændur
verða að kaupa fullu verði, en sé
sama garn keypt í spyrðubönd er
söluskattur af því felldur niður.
Verð á framleiðslu bændanna er
síðan lækkað með niðurgreiðslum í
stað ívilnana við innkaup rekstrar-
vörunnar. Niðurgreiðslukerfið hefur
oft verið gagnrýnt af skattgreiðend-
um, en minna heyrst talað um íviln-
anir og niðurfellingar gjalda sem
aðrar atvinnugreinar njóta.
Á fundinum var minnt á, að með
sauðfjárrækt nýta bændur auðlind
sem annars lægi ónotuð, því að
sauðkindin breytir gróðri úthaganna
í verðmæta og eftirsótta matvöru.
1 lok fundarins var samþykkt eftir-
farandi ályktun:
„Aðalfundur Félags sauðfjár-
bænda í Strandasýslu 1986 hvetur
bændur til að gjalda varhug við
boðskap þess flokks manna sem nú
ferðast um landið og vill kaupa eða
leigja framleiðslurétt þeirra. Fund-
armenn telja að Strandasýsla sé mun
betur fallin til sauðfjárræktar en þau
héruð þar sem milljónum er varpað
á gróðurlitlar og ofbeittar heiðar á
ári hverju. Fundarmenn vara við
afleiðingum þess ef byggð grisjast í
sýslunni og benda á nauðsyn þess að
tekin verði ákvörðun um á hvaða
landsvæðum búháttabreytingar skuli
eiga sér stað.“
Stjórn félagsins var öll endurkjör-
in. Formaður er Matthías Lýðsson
Húsavík, en aðrir í stjórn Sigurður
Jónsson Stóra-Fjarðarhorni, Guð-
brandur Sverrisson Bassastöðum,
Hjalti Guðmundsson Bæ og Einar
Magnússon Hvítarhlíð.
Quðmundur G. Þórarinsson
í OPMU prófkjöri
Framsóknarflokksins í Reykjavík.
SÍMAR STUÐmhQSMArihA
68-88-17 OG 68-88-41
If|i1 Heilbrigðis-
W wfulltrúar
Stööur tveggja heilbrigöisfulltrúa við Heilbrigðiseft-
irlit Reykjavíkursvæðis eru lausar til umsóknar.
Stöðurnar veitast frá 15. desember nk. Laun
samkvæmt kjarasamningi Starfsmannafélags
Reykjavíkurborgar. Um menntun, réttindi og skyld-
ur fer samkvæmt reglugerð nr. 150/1983 ásamt
síðari breytingum.
Umsækjendur skulu hafa lokið háskólaprófi í
heilbrigðiseftirliti eða skyldum greinum svo sem
líffræði, matvælafræði, dýralækningum, hjúkrun-
arfræði eða hafa sambærilega menntun.
Umsóknir ásamt gögnum um menntun og fyrri
störf skulu hafa borist formanni svæðisnefndar
Reykjavíkursvæðis (borgarlækninum í Reykjavík)
fyrir 1. desember nk. en hann ásamt framkvæmda-
stjóra heilbrigðiseftirlits veitir nánari upplýsingar.
Borgarlæknirinn í Reykjavík
Auglýsing frá Launasjóði rithöfunda
Hér með eru auglýst til umsóknar starfslaun fyrir árið 1987 úr
Launasjóði rithöfunda samkvæmt lögum nr. 29/1975 og reglugerð
gefinni út af menntamálaráðuneytinu 19. október 1979.
Rétt til greiðslu úr sjóðnum hafa íslenskir rithöfundar og höfundar
fræðirita. Heimilt er og að greiða laun úr sjóðnum fyrir þýðingar á
íslensku. Starfslaun eru veitt í samræmi við byrjunarlaun mennta-
skólakennara skemmst til tveggja og lengst til níu mánaða í senn.
Höfundur sem sækir um og hlýtur starfslaun í þrjá mánuði eða lengur
skuldbindur sig til að gegna ekki fastlaunuðu starfi meðan hann nýtur
starfslauna. Slík kvöð fylgir ekki tveggja mánaða starfslaunum, enda
skulu þau einvörðungu veitt vegna verKa sem birst hafa næsta
almanaksár á undan.
Skrá um birt ritverk höfundar og verk sem hann vinnur nú að skal
fylgja umsókninni.
Umsóknum ber að skila á sérstökum eyðublöðum sem fást í
menntamálaráðuneytinu. Mikilvægt er að sþurningum á eyðublaðinu
sé svarað og verður farið með svörin sem trúnaðarmál.
Umsóknir skulu sendar fyrir 31. desember 1986 til menntamálaráðu-
neytisins, Hverfisgötu 6, Reykjavík.
Reykjavík, 12. nóvember 1986.
Stjórn Launasjóðs rithöfunda.
Útboð
Fjallalax hf. óskar eftír tilboðum í eftirfarandi
verkefni:
Byggingu eldishúss.
Húsið er ætlað fyrir seiðastöð fyrirtækisins í landi
Hallkelshóla í Grímsneshreppi. Flatarmál hússins
er áætlað um 20402. Útboðsgögn verða afhent á
skrifstofu Fjallalax hf. Síðumúla 37, sími 91-
688210, Reykjavík og Hallkelshólum Grímsnes-
hreppi, sími 99-6415 frá og með miðvikudeginum
11. nóvember.