Tíminn - 28.11.1987, Blaðsíða 15

Laugardagur 28. nóvember 1987
Tíminn 15
Tsjekhov í Djúpinu
EIH-leikhúsið: Tsjekhov i Djupinu: Um
skaðsemi tóbaksins. Þýðandi: Geir
Kristjánsson. Bónorðið. Þýðandi: Val-
ur Gíslason. Leikstjóri: Þröstur Guð-
bjartsson.
Þetta er leikhús nokkurra ungra
leikara og rekið við næsta frumstæð-
ar aðstæður í Djúpinu. En það hefur
farið vel af stað. Áður er búið að
sýna Sögu úr dýragarðinum eftir
Álbee og nú koma tveir einþáttungar
Tsjekhovs. Það var notalegsíðdegis-
skemmtun á sunnudaginn að horfa á
þessa einþáttunga í Djúpinu. Salur-
inn rúmar aðeins örfáa áhorfendur
og svigrúm leikenda er nánast ekki
neitt. En einmitt þetta skapar ná-
komið andrúmsloft sem er skemmti-
legt, jafnvel nokkuð óvenjulegt, þótt
annars sé með ólíkindum hversu
víða, er leikið í bænum um þessar
mundir.
Tsjekhov er vandleikinn, en hann
veitir líka snjöllum leikhúsmönnum
mikla möguleika. Það væri ofsagt að
leikendur í eih-leikhúsinu hafi ráðið
við þetta verkefni fyllilega. Einkum
var það eintalið í fyrri þættinum,
Um skaðsemi tóbaksins, sem galt
fyrir reynsluleysi leikarans og leik-
stjórans. í þessari einræðu verður að
fara saman, með hárfínum hætti,
skop og átakanleiki. Sá sem talar í
leikþættinum er Ivan Ivanovitsj
Njúkin, „eiginmaður konu sinnar
sem rekur tónlistarskóla fyrir stúlkur
ásamt heimavist". Þessi maður er
ímynd hins kúgaða og undirgefna,
skoplegur vegna hræðslu við varginn
konu sína, átakanleg mynd mannlífs
í eymd og volæði þótt hann klæðist
kjólfötum. Ræða hans snýst minnst
um skaðsemi tóbaksins, því meir um
hans eigið helvíti sem kona hans
hefur búið honum.
Hjálntar Hjálmarsson gerir sitt
besta til að slá á þá strengi til túlkunar
á þessu hlutverki sem hann nær. En
leikur hans er ekki í jafnvægi hláturs
og tára sem hér þarf til. Hjálmar
gerir þó margt snoturlega. Ég held
að vanur leikstjóri hefði getað fengið
meira út úr honum. En Hjálmar er
upprennandi leikari og á vonandi
góðan þroskaferil framundan. Hann
er raunar efni í skopleikara og hefur
svo sem sýnt það áður, -ég man eftir
honum í sýningum Nemendaleik-
hússins. En sem sagt: harmskopið
hjá Tsjekhov réði hann ekki við
þrátt fyrir heiðarlega tilraun.
Hinn þátturinn, Bónorðið, er allt
annars eðlis. Hann er miklu nær því
að vera hreinn gamanleikur þótt
skammt sé í tragidíuna ef grannt er
skoðað. Þessi leikþáttur var þýddur
fyrir hálfri öld og mun þá hafa verið
leikinn víða. Um feril fyrra þáttarins
veit ég ekki, en Bónorðið snýst um
það að til óðalsbónda nokkurs kem-
ur hjartveikur bóndi til að biðja
dóttur hans. Því er vel tekið af hálfu
föðurins, en svo fer að áður en að
kvonbænum kemur hefur biðillinn
þrætur við stúlkuna og föður hennar
um eignarhald á engjum nokkrum.
Má þá um skeið litlu muna að
ráðahagurinn fari út um þúfur.
Þessi þátturer í senn skemmtilegri
og auðleiknari en sá fyrri enda fóru
leikendur léttilega með hann. Þarna
kemur til aðstoðar reyndur leikari
þar sem er Jón S. Gunnarsson sem
fer með hlutverk óðalsbóndans.
Dóttur hans leikur Bryndís Petra
Bragadóttir. Bæði gera þau hlut-
verkum sínum allgóð skil eftir hætti.
En stjarna leiksins er Guðjón Sig-
valdason í hlutverki biðilsins. í lima-
burði og töktum hans öllum sjáum
við leikara sem ætti að geta náð
tökum á þeirri jafnvægislist sem þarf
til að leika Tsjekhov og slíka meist-
ara. Guðjón lék einnig burðarhlut-
verkið í Sögu úr dýragarðinum.
Þessi litla sýning er þannig ekki
neinn meiriháttar listviðburður. En
hún er ásjáleg. Eih-Ieikhúsið segist
vonast til að „eiga eftir að njóta
nærveru þinnar (þ.e. leikhúsgests-
ins) um ókomna framtíð“. Þess vildi
ég gjarnan njóta líka, en þá þyrfti
aðstaða leikhússins raunar að batna
þótt ekki sé ástæða til að gera lítið
úr þeim kostum sem kjallarinn í
Djúpinu og slíkir salir búa yfir.
Gunnar Stefánsson.
n Jeep
EINKAUMBOÐ Á ÍSLANDI
Sýningar-
bíll
á staðnum.
EGILL VILHJÁLMSSON HF.
Smiðjuvegi 4, Kópavogi. Simar 77200 — 77202
★ Hagstæð kjör
★ 25% útborgun
★ Eftirstöðvar lánaðar í allt að
2V2 ár
Ath.: Gengi dollars hefur ekki verið lægra síðan fyrir gengis-
fellingu 1984.
1988
HRARIK
N RAFMAGNSVEITUR RlKISINS
Orðsending til eig-
enda sumarbústaða
á orkuveitusvæði Rafmagnsveitna ríkisins
Þeir eigendur sumarhúsa, sem hug hafa á að fá
heimtaug frá RARIK næsta sumar, eru eindregið
hvattir til að leggja inn umsóknir sem fyrst og
kynna sér jafnframt þær reglur sem í gildi eru
varðandi afgreiðslu slíkra heimtauga.
Nú er verið að undirbúa efniskaup fyrir fram-
kvæmdir ársins 1988 og því er mikilvægt að
umsóknir liggi fyrir hið fyrsta.
Umsóknareyðublöð og allar frekari upplýsingar
eru veittar á afgreiðslustöðum RARIK, í Reykjavík
að Laugavegi 118 og á svæðisskrifstofum og
útibúum um land allt.
Rafmagnsveitur ríkisins.
Orðsending vegna
heimtauga 1988
á orkuveitusvæði Rafmagnsveitna ríkisins
Þeir viðskiptavinir RARIK sem hug hafa á kaupum
á stórum heimtaugum eða stækkun núverandi
heimtaugar frá RARIK á árinu 1988, eru eindregið
hvattir til að leggja inn umsóknir sem fyrst.
Nú er verið að undirbúa efniskaup fyrir fram-
kvæmdir ársins 1988 og því er mikilvægt að
umsóknir liggi fyrir hið fyrsta.
Umsóknareyðublöð og allar frekari upplýsingar
eru veittar á afgreiðslustöðum RARIK, í Reykjavík
að Laugavegi 118 og á svæðisskrifstofum og
útibúum um land allt.
Rafmagnsveitur ríkisns.
Til sölu notaðar
dráttarvélar
IH-574 .............. árgerð 1978
Ford 4100 ............ árgerð 1978
Ford 4600 .............árgerð 1978
Ford 7704 Conty......árgerð 1981
Zetor 5011 ........... árgerð 1983
Zetor 6911 ............árgerð 1979
Vélar í góðu lagi á góðum kjörum.
C7
Járnhálsi 2 Sími 83266 110 Rvk.
Til sölu
FENT 306 LSA árgerð
1984, með aflúrtaki og þrí-
tengibeisli að framan.
BOÐIf
Flatahrauni 29,
220 Hafnarfjöröur
sími 91-651800