Tíminn - 05.12.1987, Blaðsíða 6
6 Tíminn :
SAMVINNU
Iá\J tryggingar
' ■/‘V AKJ.IOLA 3 108 REYlLjAVlK SIMI (91)601411
Útboð
Tilboð óskast í eftirtaldar bifreiðir sem skemmst
hafa í umferðaróhöppum.
Subaru 1800 GL árgerð 1987
Lada Samara 2108 árgerð 1987
Chevrolet Monza árgerð 1987
Daihatsu Charade TS árgerð 1986
Daihatsu Charade CX árgerð 1985
Daihatsu Charade TX árgerð 1984
Saab 99 árgerð 1982
Nissan Cherry GL árgerð 1980
Ford Escort 1300 L árgerð 1977
Honda 450 vélhjól árgerð 1968
Bifreiðirnar verða sýndar að Höfðabakka 9,
Reykjavík, mánudaginn 7. desember 1987, kl.
12-16.
Á sama tíma:
Að Skemmuvegi 26, Kópavogi:
Mercedes Benz LR 111313 árgerð 1972
Kranabifreið GROVE árgerð 1971
Á Siglufirði:
Mazda 626 2000 árgerð 1983
í Borgarnesi:
Lancer 1500 GLX árgerð 1985
Galant Sigma árgerð 1979
Á Kópaskeri:
Lancer1200 árgerð 1986
A Rauðalæk:
Colt 1500 GLX árgerð 1987
Willy’s árgerð 1978
Á Vopnafirði:
Subaru 1600 árgerð 1978
Á ísafirði:
Mazda 323 1300 árgerð 1984
Toyota Cressida árgerð 1978
Á Akranesi:
Lada Vaz 2105 árgerð 1986
Daihatsu Charade árgerð 1981
í Stykkishólmi:
Subaru 1800 árgerð 1983
Tilboðum sé skilað til Samvinnutrygginga g.t.
Armúla 3, Reykjavík eða umboðsmanna fyrir
kl.12, þriðjudaginn 8. desember 1987.
Samvinnutryggingar g.t.
Bifreiðadeild
m
OM'
Dregið var í Jólahappdrætti SÁÁ þ. 3. desem-
ber um 10 SONY SRF-6 ferðaútvarpstæki. Upp
komu eftirtalin númer:
39787 48710 59856 1144 105376
44163 13959 103064 115665 47552
Þar sem útsending miða dróst á langinn hefur
stjórn SÁÁ ákveðið, að sú regla gildi um
þennan eina drátt,að dagsetning greiðslu
skipti ekki máli. Ef miði er greiddur verður
tækið afhent.
Númer gíróseðilsins er happdrættisnúmerið
og eftir er að draga 10 SONY ferðageislaspilara
þ. 10. des., 10 rafdrifna leikfangabíla þ. 17.
des., og loks 10 MITSUBISHI PAJERO jeppa, 5
stutta og 5 langa, á öðrum degi jóla, þ. 26. des.
Dráttur fer fram í beinni útsendingu á STÖÐ 2
ofantalda daga í þættinum 19:19.
Þökkum stuðning nú sem fyrr.
Laugardagur 5. desember 1987
Dæmi um Ármannaflugu. Engin fiskur ku eiga að standast hana og hennar líka;-.
Dugguvogur 13 um helgina:
Tímamynd Ámi Þór
ARMENN SELJA
JÓLAFLUGURNAR
Þeir fluguveiðimenn sem farnir
eru að hugsa fyrir næsta veiðisumri
ættu að líta inn í hið nýja félags-
heimili Stangaveiðifélagsins Ar-
manna í Dugguvogi 13 um helgina.
Ármenn hafa undanfarnar vikur
verið önnum kafnir við að hnýta
hinar fjölbreyttustu flugur í öllum
stærðum og munu um helgina
bjóða þær til sölu. Verða þær
seldar í boxum nokkrar saman og
geta menn bæði orðið sér úti um
lax- og silungsflugur.
Hafa Ármenn bent á flugur sínar
sem ákjósanlega jólagjöf veiði-
mannsins og bjóða þeir einnig upp
á jólakortin til veiðimannsins. Eru
þau skreytt með laxa- eða silunga-
flugu. Flugu- og jólakortasalan er
liður í fjáröflun félagsins til að
fjármagna kaup á hinu nýja félags-
heimili. Er hér um gott tækifæri að
ræða fyrir þá sem hug hafa á að
skoða nýja og vistlega aðstöðu
Ármanna í Dugguvoginum að
renna við um helgina, birgja sig
upp af flugum og ræða málin við þá
Ármenn yfir kaffibollum og með-
læti. Opið hús verður báða dagana
frá klukkan 13 til 18. - ES
Reykjaskóli við ísafjarðardjúp:
Rothögg
Brottfluttir Djúpmenn og aðrir
velunnarar Reykjaskóla og byggðar-
lagsins við ísafjarðardjúp hafa nú
safnað undirskriftum til að styðja þá
ósk heimamanna að Reyjaskóli
verði ekki felldur út af fjárlögum
næsta árs.
Forsaga málsins er sú að í frum-
varpi til fjárlaga fyrir árið 1988, sem
nú liggur fyrir Alþingi, er við það
miðað að héraðsskólinn á Reykja-
nesi verði lagður niður.
Sveitarstjórnir í fjórum innhrepp-
um ísafjarðardjúps hafa sent sam-
hljóða áskorun til fjármálaráðherra,
Jóns Baldvin Hannibalssonar, fjár-
veitingarnefndar og þingmanna
Vestfjarða, um að þessari ákvörðun
verði breytt og skólinn tekinn á
fjárlög fyrir árið 1988.
Með undirskriftum sínum vilja
brottfluttir Djúpmenn beina þeirri
ákorun til fjármála- og menntamála-
ráðherra og til þingmanna Vest-
fjarða, að þeir beiti sér fyrir því að
skólinn fái starfað áfram.
„Öllum þeim er til þekkja er ljóst,
að byggð við Djúp stendur það tæpt
nú um mundir að ef til þess kæmi að
Reykjaskólinn, eini skólinn í byggð-
arlaginu, yrði lagður niður, þá þýddi
það rothögg fyrir b^ggð á þessum
slóðum. Við treystum því að til þess
komi ekki!“ eins og segir í niðurlagi
áskorunarinnar.
KB
Fullt af orkugjöfum frá Sovétríkjunum á næsta ári:
80.000 tonn af
blýlágu
Á fullveldisdaginn var undirritað-
ur í Moskvu viðskiptasamningur
milli viðskiptaráðuneytisins og sov-
éskra seljenda um kaup okkar á
80.000 tonnum af bensíni, 80-
120.000 tonnum af svartolíu og
140.000 tonnum af gasolíu, sem
afhendist á næsta ári. Er um að ræða
svipað magn og samið var um til
kaups á þessu ári.
Verð og aðrir skilmálar eru að
mestu óbreyttir frá samningum þessa
árs, en ein nýjung fylgir samt með.
Bensínið verður með mjög lágu
bensíni
blýinnihaldi og gasolían með lágu
brennisteinsinnihaldi, hvort tveggja
vegna umhverfisverndar.
1 viðræðunum af íslands hálfu
tóku þátt þeir Fórhallur Ásgeirsson,
ráðuneytisstjóri í viðskiptaráðuneyt-
inu, forstjórar olíufélaganna, þeir
Indriði Pálsson, Jón Atli Kristjáns-
son og Vilhjálmur Jónsson og Árni
Kr. Þorsteinsson, deildarstjóri hjá
Olíufélaginu, en hann hefur í yfir 30
ár annast framkvæmd olíusamning-
anna við Sojuznefteexport.
- SÓL
Gleðin hefst
í Hard Rock
kl. 19.30:
Formleg
stofnun
Zappa-
félagsins
í kvöld verður stofnað nýtt
tónlistarfélag, og er það til-
einkað og stofnað til heiðurs
tónlistarmanninum Frank
Zappa. Zappa þessi hefurgefið
út um 50 hljómplötur, auk
nokkurra myndbanda og er
mjög vinsæll hér á landi, þó
ekki fari lög hans inn á vins-
ældalista útvarpsstöðvanna.
Þessi dagur var alls ekki valinn
fyrir tilviljun. í dag eru nefni-
lega einmitt 16 dagar þangað
til að meistarinn á afmæli. Af
því tilefni ákváðu nokkrir eld-
heitir Zappaaðdáendur að láta
slag standa og stofna klúbb um
goðið.
Gleðin hefst klukkan 19.30 í
Hard Rock Café og gefst gest-
um þá tækifæri til að bragða á
Zappamáltíð og hlusta á tónlist
snillingsins meðan melting fer
fram og gestir kynnast hver
öðrum. Síðan er stefnan sett á
skemmtistaðinn Lennon, sem í
hugum manna verður skírður
Zappa þetta eina kvöld.
Ergo, Zappaaðdáendur
mæti í Hard Rock klukkan
19.30, eða Lennon klukkan 22.
- SÓL