Fréttablaðið - 21.03.2009, Blaðsíða 43

LAUGARDAGUR 21. mars 2009 3
Nýtt og glæsilegt pípuorgel var
vígt um jólin í Hafnarfjarðar-
kirkju á 95 ára afmæli kirkjunn-
ar. Á morgun verða fyrstu söng-
tónleikarnir haldnir í kirkjunni.
„Það hafa verið haldnir orgeltón-
leikar á nýja orgelið áður en þetta
verður í fyrsta skipti sem verður
sungið líka,“ segir Natalía Chow
Hewlett organisti. „Þetta verður
líka í fyrsta skipti sem ég spila
undir hjá Kristínu en við höfum
áður sungið saman dúetta. Ég er
búin að æfa mig í kirkjunni dag og
nótt og það er mjög gaman að spila
á þetta stóra og glæsilega orgel,“
segir Natalía en hún var sjálf org-
anisti í Hafnarfjarðarkirkju frá
árinu 1996 til 2002.
Dagskráin á tónleikunum verður
að sögn Natalíu fjölbreytt en meðal
annars mun hún leika verk í minn-
ingu Páls Kr. Pálssonar sem var
organisti við kirkjuna á árunum
1950 til 1984. „Páll gaf kirkjunni
safn af orgelbókum þegar hann
hætti. Þetta eru dýrmætar bækur
og margar þeirra fást ekki í dag.
Í gamla orgelinu var cresc endo-
takki sem Páll notaði mikið við
orgelleik sinn. Þessi takki er
sjaldan notaður í barokk-verkum
en Páll gerði það. Hann var mik-
ill tónlistarmaður og meistari og
fékk meðal annars viðurkenn-
ingu frá forseta Íslands á sínum
tíma. Þegar ég sá að það er einn-
ig crescendo-takki í nýja orgelinu,
en það er ekki algengt á orgelum,
fannst mér tilvalið að spila verk í
minningu Páls.“
Natalía segir franska orgeltón-
list passa sérstaklega vel við pípu-
orgel af þessari stærð og verða
frönsk verk á dagskránni á morg-
un. Einnig verða flutt verk eftir
tónskáldið Julian Hewlett, eigin-
mann Natalíu. „Verk Julians eru
mjög stórbrotin og passa því vel
á svona orgel. Hann er mikið tón-
skáld en fáir þekkja til verka hans
og þessi verk hafa til dæmis ekki
hljómað í Hafnarfirði áður. Kristín
mun syngja tvö verk eftir hann á
tónleikunum.“
Auk þess að standa í undirbún-
ingi tónleikanna er Natalía með
tvo kóra á sínum snærum með-
fram kennslu, Kvennakór Kópa-
vogs og Englakórinn. Nú standa
yfir æfingar hjá Englakórnum.
„Englakórinn eru krakkar frá
þriggja til níu ára en ég stofnaði
hann fyrir fimm árum. Við erum
þessa dagana að æfa söngleik eftir
manninn minn sem við setjum upp
í maí í Kópavogskirkju. Sá söng-
leikur hefur aldrei verið fluttur
af svona ungum krökkum, svo það
verður gaman að sjá litla krakka
leika og syngja.“
Tónleikar Natalíu og Kristínar
í Hafnarfjarðarkirkju hefjast á
morgun klukkan 17.
heida@frettabladid.is
Tónar hljóma í Firðinum
Orgel- og söngtónleikar verða haldnir í Hafnarfjarðarkirkju á morgun klukkan 17 en þá munu organist-
inn Natalía Chow Hewlett og Kristín Sigurðardóttir sópransöngkona leika og syngja.
Natalía Chow Hewlett organisti og Kristín Sigurðardóttir sópransöngkona efna til
tónleika á morgun í Hafnarfjarðarkirkju. FRÉTTABLAÐIÐ/DANÍEL
Tungumálið á í vök að verjast,
móðurmálskennsla stendur á
tímamótum og við getum lært af
grannþjóðunum. Þetta er meðal
þess sem verður talað um á
ráðstefnu Samtaka móðurmáls-
kennara.
Ráðstefna Samtaka móðurmáls-
kennara verður haldin í Bratta,
húsnæði Háskóla Íslands við
Stakkahlíð, í dag. „Meiri ástæða
er nú en oft áður að hafa áhyggj-
ur af móðurmálskunnáttu barna
og unglinga,“ segir Guðlaug Guð-
mundsdóttir, formaður Samtaka
móðurmálskennara. „Ég stend æ
oftar frammi fyrir því að nemend-
ur mínir skilja ekki algeng orð og
orðatiltæki,“ bætir hún við.
Breytingar eru óhjákvæmi legar
að sögn Guðlaugar. „Íslenskt sam-
félag hefur breyst mjög mikið á
stuttum tíma, fjöldi barna elst upp
á heimilum þar sem annað eða
báðir foreldrar tala litla íslensku.
Minnkandi samgangur á milli kyn-
slóða hefur einnig gert það að verk-
um að málumhverfi barna og ungl-
inga verður sífellt fábreyttara.“
Á ráðstefnunni verður meðal
annars fjallað um nýjar námskrár
sem eru í smíðum og Guðlaug segir
að væntanlega verði um áherslu-
breytingu að ræða. „Við þurfum
að skilgreina hvað okkur finnst að
allir menntaðir Íslendingar þurfi
að þekkja. Höfum við lagt of mikla
áherslu á eldri bókmenntir á kostn-
að þeirra nýrri? Hugsanlega mætti
líka draga úr lestri bókmennta og
leggja meiri áherslu á tjáningu á
móðurmálinu í ræðu og riti.“
Meðal fyrirlesara á ráðstefn-
unni er Ellen Krogh, prófessor við
háskólann í Óðinsvéum, sem mun
segja frá þeim breytingum sem
voru gerðar á móðurmálskennslu
í Danmörku fyrir nokkrum árum.
Guðlaug telur að við getum lært
mikið af reynslu Dana.
En unglingarnir hljóta að kunna
einhver orð sem fullorðna fólkið
kann ekki? „Að sjálfsögðu,“ segir
Guðlaug. „Það hefur alltaf verið til
unglingamál. Hver einasta kynslóð
á sína eigin frasa og orðatiltæki.“
- alþ
Á íslenskan framtíð?
Móðurmálskennsla verður krufin til
mergjar á ráðstefnunni.
Handbók með ítarlegum upplýsingum og veiðikortum fylgir.
Fæst hjá N1, í veiðivöruverslunum og á www.veidikortid.is
31 vatnasvæði vítt og breitt um
landið fyrir aðeins 6000 krónur
Þú
ákveður
svo hva
r og
hvenær
þú
veiðir
veidikortid.is
Hver seg
ir að
það sé d
ýrt
að veiða
?
MasterCard
Mundu
ferðaávísunina!