Fréttablaðið - 27.03.2009, Síða 22

27. mars 2009
FÖSTUDAGUR
2
ÍTÖLSK KVIKMYNDAHÁTÍÐ verður í Regnboganum um helg-
ina. Þar verða sýndar þrjár kvikmyndir eftir hinn unga og upprennandi
leikstjóra Paolo Sorrentino. Myndirnar heita Honum er ofaukið, Afleiðing
ástarinnar og Fjölskylduvinurinn.
„Þessi tónleikaröð er tilraun til að
ná til nýs hóps áheyrenda, mennta-
og háskólanemenda og fólks á þeim
aldri. Það er óhætt að segja að það
myndist örlítið öðruvísi stemning
á svona tónleikum en gerist alla
jafna á sinfóníutónleikum, létt og
skemmtileg,“ segir Arna Kristín
Einarsdóttir, tónleikastjóri Sin-
fóníuhljómsveitar Íslands. Aðrir
tónleikarnir í hljómleikaröð sem
ber yfirskriftina „Heyrðu mig
nú!“ verða haldnir í Háskólabíói
klukkan 21 í kvöld.
Á dagskránni er Píanókonsert
eftir Gershwin og Sinfónískir
dansar úr West Side Story eftir
Bernstein. Hljómsveitarstjóri
er hinn 29 ára gamli Benjamin
Shwartz, aðstoðarhljómsveitar-
stjóri San Francisco-sinfóníunn-
ar, og einleikari á píanó er hin arg-
entínska Karin Lechner. Á undan
tónleikunum verður boðið upp á
kynningu á verkunum með léttu
spjalli og tóndæmum, og eftir á
verður slegið upp partíi þar sem
áhorfendur geta spurt hljómsveit-
arstjóra og -meðlimi spjörunum
úr, snakk og gos verður á boðstól-
um og plötusnúðurinn DJ Þorbjörn
sér um tónlistina.
Arna Kristín segir tilgang tón-
leikaraðarinnar meðal annars
vera þann að brjóta upp hljóm-
leikaformið sem margir tengja
við sinfóníutónleika. „Í raun má
segja að það sé dálítill bíóferða-
stíll á þessu,“ segir Arna Kristín.
„Það eru ekki númeruð sæti og
krakkarnir finna sér bara sæti
við hæfi. Kynningin á undan gerir
það að verkum að áhorfendurnir fá
að vita hvað býr að baki verkun-
um, hvaða meiningar höfundurinn
og hljóðfæraleikararnir hafa um
tónlistina og svo framvegis, og það
dýpkar hlustunarskilninginn.“
Að sögn Örnu Kristínar finna
meðlimir Sinfóníuhljómsveitar-
innar fyrir miklum meðbyr þegar
kemur að því að kynna sígilda
tónlist fyrir ungmennum. Til að
mynda hafi fjöldi fólks mætt á
tónleika á Myrkum músíkdög-
um nýverið, þar sem ungir lista-
menn á borð við Daníel Bjarnason
tónskáld og stjórnanda og Víking
Heiðar Ólafsson píanóleikara stigu
á svið. „Þar var blístrað og stappað
eins og á villtustu rokktónleikum.
Við höfum tekið eftir því að unga
fólkið virðist vera mjög móttæki-
legt og reiðbúið að kynna sér alls
kyns tónlist,“ segir Arna Kristín.
kjartan@frettabladid.is
Tónleikar og eftirpartí
Heyrðu mig nú! er yfirskrift föstudagstónleika hjá Sinfóníuhljómsveit Íslands sem haldnir verða í kvöld.
Ætlunin er að höfða til fólks á mennta- og háskólaaldri sem sækir ekki sinfóníuhljómleika að jafnaði.
Arna Kristín segir ungt fólk ungt upp til hópa móttækilegt og reiðubúið að kynna sér
alls kyns tegundir af tónlist. FRÉTTABLAÐIÐ/GVA
Skráning hefst 28. mars kl. 12
á Holtavegi og
í Sunnuhlíð á Akureyri
Vatnaskógur
Vindáshlíð
Kaldársel
Hólavatn
Ölver
Sumarbúðir
KFUM og KFUK
KFUM og KFUK - Holtavegi 28 - 104 Reykjavík - Sími 588 88 99 - www.kfum.is
Vorhátíð: Jón Víðis, töframaður
Hoppukastalagarðurinn - heill ævintýraheimur
Andlitsmálun * Candy floss * Kaffitería * Blöðrur
Sjá flokkaskrá
sumarbúðanna 2009
á kfum.is
56 flokkar í
5 sumarbúðum,
29 leikjanámskeið
á 3 stöðum
Hjálpaðu
umhverfinu
með
Blaðberanum
Þú færð Blaðberann þinn í
Skaftahlíð 24 alla virka daga
frá kl. 8-17.
...góðar fréttir fyrir umhverfið
Blaðberinn...