Morgunblaðið - 22.02.2006, Blaðsíða 6

6 MIÐVIKUDAGUR 22. FEBRÚAR 2006 MORGUNBLAÐIÐ
FRÉTTIR
FLUG 19.900KR.
Ferðatímabil 20. apríl–30. júní (síðasta heimkoma).
+ Bókaðu á www.icelandair.is
ALLIR ÁFANGASTAÐIR Í EVRÓPU
TÆP 63% þeirra sem afstöðu tóku í
nýrri könnun sem Gallup gerði fyrir
Vinstrihreyfinguna – grænt fram-
boð eru andsnúin því að stjórnvöld
beiti sér fyrir því að ný álver verði
reist hér á landi næstu fimm árin.
Forsvarsmenn Vinstri grænna
kynntu niðurstöður könnunarinnar
á blaðamannafundi í gær. Ögmund-
ur Jónasson, þingflokksformaður
flokksins, sagði á fundinum að sér-
staka athygli vekti hversu hátt hlut-
fall þjóðarinnar væri mjög andvígt
frekari virkjunum í þágu álfram-
leiðslu á komandi árum. Þá væri
meirihluti þjóðarinnar andvígur því
að ráðist yrði í nýjar virkjunarfram-
kvæmdir vegna álframleiðslu.
„Niðurstöður könnunarinnar sýna
ótvírætt að stóriðjustefna ríkis-
stjórnarinnar er í hrópandi and-
stöðu við meirihluta þjóðarinnar,“
sagði Ögmundur.
Í könnuninni, sem gerð var dag-
ana 2.-14. febrúar var spurt tveggja
spurninga:
1) Telur þú að stjórnvöld eigi að
beita sér fyrir því að byggð verði ný
álver á Íslandi á næstu fimm árum
eða telur þú að stjórnvöld eigi ekki
að beita sér fyrir því?
2) Ertu hlynnt/ur eða andvíg/ur
því að ráðist verði í nýjar virkjana-
framkvæmdir vegna álframleiðslu á
næstu fimm árum?
Af þeim sem afstöðu tóku til fyrri
spurningarinnar sagðist 37,1%
þeirrar skoðunar að stjórnvöld ættu
að beita sér fyrir byggingu nýrra ál-
vera. Um 20% landsmanna tóku
hins vegar ekki afstöðu til spurning-
arinnar. Þegar kynjahlutfall er
skoðað kemur í ljós að 55% karla
töldu ekki að stjórnvöld ættu að
beita sér fyrir byggingu nýrra ál-
vera en 72% kvenna. 45% karla voru
fylgjandi nýjum álverum en 28%
kvenna.
Í seinni spurningunni kvaðst rúmt
31% þátttakenda mjög andvígt því
að ráðist yrði í nýjar virkjanafram-
kvæmdir vegna álframleiðslu næstu
fimm árin og um 20% sögðust frekar
andvíg. 14,3% kváðust mjög hlynnt
því að slíkar framkvæmdir yrðu
hafnar og 21,2% frekar hlynnt, en
rúm 20% tóku ekki afstöðu. Tölu-
verður munur var á milli kynja í
þeim hópi sem lýsti sig mjög hlynnt-
an nýjum virkjanaframkvæmdum.
21% karla kvaðst þeirrar skoðunar
en aðeins 7,6% kvenna.
Ögmundur sagði einnig á fund-
inum að niðurstöðurnar styddu enn
frekar mikilvægi þess að þjóðin
fengi að ákveða framhald málsins.
Út á það gengi tillaga til þingsálykt-
unar sem þingflokkur VG hefði lagt
fram á Alþingi. Samkvæmt tillög-
unni er gert ráð fyrir að efnt verði
til atkvæðagreiðslu um stóriðju-
stefnuna samhliða sveitarstjórnar-
kosningunum 27. maí í vor.
Úrtakið í könnuninni var 1350
einstaklingar og svarhlutfall var
61,6%.
Könnun Gallup sem gerð var fyrir Vinstrihreyfinguna – grænt framboð
Meirihluti andsnúinn
byggingu nýrra álvera
Morgunblaðið/ÞÖK
Vinstri grænir kynntu niðurstöður könnunarinnar á fundi í gær.



  

 
 

  


  



 !"
#





$ 





:  %6 "%. 

9 Eftir Elvu Björk Sverrisdóttur
elva@mbl.is
HÁSKÓLI Íslands og Landsbank-
inn hafa gert með sér samstarfs-
samning um nýtt nám í hagnýtri
menningarmiðlun til M.A.-prófs við
hugvísindadeild HÍ. Landsbankinn
mun leggja til fimm milljónir króna
á ári næstu þrjú ár til hugvís-
indadeildar til að kosta starf lektors
fyrir nýju námsbrautina, sem vistuð
verður í sagnfræði- og fornleifa-
fræðiskor, en Háskólinn stendur
straum af öðrum kostnaði. Kennsla í
hagnýtri menningarmiðlun hefst
haustið 2006.
Valur Ingimundarson, dósent í
sagnfræði við HÍ og formaður
starfshóps um endurskoðun á nám-
skipan sagnfræðiskorar, bindur von-
ir við nýju brautina og segir hana
vera lið í að auka námsframboð inn-
an skorar og deildar. Auk þess hefur
grunnnám í sagnfræði á B.A.-stigi
verið endurskipulagt og til stendur
að bjóða upp á fleiri námsleiðir í
meistaranámi: annars vegar fyrir
kennara (M. Paed. nám) og hins veg-
ar M.A. nám í samtímasögu.
Valur segir að námsleiðin í hag-
nýtri menningarmiðlun eigi að ýmsu
leyti rætur í miðlunarsnámskeiðum
sem kennd hafa verið í sagnfræði.
Lagt verði upp með að kennarar
komi úr ýmsum áttum, enda sé leit-
að eftir þverfaglegu samstarfi í nám-
inu, og miðað að því að tengja saman
íslenska sögu og menningu. „Annað
markmið er að koma á auknu sam-
starfi milli námsgreina í hugvís-
indadeild og styrkja tengslin við aðr-
ar deildir,“ segir Valur. Leitað hafi
verið til Landsbankans til að styrkja
þessa námsleið þar sem bankinn
leggur áherslu á að efla og styrkja
menningu á Íslandi.
Nýja námsbrautin er 45 eininga
M.A. nám sem gengur út á að opna
fleiri námsmöguleika fyrir nem-
endur á framhaldsstigi og vekja þá
til vitundar um mögulegar leiðir til
miðlunar. Í upphafi mun m.a. verða
boðið upp á námskeið í munnlegri
miðlun og viðtalstækni, vefmiðlun,
myndrænni miðlun og tímaritaút-
gáfu. Ennfremur verður unnið með
framsetningu efnis á sýningum í
samstarfi við Þjóðminjasafn Íslands
og annað í menntatengdri ferðaþjón-
ustu í samstarfi við Háskólasetur
Vestfjarða sem haldið verður á Ísa-
firði.
Í námskeiðunum verður lögð rík
áhersla á að unnin verði raunhæf
verkefni sem stefnt er að að komi
fyrir sjónir almennings. Leitast
verður eftir að kynna nýjar miðl-
unarleiðir fyrir nemendum og að
þjálfa þá í að koma rannsóknum sín-
um á framfæri á fjölbreyttan hátt.
Vonast er því eftir góðu samstarfi
við félög, stofnanir eða fyrirtæki á
miðlunarsviði.
Sigurjón Þ. Árnason, bankastjóri
Landsbankans, segir mikið ánægju-
efni fyrir bankann að leggja grunn
að nýju námi við hugvísindadeild.
Hann segir það hlutverk Lands-
bankans að efla ekki aðeins atvinnu-
lífið heldur einnig allar tegundir
menningar.
Hlutverk stórfyrirtækja
„Það stendur ekkert þjóðfélag
föstum rótum nema íbúarnir séu
með á hreinu hvaðan þeir eru og við
lítum svo á að þetta nám hafi að
hluta til það markmið að kenna og
miðla menningararfinum áfram,“
segir Sigurjón og útilokar ekki fleiri
styrki til menntunarmála í framtíð-
inni. „Við lítum svo á að stórfyr-
irtæki hafi ákveðnu hlutverki að
gegna, ekki aðeins í því að skapa at-
vinnu og tekjur heldur líka á öðrum
sviðum, samfélagslegum sviðum og
þetta er eitt af þeim.“
Samstarfssamningur milli Háskóla Íslands og Landsbankans
Staða lektors á nýrri námsbraut
styrkt til næstu þriggja ára
Morgunblaðið/ÞÖK
Sigurjón Þ. Árnason, bankastjóri Landsbankans, og Kristín Ingólfsdóttir,
rektor Háskóla Íslands, undirrita samninga í Landsbankanum í gær.
Eftir Andra Karl
andri@mbl.is
VR, sem stendur fyrir virðing og
réttlæti, verður nýtt heiti Verzl-
unarmannafélags Reykjavíkur,
með fyrirvara um samþykki aðal-
fundar félagsins í vor.
Nafn Verzlunarmannafélags
Reykjavíkur þótti orðið úrelt því nú
starfar aðeins um fimmtungur fé-
lagsmanna við verslun og starfs-
svæðið nær frá Akranesi til Vest-
mannaeyja. Því efndi félagið til
opinnar samkeppni um nýtt og lýs-
andi nafn fyrir félagið.
Um þúsund tillögur bárust og var
rúmur þriðjungur þeirra ýmiss
konar útfærslur á skammstöfuninni
VR. Það var mat dómnefndar að í
þeirri lausn felist ákveðin samfella
milli fortíðar og framtíðar félagsins
undir nafni sem allir félagsmenn
geta fylkt sér undir. Nýja nafnið er
því skammstöfunin VR en henni
hefur verið fengið nýtt inntak;
Virðing og réttlæti, tvö mikilvæg-
ustu verkefnin á sviði félagsins.
Í fréttatilkynningu kemur fram
að hlutverk VR sé að stuðla að og
efla virðingu á markvissan hátt en
standa jafnframt vörð um réttlæti á
öllum sviðum fyrir hönd fé-
lagsmanna sinna og auðvelda þeim
þannig að efla sinn hag í ánægju-
legu starfi.
Dómnefnd skipuðu Gunnar Páll
Pálsson, formaður VR, Kristín Sig-
urðardóttir, forstöðumaður sam-
skipta- og þróunarsviðs VR, auk
rithöfundanna Gerðar Kristnýjar
og Andra Snæs Magnasonar.
Verzlunar-
mannafélag
Reykjavíkur
fær heitið VR
STARFSMENN GG-flutningafyrir-
tækisins kappkosta að ganga eins vel
og kostur er frá farmi sem þeir
flytja, að sögn Eiríks Gunnarssonar
hjá GG. Síðastliðinn sunnudag birti
Morgunblaðið mynd af flutningabíl
GG með farmi og fylgdi umsögn
Ágústs Mogensen, forstöðumanns
rannsóknanefndar umferðarslysa,
sem sá ýmislegt athugavert við frá-
ganginn. Vitnaði Ágúst í reglugerð
554/2003 í því sambandi.
Eiríkur sagði að því miður væri
þessi reglugerð ekki í neinu sam-
ræmi við veruleikann hjá þeim í GG
og ómögulegt fyrir fyrirtækið að
fara eftir henni. Ef t.d. ættu að vera
skjólborð eða styttur utan um farm-
inn á myndinni hefði tengivagninn
þurft að vera yfir löglegri breidd! Í
þessu tilviki hefði hvorki
verið hægt að koma
við skjólborð-
um eða
styttum.
„Við leggjum metnað okkar í að
ganga vel frá farmi sem við flytjum,“
sagði Eiríkur. „Á myndinn sést hvað
farmurinn er vel festur. Fyrst er
hlaðið á bílinn fjórum einangrunar-
plötum í hæð og strekkt með tveimur
strekkjurum. Síðan koma tvær plöt-
ur til viðbótar og aftur tveir strekkj-
arar, síðan eru tveir krossbundnir
strekkjarar bæði að framan og aftan.
Þessi farmur er í heild um fimm
tonn. Hver strekkjari þolir fimm til
átta tonna átak í beinu átaki og þetta
hefði ekki haggast þótt bílnum hefði
hvolft!“
Eiríkur sagði að fyrirtækið flytti
oft óhefðbundna farma, breiðari,
lengri og hærri en samræmdist kröf-
um fyrrnefndrar reglugerðar. Eiríki
er því spurn hvernig eigi að bregðast
við beiðnum um flutning á
vörum sem ekki
passa inn í gall-
aða reglu-
gerðina.
Reglugerð um farm-
flutninga ekki í sam-
ræmi við veruleikann