Morgunblaðið - 28.02.2006, Page 12

12 ÞRIÐJUDAGUR 28. FEBRÚAR 2006 MORGUNBLAÐIÐ
FRÉTTIR
Loðna fryst
um borð í
Engey RE
Úr verinu á morgun
SVEINN R. Eyjólfsson, sem
ákærður er fyrir undanskot upp á
tvær milljónir króna sem stjórnar-
maður Dagsprents á árinu 2001,
sagðist fyrir dómi lítið geta sagt um
hin meintu brot. Þáttur hans í mál-
inu í heild varðar meint undanskot
ásamt öðrum upp á um 22 milljónir
króna.
Varðandi Dagsprent sagðist
Sveinn hafa mætt á stjórnarfundi
félagsins en hefði þó enga þekkingu
á umræddu máli. Skv. ákæru er
honum gefið að sök brot á lögum
um staðgreiðslu opinberra gjalda
með því að hafa ekki staðið Sýslu-
manninum á Akureyri skil á gjöld-
um sem haldið var eftir af launum
starfsmanna Dagsprents.
Sveinn sagðist ekki hafa vitað um
að vanskil væru að safnast upp og
hefði fengið yfirlýsingu þess efnis
frá framkvæmdastjóra félagsins.
Reksturinn hefði samt verið í
„kaldakoli“. Vitneskju um vanskil
hefði hann fyrst fengið þegar
ákæra í málinu var gefin út og tók
Sveinn fram að hann hefði ekki
komið nálægt daglegri stjórn fé-
lagsins þótt hann hefði á hinn bóg-
inn hjálpað því í vanda vegna fjár-
hagserfiðleikanna.
Einn liður ákæru á hendur Sveini
og Eyjólfi syni hans lýtur að meint-
um brotum Sveins sem stjórnar-
manns vegna rekstrar Fréttablaðs-
ins upp á tæpar 13 milljónir kr. árið
2002, þar af virðisaukaskattsbrot-
um upp á 2,4 milljónir og brotum
gegn lögum um staðgreiðslu opin-
berra gjalda upp á 10,4 milljónir.
Sveinn sagðist hafa haft töluverð
afskipti af starfsemi Fréttablaðsins
að því er varðar hugmyndafræði-
lega uppbyggingu en daglegri fjár-
málastjórn hefði hann ekki komið
nálægt.
Fréttablaðið var á
bullandi skriði
Tók Sveinn fram að sannleikur-
inn væri sá að Fréttablaðið hefði á
þessum tíma verið á „bullandi
skriði“ og ljóst hefði verið að blaðið
var rétt hugmynd á réttum tíma.
Auglýsingatekjur hefðu verið mikl-
ar en innheimta reikninga eilíft
vandamál með því að sumir við-
skiptavina blaðsins teldu sig hafa
átt inni afslætti og því hefðu þessar
tekjur ekki skilað sér í kassann.
Samt hefðu þessi rekstrarþættir
verið minniháttar vandamál frá
degi til dags. Rothöggið fyrir blaðið
hefði verið skuldir sem Tollstjórinn
í Reykjavík taldi sig eiga inni. Þver-
tók Sveinn fyrir að hafa nokkru
sinni tekið þátt í ákvörðun um að
greiða ekki vörsluskatta
Sveinn sætir líka ákæru fyrir
undanskot á virðisaukaskatti og op-
inberum gjöldum vegna rekstrar
ÍP-prentþjónustunnar á árunum
2001 og 2002 upp á tæpar sjö millj-
ónir kr. en þar var hann stjórnar-
formaður. Sagðist hann hafa haft
töluverð afskipti af stjórn ÍP og
haldið reglulega stjórnarfundi þar
sem málefni ÍP og Ísafoldarprent-
smiðju hefðu verið rædd samhliða.
Hefði hann afhent félagið til þáver-
andi framkvæmdastjóra, ákærða
Ólafs Hauks Magnússonar, til að
geta greitt vörsluskatta þess og
ennfremur hefði Ólafur fengið að-
stoð við að greiða skattana með því
að prentvél félagsins var seld, fénu
ráðstafað og vélin síðan tekin á
leigu af félaginu. Auk þess sagðist
Sveinn hafa lagt persónulega fjár-
muni sína til félagsins. Hann yrði
því seint vændur um aðgerðaleysi
vegna vandamála félagsins enda
hefði hann gert allt sem í valdi hans
stóð til að hjálpa því. Tók hann fram
að hann hefði þó ekki verið inni í
smáatriðum í rekstrinum. Hann
sagðist þá kannast við það skv.
skýrslu Ólafs hjá skattrannsókna-
stjóra að Ísafoldarprentsmiðju
hefði verið haldið í fjársvelti en
sagðist ekki muna hvort Ólafur
hefði kvartað yfir því. Það væri þó
líklegt enda hefði Ólafur lagt sig
fram um að reka félagið vel.
Varðandi ráðningu Ólafs sem
framkvæmdastjóra sagðist Sveinn
örugglega hafa komið þar nálægt,
en að hann hefði jafnörugglega
spurt annan aðila, sem ekki tók
starfinu, hvort sá vildi gerast fram-
kvæmdastjóri. Sá hinn sami kom
fyrir dóminn og staðfesti að hann
hefði verið beðinn að gerast fram-
kvæmdastjóri en sett sem skilyrði
að gerð yrðu skuldaskil vegna
vörsluskatta. Ekkert varð úr ráðn-
ingunni.
Sveinn sagðist gera ráð fyrir að
Ólafi hefði verið gerð grein fyrir
fjárhagsstöðu félagsins við ráðn-
inguna og gat hann þess ennfremur
að Ólafur hefði óskað eftir því að fá
launabókhald Frjálsrar fjölmiðlun-
ar inn á sitt borð.
Vissi ekki um greiðslu
til Fréttablaðsins
Við réttarhaldið gegndi Sveinn
einnig stöðu vitnis vegna meintra
umboðssvika Eyjólfs Sveinssonar
og Svavars Ásbjörnssonar sem
fjármálastjóra Visir.is upp á tæpar
25 milljónir kr. með því að millifæra
féð heimildarlaust inn á reikning
Fréttablaðsins af yfirdráttarreikn-
ingi SPRON. Sveinn sagðist hafa
verið í stjórn Vísis en ekki vitað um
umræddar greiðslur og málið yfir-
leitt fyrr en Svavar var handtekinn.
Varðandi annan ákærulið sem
fjallar um meint undanskot Eyjólfs
og ákærða Valdimars Grímssonar
upp á um fimm milljónir kr. einkum
virðisaukaskattsbrot, í rekstri
Póstflutninga ehf., sagði Sveinn að
mikil deila hefði staðið um það
hvort Póstflutningar væru virðis-
aukaskattsskylt félag. Þannig hefði
endurskoðandi félagsins ekki talið
svo vera en skattyfirvöld verið á
annarri skoðun.
Foreldrar blaðburðarbarna
hringdu látlaust
Gunnar Smári Egilsson, fyrrver-
andi ritstjóri Fréttablaðsins, var
ennfremur kallaður fyrir dóminn
sem vitni vegna fyrrnefndra
meintra umboðssvika í tengslum
við SPRON og Fréttablaðið. Vitn-
isburður hans var á sömu lund og
ýmissa annarra og var hann óviss
um ýmsa hluti sem spurt var um.
Til dæmis um það hvort Svavar eða
Eyjólfur hefði verið framkvæmda-
stjóri Fréttablaðsins á þessum
tíma. Gunnar sagðist ekki hafa
þekkt til fjárhagslegra tenginga
milli Visir.is og Fréttablaðsins, en
þó minnti sig að heldur hefði hallað
á Visir.is í þeim efnum. Um það var
hann viss, að fjárhagsstaða Frétta-
blaðsins hefði verið veik, en um
greiðslur frá Visir.is til Frétta-
blaðsins hefði hann ekkert vitað.
Hefði hann ekki vitað um yfirdrátt-
inn fyrr en með fyrirkalli ríkislög-
reglustjóra eða skattyfirvalda.
Hann hefði þó komið að sölu Visir.is
með því að sitja einn fund og kynna
fréttavefinn en hitt myndi hann
ekki, hvort hann hefði setið fund
þar sem gengið var frá sjálfri söl-
unni.
Gunnar lýsti því hvernig dagleg-
ur rekstur Fréttablaðsins hefði ver-
ið á árinu 2002 þegar bitist var um
hvern tíuþúsundkallinn til að ráð-
stafa ef einhverjir fjármunir voru til
skiptanna frá degi til dags. Blaðið
hefði verið í skuld við nær alla
starfsmenn, að ógleymdum blað-
burðarbörnum, en foreldrar þeirra
hefðu hringt látlaust vegna van-
goldinna launa.
Gunnar Smári sagði það hafa
verið sitt hlutverk að meta hvort
ráðstafa ætti einhverjum smáfjár-
hæðum inn á tiltekna reikninga frá
degi til dags og klóra þannig í bakk-
ann og jafnframt hefði það komið í
sinn hlut að segja viðkomandi
starfsmönnum að þeir fengju ekk-
ert þann daginn. Hefðu þetta verið
mjög miklir erfiðleikar en hann
hefði sjálfur ekki haft vald til að
ákveða hvað eða hverjum yrði
greitt, en einkum komið með tillög-
ur. Hann hefði ekki vitað hvað
kæmi inn á reikninga blaðsins,
heldur fengið að vita frá degi til
dags hvað væri mikið til skiptanna í
lokin.
Varðandi fyrrnefnd meint brot
Eyjólfs og Sveins upp á 13 milljóna
króna undanskot í rekstri Frétta-
blaðsins sagði Gunnar Smári að sér
hefði verið ókunnugt um skil á virð-
isauka og opinberum gjöldum, en
hann hefði horfið frá störfum hjá
Fréttablaðinu í maí 2002.
Ekki vitað um
framkvæmdastjóra Visir.is
Ekki var óvissan minni í fram-
burði Sigurðar Ragnarssonar sem
ákærður er sem framkvæmdastjóri
Visir.is ásamt Eyjólfi fyrir áður-
nefnt meint brot upp á rúmar fimm
milljónir króna. Hann sagðist hafa
haft umsjón með starfsmanna- og
markaðsmálum á fréttavefnum, en
sagðist ekki hafa verið fram-
kvæmdastjóri vefjarins, þótt upp-
haflega hefði verið rætt um að það
vantaði einn slíkan til félagsins í að-
draganda ráðningar hans. Nokkrar
vikur liðu frá því hann átti samtöl
við fráfarandi framkvæmdastjóra
og þar til hann tók til starfa. Þá
sagði hann ljóst að starfið væri ann-
að en það sem um var rætt áður.
Ekki hafði hann svar við því hver
hefði verið framkvæmdastjóri vis-
ir.is, ef ekki hann. Þó kannaðist
hann við að tilkynnt hefði verið til
hlutafélagaskrár, að hann væri
framkvæmdastjóri. Samt hefði
hann engar upplýsingar haft um
virðisaukaskattsskil félagsins.
Hann hefði þó farið að gruna að
pottur væri brotinn varðandi skatt-
skilin eftir nokkrar vikur í starfi.
Ennfremur hefði hann vitað um að
laun starfsmanna væru í vanskilum.
Viðbrögð sín við þessu hefðu verið á
þann veg að leggja þunga áherslu á
það við Svavar og Eyjólf að greiða
gjöldin. Hefðu þeir verið sammála
því, en sjálfur hefði hann ekki haft
valdsvið til að greiða eitt né neitt.
Aðspurður sagðist hann við ráðn-
ingu aldrei hafa séð skipurit félags-
ins og heldur væri ekki skriflegum
ráðningarsamningi til að dreifa. Þá
hefði sér aldrei verið gerð grein fyr-
ir því að hann ætti að hafa fjármála-
vald. Sagðist Sigurður álíta að frá
því hann átti fyrstu samtölin við frá-
farandi framkvæmdastjóra og
þangað til hann hóf störf hefði
starfssviðið breyst. Hefði hann
enga athugasemd gert við það þeg-
ar hann hafði komið sér fyrir í
starfi. Eftir nokkurra mánaða
vinnu hefði hann hætt störfum.
Vissi ekki að vanskil
væru að safnast upp
Eftir Örlyg Stein Sigurjónsson
orsi@mbl.is
HAFNARSVÆÐI eru jafnan
þungamiðja athafnalífs í borgum
og þar er alltaf eitthvað að ger-
ast. Væntanleg tilkoma tónlistar-
og ráðstefnuhúss á Austurbakka
Reykjavíkurhafnar veldur því að
færa þarf alla starfsemi af Aust-
urbakkanum yfir á Vesturbakk-
ann og því vinna nú menn öt-
ullega að alls kyns undirbúningi
þess flutnings.
Þessa dagana er verið að reka
niður stálþil í höfninni og stækka
og endurnýja hafnarbakkana á
Grandagarði til að þeir geti vald-
ið auknu álagi frá starfsemi
tengdri sjávarútveginum.
Þessir vel klæddu og fótvissu
verkamenn unnu ötullega að
undirbúningi breytinganna í dá-
litlum kulda, en annars ágætu
veðri.
Hafnarbakkar
stækkaðir
Morgunblaðið/Brynjar Gauti