Morgunblaðið - 04.05.2006, Side 8

8 FIMMTUDAGUR 4. MAÍ 2006 MORGUNBLAÐIÐ
FRÉTTIR
OPIÐ ELDHÚS
VELKOMIN Í GLÆSILEGAN
SÝNINGARSAL OKKAR
AÐ LÁGMÚLA 8
sýningarhelgi
OPIÐ LAUGARDAG FRÁ 11-17
OG SUNNUDAG FRÁ 13-17
LÁGMÚLA 8 • SÍMI 530 2800
- HTH eldhús eru ekki eins dýr og þau líta út fyrir að vera.
Ef þú ert að huga að nýju eldhúsi er upplagt að skoða kosti HTH. Í glæsilegum sýningarsal
okkar sérðu allt það nýjasta í eldhústækjum frá AEG fléttað saman við innréttingar frá HTH.
Þetta samspil HTH og AEG er ekki bara fallegt og vandað heldur er heildarlausn af þessu tagi
á góðum kjörum hjá Bræðrunum Ormsson.
Varnarmálaráðherrann okkar á eftir að fíla sig vel í Napoleons-dressinu.
Frumvarp til laga umfimm manna kjar-aráð í stað kjara-
dóms og kjaranefndar er
til meðferðar á Alþingi.
Gert er ráð fyrir því að það
verði afgreitt á þessu þingi,
að sögn Péturs H. Blöndal,
þingmanns Sjálfstæðis-
flokks og formanns efna-
hags- og viðskiptanefndar
þingsins. Halldór Ásgríms-
son forsætisráðherra
mælti fyrir frumvarpinu á
Alþingi í apríl sl. og hefur
efnahags- og viðskipta-
nefnd það nú til umfjöllun-
ar. Þrettán aðilar hafa sent nefnd-
inni umsögn um frumvarpið. Pétur
H. Blöndal segir að flestir séu sam-
mála um kosti þess að sameina
kjaradóm og kjaranefnd. Meðal
gagnrýnisatriða sé að kjararáð eigi
að ráða því sjálft hvaða aðilar falli
undir það. Að öðru leyti vill hann
lítið tjá sig um umsagnirnar;
nefndin eigi eftir að fara betur yfir
þær og fjalla um kosti og galla
frumvarpsins.
Frumvarpið var lagt fram á Al-
þingi í byrjun apríl sl. Það byggist
á tillögum nefndar, skipaðrar
fulltrúum allra þingflokka, sem fal-
ið var að fara yfir lög um kjaradóm
og kjaranefnd. Í athugasemdum
frumvarpsins kemur fram að u.þ.b.
840 aðilar heyra undir kjaradóm og
kjaranefnd. Þar á meðal eru forseti
Íslands, ráðherrar, þingmenn,
hæstaréttardómarar, héraðsdóm-
arar, forstöðumenn, dýralæknar,
prestar og prófessorar. Þessir að-
ilar eiga að heyra undir kjararáð,
skv. bráðabirgðaákvæði frum-
varpsins, þar til annað hefur verið
ákveðið.
Í frumvarpinu er lagt til að full-
skipað kjararáð, þ.e. fimm manna
ráð, ákvarði laun forseta Íslands og
þingmanna, skv. lögum um laun
forseta Íslands og lögum um þing-
fararkaup alþingismanna. Það á
einnig að ákvarða launakjör ráð-
herra og dómara. Þriggja manna
kjararáð á hins vegar að ákvarða
laun og starfskjör annarra ríkis-
starfsmanna sem ekki geta ráðið
samningum sínum á venjulegan
hátt vegna eðlis starfanna eða
samningsstöðu. Fullskipað kjarar-
áð á, skv. frumvarpinu, að skera úr
um það hvaða ríkisstarfsmenn eigi
að heyra undir ráðið. Þá segir m.a.
í frumvarpinu að kjararáð skuli
ætíð taka tillit til almennrar þróun-
ar kjaramála á vinnumarkaði.
Samtök atvinnulífsins (SA) og
Alþýðusamband Íslands (ASÍ) eru
meðal þeirra aðila sem sent hafa
efnahags- og viðskiptanefnd þings-
ins umsagnir um frumvarpið. SA
gagnrýna tíundu grein frumvarps-
ins, en í henni er kjararáði heimilað
að taka ákvarðanir um launakjör á
nokkurra ára fresti og binda þau
almennri launavísitölu þess á milli,
sem ráðið velji í samráði við Hag-
stofu Íslands. Í umsögn sinni lýsa
SA undrun sinni á þessu ákvæði
frumvarpsins. „Lagt er til að á ný
sé tekin upp vísitölubinding launa á
Íslandi sem kostaði gríðarleg átök
að afnema á níunda áratug síðustu
aldar,“ segir í umsögn SA. „Nú er
lagt til að vísitölubindingin nái til
forystumanna þjóðarinnar og
helstu embættismanna og hætt við
að hún yrði öðrum fordæmi og
breiddist hratt út.“ Síðar í umsögn-
inni er ítrekað að þessi vísitölu-
binding sem lögð er til í frumvarp-
inu hafi augljóst fordæmisgildi
fyrir aðra „og er líklegt að mikill
þrýstingur myndaðist á að fá slík
ákvæði, bæði inn í kjarasamninga
og persónubundna ráðningar-
samninga. Það felur í sér mikla
hættu á víxlverkandi hækkunum
launa, eins konar launaspíral, sem
gætu stöðugt farið vaxandi með
tímanum.“
Halldór Ásgrímsson sagði er
hann mælti fyrir frumvarpinu að
fulltrúar ASÍ hefðu bent á þessa
aðferð, þ.e. að binda launakjör al-
mennri launavísitölu. Halldór sagði
að rétt hefði þótt að gefa kjararáði
færi á að fara þessa leið „og kann
það að þykja hentugt varðandi af-
markaða hópa sem undir ráðið
heyra, ekki síst hina þjóðkjörnu,“
sagði hann m.a.
Andstætt SA tekur ASÍ vel í vísi-
tölubindinguna í umsögn sinni.
„ASÍ telur þetta rétt skref, sér-
staklega þegar um er að ræða
starfskjör kjörinna fulltrúa. Með
þessu fyrirkomulagi væri hægt að
ákvarða heildarstarfskjör t.d. á
kjördegi og láta þau síðan fylgja
launavísitölu og þannig koma í veg
fyrir að stjórnmálamenn missi trú-
verðugleika sinn líkt og gerðist um
síðustu áramót.“
ASÍ telur að í frumvarpinu sé um
margt komið til móts við gagnrýni
sambandsins. Til að mynda fagnar
ASÍ því að kjararáð eigi að taka til-
lit til almennrar þróunar kjaramála
á vinnumarkaði. ASÍ gagnrýnir
hins vegar m.a. að áfram sé gert
ráð fyrir því „að Alþingi og forsæt-
isnefnd þingsins fari með veiga-
mikla þætti í heildarkjörum þjóð-
kjörinna fulltrúa en ekki kjararáð,“
eins og segir í umsögninni. Vísar
ASÍ þar sérstaklega til 2., 3. og 5.
greina laganna um þingfararkaup,
sem fjalla um launauppbætur, sem
og til laga um eftirlaun forseta Ís-
lands, ráðherra, alþingismanna og
hæstaréttardómara. „Það hefur
verið skýr krafa ASÍ að öll kjör
þessara aðila verði til umfjöllunar á
einum stað, hjá kjararáði.“
Fréttaskýring | Stefnt að afgreiðslu
frumvarps um kjararáð
Ósammála um
vísitölubindingu
Flestir eru sammála um kosti þess að
sameina kjaradóm og kjaranefnd
Kjararáð á m.a. að ákvarða laun þingmanna.
Frumvarpið samið í kjölfar
úrskurðar kjaradóms

Frumvarp um nýtt kjararáð er
byggt á niðurstöðum þver-
pólitískrar nefndar, sem falið var
að endurskoða lög um kjaradóm
og kjaranefnd. Nefndin var skip-
uð í kjölfar úrskurðar kjaradóms
í desember sl. Skv. honum áttu
laun þjóðkjörinna fulltrúa og
æðstu embættismanna að hækka
um u.þ.b. 8%. Hann vakti mikil
viðbrögð og í janúar samþykkti
Alþingi lög sem felldu hann úr
gildi. Þessi í stað hækkuðu laun
þessara aðila um 2,5%.
Eftir Örnu Schram
arna@mbl.is