Morgunblaðið - 04.05.2006, Blaðsíða 15
MORGUNBLAÐIÐ FIMMTUDAGUR 4. MAÍ 2006 15
ERLENT
Ósló. AP. | Þrír menn voru á þriðju-
dag fundnir sekir um það fyrir rétti í
Osló í Noregi að hafa rænt málverk-
unum Ópið og Madonna eftir Edv-
ard Munch. Alls voru sex manns
ákærðir fyrir aðild að ráninu en þrír
voru sýknaðir í gær, þ.á m. meintur
höfuðpaur, Stian Skjold. Sakborn-
ingar hyggjast allir þrír áfrýja til
æðra dómstigs.
Tveir vopnaðir og hettuklæddir
menn rændu verkunum úr Munch-
safninu í Ósló hinn 22. ágúst 2004 í
viðurvist fjölmargra starfsmanna og
ferðamanna. Þeir flúðu þvínæst af
vettvangi á stolnum bíl, sem ekið
var af félaga þeirra.
Héraðsdómur í Ósló taldi sannað,
að Norðmaðurinn Bjørn Hoen hefði
tekið þátt í að skipuleggja ránið og
var hann dæmdur í sjö ára fangelsi.
Þá var talið sannað að Petter Thar-
aldsen hefði ekið flóttabílnum en
hann var dæmdur í átta ára fangelsi.
Þeir tveir voru einnig dæmdir til að
greiða Óslóborg 750 milljónir
norskra króna, jafnvirði níu millj-
arða íslenskra króna, í bætur fyrir
málverkin, sem enn eru ófundin.
Þá var Petter Rosenvinge dæmd-
ur í fjögurra ára fangelsi fyrir að út-
vega bílinn en hann hélt því fram að
hann hefði ekki vitað að nota ætti
hann við rán.
Ýmislegt þykir benda til að mynd-
irnar hafi skemmst í meðförum
ræningjanna. Vitni, sem sá til ræn-
ingjanna, sagði að þeir hefðu spark-
að í verkin til að fjarlægja rammana.
Þá lágu málverkin um tíma í sendi-
bíl.
Málverkanna er enn saknað og
hafa yfirvöld í Noregi boðið sem
svarar 20 milljónum íslenskra króna
hverjum þeim sem getur gefið upp-
lýsingar um hvar þau sé að finna.
Þrír fundnir
sekir um
rán á verkum
Munchs
Mogadishu. AFP. | Sómali á tánings-
aldri tók á þriðjudag af lífi mann
sem hafði verið dæmdur af íslömsk-
um rétti fyrir að myrða föður hans.
Aftakan hefur vakið mikla athygli,
en hún er sú fyrsta í höfuðborg
landsins, Mogadishu, í áraraðir sem
er fyrirskipuð af rétti sem dæmir
eftir strangri túlkun á sharía-lögum
múslíma. Þau eru mörg afar fornleg
og í andstöðu við mannúðleg ákvæði
nútímalegri lagasetningar.
Aftakan fór þannig fram að ung-
lingnum, hinum sextán ára gamla
Mohamed Moalim, var fenginn hníf-
ur, eftir að hinn dæmdi, Omar Huss-
ein, hafði verið reyrður við staur
með höfuðpoka. Því næst gekk Moa-
lim að Hussein og stakk hann til
bana. Hundruð manna fylgdust með
aftökunni, sem fór fram undir berum
himni í Bermuda-hverfinu í Mogad-
ishu.
Ættingjar beggja á meðal
hundraða áhorfenda
„Morðingi föður míns er nú allur,“
sagði Moalim yfirvegaður í samtali
við AFP-fréttastofuna, en Hussein
og föður hans, sjeiknum Osman
Moalim, hafði lent saman vegna
deilna um menntun Moalims.
Ættingjar Moalims voru á meðal
áhorfenda og sögðu að bæði þeir og
og fjölskylda hins dæmda hefðu
samþykkt niðurstöðu réttarins. Ísl-
amskir leiðtogar lofuðu dóminn og
sögðu hann til vitnis um að löggæsla
hefði verið endurreist á svæðinu.
„Íslam veitir okkur hughreyst-
inguna sem þarf til að yfirvinna þá
erfiðleika sem að okkur steðja,“
sagði sjeikinn og trúarleiðtoginn
Ibrahim Mohamed Nur. „Réttlæti
Allah hefur verið fullnægt og það er
ekki til fullkomnara réttlæti en það
sem Allah boðaði.“ Þrátt fyrir að
fjölskylda Husseins hafi samþykkt
dóminn var hún ósátt við að rétt-
urinn skyldi ekki hafa gefið þeim
tækifæri á að greiða aðstandendum
föður Moalims bætur, í því skyni að
freista þess að fá aftökudóminn
felldan niður. „Það var ekki fjallað
um mál okkar manns af réttlæti,“
sagði Ismail Haji Hassan, ættingi
Husseins.
Á sama tíma lýstu vestrænar
leyniþjónustur yfir áhyggjum af
„talibana-væðingu“ Sómalíu, en ísl-
amskir öfgamenn í landinu eru m.a.
taldir skjóta skjólshúsi yfir liðsmenn
al-Qaeda, hryðjuverkasamtaka Sádi-
Arabans Osama bin Ladens.
Tók morðingja föður síns af lífi
Fyrsta aftakan í nafni sharía-laga ísl-
ams sem fer fram í áraraðir í Sómalíu
MÁLVERK eftir myndlistar-
manninn Vincent Van Gogh seldist á
uppboði í New York í fyrrakvöld á 40
milljónir og 336 þúsund dollara, um
þrjá milljarða króna, sem er fjórða
hæsta verð sem fengist hefur fyrir
málverk eftir meistarann á uppboði.
Málverkið gerði Van Gogh árið 1890
og er það talið tileinkað öðrum im-
pressjónista, Paul Gauguin.
Van Gogh er talinn hafa þjáðst af
þunglyndi og ein sagan segir að
hann hafi skorið af sér eyrnasnepil.
Frægt er að hann seldi varla nokk-
urt verka sinna um ævina og naut
stuðnings bróður síns til að geta ein-
beitt sér að myndlistinni. Nú seljast
verk hans hins vegar fyrir milljarða.
Á uppboðinu í Christie’s seldist
einnig málverk eftir Picasso af rúss-
neskri eiginkonu hans og ber það
heitið Le Repos. Það málaði Picasso
árið 1932 og seldist það fyrir um 2,6
milljarða króna.
Samanlögð sala í uppboðshúsinu
fór upp í um 13 milljarða króna og
segir uppboðshaldari Christie’s að
listmarkaðurinn sé sterkur um þess-
ar mundir og að safnarar hafi ekki
látið deigan síga.
AP
Verkið góða eftir Van Gogh heitir
L’Arlesienne, Madame Ginoux.
Seldist fyrir
þrjá milljarða
♦♦♦