Morgunblaðið - 04.05.2006, Side 13

MORGUNBLAÐIÐ FIMMTUDAGUR 4. MAÍ 2006 13
HESTAR
ÚR VERINU
MIKIL spenna ríkir fyrir síðasta mót
meistaradeildar VÍS í hestaíþróttum
sem fer fram í kvöld á Selfossi. Ein-
ungis eitt stig skilur tvo efstu menn að,
Þorvald Árna Þorvaldsson og Sigurð
Sigurðarson. Enn eru 20 stig eftir í
pottinum og heyja a.m.k. fimm knapar
baráttuna um efsta sætið í stigasöfn-
uninni. Til mikils er að vinna, meist-
aratign er í húfi og verðlaunin eru ekki
af verri endanum, 2.200.000 kr. Án efa
verður líka spennandi að fylgjast með
keppninni um sæti í deildinni fyrir
næsta ár en 14 efstu menn tryggja sér
þátttökurétt á meðan þeir sem lenda
neðar verða að keppa um sæti á úr-
tökumóti.
Fyrir hálfum mánuði fór fram hörð
og skemmtileg keppni í fimmgangi.
Viðar Ingólfsson og Riddari frá Krossi
voru fyrstir inn í úrslitin en urðu að
lúta í lægra haldi fyrir Þorvaldi Árna
og Þokka frá Kýrholti sem sigruðu
með glæsibrag. Sigurður Sigurðarson
hafnaði í þriðja sæti á Skuggabaldri
frá Litla-Dal og Ísleifur Jónasson vann
sig eftirminnilega upp í fjórða sæti úr
því tíunda á Sval frá Blönduhlíð.
Fimmti varð svo Páll Bragi Hólm-
arsson á Kjóa frá Stóra-Vatnsskarði.
Tíu efstu í meistaradeild VÍS
1. Þorvaldur Árni Þorvaldsson 34
2. Sigurður Sigurðarson 33
3. Ísleifur Jónasson 28
4. Atli Guðmundsson 26
5. Sigurbjörn Bárðarson 24
6. Viðar Ingólfsson 18
7. Hulda Gústafsdóttir 10
8. Hinrik Bragason 9
9. Jóhann G. Jóhannesson 8
10. Sigurður V. Matthíasson 8
Keppt verður í tveimur greinum í
kvöld, gæðingaskeiði og 150 m skeiði,
og verður keppnin haldin á félags-
svæði Sleipnis á Selfossi og hefst kl. 19,
verðlaunaafhending verður svo kl.
22.30 í Ölfushöllinni.
Eins og fram kemur í tilkynningu
frá skipulagsnefnd eru margir sterkir í
skeiðíþróttinni í deildinni, t.a.m. Sig-
urður Sæmundsson, Valdimar Berg-
stað og Sigurður Straumfjörð Pálsson,
núverandi heimsmethafi í 150 m skeiði.
„Benda má á að helmingur knapanna
er Íslands-, Norðurlanda- eða heims-
meistarar í skeiðgreinum. Það er á
engan hallað þótt nafn Sigurbjörns
Bárðarsonar sé nefnt í þessu sam-
bandi …“ segir þar.
Morgunblaðið tók púlsinn á þremur
efstu mönnunum fyrir kvöldið.
Stefnir alltaf á sigur
Þorvaldur Árni Þorvaldsson á von á
spennandi keppni: „Þetta er jafnt og
það getur allt gerst. Ég er ánægður
með að hafa náð aftur fyrsta sætinu en
það er aðalmálið að enda vel,“ segir
Þorvaldur Árni – og hann er vel
stemmdur fyrir mótið. „Þarna verða
þrautreyndir skeiðhestar á ferðinni.
Að sjálfsögðu kemur ekkert annað en
sigur til greina – maður stefnir alltaf á
sigur. Í gæðingaskeiðið mæti ég með
Hryðju frá Hvoli og svo geldinginn
Kjarra frá Steinnesi í 150 m skeiðið.
Það verður að koma í ljós hvernig þetta
fer, þau eru bæði svo sem óreynd í
þessum greinum en einhvers staðar
verður maður að byrja,“ segir knapinn
sem hefur forystu í deildinni fyrir
kvöldið.
Dyr opnast fyrir hestamennskuna
Sigurður Sigurðarson keppir líklega
á Fölva frá Hafsteinsstöðum í báðum
greinum en þó segir hann Drífu frá
Hafsteinsstöðum einnig inni í mynd-
inni.
Sigurður, sem komið hefur að fram-
kvæmd mótsins, er ánægður með
deildina í ár: „Meistaradeildin hefur
verið haldin tvisvar áður og í bæði
skiptin réðust úrslitin á lokaspretti
þannig að það hefur verið geysileg
spenna í þessu. En hún er enn meiri
núna því fleiri blanda sér í baráttuna, á
fyrri mótum höfðum við Sigurbjörn
Bárðarson yfirburðastöðu. Þessi
keppni hvetur menn til dáða og kemur
mönnum fyrr í gang um veturinn til að
fara undirbúa hesta sína og þetta reyn-
ir geysilega mikið á fjölhæfni knapa –
það er tölt, fjórgangur, fimmgangur,
skeiðgreinar og fimiæfingar. Þetta er
mjög jákvætt og ekki síst hvað VÍS
hefur styrkt okkur í þessu, það hleypir
ennþá meiri spennu í mótið og gerir
kleift að hafa glæsilega umgjörð um
mótið sem menn sýna meiri áhuga fyr-
ir vikið. Hestamennskan hefur að auki
fengið mun meiri umfjöllun en áður.
Þetta er auðvitað jákvætt fyrir hesta-
mennskuna því hún hefur átt svolítið
undir högg að sækja en það virðast
vera að opnast ýmsar dyr.“
Alvöruíþróttagrein
„Þetta eru ekki mínar sterkustu
greinar sem eru eftir,“ segir Ísleifur
Jónasson spurður um keppni kvölds-
ins, „en maður gerir auðvitað sitt
besta. Ég tefli fram óreyndum hesti í
báðar greinar, Mósart frá Miðfelli sem
er undan Þór frá Prestsbakka. Þetta
verður hörkumót, mikið af reyndum
skeiðknöpum og -hestum. Mér hefur
þótt gaman að keppninni og það sem
ég hef ætlað mér hefur yfirleitt gengið
vel upp. Ég hef eiginlega náð lengra en
ég átti von á.“
Hvaða skoðun hefur Ísleifur svo á
meistaradeildinni? „Núna hefur verið
mikil kynning á vegum VÍS og það
hefur tekist vel til með að koma þessu
að í fjölmiðlum. Þetta er mjög jákvæð
keppni og gaman að koma þessu í um-
ræðuna, keppnistímabilið hefst fyrr og
þetta hefur góð áhrif á hestamennsk-
una. Skipuleggjendur deildarinnar
eiga hrós skilið því þeir hafa unnið
góða vinna. Það skiptir máli að kynna
þetta sem íþrótt, að þetta sé ekki ein-
ungis einhver afþreying heldur alvöru-
íþróttagrein,“ minnir Ísleifur á og
hann mætir vafalaust einbeittur til
leiks í kvöld líkt og keppinautar hans.
Lokamót meistaradeildar VÍS í hestaíþróttum haldið á Selfossi í kvöld
Spennan í algleymingi
Eftir Þuríði Magnúsínu Björnsdóttur
thuridur@mbl.is
Ísleifur Jónasson og Svalur frá Blönduhlíð á flug-
skeiði. „Það sem ég hef ætlað mér hefur yfirleitt
gengið vel upp,“ segir Ísleifur en hann er í 3. sæti.
Sigurður Sigurðarson keppti á Skuggabaldri fyr-
ir hálfum mánuði og er annar í stigasöfnuninni.
„Keppnin reynir geysilega á fjölhæfni knapa.“
Ljósmynd/Örn Karlsson
Þorvaldur Árni Þorvaldsson vann fimmganginn á
Þokka frá Kýrholti og hefur forystuna: „Að sjálf-
sögðu kemur ekkert annað en sigur til greina.“
PÁLL Þórir Rúnarsson og áhöfn
hans á frystitogaranum Málmey SK
gerðu það heldur betur gott í túr,
sem lauk í gær. Þeir komu þá inn
með um 440 tonn af afurðum, mest
ufsa, sem svarar til tæplega 900
tonna upp úr sjó. Aflaverðmætið var
um 104 til 105 milljónir króna og er
hásetahlutur þá ríflega ein milljón
króna.
Togarinn var aðeins 18 daga að
veiðum og því er aflinn um 45 tonn
upp úr sjó á sólarhring og aflaverð-
mæti á sólarhring 5,3 til 6,5 milljónir.
Páll var að vonum ánægður með
túrinn, þegar Verið sló á þráðinn til
hans um borð í gær. „Þetta var alveg
ótrúlega góð veiði. Það hefur verið
mjög góð ufsaveiði að mestu leyti í
tvö ár, þótt okkur fyndist reyndar
draga úr henni síðastliðið haust. Við
vorum núna fyrir austan land á
svæðinu frá Berufjarðarál vestur í
Breiðamerkurdýpi og það var nánast
alls staða mikil veiði. Þetta er gott
ufsasvæði, en þessi veiði var óvenju-
lega góð, enda erum við viku fyrr í
landi en áætlað hafði verið. Annars
er ufsaveiðin oftast fremur köflótt.
Hún getur dottið alveg niður og gos-
ið svo upp aftur. Það hjálpar allt til
núna, gríðarleg veiði, hækkanir á af-
urðaverði erlendis, mikil eftirspurn
og gengissig íslenzku krónunnar,“
sagði Páll.
Hann segir frá áramótin hafi
gengið mun betur en í fyrra, en það
skýrist af verðhækkunum og geng-
islækkun, en auk þess hafi veiðar
gengið betur í flestum tilfellum, en
reyndar ekki á ýsunni.
Samhent áhöfn
Málmey var í heimahöfn seinni-
partinn í gær, en hún fer út að nýju á
laugardagsmorgun. Ekki liggur fyr-
ir hvort þá verður farið í úthafskarfa
á Reykjaneshrygg, en veiði þar hef-
ur verið dræm að undanförnu.
„Þetta var mikil törn hjá okkur
núna og það er gríðarleg vinna að
vinna og ganga frá svona miklum
afla. Það var sleitulaus vinna hjá
okkur á öllum vöktum allan túrinn.
Svona gerir ekki nema samhent
áhöfn. Það þarf góða karla til að
koma 440 tonnum af afurðum niður í
lest á 18 dögum,“ sagði Páll.
Fiskuðu fyrir tæpar
6 milljónir á sólarhring
Frystitogarinn
Málmey með
tæp 900 tonn á
18 dögum
HB Grandi er nú að þrefalda vinnslu-
getu sína í loðnufrystingu á Vopna-
firði með uppsetningu nýrrar
vinnslulínu. Fara afköstin úr 150 til
170 tonnum í 450 til 500 tonna frysti-
getu á sólarhring. Afköst við síld-
arfrystingu aukast ekki teljandi en
sú vinnsla verður mun hagkvæmari
en áður vegna aukinnar sjálfvirkni.
Vilhjálmur Vilhjálmsson, deild-
arstjóri uppsjávarfisks hjá HB
Granda, segir að þetta sé í samræmi
við markmið félagsins, að auka eins
og unnt er verðmæti þeirra afla-
heimilda sem félagið ráði yfir. Hann
segir að afköst í síldarflökunum og
frystingu verði áfram um 150 tonn á
sólarhring, en síðan vonist menn til
þess að loðnuveiðum verði haldið
áfram í svipuðum mæli og á árum
áður. Því vilji menn vera tilbúnir að
auka verðmætin með frystingu í
landi.
Um er að ræða nýja línu, sem er
hönnuð og framleidd af Skaganum á
Akranesi, en inn í hana sé reyndar
keyptur ýmis búnaður að utan. Þá
eigi fyrirtækið fyrir þrjá frysti-
skápa, en auk þeirra verði fimm upp-
gerðir skápar keyptir frá Bandaríkj-
unum. Ætlunin er að verkinu verði
lokið fyrir síldarvertíðina í haust.
Samhliða þessu á að byggja nýtt
vigtarhús sem verður 10 metra hátt
á þremur hæðum og 160 fermetrar
að flatarmáli og einnig verður byggð
lyftarageymsla.
Þrefalda vinnslugetu á Vopnafirði
A›alræ›uma›ur á fundinum er Hervé Carré, a›sto›ar-
framkvæmdastjóri stjórnarskrifstofu efnahagsmála hjá ESB og
einn af hugmyndasmi›um evrunnar.
Fundurinn er haldinn mánudaginn 8. maí á Nordica Hótel
kl. 8:15 – 10:00
Dagskrá:
8:15 Skráning og morgunver›ur
8:30 Percy Westerlund, sendiherra og yfirma›ur Fastanefndar
framkvæmdastjórnar ESB gagnvart Íslandi og Noregi:
Opnunarávarp
8:35 Hervé Carré, a›sto›arframkvæmdastjóri stjórnarskrifstofu
efnahagmála hjá ESB: “Addressing the opportunities and
challenges of globalisation, what role for the euro?”
9:15 Fyrirspurnir og umræ›ur
10:00 Fundarlok
Fundarstjóri er Jón Ásbergsson, framkvæmdastjóri Útflutningsrá›s.
Fundurinn er öllum opinn en áhugasamir eru be›nir a› skrá flátttöku
í síma 511 4000 e›a me› tölvupósti, utflutningsrad@utflutningsrad.is
Í tilefni af Evrópudeginum b‡›ur Fastanefnd
framkvæmdastjórnar ESB gagnvart Íslandi og Noregi,
í samstarfi vi› Euro Info skrifstofuna, Samtök
atvinnulífsins og Samtök i›na›arins, til morgun-
ver›arfundar um evruna mánudaginn 8. maí n.k.
Hlutverk evrunnar í alþjóðavæðingunni
M
IX
A
•
fí
t
•
6
0
2
3
1
Fastanefnd framkvæmdastjórnar ESB
gagnvart Íslandi og Noregi
Er evran
svarið?