Morgunblaðið - 04.05.2006, Síða 31
MORGUNBLAÐIÐ FIMMTUDAGUR 4. MAÍ 2006 31
MINNINGAR
sterk í minningunni. Nú er hún far-
in, farin á stað þar sem er eilíft líf,
engin sorg eða strit. Einungis gleði,
friður og fögnuður.
Stoltið skein úr augum hennar
þegar hún fékk í fang sér fyrsta
ömmubarnið og ekki varð stoltið
minna er hún fimm árum seinna
fékk alnöfnu. Elsku Rósi og Petra,
þið hafið misst mikið, ömmu sem var
alltaf til fyrir ykkur.
Tónlistin var sterk í hennar lífi.
Svarta bókin góða sem geymdi alla
fallegu textana hennar, þvílíkar ger-
semar. Magnþrungnir og djúpir til-
finningatextar. Er augun fönguðu
hvert ljóðið af öðru gleymdist bæði
staður og stund. Ófáar stundirnar
áttum við við píanóið, sungum mikið
og veltum tónlistinni fyrir okkur.
„Mamma, mig langar svo til að
bjóða ömmu til okkar á gamlárs-
kvöld, má ég það?“ Það var svo
meira en sjálfsagt að þær fengju að
eiga saman áramót alnöfnurnar. Það
voru hamingjuslög sem slógu í
brjóstum þeirra þá. Alltaf var mikill
kærleikur á milli okkar Sifu þótt
minni tengsl hafi verið seinni árin.
En minningin lifir um mikla og kær-
leiksríka konu. Það er þakklæti og
tregi í huga er ég nú kveð. Elsku
Rósi og Petra, ég bið Drottin að
styrkja ykkur og öðrum aðstand-
endum votta ég mína dýpstu samúð.
Guð geymi ykkur öll.
Rannveig M. Stefánsdóttir.
Elsku hjartans amma mín. Með
söknuð í hjarta kveð ég þig. Það eru
margar minningar sem streyma um
hugann þessa dagana. Það var alltaf
gott að koma til ömmu í Reykjavík.
Ég man þegar við röltum í JL-
húsið og á leiðinni heim tíndi ég
hvítu blómin sem voru gul í miðj-
unni, þú settir þau í blómapott og
þau lifðu í nokkra daga, þegar þau
dóu fór ég bara og tíndi fleiri. Þegar
ég fékk að fara í fyrsta skiptið ein í
búðina, ég þurfti að muna eftir stóra
lýsismerkinu, þar átti ég að beygja
til vinstri, til að rata heim aftur.
Þær voru ófáar ferðirnar í sumarbú-
staðinn, það var alltaf nóg að gera
þar. Allar lönguvitleysurnar sem við
spiluðum og rafmagnstaflið þitt sem
ég skildi aldrei almennilega hvernig
virkaði. Allar sögurnar sem þú hef-
ur sagt mér frá því þegar ég var lít-
il, þú breyttir alltaf röddinni þegar
þú varst að segja eitthvað sem ég
hafði sagt.
Þegar ég og Björgvin Máni kom-
um í heimsókn til þín í desember sl.
hringdi ég á undan mér, þér fannst
það svo sniðugt að rétt áður en sím-
inn hringdi heyrðirðu barnarödd við
rúmið þitt hvísla að þér „amma“, þú
varst alveg viss um að það væri ver-
ið að láta þig vita að við værum á
leiðinni. Þegar ég sýndi Björgvini
Mána kristallana á ljósakrónunni
sagðirðu að hann væri alveg eins og
ég, að reyna að ná regnbogunum á
veggnum. Þú sagðir mér fyrir
nokkrum árum að þig hefði dreymt
lítinn ljóshærðan dreng, u.þ.b. ári
seinna eignaðist ég Björgvin Mána,
þú sagðir við mig síðast þegar ég
kom til þín að þetta væri litli ljós-
hærði drengurinn sem þig hafði
dreymt.
Takk elsku amma mín fyrir allt.
Þín nafna
Sigurveig Petra.
Ég sé þig koma svífandi yfir sæinn
í sunnanátt með léttum vængjaþyt.
Brátt mun hlýna birta kringum bæinn
bráðna klakinn, jörðin skipta um lit.
Brátt mun vaxa blóm í hverju beði
birki og askur rísa af vetrarblund.
Allt það sem er ungt og þráir gleði
mun elska þig og tigna hverja stund.
Þú vornótt bjarta búin perlum daggar
sem breiðir væng þinn yfir land og haf.
Í blundi hverju barni hljótt þú vaggar
og blessar allt sem lífið fegurst gaf.
Brátt mun vaxa blóm í hverju beði
birki og askur rísa af vetrarblund.
Allt það sem er ungt og þráir gleði
mun elska þig og tigna hverja stund.
(Brynja Bjarnadóttir.)
Þessi texti er við lag Sigurbjargar
Petru, Vor, og á vel við er við ætt-
ingjar og vinir kveðjum með trega
tvíburasystur mína, Sigurbjörgu
Petru. Hún var vart meira en níu
eða tíu ára er hún stóð fremst á sviði
og söng einsöng með stúlknakór
Raufarhafnar, Trúðu á tvennt í
heimi. Bernskan leið eins og gengur
bæði með sorg og gleði. Í bernsku
var tónlistin í hávegum höfð á heim-
ili okkar, ekki síst er við vorum hjá
afa og ömmu í Ormarslóni. Þar voru
föðurbræður okkar, Jóhann og Þor-
steinn, orðnir þekktir harmoniku-
spilarar.
Sifa, eins og hún var oftast kölluð,
fór ung að heiman til Reykjavíkur í
tónlistarskóla. Reykjavíkurferðin
hefur varað síðan, því þar kynntist
hún eiginmanni sínum, Rósenberg.
Þau eignuðust fimm börn, svo nóg
var að gera við dagleg störf. Samt
gaf hún sér alltaf tíma til að setjast
við píanóið og hripa niður, ef ein-
hver laglína kom upp í hugann.
Ég held að vart hafi verið hægt að
hugsa sér ljúfari konu en Sifu, sem
öllum vildi gott gera. Allt sitt líf var
hún í því að skemmta fólki. Í fjöl-
skylduboðum sat hún við píanóið og
spilaði og söng og allir tóku undir.
Er dansinn byrjaði var harmonikan
tekin fram og danslögin spiluð af
fingrum fram.
Systir mín var ekki heilsuhraust
og lífið fór ekki alltaf mjúkum hönd-
um um hana. Samt fann hún alltaf
stundir til að sinna hugðarefni sínu,
tónlistinni. Ég er þakklát fyrir að
hafa fengið að fylgjast með er hún
var að velja lögin sín á geisladiskinn
Kvöldgeisla sem kom út ekki alls
fyrir löngu. Ég vil þakka öllu því
góða listafólki sem aðstoðaði hana
við útgáfu hans. Það er ómetanlegt
fyrir okkur ættingjana að eiga þessa
fallegu minningu.
Til margra ára hefur Sifa verið í
sambúð með Sigurði Guðmundssyni
sem alltaf stóð við bakið á henni í
því sem hún tók sér fyrir hendur og
reyndist henni í alla staði vel. Hafi
hann þökk fyrir það. Sifa náði því
ekki að verða sjötug en ég veit að
englakórinn hefur sungið fyrir hana
á afmælisdaginn. Ég vil votta Sig-
urði, börnum hennar og venslafólki
samúð mína. Vertu sæl elsku systir
og hafðu þökk fyrir allt.
Halldóra.
Kæra Sigurbjörg.
Mikið er ég fegin að ég fékk að
kynnast þér hérna á Flyðrugranda
16, af því að ég er orðin ríkari af því
að þekkja gæskuna sem þú úthelltir
yfir allt og alla nálægt þér.
Við bjuggum á sömu hæð og ég
kynntist þér fljótt eftir að ég flutti
hingað. Íbúðin ykkar Sigurðar er
svo falleg, með bókum, málverkum,
myndastyttum, skrautlegum vösum
frá því hann var í siglingum, og það
ljómaði af hlýja persónuleikanum
þínum sem tók á móti manni undir-
eins. Og svo var það þessi hljóm-
þýða rödd þín og hve gaman var að
spjalla við þig. Þú varst alltaf bros-
mild og þekktir flest sem gat komið
fyrir í lífinu. Listin þín var hljóm-
listin, að búa til lög, að spila á org-
elið, hljómborðið og söngurinn. Og
svo þegar þú gafst út fyrsta geisla-
diskinn þinn fyrir jólin, sama dag og
ég gaf út bókina mína. Og við vorum
báðar svo glaðar. Þú lánaðir mér
hljómborðið þitt í veisluna hjá mér.
Þín veisla var yndisleg á heimilinu á
Vesturgötu, þar sem þú stjórnaðir
kórnum. Þar voru ættingjar þínir,
vinir og hljómlistarfólk samankom-
ið. Einu sinni fórum við á tónlist-
arskemmtun saman og þar hittir þú
aðra tónsmiði og varst glöð meðal
jafningja. Það var gott að vera á
heimili ykkar hjónanna og spjalla
saman, syngja dægurlög eða sálma,
spá í spil, ræða málin og drekka
kaffi. Tíminn gleymdist hjá þér.
Þú veiktist í bakinu í vetur og lást
í marga mánuði í rúminu heima. Ég
kom oft inn til þín og alltaf varstu
jafn góð, blíð og hógvær og kvart-
aðir ekki mikið. Lánaðir mér nótur
eftir að ég fékk hljómborð sjálf. Síð-
an fórstu á spítalann. Ég varð svo
hissa þegar þú varst farin, fannst
allt í einu hæðin vera svo tóm án
þín, en ég var alveg viss um að þú
kæmir aftur. Við vorum búnar að
hlakka til þegar þú kæmir heim í
vor og færir að ganga meira.
Ó, faðir, gjör mig lítið ljós
um lífs míns stutta skeið,
til hjálpar hverjum hal og drós,
sem hefur villst af leið.
Ó, faðir, gjör mig styrkan staf
að styðja hvern sem þarf,
uns allt það pund, sem Guð mér gaf,
ég gef sem bróðurarf.
(Matthías Jochumsson.)
Þessi sálmur lýsir þér svo vel,
kæra vinkona, megi algóður Guð
umfaðma þig með englum sínum þar
sem þú ert núna laus við allar kvalir
á himnunum hjá honum og hjá föður
þínum og móður þinni og öllum ætt-
ingjum og vinum, þín
Þóra Benediktsson.
Fleiri minningargreinar um
Sigurbjörgu Petru Hólmgríms-
dóttur bíða birtingar og munu birt-
ast í blaðinu næstu daga. Höfundar
eru: Dóra Guðmundsdóttir, Arn-
hildur Valgarðsdóttir, Kvennakór-
inn Glæður, Edda I. Margeirsdóttir
formaður, Pálmi Matthíasson.
Ástkær eiginkona mín, móðir, dóttir, fósturdóttir,
systir og mágkona,
JÓHANNA HELGA HAFSTEINSDÓTTIR,
lést á heimili sínu, Birkihlíð 42, mánudaginn
1. maí.
Útför fer fram frá Dómkirkjunni mánudaginn
8. maí kl. 15.00.
Blóm og kransar eru vinsamlega afþakkaðir, en
þeim sem vilja minnast hennar er bent á
Krabbameinsfélag Íslands.
Gustav Pétursson,
Katrín Valgerður Gustavsdóttir,
Salvör Jóhannesdóttir, Hafsteinn Númason,
Magnús Einarsson, Berglind María Kristjánsdóttir,
Valgerður Björg Hafsteinsdóttir, Ólafur Brynjar Bjarkason,
Nína Salvarardóttir,
Íris Hrefna Hafsteinsdóttir,
Birta Hlín Hafsteinsdóttir.
Eiginmaður minn, faðir okkar og stjúpfaðir,
VALDIMAR GUÐMUNDSSON,
lést á Landspítala Fossvogi fimmtudaginn
27. apríl.
Útför hans fer fram frá Landakirkju í Vestmanna-
eyjum 6. maí kl. 10.30.
Fyrir hönd aðstandenda,
Guðrún Eydal.
Elskulegur faðir okkar, tengdafaðir, fósturfaðir, afi
og bróðir,
HAFSTEINN HERMANNÍUSSON,
andaðist á heimili sínu mánudaginn 1. maí.
Útförin verður auglýst síðar.
Sóley Hafsteinsdóttir, Sigurbjörn Hilmarsson,
Hreinn Marinó Hafsteinsson,
Hafdís Björk Jónsdóttir, Ásbjörn Skarphéðinsson,
Valgeir Reynisson, Karen Lind Þrastardóttir,
barnabörn og systkini.
Elskuleg kona mín, móðir okkar og tengdamóðir,
KRISTÍN PÁLSDÓTTIR,
Ægisíðu 44,
Reykjavík,
andaðist á Landspítalanum þriðjudaginn 2. maí.
Einar Baldvin Pálsson,
Sigríður Einarsdóttir, Gunnar Sigurðsson,
Páll Einarsson, Ingibjörg Briem,
Baldvin Einarsson, Sigrún Steingrímsdóttir,
Árni Einarsson, Unnur Þóra Jökulsdóttir.
Ástkær faðir okkar, tengdafaðir, afi og langafi,
SIGURÐUR GÍSLASON,
Faxabraut 13,
Keflavík,
lést á heimili sínu mánudaginn 1. maí.
Jarðarförin verður auglýst síðar.
Hallmann S. Sigurðarson, Aðalheiður H. Júlíusdóttir,
Margrét R. Sigurðardóttir, Þorsteinn V. Konráðsson,
Ráðhildur Á. Sigurðardóttir, Einar Magnús Sigurbjörnsson,
Gísli Sigurðarson, Árný Dalrós Njálsdóttir,
Sigurlaug Sigurðardóttir, Snæbjörn Kristjánsson,
Sigurður Sigurðarson, Halldóra K. Guðjónsdóttir,
barnabörn og barnabarnabörn.
Elskulegur faðir minn, tengdafaðir og afi,
STEFÁN KARLSSON
handritafræðingur,
er látinn.
Steinunn Stefánsdóttir, Arthur Morthens,
Helga, Anna og Halla Tryggvadætur.
Ástkær dóttir, fósturdóttir, systir, mágkona og
elskuleg frænka,
LILJA GUÐMUNDSDÓTTIR,
Birkilundi 18,
Akureyri,
lést á Fjórðungssjúkrahúsi Akureyrar að morgni
mánudagsins 1. maí. Útförin fer fram frá Akureyr-
arkirkju mánudaginn 8. maí kl. 13.30.
Blóm og kransar vinsamlegast afþakkaðir en þeim, sem vilja minnast
hinnar látnu, er bent á Styrktarfélag krabbameinssjúkra barna.
Kristjana Kristjánsdóttir, Birgir Laxdal,
Guðmundur Örn Njálsson, Guðrún Birna Jóhannsdóttir,
Sjöfn Guðmundsdóttir, Sigurður Áki Eðvaldsson,
Anný Rós Guðmundsdóttir, Birkir Freyr Stefánsson,
Katrín Lind Guðmundsdóttir, Jóhann Eyþórsson,
Dagný Guðmundsdóttir og litlu frænd- og fóstursystkinin.
Kársnesbraut 98 • Kópavogi
564 4566 • www.solsteinar.is