Morgunblaðið - 04.05.2006, Blaðsíða 12

12 FIMMTUDAGUR 4. MAÍ 2006 MORGUNBLAÐIÐ
FRÉTTIR
Nýr
jeppi frá
Ssang
Yong
á morgun
PERLAN
Ein magnaðasta bygging Reykjavíkur á daginn.
Eitt besta veitingahúsið á kvöldin.
Perlan · Öskjuhlíð · Sími: 562 0200 · Fax: 562 0207 · perlan@perlan.is
H
rin
gb
ro
t
Perlan í hópi 5 bestu
útsýnisveitingahúsa heims!
Sophie Lam, blaðamaður The Inde-
pendent, gerði á dögunum úttekt á
útsýnisveitingahúsum um víða veröld.
Engan skal undra að Perlan var í hópi
5 bestu! Hin veitingahúsin eru:
The Portrait Restaurant (London),
Sirrocco (Bangkok), Tower Top (Zanzibar)
& Maison Blanche (París). Hægt er að
lesa greinina á www.independent.co.uk.
Fáðu úrslitin
send í símann þinn
FREKAR dauft var yfir veiðinni í
Hlíðarvatni í Selvogi í vikunni.
Veiðimenn settu í einhverjar bleikj-
ur að morgni 1. maí en svo tók fyrir
tökuna. Þrír félagar fengu eina hver
þá um kvöldið, sú stærsta var þrjú
pund og tók Peacock við Mosa-
tanga. Blaðamaður og félagi hans
voru síðan við veiðar í suðaustan
blæstri á þriðjudag og var rólegt,
bleikjan varla komin úr djúpinu eft-
ir kalt vorið. Var aflinn fjórir fiskar,
þrátt fyrir góða yfirferð. Fimm
veiðimenn sem stóðu vaktina á Möl-
inni voru með eina bleikju saman
eftir morguninn.
42 urriðar úr Elliðavatni
Eins og fram hefur komið hóf
fjöldi manns veiðar í Elliðavatni í á
mánudag. Var afli manna æði mis-
jafn, enda ólíkum veiðiaðferðum
beitt og fólk miskunnugt svæðinu.
Fréttist af tveimur félögum sem
veiddu 42 urriða á flugu Vatnsenda-
megin, aðrir voru að fá nálægt tíu
en flestir létu sér tvo, þrjá nægja –
ef þeir fengu þá eitthvað.
Á silungasvæði Breiðdalsár
veiddust 22 bleikjur 1. maí, í kulda
og strekkingi. Tók dágóðan tíma
um morguninn að finna bleikjuna,
en þegar hún fannst, nærri brúnni
yfir þjóðveginn, hrökk veiðin í gang.
Var bleikjan frekar smá, þær
stærstu alt að tvö pund.
Vífilstaðavatnið hefur verið vin-
sælla í vor en nokkru sinni, veiði-
menn standa þar í röðum þegar
veður er gott, og skiptir eflaust
miklu máli að það er komið á Veiði-
kortið. Vatnið, sem er grunnt, er
venjulega fyrst til að lifna af vötn-
unum í nágrenni höfuðborgarinnar
á vorin og silungurinn, sem hefur
farið stækkandi á síðustu árum,
getur verið afar skemmtilegur við-
ureignar ef veitt er með nettum
græjum. En veiðimenn eru mis-
lagnir, eða misheppnir. Þannig
stóðu þrír veiðimenn í vatninu um
helgina og köstuðu án þess að setja
í fisk, en fylgdust jafnframt með
þeim fjórða draga silung eftir sil-
ung; einn þeirra taldi sjö hafa farið
í plastpokann sem sá veiðni var með
á bakinu.
Tók í fyrsta kasti hjá öllum
Það var eins gott að þrír félagar
sem veiddu í Tungulæk eitt síðdegi
fyrir helgi voru ekki með of nett
veiðarfæri því veiðin þar var geysi-
góð og fiskarnir stórir, eins og
Tungulækur er frægur fyrir. Fé-
lagarnir tóku fyrstu köstin sam-
tímis, allir í Holuna, og hann var á í
fyrsta kasti – hjá þeim öllum sam-
tímis! Samtals lönduðu þeir 28 sjó-
birtingum og var nær öllum sleppt
aftur að viðureign lokinni. Að
megninu til var um þriggja til fimm
punda geldfisk að ræða, en inn á
milli gripu stærri niðurgöngufiskar
í flugurnar. Einn veiðimannanna
fékk þannig tvo sem mældust 80 cm
og einn sem var 90 cm. Sá hefur ef-
laust verið um 20 pund þegar hann
gekk í Tungulæk í haust.
Morgunblaðið/Einar Falur
Guðmundur Guðjónsson sleppir 80 cm sjóbirtingi aftur út í Holuna í Tungulæk.
Rólegt yfir Hlíðarvatni
veidar@mbl.is
STANGVEIÐI
„ÁHORFIÐ yfir daginn er í mjög
miklu samræmi við það sem við
áttum von á. Það sem hins vegar
kemur okkur vel á óvart er mjög
góð útkoma í áhorfi á kvöldfrétt-
irnar, nú munar aðeins um 6% á
okkur og kvöldfréttum RÚV,“ seg-
ir Róbert Marshall, forstöðumaður
NFS. Samkvæmt fjölmiðlakönnun
IMG Gallup, sem gerð var í mars
sl., mælist sjónvarpsáhorf á fréttir
NFS (sem sýndar eru á NFS, Stöð
2, Stöð 2+ og Sirkus) samanlagt
um 34% en áhorf á fréttir RÚV
mælist 39,4%. Munur á áhorfi
fréttatíma stöðvanna hefur því
verulega minnkað að sögn Róberts
frá því í janúar en þá var hann um
12%. „Þetta sýnir að við erum á
réttri leið með kvöldfréttirnar hjá
okkur,“ segir hann.
Róbert bendir á að í könnuninni
sé ekki mælt áhorf á netinu (Veftíví
á Vísi.is) en í hverri viku horfa 30
þúsund áhorfendur á dagskrárliði
NFS í klukkutíma eða meira. Þá
hlusti margir á þætti stöðvarinnar í
útvarpi.
Af einstökum dagskrárliðum
NFS segir Róbert áhorf á frétta-
skýringaþáttinn Kompás mjög
gott, eða samtals rúm 17%. Þó
þátturinn sé
sýndur í opinni
dagskrá á Stöð 2
(auk þess að vera
sýndur á NFS)
mælist áhorf ann-
arra en áskrif-
enda lítið. „Þann-
ig að þar eru
mikil sóknar-
færi,“ segir hann.
Séu vinsælustu dagskrárliðir
allra sjónvarpsstöðvanna skoðaðir,
að fréttatímum frátöldum, kemur í
ljós að Spaugstofan er langvinsæl-
ust með 50,6% áhorf og Idol
stjörnuleit í öðru sæti með 37,5%
uppsafnað áhorf. Gettu betur sem
sýnt var á RÚV fylgir þar fast á
eftir. Einnig er mælt uppsafnað
áhorf á frum- og endursýningar
samanlagt og fær Spaugstofan þá
62,2% áhorf og Idol stjörnuleit
43,6%.
Niðurstaðan í samræmi
við væntingar
Sé áhorf á þættina Kastljós og
Ísland í dag borið saman kemur í
ljós að Kastljósið hefur vinninginn,
er með 33,4% áhorf á meðan Ísland
í dag mælist með um 15% áhorf.
Fréttavaktin fyrir hádegi á NFS
mælist með 1,2% áhorf og Hrafna-
þing með 1,2% í könnuninni. Er
þessi niðurstaða í samræmi við
væntingar sem gerðar voru, að
sögn Róberts. „Við vitum að það er
töluvert af fólki sem hlustar á þetta
í útvarpinu og við vitum að það er
töluvert af fólki sem horfir á þetta
á netinu. Þetta er niðurstaða sem
við erum að fá áður en við förum í
hliðræna dreifingu á stöðinni sem
gerist á næstu vikum. Þá verðum
við komin inn á 85% heimila á land-
inu.“
Þá segir Róbert erfitt að draga
ályktanir út frá áhorfi á dagskrá
fréttarstöðvar sem mælt sé á
stuttu tímabili. Áhorfið helgist
mjög af því sem er að gerast í þjóð-
félaginu hverju sinni. „Við sjáum
vel [á Vísi.is] að þegar hlutirnir eru
að gerast í þjóðfélaginu þá hrúgast
fólk inn til okkar. Það koma toppar
í beinu samhengi við fréttirnar.“
Könnun IMG Gallup var gerð í
vikunni 24.–30. mars sl. og var úr-
takið 1.533 Íslendingar á aldrinum
12–80 ára, valdir með tilviljunar-
aðferð úr þjóðskrá. 802 svör feng-
ust og var svarhlutfall því 55,2%.
Um dagbókarkönnun var að ræða.
„Erum á réttri leið
með kvöldfréttirnar“
Samkvæmt nýrri könnun er áhorf á NFS á bilinu 1–34%
Róbert Marshall