Morgunblaðið - 25.07.2006, Side 11

Stangveiði
Morgunblaðið/Einar Falur
Systurnar Hugrún Egla og Elínborg Una stoltar með bleikju sem þær
veiddu við Öfugsnáða í Þingvallavatni á dögunum.
SILUNGSVEIÐIMENN hafa ver-
ið að gera það gott að undanförnu
í vötnunum í nágrenni höfuðborg-
arsvæðisins. Þannig hefur verið
góð veiði í Elliðavatni undanfarna
daga og þá sérstaklega á kvöldin
en mikið er um klak og sjást þess
vel merki á vatnsyfirborðinu þeg-
ar lyngt er. Stóru urriðarnir láta
sér þó ekki nægja að éta lirfur og
mý en í síðustu viku veiddist þar
urriði sem vó um fjögur pund og
hafði sá gleypt tvo andarunga.
Urriðinn gefur sig sem áður vel í
ljósaskiptunum en hann er ekki
einn í vatninu ásamt bleikjunni því
veiðimenn sem voru þar um
helgina sáu lax stökkva.
Þingvallavatn hefur gefið vel og
hafa þeir sem þar reyna fyrir sér
fengið allt frá sex upp í sextán
bleikjur á kvöldi. Þá er að sjálf-
sögðu ekki átt við þá sem fá
minna eða jafnvel ekki neitt.
Veiðimenn sem Morgunblaðið
ræddi við voru þó á því að bleikj-
an væri í smærri kantinum það
sem af væri – flestar um og undir
pundi. Finnist mönnum þröng á
þingi í Þjóðgarðinum væri ráðlegt
að bleyta færi í Úlfljótsvatni, sem
er í næsta nágrenni. Þar hefur
veiðin verið með ágætum og
nokkrir fínir urriðar komið á land.
Á vef Stangveiðifélags Reykja-
víkur, www.svfr.is, eru tölur úr
Veiðivötnum gerðar að umtalsefni
en sumaraflinn hinn 22. júlí var
10.527 silungar og þar af voru um
sex þúsund bleikjur. Mest munar
um bleikjuveiðina í Langavatni og
Nýjavatni en þar hafa samanlagt
veiðst um 4.000 bleikjur. Bleikjan
virðist því vera orðin undirstaða
aflans í vötnunum sem menn hafa
flestir sótt í þeim tilgangi að
glíma við væna urriða.
Reyta upp lax uppi
í kartöflugörðunum
Eitthvað virðist vera að lifna yf-
ir veiðinni í Eystri-Rangá og um
hundrað laxar hafa komið á land
síðastliðna tvo daga að sögn Ein-
ars Lúðvíkssonar, umsjónarmanns
árinnar. Þar hafa nú veiðst 323
laxar en það er helmingi minna en
á sama tíma í fyrra.
„Það er ómögulegt að segja
hvað svona byrjun ber í skauti sér
en árið 2004 vorum við á svipuðu
róli og enduðum í 3.000 löxum. Ár-
ið 2002 var staðan einnig sú sama
en þá endaði áin í 1.000 löxum,“
segir Einar.
„Það er þó mikið ævintýri að
eiga sér stað í Hólsá en þar eru
menn að reyta upp lax uppi í kart-
öflugörðunum og jafnvel að veiða
upp í veiðileyfið.“
Líkt og í Eystri-Rangá hefur
laxveiðin verið með rólegra móti
undanfarið á flestum stöðum. Þó
er veiðin sums staðar nálægt því
sem hún var í fyrra en á flestum
stöðum fer því fjarri.
Gnótt bleikju
í Veiðivötnum
veidar@mbl.is
MORGUNBLAÐIÐ ÞRIÐJUDAGUR 25. JÚLÍ 2006 11
FRÉTTIR
Klapparstígur - hús og byggingarlóð
Vorum að fá í sölu um 260 hús í miðbænum. Húsið er aðalhæð, rishæð og kjallari. Húsinu fylgir 322 fm
byggingarlóð. Fasteignin bíður upp á ýmsa möguleika m.a fyrir veitingarekstur og liggur
fyrir útlitshönnun að nýbyggingu. Óskað er eftir tilboðum í eignina.
Upplýsingar veita Sverrir Kristinsson og Magnea Sverrisdóttir
Sverrir Kristinsson löggiltur fasteignasali
UM 150 manns stóðu hlið við hlið í 10 mínútna þögn og horfðu með
trega í brjósti á Kárahnjúkastífluna síðastliðinn laugardag.
Að sögn Garðars Stefánssonar, eins skipuleggjanda, fóru mótmælin
friðsamlega fram þótt starfsmenn Impregilo hafi staðið á flautum
vörubifreiða sinna allan þann tíma sem virkjunarandstæðingar stóðu
við stífluna. Mótmælin voru liður í dagskrá fjölskyldubúðanna við Snæ-
fell sem samtökin Íslandsvinir stóðu fyrir.
Ljósmynd/Garðar Stefánsson
Friðsamleg mótmæli
við Kárahnjúka
„ÉG held að það sé sjálfsögð krafa til
þeirra sem fá að meðhöndla fé frá rík-
isvaldinu til uppbyggingar atvinnu í
hinum dreifðu byggðum að menn
vandi sig í sínum verkum,“ segir
Bergur Elías Ágústsson, fyrrverandi
bæjarstjóri í Vestmannaeyjum, sem
sagt hefur sig úr stjórn Eignarhalds-
félags Vestmannaeyja og gert at-
hugasemdir við ýmislegt í rekstri fé-
lagsins.
Hann segir þrennt fara fyrir
brjóstið á sér. Í fyrsta lagi sé það að
félagið hafi ekki farið eftir samþykkt-
um sínum um að greiða eignaraðild og
áhættustýringu, heldur tapað nær
öllu sínu fé á einu verkefni – þegar Ís-
lensk matvæli voru keypt 26. júní
2001. Í öðru lagi eru það deilurnar um
hlutafé félagsins og í þriðja lagi, sem
sé bein afleiðing, að menn hafi farið
fetið og hafi ekki vandað til verka þeg-
ar farið var með almannafé.
Eignarhaldsfélagið var stofnað 25.
júní 2001. Stofnfé félagsins var fjórar
milljónir og þar af var Ísfélag Vest-
mannaeyja með tvær milljónir króna
en þeir Guðjón Hjörleifsson og Þor-
steinn Sverrisson með eina milljón
króna hvor. Við stofnun félagsins var
Guðjón kjörinn stjórnarformaður og
Þorsteinn skráður framkvæmda-
stjóri.
Í greinargerð Bergs Elíasar kemur
fram að Ísfélag Vestmannaeyja
greiddi sinn hlut en annað stofnfé hafi
ekki verið greitt, og hinar ógreiddu
tvær milljónir hafi aldrei verið færðar
inn í bókhald félagsins. Endurskoð-
andi félagsins hefur staðfest það.
Þróaðist eins og
rætt var um
Ægir Páll Friðbertsson, fram-
kvæmdastjóri Ísfélags Vestmanna-
eyja, kom að stofnun eignarhalds-
félagsins en Ísfélagið lagði tvær
milljónir fram í stofnfé. Hann segir að
Guðjón og Þorsteinn hafi sett hluta-
fjárloforð til að koma stofnun félags-
ins í gegn. „Í sjálfu sér þegar félagið
var stofnað var hugmyndin sú að Þró-
unarfélag Vestmannaeyja yrði hlut-
hafi í því. Síðan kom á daginn að fé-
lagið hafði ekki heimild til að eignast
þann hlut og í mínum huga gerðust
þeir [Guðjón og Þorsteinn] einfald-
lega hluthafar af þessum sökum og
það var aldrei hugsað til neins lang-
frama,“ segir Ægir Páll og bætir við
að hugmyndin hafi verið sú að þróun-
arfélagið fengi hlut í Eignarhalds-
félaginu og þetta yrði þá hluti af því.
Guðjón Hjörleifsson segir í samtali
við Morgunblaðið að ákveðið hafi ver-
ið að hann og Þorsteinn skráðu sig
fyrir milljón krónum hvor en þeir hafi
þá vitað að þær myndu detta sjálf-
krafa út þegar búið væri að safna fjár-
munum. „Okkur var sagt að við yrð-
um að skrifa að allt hlutafé væri greitt
þó svo það væri það ekki, annars færi
þetta ekki í gegn,“ segir Guðjón.
Aldrei skráðir hluthafar
Á hluthafafundi eignarhaldsfélags-
ins 15. janúar 2002 gengu Þorsteinn
og Guðjón úr stjórn félagsins. Þá var
sett fram tillaga um að þróunarfélagið
fengi 1,2%, sem er andvirði þriggja
milljóna króna, fyrir vinnu og útlögð-
um kostnaði við stofnun eignarhalds-
félagins og kaupin á Íslenskum mat-
vælum hf. „Í mínum huga var það
þannig að þessar tvær milljónir voru
inni í því og þannig var það í um-
ræðunni,“ segir Ægir. „Ég sat þenn-
an hluthafafund og þar var þetta sam-
þykkt samhljóða. Málið þróaðist
alveg eins og rætt var um á þessum
tíma og á þessum fundi voru tveir
fulltrúar Byggðastofnunar, þeir Guð-
jón Guðmundsson alþingismaður og
Ármann Höskuldsson.“
Guðjón Hjörleifsson staðfestir að á
hluthafafundinum hafi tillagan verið
samþykkt samhljóða og þar hafi verið
um að ræða vinnu hans og Þorsteins
við stofnun eignarhaldsfélagins, út-
lagður kostnaður og ferðakostnaður
svo eitthvað sé tínt til. „Við tókum
aldrei krónu í laun fyrir stjórnarset-
una og þar með álitum við að okkar
máli væri lokið. Enda var því lokið
pappírslega séð því við höfum aldrei
verið skráðir hluthafar í þessu félagi.“
Félagið ekki mikils virði
Eftir að Íslensk matvæli voru flutt
til Vestmannaeyja og starfsemi hófst
kom fljótt í ljós að fyrirtækið var rek-
ið með verulegu tapi og ekki leið á
löngu þar til það var komið í verulega
rekstrarerfiðleika sem leiddi til gjald-
þrots. Bergur Elías segir að umfjöll-
un um málið skekkist nokkuð vegna
deilna um þessar tvær milljónir króna
sem ekki fengust greiddar í stofnfé.
„Mér finnst það hins vegar verra
hvernig menn fóru með hinar tæpu
tvö hundruð milljónir, það virðist
kafna í þessari umræðu og einnig að
menn hafi ekki farið eftir samþykkt-
um félagsins,“ segir Bergur og vísar
til þess að eignarhaldsfélagið fjárfesti
í einu félagi, sem vart getur talist til
áhættudreifingar eins og hefur verið
eitt aðalmerki eignarhaldsfélaga með
samsvarandi tilgang. Félagið hafi
tapað svo til öllu sínu fé og sé í dag
ekki mikils virði.
Ólga innan stjórnar Eignarhaldsfélags Vestmannaeyja
Tapaði nær öllu sínu
fé á einu verkefni
Eftir Andra Karl
andri@mbl.is
Morgunblaðið/Brynjar Gauti
Eignarhaldsfélag Vestmannaeyja hefur svo til tapað nær öllu sínu fé.
STANGVEIÐI