Morgunblaðið - 25.07.2006, Síða 36

36 ÞRIÐJUDAGUR 25. JÚLÍ 2006 MORGUNBLAÐIÐ
MENNING
Sígild tónlist í sögulegu umhverfi
28.-30. júlí 2006
Tónleikarnir verða haldnir í Reykholtskirkju.
Miðapantanir í síma 891 7677.
Miðasala við innganginn.
Nánari upplýsingar www.vortex.is/festival
Opnunartónleikar föstudaginn 28. júlí kl. 20.00
Tónlist eftir W.A. Mozart. Meðal flytjenda er hljómsveitin Virtuosi di Praga.
Stjórnandi Oldrich Vleck.
Miðdegistónleikar laugardaginn 29. júlí kl. 15.00
Sigrún Hjálmtýsdóttir syngur íslensk og ítölsk lög og óperuaríur.
Steinunn Birna Ragnarsdóttir leikur með á píanó.
Tríó tónleikar laugardaginn 29. júlí kl. 20.00
Trio Polskie flytja verk eftir Beethoven, Brahms, Haydn og Shostakovich.
Lokatónleikar sunnudaginn 30. júlí kl. 16.30
Virtuosi di Praga flytja m.a. verk eftir Respighi, Dvorak og Samuel Barber.
Einnig verður flutt Adagio og Rondo eftir Schubert.
10 ára
ehf
Þriðjudagstónleikar
í kvöld kl. 20.30
Tónafljóð
Þórunn Elín Pétursdóttir sópran,
Hafdís Vigfúsdóttir flauta og
Sigrún Erla Egilsdóttir selló
flytja verk eftir íslensk og erlend
tónskáld.
Frumflutt verður verkið Þula eftir
Þóru Marteinsdóttur.
Listasafn Sigurjóns Ólafssonar,
Laugarnestanga 70, 105 Rvk.
www.lso.is - lso@lso.is
ÞAÐ má með sanni segja að yf-
irlitssýning á verkum Louisu
Matthíasdóttur í Listasafni Ak-
ureyrar sé tímabær og einstakt
tækifæri fyrir Íslendinga til að
kynna sér höfundarverk listakon-
unnar. Sýningin spannar allan
hennar listamannsferil í sex ára-
tugi og hefur m.a. að geyma
myndskreytingar, mynsturteikn-
ingar, stórar pastelmyndir og krít-
arteikningar sem hafa aldrei verið
til sýnis áður. Mynsturteikning-
arnar í gvass eru sérlega áhuga-
verðar en þær byggjast á raunsæ-
islegum mótífum eins og konu með
börn, eða barn í kerru sem end-
urtekur sig reglulega yfir mynd-
flötinn. Eins og í málverkum og
pastelmyndum Louisu er það hið
persónulega einstigi listakonunnar
milli ofurraunsæis og einföldunar í
lit og formi sem gerir þessi verk
einstök. Sjálfsmyndir listakon-
unnar eru meðal hennar áhrifarík-
ustu verka, tvær þeirra sýna hana
fullorðna í fullri líkamsstærð með
regnhlíf þar sem hún horfir ögr-
andi og jafnvel ásakandi í augu
málarans eða áhorfandans.
Margar myndir á sýningunni
eru af dótturinni Temmu á mis-
munandi aldri og við ýmis tæki-
færi. Sumar myndirnar eru ein-
ungis andlitsmyndir meðan aðrar
sýna Temmu í fullri stærð t.d.
liggjandi í sófa að lesa. Sumar af
þessum myndum minna svolítið á
málaðar myndskreytingar í göml-
um tískublöðum eða ástarsögu-
blöðum en þar er einmitt beitt að-
ferðum raunsæis og einföldunar. Í
texta sýningarskrár segir: „Í
kyrralífsmyndum hennar, port-
rettmyndum jafnt sem sjálfsport-
rettum og sérkennandi landslags-
myndum hennar frá Íslandi,
kveikja hinar gegnheilu fígúrur og
form, með djúpum möttum litaflöt-
um sínum, tilfinningu fyrir ein-
hverju mikilfenglegu.“
Þetta er hægt að taka undir,
sérstaklega hvað varðar mikilfeng-
leikann í hinum oft hversdagslega
myndefni sem Louisa notar sem
mótíf í verk sín. Oft er sagt að
sjálft myndefnið skipti ekki máli,
að góður listamaður nýti sér það
aðeins sem efnivið fyrir formrann-
sóknir og myndbyggingu. Þetta á
ekki við um myndir Louisu því sú
persónulega ástríða sem þar birt-
ist tengist fjölskyldu hennar,
heimili vinum og íslensku lands-
lagi. Louisa flutti frá Íslandi þegar
hún var 17 ára og bjó lengst af í
Bandaríkjunum, gekk til liðs við
listamenn sem stofnuðu Jane
Street Gallery og varð þekkt í
New York fyrir myndir sínar. Að
sjálfsögðu lítum við Íslendingar á
Louisu sem landa okkar og verk
hennar sem hluta af íslenskri
myndlistarsögu. Þegar frá líður
verður framlag hennar enn mik-
ilvægara í ljósi sérstöðu hennar og
frumlegra efnistaka sem freistandi
er að rekja að einhverjum hluta til
kynferðis hennar. Það að við Ís-
lendingar eigum svo fáar listakon-
ur frá stórum hluta tuttugustu
aldar gerir þátt Louisu enn mik-
ilvægari en ella, ekki síst fyrir það
að hún hefur verið óhrædd með
öllu að leita viðfanga innan sviða
sem oft voru skilgreind kvenna-
svið. Yfirlitssýning Louisu Matt-
híasdóttur er viðburður sem fyllir
upp í eitthvað af þeim mörgu göt-
um sem virðast vera í íslenskri
listasögu og er vitnisburður um að
við eigum (eða tengjumst) fjöl-
breyttari myndlistararf en við
vissum. Sýningin er sú umfangs-
mesta sem haldin hefur verið á
verkum Louisu, hún hafði viðdvöl í
Þýskalandi og Danmörku áður en
hún var sett upp í Listasafninu á
Akureyri. Þetta er sýning sem
enginn ætti að missa af.
Einstakt tækifæri
MYNDLIST
Listasafn Akureyrar
Sýningin stendur til 20. ágúst. Safnið er
opið alla daga nema mánudaga kl. 12–17.
Louisa Matthíasdóttir
Louisa Matthíasdóttir í vinnustofu sinni; sjálfsmynd til hliðar við speg-
ilmyndina sem væntanlega hefur verið vettvangur sjálfsrýni.
Þóra Þórisdóttir
„Yfirlitssýning Louisu Matthíasdóttur er viðburður sem fyllir upp í eitthvað af þeim mörgu götum sem virðast
vera í íslenskri listasögu og er vitnisburður um að við eigum (eða tengjumst) fjölbreyttari myndlistararf en við
vissum“, segir m.a. í umsögn um sýningu í Listasafni Akureyrar, en þetta er eitt verka Louisu á sýningunni.
SNORRI Ásmundsson er einkum
kunnur fyrir listrænar uppákomur
og gjörninga sem hafa verið á mörk-
um gamansemi og kaldhæðinnar
gagnrýni á listheiminn sem og sam-
félagið. Skemmst er að minnast
framboða hans til forseta Íslands og
áður til borgarstjórnar undir merkj-
um Vinstri-hægri-snú. Nú er Snorri
með málverkasýningu á sínum
heimaslóðum á Akureyri og hefur
vent kvæði sínu í kross þar sem
kaldhæðnin víkur fyrir persónulegri
fagurfræði þótt gamansemin skíni
enn í gegn. Snorri hélt einmitt afger-
andi sýningu í Bananas í fyrra þar
sem hann tákngerði dauða sinn og
hefur í kjölfarið tekist á við listræna
endurfæðingu.
Orkufláma málverk Snorra eru öll
dregin með láréttum pensilstrokum
þar sem mismunandi litir spila sam-
an í hverri mynd. Snorri segist hafa
þróað með sér andlega tækni í mál-
aralist undanfarin ár og sé að virkja
umframorku sína í verkunum. Hann
sé í sambandi við sinn æðri mátt og
sendi jákvæða lækningaorku í verk-
in. Gamansemi þessi nær þó ekki að
draga úr þeirri staðreynd að verkin
eru unnin af heilindum en þessa teg-
und einlægni er oft erfitt að bera
fram án þess að gera grín. Verk
Snorra hafa ákveðna tilvísun til róm-
antíkurinnar og þeirrar hugmyndar
að listamaðurinn sé gæddur ein-
stakri meðfæddri andlegri orku.
Málverkin minna á stílfærðar lands-
lagsmyndir margra ungra íslenskra
málara en hafa samt sinn einstaka
stíl. Ég er ekki frá því að myndirnar
búi yfir einhverju af þeirri fallegu
orku sem Snorri vill miðla til sam-
ferðamanna sinna og býst við að
fjárfesting í málverkunum teljist
hagstæð orkukaup.
Lækningamáttur
listarinnar
MYNDLIST
Jónas Viðar gallery, Kaupvangs-
stræti 12
Sýningin stendur til 30. júlí. Opið föstu-
daga og laugardaga kl. 13–18.
Snorri Ásmundsson
Þóra Þórisdóttir
„Verk Snorra hafa ákveðna tilvísun til rómantíkurinnar og þeirrar hug-
myndar að listamaðurinn sé gæddu einstakri meðfæddri andlegri orku,“
segir í umsögn um sýningu hans á Akureyri.
FÍLLINN Babar, sem
flestum er að góðu
kunnur og einkum þó
ungu kynslóðinni, á stór-
afmæli um þessar mund-
ir. Það eru hvorki meira
né minna en 75 ár síðan
sögurnar um fílakonung-
inn fóru fyrst að koma
út.
Babar hefur þó lítið breyst á
þessum tíma í klæðaburði og þekk-
ist enn á grænum jakkafötunum
sínum og kórónunni sem hann hef-
ur á höfðinu. Hann hefur reyndar
verið gagnrýndur fyrir kórónuna
sem þykir vísa til ný-
lendustefnu Frakka.
Babar varð til kvöld eitt
árið 1931 þegar píanóleik-
arinn Cecile de Brunhoff
fór að segja sonum sínum
tveimur sögu af fíl, hvers
móðir var drepin af veiði-
mönnum, og sem flýr í kjöl-
farið í bæ og lærir að
klæða sig eins og maður. Eftirleik-
inn þekkja flestir, en þeir sem ekki
þekkja hann geta kynnt sér æv-
intýri Babars í einni af þeim 17
bókum sem komu út um ævintýri
fílsins.
Stórafmæli Babars fílakonungs
Í GALLERÍI Kína, Ár-
múla 42, var opnuð sl.
laugardag sýning á verk-
um kínverska listamanns-
ins Zu Ming Min.
Zu, sem verður 77 ára í
ár, er allþekktur í heima-
landi sínu og víðar fyrir
list sína, en í verkum sín-
um notar hann olíuliti
skv. vestrænni hefð, en
málar í klassískum kín-
verskum stíl. Zu vinnur
iðulega mjög stór verk en
á myndinni má sjá listamanninn vinna að verki sínu sem er fimm
metrar á breidd.
Sýningin verður opnuð kl. 10, og geta gestir fylgst með listamann-
inum að störfum í galleríinu alla daga fram á fimmtudag.
Gallerí Kína er opið alla daga frá 10 til 18. Sýning Zu Ming Min er
sölusýning.
Kínversk myndlist
Morgunblaðið/Eggert