Morgunblaðið - 14.09.2006, Side 4

4 FIMMTUDAGUR 14. SEPTEMBER 2006 MORGUNBLAÐIÐ
FRÉTTIR
BÖÐVAR Jóns-
son viðskipta-
fræðingur hefur
tekið við stöðu
aðstoðarmanns
Árna Mathiesen
fjármálaráð-
herra. Tekur
hann við starfinu
af Ármanni Kr.
Ólafssyni. Böðvar
var kjörinn varabæjarfulltrúi árið
1994, bæjarfulltrúi árið 1998 og hef-
ur verið formaður bæjarráðs
Reykjanesbæjar frá árinu 2002.
Aðspurður segir Böðvar að nýja
starfið leggist vel í sig. „Þetta er
geysilega spennandi starf og mörg
verkefni fram undan,“ segir hann og
bætir við að áhugavert verði að fá
ráðherrann í kjördæmið en eins og
menn vita hefur Árni M. Mathiesen
ákveðið að bjóða sig fram til forystu
fyrir Sjálfstæðisflokkinn í Suður-
kjördæmi.
Aðstoðar
fjármála-
ráðherra
Böðvar Jónsson
ÁKVEÐIÐ var að halda prófkjör til
að raða frambjóðendum á lista Sam-
fylkingarinnar í Suðvesturkjördæmi
í komandi alþing-
iskosningum á
fundi kjördæmis-
ráðs flokksins í
kjördæminu, sem
fram fór í gær-
kvöldi.
Á fundinum til-
kynnti Rannveig
Guðmundsdóttir,
þingmaður
flokksins, að hún
sæktist ekki eftir
sæti á lista flokksins í prófkjörinu.
Prófkjörið verður haldið 4. nóvem-
ber nk. og verður opið félagsmönn-
um í Samfylkingunni, sem og þeim
sem gefa skriflega yfirlýsingu um
stuðning við flokkinn, segir Halldór
S. Magnússon, formaður stjórnar
kjördæmisráðsins.
Rannveig sagði í samtali við Morg-
unblaðið í gærkvöldi að meðal þess
sem stjórnmálamenn verði að hafa
til brunns að bera sé að geta ákveðið
hvenær rétti tíminn sé kominn til að
rýma sæti fyrir nýju fólki. „Það er
allt rétt við það að ég dragi saman
seglin og fari að vinna öðruvísi í
flokknum mínum. Ég er ekki að
hverfa á brott, ég ætla að vinna í
flokknum og taka þátt í kosninga-
baráttu, en ég ætla ekki að gefa kost
á mér til áframhaldandi þingsetu. Ég
vil hætta á toppnum og vona að ég
hafi skilað góðu verki.“
Rannveig var í öðru sæti á fram-
boðslista Samfylkingarinnar í Suð-
vesturkjördæmi í síðustu kosning-
um, en leiddi listann í kjördæminu
eftir að fyrsti maður á listanum,
Guðmundur Árni Stefánsson, hætti
þingmennsku.
Rannveig hefur verið virkur þátt-
takandi í stjórnmálum frá árinu
1978, í meirihluta og forystuhlut-
verkum í Kópavogi, en hún var kjör-
in á þing árið 1989. Þar var hún á
tímabili í stjórn og var félagsmála-
ráðherra frá 1994 til 1995.
Tveir vilja leiða listann
Á fundinum lýstu nokkrir yfir
framboði í prófkjörinu. Þórunn
Sveinbjarnardóttir þingmaður og
Gunnar Svavarsson, forseti bæjar-
stjórnar í Hafnarfirði, lýstu því bæði
yfir að þau sækist eftir því að leiða
listann í komandi kosningum.
Katrín Júlíusdóttir þingmaður
lýsti því yfir á fundinum að hún gæfi
kost á sér í annað sæti listans, en
Valdimar Leó Friðriksson þingmað-
ur hafði þegar lýst yfir framboði í
þriðja sætið. Tryggvi Harðarson
lýsti því svo yfir að hann sæktist eftir
einu af efstu sætunum í prófkjörinu.
Rannveig Guðmunds-
dóttir ekki í prófkjör
Rannveig
Guðmundsdóttir
Á BILINU 100 til 150 lítrar af olíu láku úr vinnuvél sem
var á ferðinni á Suðurlandsvegi við Hólmsá í gærmorg-
un þegar vökvaleiðsla gaf sig. Að sögn Slökkviliðs höf-
uðborgarsvæðisins varð Vegagerðin að moka upp 3
tonnum af jarðvegi til að sporna við því að olían læki of-
an í ána. Koma tókst í veg fyrir mengunarslys og telur
Slökkviliðið að það hafi skipt sköpum. Lítið af olíu fór á
sjálfan veginn og því skapaðist lítil umferðarhætta.
Slökkviliðið var með fullmannað lið frá Tunguhálsi á
staðnum, þ.e. á dælubifreið, auk þess fékk vaktin auka-
aðstoð frá Hafnarfirði. Þá var bifreið frá Vegagerðinni
send á staðnum fyrir moksturinn og jafnframt fulltrúi
frá Heilbrigðiseftirlitinu sem falið var að meta að-
stæður á vettvangi.
Á myndinni sést hvar vegagerðarmenn eru við störf í
ánni og fyrir ofan sést vinnuvélin, sem um ræðir.
Morgunblaðið/Ómar
Komið í veg fyrir mengunarslys
SNÆR Jóhannesson,
bókbindari og forn-
bókasali, lést á Land-
spítala – háskólasjúkra-
húsi í gær. Snær
fæddist 10. nóvember
1925 í Haga í Aðaldal,
sonur Jóhannesar Frið-
laugssonar kennara og
Jónu Jakobsdóttur hús-
freyju.
Snær kvæntist eftir-
lifandi eiginkonu sinni,
Birnu Ólafsdóttur, hinn
1. febrúar 1950, og áttu
þau saman eina dóttur.
Sveinn nam bókband
hjá prentsmiðjunni Eddu, og lauk
sveinsprófi í greininni árið 1949.
Hann starfaði hjá Eddu frá 1949 til
1972, þegar hann hóf störf í fornbóka-
versluninni Bókinni. Þar varð hann
síðar meðeigandi og starfaði óslitið til
ársins 1995. Hann var um áratuga
skeið fenginn til að verð-
meta fágætar bækur og
bókasöfn einkaaðila, og
þótti einn helsti sér-
fræðingur landsins á því
sviði.
Snær var einn stofn-
enda og um tíma for-
maður Félags bók-
bandsnema, sat í
ritnefnd Iðnnemans frá
1948–1949. Hann var
einn af stofnendum
Myntsafnarafélags Ís-
lands. Þá átti hann sæti í
stjórn Félags Þingey-
inga í Reykjavík, og
einnig í sögunefnd félagsins.
Snær var áhugamaður um íslensk
bókfræði og bókmerki, og átti mark-
vert safn slíkra merkja. Hann kom
einnig að útgáfu bókanna Aðaldals,
Gróinna spora, Kötlurits, og Leið-
aróðs um Hornstrandir.
Andlát
Snær Jóhannesson
HÆSTIRÉTTUR hefur staðfest
gæsluvarðhaldsúrskurð Héraðs-
dóms Austurlands yfir manni sem
grunaður er um smygl á tæplega 7
kg af amfetamíni með ferjunni Nor-
rænu til landsins 31. ágúst.
Við leit í Audi-bíl mannsins í ferj-
unni fundust ætluð fíkniefni í 26
pökkum sem faldir voru víðs vegar í
bílnum, m.a. undir mælaborði og
teppum og víðar. Efnið hefur verið
prófað með fíkniefnaprófum og það
gefið jákvæða svörun sem amfeta-
mín.
Þegar málið kom upp var mikill
viðbúnaður af hálfu lögregluyfir-
valda og tollgæslu vegna tveggja bíla
með fíkniefni innanborðs og voru
tveir Litháar hnepptir í fjögurra
vikna gæsluvarðhald vegna rann-
sóknar málsins. Annar bíllinn var
með íslensk skráningarnúmer.
Tveggja mánaða
ferðalag með bílinn
Maðurinn, sem kærði gæsluvarð-
haldsúrskurðinn, neitar sakargiftum
og sagðist hafa flutt Audi-bílinn með
sér frá Íslandi 29. júní sl. með Nor-
rænu til Danmerkur og ekið síðan
áfram til Litháens, þar sem hann
sagðist hafa dvalið allt þar til hann
hafi komið til baka með Norrænu.
Sagðist hann geta borið um það að
bíllinn hefði ávallt verið í hans umsjá
meðan hann dvaldi í Litháen og eng-
inn fengið hann að láni. Jafnframt
sagðist hann ekki hafa orðið þess var
að neitt hefði verið átt við bílinn á
meðan hann dvaldi í Litháen.
Að mati lögreglu taldist ótrúverð-
ug sú skýring mannsins á tilvist
fíkniefnanna í bílnum að einhverjum
öðrum hefði e.t.v. reynst unnt að
koma hinu mikla magni fyrir í bíln-
um án vitundar hans. Eins og fíkni-
efnunum hafi verið fyrir komið í bíln-
um mætti ætla að mikil vinna hefði
farið í að koma þeim fyrir og ganga
þannig frá bílnum aftur sem gert var
og sú vinna hefði tekið talsverðan
tíma.
Bæði dómstig hafa fallist á gæslu-
varðhaldskröfu lögreglu sem rann-
sakar málið nánar og situr maðurinn
því í gæsluvarðhaldi til 29. septem-
ber ásamt hinum sakborningnum.
Gæsla staðfest vegna
sjö kg af amfetamíni
Ók frá Litháen um Danmörku og tók Norrænu til Íslands
ATBURÐIRNIR í Dawson-framhaldsskólanum í
Montreal ollu mikilli skelfingu í borginni, að sögn
Margrétar Ásgeirsdóttur sem hefur búið þar með
eiginmanni sínum í fjögur ár. Margrét var á leið
fram hjá skólanum með móður sinni, Ragnhildi
Benediktsdóttur. Vinkona Margrétar stundar
nám við skólann.
„Ég var að keyra fram hjá skólanum og einmitt
að segja að vinkona mín væri þar þegar við sáum
alla rjúka út. Við héldum að það hefði kannski
kviknað í. En það var greinilegt að eitthvað mikið
var að gerast, við sáum lögreglumenn með byssur.
Ég þekki þessa stelpu vel og tók strax upp far-
símann og hringdi í hana til að vita hvað væri á
seyði og hvort allt væri í lagi hjá henni. Ég skildi
eftir skilaboð og hún hringdi í mig stuttu seinna og
sagði að það væru þarna maður eða menn að
skjóta í kaffiteríunni. Henni var sagt að fara strax
út. Þetta er mjög stór skóli, um 10.000 manns í
honum. Þarna var allt fullt af sjúkrabílum og lög-
reglubílum, þyrlur á staðnum og rosalegur við-
búnaður. Það var taugaspenna og fólk hljóp um
grátandi, allir að hringja.“
Þegar rætt var við Margréti var enn óljóst hvort
aðeins einn maður hefði verið að verki. En í miðju
samtalinu við Margréti flutti sjónvarpsstöð, sem
hún fylgdist með, frétt um að lögreglan hefði skot-
ið „grunaðan mann“ til bana.
„Það var strákur sem hljóp niður og út úr skól-
anum og hann heyrði skothríð uppi en síðan aftur
miklu nær sér þegar hann var á leiðinni út. Hann
sagði þess vegna að það væru a.m.k. tveir menn að
skjóta í húsinu,“ sagði Margrét. „Þess vegna eru
þeir ekki vissir um að þetta sé búið. Undir skóla-
húsinu er metróstöð [jarðlestarstöð] þannig að
það er hægt að fara beint úr því í lest. Það er líka
hægt að fara beint úr skólanum inn í verslanaklasa
við hliðina, þetta er allt tengt neðanjarðar. Þess
vegna umkringdi lögreglan verslanaklasann og
lokaði öllum götum í kring og metróstöðinni.“
„Það var taugaspenna
og fólk hljóp um grátandi“
Íslensk kona í Montreal lýsir ástandinu við Dawson-framhaldsskólann
Eftir Kristján Jónsson
kjon@mbl.is
Reuters
Fólk á leið út úr skólahúsinu í gær.