Morgunblaðið - 27.09.2006, Side 12

12 MIÐVIKUDAGUR 27. SEPTEMBER 2006 MORGUNBLAÐIÐ
FRÉTTIR
Í LJÓSI brottflutnings Bandaríkjahers frá Ís-
landi hefur verið farið yfir ný verkefni sem
komið verður í framkvæmd á næstunni. Í yf-
irlýsingu frá ríkisstjórninni kemur m.a. fram
að stofnað verði hlutafélag sem verður í eigu
ríkisins og hefur það hlutverk að sjá um fram-
tíðarþróun og umbreytingu á varnarsvæðinu
fyrrverandi á Keflavíkurflugvelli, komið verð-
ur á fót öryggisnefnd og unnið að því að koma á
öflugu fjarskiptakerfi.
Verkefni hlutafélagsins verður m.a. að koma
varnarsvæðinu og mannvirkjum þar í arðbær
borgaraleg not, án þess þó að það valdi röskun
á samfélaginu. Félagið mun annast rekstur og
umsýslu eigna á svæðinu, útleigu, sölu, hreins-
un og jafnframt niðurrif ef þurfa þykir. For-
sætisráðherra mun hafa forræði yfir félaginu
og mun ríkisstjórnin skipa tvo menn í stjórn
þess auk þess sem leitað verður til sveitarfé-
laga á Suðunesjum um að skipa einn mann.
Lög um almannavarnir verða endurskoðuð
og til að efla almennt öryggi verður hugað að
því að koma á fót miðstöð þar sem tengdir
verða saman aðilar sem koma að öryggismál-
um innanlands. Dagleg stjórn miðstöðvarinnar
verður á vegum dóms- og kirkjumálaráðherra
sem mun leggja fram frumvarpið en til að
tryggja sem best samhæfingu innan miðstöðv-
arinnar munu auk dómsmálaráðherra sitja í yf-
irstjórninni forsætisráðherra, utanríkisráð-
herra, samgönguráðherra, heilbrigðisráðherra
og umhverfisráðherra.
Einnig verður komið á fót samstarfsvett-
vangi fulltrúa stjórnmálaflokkanna þar sem
fjallað verður um öryggi Íslands á breiðum
grundvelli, m.a. í samstarfi við sambærilega
aðila í nálægum löndum.
Þátttaka varaliðs verður tryggð
Samstarf lögreglu, landhelgisgæslu, slökkvi-
liða og björgunarsveita verður aukið enn frek-
ar samhliða nýskipan lögreglumála. Þannig á
að tryggja þátttöku varaliðs hvarvetna þar
sem þess kann að vera þörf auk þess sem kom-
ið verður á fót öflugu og öruggu fjarskipta-
kerfi, svokölluðu Tetrakerfi sem á að ná til
landsins alls. Einnig verður ráðist í að kaupa
nýja flugvél og varðskip fyrir gæsluna.
Svæði til afnota fyrir Bandaríkjaher
Stjórnsýsla á Keflavíkurflugvelli mun eðli-
lega breytast við viðskilnað varnarliðsins og
mun ríkisstjórnin vinna að því að koma henni
til samræmis við það sem almennt tíðkast í
landinu. Sérstakt svæði á flugvellinum verður
hins vegar undir yfirstjórn utanríkisráðherra.
Það svæði verður til afnota vegna æfinga á
vegum Bandaríkjanna og annarra ríkja Atl-
antshafsbandalagsins (NATO).
Að lokum verða gerðar ráðstafanir til að les-
ið verði úr öllum merkjum frá Ratsjárstofnun
sem einhverja þýðingu hafa varðandi eftirlit
með flugvélum í lofthelgi landsins.
Breytt skipan á ýmsum sviðum
Ríkisstjórnin hefur fjallað um margvísleg ný verkefni sem huga þarf að við brottför varnarliðsins
Umbreytingar Þyrlur varnarliðsins á Kefla-
víkurflugvelli eru nú farnar af landi brott.
ÞRÓUNARFÉLAG miðborgarinn-
ar sendi nýlega áskorun til borg-
arstjórnar og stjórnar Faxaflóa-
hafna, þar sem eindregið er hvatt
til þess, í lok metsumars í komum
skemmtiferðaskipa, að sem allra
fyrst verði hafinn undirbúningur
að byggingu nýs viðlegukants fyrir
skemmtiferðaskip í Austurhöfn-
inni, þannig að öll slík skip, stór og
smá, geti lagst að bryggju stein-
snar frá miðborg Reykjavíkur.
„Ekki þarf að orðlengja hvílík
lyftistöng slík framkvæmd yrði
fyrir miðborgina. Farþegar gætu
gengið beint frá borði og upplifað
stemmninguna í hjarta borgarinn-
ar, í stað þess að þurfa að ferðast
þangað með rútum úr Sundahöfn,
eins og nú er. Verslanir, veitinga-
hús, söfn og önnur þjónustufyr-
irtæki myndu njóta góðs af aukn-
um ferðamannastraumi í mið-
borginni.
Ferðamenn sem koma hingað
með skemmtiferðaskipum staldra
flestir stutt við og vilja vera í mið-
borginni þegar þeir dveljast í
Reykjavík. Nýr viðlegukantur í
Austurhöfninni myndi breyta mjög
til hins betra ásýnd borgarinnar að
þessu leyti og gera þessum ferða-
mönnum viðdvölina auðveldari og
eftirminnilegri en ella.
Þróunarfélag miðborgarinnar
skorar á borgarstjórn að hefja sem
allra fyrst undirbúning að hönnun
á nýjum viðlegukanti fyrir
skemmtiferðaskip í Austurhöfn-
inni, í tengslum og samræmi við
hönnun og byggingu hins nýja tón-
listar- og ráðstefnuhúss,“ segir í
tilkynningu frá Þróunarfélaginu.
Vilja viðlegu-
kant fyrir
skemmti-
ferðaskip
STJÓRN Kjördæmisráðs Sjálfstæð-
isflokksins í Suðvesturkjördæmi hef-
ur samþykkt leggja til við aðalfund
Kjördæmisráðsins sem haldinn
verður 4. október nk. að haldið verði
prófkjör 18. nóvember nk. til að velja
frambjóðendur á framboðslista
Sjálfstæðisflokksins vegna alþingis-
kosninganna 12. maí 2007.
Vilja prófkjör
í SV-kjördæmi
♦♦♦
Eftir Elvu Björk Sverrisdóttur
elva@mbl.is
RÍKISSTJÓRNIN samþykkti í gær
tillögu Sturlu Böðvarssonar sam-
gönguráðherra að þegar yrði hafinn
undirbúningur að útboði á ríkis-
styrktu áætlunarflugi milli Reykja-
víkur og Vestmannaeyja.
Landsflug tilkynnti í síðustu viku
að félagið myndi hætta áætlunar-
flugi á leiðinni og var síðasta ferðin
farin á sunnudag. Vegagerðinni hef-
ur þegar verið falið að hefja und-
irbúning að útboðinu, en gera má
ráð fyrir að útboðsferlið taki sex til
sjö mánuði og verður við útboðið
tekið mið af reglum sem gilda á
Evrópska efnahagssvæðinu.
Ekki endanleg lausn á
samgöngumálum til Eyja
Sturla segist hafa fengið góðan
stuðning vegna málsins í ríkisstjórn-
inni og geri tillögur hans ráð fyrir
því að flugið verði boðið út eins og
gert hafi verið um ýmsa staði. Á sín-
um tíma hafi verið boðið út flug til
Grímseyjar frá Akureyri, til Gjög-
urs, Bíldudals og Hafnar í Horna-
firði. „Þessar flugleiðir eru inn á
svokallaðar jaðarbyggðir þar sem
ekki hefur reynst hægt að halda úti
nauðsynlegum flugsamgöngum á
viðskiptalegum forsendum,“ segir
Sturla, en Vestmannaeyjar falli
einnig í þennan flokk. Þá sé gripið
til þess ráðs að bjóða út flugið með
sem lægstum ríkisstyrk, að sögn
Sturlu en hann segist ekki geta sagt
til um hversu mikill kostnaður hljót-
ist af fluginu fyrir ríkið. „Við erum
að hefja undirbúning að þessu og
það liggur ekkert fyrir um hvaða
fjárhæðir er að ræða,“ segir Sturla.
Ráðuneytið hefur kannað áhuga
annarra flugfélaga á því að sinna
áætlunarflugi til og frá Vestmanna-
eyjum og segir Sturla það ljóst eftir
samtöl við félögin að „þau munu
ekki halda úti flugi án einhvers rík-
isstuðnings“. Vonandi verði breyt-
ingar á þessu með tímanum og þessi
aðgerð sé ekki talin vera endanleg
lausn á samgöngumálum Vest-
mannaeyja. Hugsanlegt sé að til
komi flugaðilar sem muni sýna því
áhuga að fljúga til Vestmannaeyja,
en ekkert bendi þó til þess í dag.
Ríkisstjórnin samþykkti í gær
jafnframt þá tillögu Sturlu að hafn-
ar verði viðræður við flugrekstrar-
aðila um að taka að sér áætlunarflug
milli lands og Eyja gegn fjárhags-
legum stuðningi þar til samið yrði
um flugið til lengri tíma í kjölfar út-
boðs. Sturla segir mikilvægt að
samgöngur komist á aftur og það
verði vonandi fljótt en allt taki þetta
tíma.
Morgunblaðið/Brynjar Gauti
Fækkun Íbúum í Vestmannaeyjum hefur fækkað á umliðnum árum eins og víðar á landsbyggðinni. Þeir voru 4.227
við árslok 2004. Samþykkt var í gær að hefja undirbúning að útboði á ríkisstyrktu áætlunarflugi til Eyja.
Ríkisstyrkt flug til Eyja
Í HNOTSKURN
»Landsflug hætti flugi tilVestmanneyja á sunnudag
en flugleiðin stóðst ekki vænt-
ingar félagsins um arðsemi.
»Bæjaryfirvöld í Vest-mannaeyjum hafa krafist
útboðs á flugleiðinni.
» Í fyrra bjuggu rúmlega4.000 manns í Vest-
mannaeyjum.
Kostnaður liggur
ekki fyrir
ÞAÐ var ekki falleg sjón sem blasti
við landeiganda í Forsæti III í Vest-
ur-Landeyjum á eign sinni nú eftir
helgi því skotglaðir veiðimenn höfðu
skotið niður eitt af sex skiltum sem
landeigendur höfðu komið fyrir þar
sem kveðið er á um algjört bann við
skyttiríi á landareigninni. Að sögn
Gísla Kristjánssonar, landeiganda í
Forsæti III, þykir mikil mildi að
enginn, hvorki menn né búfénaður,
hafi orðið fyrir skotunum, en Gísli
kærði eignaspjöllin umsvifalaust til
lögreglunnar á Hvolsvelli.
Að sögn Gísla er forsaga málsins
sú að í fyrra tók hann eftir því að
talsvert hafði fækkað í hópi þeirra
fugla sem dvelja við tjarnir á land-
areigninni, en þar var um að ræða
bæði álftir og fugla á borð við endur.
„Þegar ég fór að skoða málið tók ég
eftir því að í kringum tjarnirnar
reyndist fullt af tómum skothylkjum
undan haglaskotum,“ segir Gísli sem
í framhaldinu lét koma upp skiltum
þar sem kveðið var um algjört bann
við meðferð skotvopna á landspild-
unni.
Glæpsamlegt athæfi
„Núna um helgina skutu þeir eitt
þessara skilta í tætlur. Þetta er nátt-
úrlega glæpsamlegt athæfi því þarna
eru skepnur, bæði hestar sem ég á
og kindur sem bændur á jörðinni
eiga, auk þess sem ég kæri mig ekk-
ert um að verið sé að ráðast á fugl-
inn,“ segir Gísli.
Hjá lögreglunni á Hvolsvelli feng-
ust þær upplýsingar að málið væri í
rannsókn. Samkvæmt upplýsingum
blaðamanns er málið litið alvarlegum
augum en þess ber að geta að í
vopnalögum er kveðið á um að veiði-
menn mega ekki skjóta á landspild-
um nema með leyfi landeigenda.
Þannig segir í 21. grein vopnalaga
frá árinu 1998: „Ekki má hleypa af
skoti á annars manns landi eða
skjóta yfir annars manns land án
leyfis landeiganda eða ábúanda
nema lög mæli öðruvísi fyrir um.“
Bannskilti skotið niður
Morgunblaðið/Óli Már Aronsson
Eignaspjöll Skiltið sem landeigendur í Forsæti III höfðu komið upp til að
banna meðferð skotvopna á eigninni var skotið í tætlur nú um helgina.