Morgunblaðið - 27.09.2006, Blaðsíða 5

KÁRAHNJÚKAVIRKJUN
ER EKKI Á OKKAR ÁBYRGÐ
BARÁTTAN HELDUR ÁFRAM
Allt frá árinu 1998 hefur Vinstrihreyfingin – grænt framboð verið baráttuafl á vettvangi stjórnmálanna sem
talað hefur fyrir fjölbreyttri atvinnuuppbyggingu og náttúruverndarsjónarmiðum.
Í stefnuyfirlýsingu flokksins segir:
Vinstrihreyfingin - grænt framboð styður sjálfbæra orkustefnu og leggst gegn mengandi stóriðju og stórvirkjunum sem valda mikilli röskun á
náttúru landsins. Við viljum vernda hálendi Íslands og stofna þar til stórra þjóðgarða og friðlanda. Við gerum kröfu um víðtækan almannarétt
í sátt við landið og fólkið í dreifðum byggðum. Lífríki landsins, landslag og jarðmyndanir þarf að vernda með heildstæðri löggjöf og skipulagi.
Í þessum anda höfum við gert ótal flokkssamþykktir, lagt fram fjölda þingmála og beitt okkur á ýmsa lund svo koma mætti
í veg fyrir þau náttúruspjöll sem eru samfara Kárahnjúkavirkjun og álbræðslu á Reyðarfirði.
Sjá samantekt á helstu tillögum og ályktunum á www.vg.is
Nú stefnir í að byrjað verði að safna vatni í Hálslón.
Æ fleiri viðurkenna að bygging Kárahnjúkavirkjunar hafi verið afdrifarík mistök. Engu að síður eru þrjár nýjar risavaxnar álvers- og
virkjanaframkvæmdir á teikniborðinu með tilheyrandi náttúruspjöllum. Við köllum á alla náttúruverndarsinna til liðs og biðjum um
stuðning til að stöðva þessi áform. Markmiðið er sjálfbær atvinnu- og orkustefna í sátt við samfélag og náttúru.
Höfnum landdrekkingarstefnunni í eitt skipti fyrir öll.