Morgunblaðið - 29.09.2006, Page 4

4 FÖSTUDAGUR 29. SEPTEMBER 2006 MORGUNBLAÐIÐ
FRÉTTIR
Eftir Örlyg Stein Sigurjónsson
orsi@mbl.is
UMFERÐARSLYSIÐ í Ártúns-
brekku á laugardag, þegar Honda-
sportbíl var ekið á ofsahraða aftan
á jeppling, er til rannsóknar hjá
lögreglunni í Reykjavík. Beðið er
niðurstöðu hraðamælinga en málið
er rannsakað sem alvarlegt um-
ferðarlagabrot.
Slysið varð síðdegis á laugardag
til móts við bensínstöð ESSO og
voru báðir bílarnir á leið til vest-
urs. Eftir að jepplingurinn skall á
vegriðinu kastaðist hann til hægri,
yfir þrjár akreinar og hafnaði síð-
an fyrir utan veginn. Að sögn
Ólafs Guðmundssonar, varafor-
manns FÍB, sem fór á vettvang,
voru ummerkin á borð við það sem
sést á erlendum kappakst-
ursbrautum. Megi draga þá álykt-
un að hraði sportbílsins hafi verið
í kringum 200 km á klst. Tvennt
hafi þó komið í veg fyrir stórslys.
„Það var í fyrsta lagi einskær
heppni og í öðru lagi sú staðreynd
að slysið varð á vel útbúnum veg-
arkafla,“ segir hann. „Vegurinn
bjargaði því sem bjargað varð.
Vegriðið í miðjunni kom í veg fyr-
ir að jeppinn kastaðist yfir á hina
akreinina og hægra megin við
veginn er brekka upp í mót sem
stoppaði jeppann af. Ef slysið
hefði orðið nokkrum metrum neð-
ar í Ártúnsbrekkunni, þar sem gat
er í vegriðinu, þá hefði jeppinn
farið yfir á rangan vegarhelming
og beint inn umferð á móti á
þremur akreinum. Á sama hátt
hefði jeppinn farið niður í portið
hjá Brimborg ef slysið hefði orðið
ofar í Ártúnsbrekkunni.“
Ólafur mældi bremsuför með
sérstökum mælitækjum skömmu
eftir slysið og í ljós kom að
bremsuför sportbílsins voru um
180 metrar. Fyrstu 77 metrana
bremsaði bíllinn þar til hann lenti
aftan á jeppanum og frá því hann
byrjaði að bremsa og þar til hann
stoppaði loks, að árekstrinum
meðtöldum, eru 208 metrar. „Til
viðbótar þessu má gera ráð fyrir
töluverðum viðbragðstíma og
þannig má draga þá ályktun að
frá því að ökumaður sportbílsins
sá jeppann og fór að bregðast við
séu 250–300 metrar ásamt
árekstri.“
Þegar jeppinn kastaðist áfram
við höggið frá sportbílnum reif
hann upp vegriðið á 8 metra kafla
sem vitnar um gífurlegt högg.
Hann fór síðan 90 metra til við-
bótar þar til hann stöðvaðist utan
vegar og því kastaði sportbíllinn
jeppanum samtals nærri 130
metra.
Ólafur segir að þakka beri
framtaki Kjartans Magnússonar
borgarfulltrúa sem með til-
lögugerð fékk því framgengt að
vegriðið var sett upp í hittifyrra í
kjölfar slysa í Ártúnsbrekkunni.
„Margir bílar og mótorhjól hafa
lent í vegriðinu og það er gersam-
lega búið að sanna sig, en það er
bara ekki nógu langt. Það þyrfti
að vera á allri Miklubrautinni,“
bendir Ólafur samt á.
Hraði bílsins talinn nálægt
200 km í Ártúnsbrekkunni
Feiknahögg Ferill bílanna við áreksturinn. Rauði liturinn er för jeppans og svarti liturinn táknar sportbílinn.
Ummerkin eins og
á erlendum kapp-
akstursbrautum
Í HNOTSKURN
»Hraðatölur sem sést hafa ísumar eiga sér vart neina
hliðstæðu. Bifhjól og bílar
hafa hvað eftir annað mælst á
kappakstursbrautarhraða og
lögreglan hefur tekið suma
ökumenn fyrir margendurtek-
inn hraðakstur.
»Á fjórða tug þúsundamanna hafa skrifað undir
yfirlýsinguna Stopp! á netinu
gegn hraðakstri. 20 manns
hafa látist í umferðarslysum
það sem af er árinu og ágúst
var sérlega slæmur.
BERGVIN Oddsson, 23 ára Vest-
mannaeyingur sem reyndar er flutt-
ur upp á fastalandið, hefur tilkynnt
að hann sækist eftir 4.–5. sæti á lista
Samfylkingarinnar í Suðurkjör-
dæmi. Bergvin hefur verið blindur
frá 15 ára aldri en hann missti sjón-
ina eftir að frunsuvírus lagðist á
bæði augun í honum.
Bergvin hefur verið virkur innan
Samfylkingarinnar, sótt landsfundi,
tekið þátt í starfi Ungra jafnaðar-
manna og unnið við kosningabaráttu
flokksins, svo eitthvað sé nefnt. Að-
spurður sagðist hann lengi hafa ver-
ið pólitískur og í 8. og 9. bekk fannst
honum ágætt að horfa á beinar út-
sendingar frá umræðum á Alþingi.
Um svipað leyti hóf hann að skrifa
um hugðarefni sín í bæjarblöðin í
Vestmannaeyjum. Hugur hans stóð
þó ekki til þess að verða atvinnu-
stjórnmálamaður, heldur ætlaði
hann sér að gerast atvinnumaður í
fótbolta. „Pólitíkin átti að vera í bak-
höndinni ef Manchester United vildi
ekki kaupa mig,“ sagði hann í sam-
tali við Morgunblaðið.
Þessum framtíðaráformum var
kollvarpað af frunsuvírus sem árið
1999 lagðist á vinstra augað í honum
og olli því að hann missti sjón á því
auga. Tveimur árum síðar lagðist
vírusinn á hægra augað og síðan þá
hefur hann verið blindur.
Bergvin sagði afar sjaldgæft að
slíkur vírus legðist á augu. „Augn-
læknirinn minn sagði mér að þetta
væru jafn miklar líkur og að vinna
tvisvar í Víkingalottói í sama mán-
uði.“
Bergvin stundar nám í Mennta-
skólanum í Hamrahlíð meðfram
vinnu við heildsölu fjölskyldunnar,
Víney, í Grindavík en þangað fluttist
fjölskyldan sumarið 2005. Síðastliðið
ár hefur hann verið formaður í Ung-
blind og ásamt félögum sínum barist
fyrir hagsmunamálum blindra og
sjónskertra ungmenna á Íslandi.
Samræma aldursmörk
Meðal helstu baráttumála Berg-
vins eru að bryggja verði byggð í
Bakkafjöru og að Suðurlandsvegur
verði tvöfaldaður. Stimpilgjald verði
afnumið, vörugjöld, tollar og virðis-
aukaskattur verði afnuminn af öllum
hjálpartækjum fyrir fatlaða sem og
af getnaðarvörnum. Bergvin vill
samræma aldursmörk til bílprófs,
kosningaréttar og réttar til að kaupa
léttvín og bjór og miða við 18 ár. Þá
verði frítekjumörk öryrkja og aldr-
aðra 300.000 krónur.
Þá þurfi að setja á laggirnar þekk-
ingarmiðstöð fyrir blinda og sjón-
skerta og bendir Bergvin á að ástand
þeirra stofnana sem hafi séð um
blinda og sjónskerta á Íslandi sé til
skammar. Enginn blindrakennari sé
á landinu og Sjónstöð Íslands hafi
lengi verið fjársvelt.
Blindaðist af völdum
sjaldgæfs sjúkdóms
Sækist eftir 4.–5. sæti Samfylkingarinnar í Suðurkjördæmi
Morgunblaðið/Kristinn
Skæður vírus Bergvin Oddsson
hefur verið blindur frá 15 ára aldri.
UMFERÐARRÁÐ lýsti þungum
áhyggjum af síendurteknum frétt-
um af miklum hraðakstri, bæði í
þéttbýli og á þjóðvegum, í ályktun
sem samþykkt var á fundi í gær.
„Í umfjöllun fjölmiðla heyrist hug-
takið ofsaakstur æ oftar notað um
þessi mál. Ljóst er að nokkur hópur
bílstjóra og bifhjólamanna skellir
skollaeyrum við hvers konar viðvör-
unum og sýna þessir ökumenn með
hegðun sinni að þeir virðast ekki
hafa skilning á, né þroska til að meta
hvaða afleiðingar slíkur háskaakst-
ur getur haft í för með sér, bæði fyr-
ir þá sjálfa og samferðamenn.“
Þetta er vítaverð framkoma og
ófyrirgefanleg eigingirni, að mati
Umferðarráðs. „Þrátt fyrir marg-
háttaðar aðgerðir gegn þessari vá á
undanförnum árum hvetur Umferð-
arráð til enn róttækari aðgerða
gegn hraðakstri og öðrum alvar-
legum umferðarlagabrotum, m.a.
stórhertra viðurlaga.“
Þyngja þarf
viðurlög við
ofsaakstri
ÍBÚAR í Grímsey leita nú allra
leiða til þess að tryggja áframhald-
andi verslunarrekstur í eynni. Á
íbúafundi sl. mánudag var ákveðið
að leita á náðir stórra verslunar-
aðila í landi um að taka að sér
reksturinn og er það ferli í gangi
þar sem formlegt bréf hefur verið
sent af stað. „Það má segja að þetta
sé sannkallað neyðarkall úr
norðri,“ segir Helga Mattína
Björnsdóttir, fréttaritari Morg-
unblaðsins í Grímsey.
„Neyðarkall“ frá
Grímseyingum
Viltu gerast ferðaráðgjafi?
Ferðamálaskóli Íslands er eini skólinn hér á landi sem býður upp á
alþjóðlegt nám frá IATA/UFTAA, sem eru alþjóðleg samtök flugfélaga
og ferðaskrifstofa, og útskrifar skólinn á hverju ári „ferðaráðgjafa“ til
starfa hjá flugfélögum, ferðaskrifstofum og við aðra ferðaþjónustu.
Með aukningu ferðamanna hefur þörfin eftir fólki með slíka menntun
aldrei verið meiri. Flestir, sem útskrifuðust í vor, fengu starf innan
ferðaþjónustunnar að loknu námi. www.menntun.is
KORNÞRESKING er víða langt
komin og er uppskera í góðu með-
allagi. Þroski kornsins er hins veg-
ar undir meðallagi og þurrefn-
ishlutfall í samræmi við það.
Undanfarin þrjú ár hefur korn-
uppskera á Íslandi verið í kringum
11 þúsund tonn. Mikill vöxtur hefur
verið í greininni í öllum lands-
hlutum undanfarin ár, en árið 1996
nam uppskeran tæplega 3.000 tonn-
um.
Kornþresking gengur mjög vel
VIMA, vináttu- og menningarfélag
Mið-Austurlanda, heldur félags-
fund á Kornhlöðuloftinu á morgun
kl. 14. Kynnt verða Kákasuslöndin
Armenía, Georgía og Aserbaídsjan
en ferð er fyrirhuguð þangað í vor.
Jón Zakir mun segja frá Aserba-
ídsjan, Irma, georgísk kona, sem
hefur verið búsett hérlendis um
árabil talar um Georgíu og Björk
Þorgrímsdóttir sem var skiptinemi
í Armeníu í ár segir frá Armeníu.
Kynna
Kákasuslönd