Morgunblaðið - 24.01.2007, Blaðsíða 17

MORGUNBLAÐIÐ MIÐVIKUDAGUR 24. JANÚAR 2007 17
HÖFUÐBORGARSVÆÐIÐ
VINNA stendur nú yfir við innanhússhönnun
á fyrirhugaðri byggingu Háskólans í Reykja-
vík í Vatnsmýrinni sem ráðgert er að verði
tekin í notkun árið 2009, þ.e. fyrri áfangi af
tveimur. Um er að ræða um 30 þúsund fer-
metra byggingu og er nú verið að huga að
hönnun á vinnuaðstöðu fyrir kennara og
nemendur auk annarra rýma á borð við veit-
ingaaðstöðu, bókasafn, smávöruverslun o.fl.
„Vinnan undanfarna sex mánuði hefur snú-
ist um þessa innanhússþætti ásamt fleiru, en
nú í febrúar hefst ítarlegri hönnun sem er
undirbúningur að gerð byggingarnefnda-
teikninga sem verða tilbúnar í sumar,“ segir
Þorkell Siglaugsson, framkvæmdastjóri þró-
unarsviðs Háskólans í Reykjavík.
„Á sama tíma er verið að gera deiliskipu-
lag fyrir svæðið sem sýnir hvernig götur og
aðrar byggingar sem tengjast ekki HR geta
fallið að svæðinu.
Gert er ráð fyrir að framkvæmdir geti haf-
ist á síðari hluta þessa árs og að fyrsti áfangi
verði tilbúinn haustið 2009 og seinni áfanginn
2010.“
Yfirbyggt miðjutorg með álmum
Háskólabyggingin sjálf verður hönnuð
þannig að um er að ræða yfirbyggt miðjutorg
þar sem öll þjónusta HR verður fyrir hendi,
s.s. bókasafn, mötuneyti, bóksala og ýmis
þjónusta fyrir nemendur og starfsfólk. „Út
frá torginu verða byggðar misstórar álmur
fyrir hverja deild en allar álmurnar verða
tengdar með sérstökum brúm þannig að allir
geta átt samskipti milli deilda. Þetta er gert í
þeim tilgangi að byggja skólann sem eina
heild, auðvelda samskipti og forðast sem
mest alla deildamúra. Þannig byggist upp
mikill sveigjanleiki og gróska. Í stað þess að
vera á þremur stöðum eins og raunin er nú,
verðum við á einum og sama staðnum með
starfsemi skólans. Til viðbótar þessu má
nefna að gert er ráð fyrir að aðrir sem koma
inn á Vatnsmýrarsvæðið, s.s. sprotafyrirtæki,
rannsóknarstofnanir og ýmis þekkingarfyr-
irtæki, geti byggt í nágrenni við okkur og
unnt verði að tengja byggingar þeirra við há-
skólabygginguna, m.a. með göngustígum,
þannig að útkoman verði samfélag háskóla og
fyrirtækja.
Heilsteypt samfélag
hugsað frá upphafi
Við myndum velja til samstarfs við okkur
þá aðila sem eru áhugasamir um samstarf við
HR og eru jafnframt á sama sviði og við,“
segir Þorkell.
„Það má segja að fyrirmyndin að þessari
hugmyndafræði sé að hluta sótt til erlendra
þekkingarsvæða (Science Parks) þar sem há-
skólar eru með fjölda rannsóknastofnana í
kringum sig og sömuleiðis rannsóknadeildir
stærri og smærri fyrirtækja. En það sem er
nýtt og einstakt við fyrirætlanir HR er að
ekki hefur áður verið hugsað frá upphafi heil-
steypt samfélag á tilteknu svæði þar sem
þverfagleg þekking fær að njóta sín. Hingað
til hefur raunin ávallt verið sú að byggja við
eldri byggingar eða koma inn á svæði þar
sem gömul uppbygging hefur átt sér stað,
t.d. eins við Harvard-háskóla, MIT eða Kaup-
mannahafnarháskóla svo dæmi séu tekin. Á
þeim stöðum hafa menn ekki átt þess kost að
geta byrjað með „óskrifað blað“ eins og við
að þessu sinni og notað nýtískuhug-
myndafræði og þverfaglega hugsun. Við telj-
um að þekkingarsamfélag framtíðarinnar feli
í sér aukið samstarf ólíkra fræðigreina og
þar af leiðandi erum við að skapa tengingar
milli mismunandi fræðasviða. Þessar skaranir
sjáum við víða í kringum okkur, í listum, vís-
indum og hönnun þar sem einstök svið renna
saman á marga vegu.
Það má því segja að við séum að hanna há-
skóla 21. aldarinnar.“
Hátt á þriðja þúsund
nemenda stundar nám í HR
Háskólinn í Reykjavík hefur nú starfsemi
sína á þremur stöðum eins og að ofan gat, í
Ofanleiti, þar sem viðskiptadeild, lagadeild og
kennslufræði- og lýðheilsudeild eru til húsa, í
Kringlunni þar sem áður voru ritstjórn-
arskrifstofur Morgunblaðsins en nú eru
kennslustofur, rannsóknaaðstaða, rann-
sóknastofnanir og vinnuaðstaða kennara og
nemenda á verkfræði- og tölvunarfræðisviði,
og loks við Höfðabakka þar sem tækni- og
frumgreinadeild er til húsa. Á þessu námsári
eru tæplega 3 þúsund nemendur við nám í
HR.
Síðastliðinn laugardag voru 257 nemendur
brautskráðir frá HR.
Tengir saman ólíkar fræðigreinar
Afmæli nálgast HR nálgast 10 ára starfsafmæli sitt og hefur fært út kvíarnar frá stofnun sinni
árið 1998 en þá var heiti menntastofnunarinnar Viðskiptaháskólinn í Reykjavík.
Í HNOTSKURN
»Háskólabyggingin sjálf verður hönn-uð þannig að um er að ræða yfirbyggt
miðjutorg þar sem öll þjónusta HR verð-
ur fyrir hendi, s.s. bókasafn, mötuneyti,
bóksala og ýmis þjónusta fyrir starfsfólk.
»Út frá torginu verða byggðar mis-stórar álmur fyrir hverja deild en all-
ar álmurnar verða tengdar með sér-
stökum brúm.
»Starfsemi HR fer nú fram á þremurstöðum og er ráðgert að starfsemin
fari undir sama þak í Vatnsmýrinni.
Deildamúrar fjarri HR
í Vatnsmýrinni 2009
Morgunblaðið/Skapti Hallgrímsson
Reyndist vel Nýi troðarinn í Hlíðarfjalli kom í góðar þarfir um helgina
þegar maður slasaðist í snjóflóði. Hann var sóttur á slysstað á troðaranum.
VETRARÍÞRÓTTAMIÐSTÖÐ Ís-
lands á Akureyri hefur fest kaup á
tveimur snjótroðurum, frá fyrirtæk-
inu Kässbohrer AG, til notkunar á
skíðasvæðinu í Hlíðarfjalli. Fyrri
troðarinn, sem er af gerðinni Pisten-
Bully 300 Kandahar, var afhentur
föstudaginn 19. janúar en hinn, Pis-
tenBully 300 ParkBully, verður af-
hentur næsta haust.
Guðmundur Karl Jónsson, for-
stöðumaður svæðisins, segir að með
aukinni aðsókn sé þörf á að troða
fleiri brekkur og oftar á sem
skemmstum tíma og kalli það á auk-
inn tækjakost.
Mikil breyting
„Það má segja að troðarinn komi
til með að leysa fjóra þætti hjá okk-
ur; við getum troðið fleiri leiðir en
áður, við getum troðið sama magn og
áður á styttri tíma, við getum ýtt út
þeim snjó sem við erum að framleiða
á styttri tíma en áður og síðast en
ekki síst mun hann nýtast vel í sam-
bandi við göngubrautina. Þessi snjó-
troðari er með áföstum gönguspora
og því verður vinnan við göngu-
brautina mun auðveldari en áður og
á að taka skemmri tíma,“ segir Guð-
mundur.
Guðmundur segir að snjótroðari
sé eins og „maðurinn á bak við tjöld-
in“ sem Spaugstofumenn hafa gert
ódauðlegan í íslensku samfélagi.
„Fólk tekur ekki alltaf eftir þeirri
miklu vinnu sem troðararnir eru not-
aðir í á svæðinu því sú vinna fer mik-
ið til fram áður en það mætir á svæð-
ið, það er á nóttunni og snemma á
morgnana. Það tekur drjúgan tíma
að troða einhvern ákveðinn flöt. Við
getum sagt að meðal snjótroðari
keyri á um 6 til 10 km hraða á
klukkustund þegar hann er að troða
og fyrir hvern dag sem opið er vinn-
ur troðari því í um 4 til 8 klukku-
stundir, það fer eftir snjóalögum.“
Góð aðsókn í vetur
„Veturinn hefur gengið mjög vel
þrátt fyrir sveiflukennt veður, svo
ekki sé meira sagt. Aðsókn hefur
verið alveg gríðarlega góð, vetrar-
kortasalan verið mikil og ég veit að
ferðaþjónustuaðilar á svæðinu eru
ánægðir,“ segir Guðmundur.
Hann segir að vert sé að hafa í
huga að frá árinu 1980 og til dagsins í
dag þá séu flestir skíðadagar í fjall-
inu eftir miðjan janúar og fram eftir
vetri. „Við gátum opnað í nóvember
og skíðafærið var mjög gott í nóv-
ember og desember, allt þangað til
hlákan kom um miðjan jólamánuð-
inn. Reynsla síðustu ára hefur samt
verið sú að það hefur ekki komið
neinn snjór að ráði fyrr en í lok jan-
úar og byrjun febrúar svo við vorum
langt á undan þeim áætlunum. Því er
óhætt að segja að snjóframleiðslan
hafi sannað sig enn og aftur, sérstak-
lega um og eftir þær miklu umhleyp-
ingar sem urðu rétt fyrir jól.
Guðmundur segir einnig að snjó-
girðingar sem settar voru upp hjá
göngubrautinni í sumar hafi reynst
mjög vel og því má segja að þær
framkvæmdir sem unnið var að síð-
astliðið sumar hafi nú þegar sannað
sig.“
Troðum fleiri leiðir en
áður og á skemmri tíma
Í HNOTSKURN
» Einn nýr snjótroðari erkominn í Hlíðarfjall og
annar kemur í haust.
» Með aukinni aðsókn erþörf á að troða fleiri
brekkur og oftar á sem
skemmstum tíma.
» Forstöðumaður skíða-svæðisins í Hlíðarfjalli seg-
ir snjótroðara eins og mann-
inn á bak við tjöldin!
FARÞEGUM með Strætisvögnum
Akureyrar hefur fjölgað um 60%
frá því fargjöld voru felld niður um
áramótin og nær fjölgunin til allra
aldurshópa. Þetta kemur fram þeg-
ar fjöldi farþega í þriðju viku þessa
árs er borinn saman við sama tíma í
fyrra.
Að meðaltali voru farþegar á dag
640 í þriðju viku ársins 2006 en eru
nú að meðaltali 1.020.
„Það kom í ljós fljótlega eftir ára-
mót, þegar fólk fór almennt aftur
til vinnu og skólar hófust á ný, að
fólk myndi taka þessu mjög vel,“
sagði Stefán Baldursson, for-
stöðumaður Strætisvagna Akureyr-
ar, við Morgunblaðið.
Stefán upplýsti reyndar að vegna
kulda voru mun færri á ferli í bæn-
um en venjulega, dagana sem talið
var og aukningin hefði því örugg-
lega mælst meiri hefðu aðstæðar
verið eðlilegar. „Fólk fór ekki út
nema það væri bráðnauðsynlegt og
það sást líka á því að bílaumferð
var lítil í bænum þessa daga.“
Tölurnar sem nefndar voru hér
að framan eiga við virka daga um-
rædda viku, en helgina á undan var
einnig talið og þá var aukningin
miklu meiri; 130% miðað við sömu
helgi í fyrra.
Nú þegar er hafin vinna við end-
urskoðun á leiðakerfi SVA með það
að meginmarkmiði að hefja akstur
um hið nýja Naustahverfi syðst í
bænum.
Morgunblaðið/Skapti Hallgrímsson
Allir með strætó Farþegar stíga um borð í einn vagna SVA í gær. Þeim
hefur fjölgað mjög sem nota vagnana eftir að fargjöld voru felld niður.
60% fleiri með
strætó en áður
AKUREYRI