Morgunblaðið - 20.03.2007, Síða 25

hreyfing
MORGUNBLAÐIÐ ÞRIÐJUDAGUR 20. MARS 2007 25
Sverrir Kristinsson, löggiltur fasteignasali
SKRIFSTOFUHÚSNÆÐI ÓSKAST TIL KAUPS
Við höfum verið beðnir um að útvega 800-1200 fermetra
skrifstofu- og þjónusturými á svæðinu frá Borgartúni
og að Fossvogi. Fleiri staðir koma til greina.
Nánari upplýsingar veitir
Sverrir Kristinsson lögg. fasteignasali.
Sverrir Kristinsson, löggiltur fasteignasali
Við höfum verið beðin um að útvega fjársterkum kaupanda
hús í Fossvogi. Staðgreiðsla fyrir réttu eignina.
Nánari upplýsingar veita
Sverrir Kristinsson lögg. fasteignasali
og Kjartan Hallgeirsson lögg. fasteignasali.
EINBÝLISHÚS Í FOSSVOGI ÓSKAST
Þ
etta byrjaði þannig að
Heilsupósturinn ákvað
að stefna á hnjúkinn,“
segir Sveinbjörn R.
Svavarsson, vinnslu-
stjóri hjá Póstinum. Nefndur hnjúk-
ur er Hvannadalshnjúkur en allt að
100 starfsmenn Póstsins og makar
þeirra ákváðu að taka þeirri áskorun
að ganga á hnjúkinn 19. maí í vor.
Undirbúningur hefur staðið yfir í
nokkurn tíma, menn hafa gengið í
hópum, auk þess sem starfsmönnum
er í sjálfsvald sett hvernig þeir
standa að undirbúningnum. „Í fram-
haldi af því hefur verið farið í
ákveðnar göngur til að þjálfa liðið í
að fara í fjallgöngur,“ heldur Svein-
björn áfram. „Ég er nú ekki búinn að
mæta í allar göngurnar,“ segir hann
kíminn. „Það fer svolítið eftir því
hvort tekið er fram í auglýsingunni
að það sé skyldumæting fyrir þá sem
ætla sér á hnjúkinn hversu margir
mæta í hverja göngu.“
Ingibjörg Sigrún Stefánsdóttir,
forstöðumaður þjónustudeildar, ætl-
ar sér líka á hnjúkinn í vor. Hún
kveðst hafa verið dugleg að mæta í
undirbúningsgöngurnar en þær hafa
verið farnar t.d. á Esjuna, Móskarðs-
hnjúka og önnur nálæg fjöll við höf-
uðborgarsvæðið. „Það má eiginlega
segja að undirbúningurinn hafi hafist
fyrir fjórum árum,“ segir nú Ingi-
björg Sigrún, „beint og óbeint. Þá
byrjaði hið svokallaða heilsupósts-
verkefni. Þetta er fjórði veturinn sem
fyrirtækið í heild er með markvisst
prógramm fyrir starfsmenn til að
efla okkur og styrkja. Í ár er svo
áskorunin annaðhvort að fara á
hnjúkinn eða á Esjuna eftir því sem
geta hvers og eins býður upp á.
Þannig að margir hverjir hafa leynt
og ljóst verið að undirbúa sig allan
tímann,“ segir hún og bætir við að
hún sé í tíu manna hóp sem æfir sam-
eiginlega fyrir gönguna miklu. „Við
hittumst reglulega og stefnum núna
á að hittast vikulega til að ganga upp
á fjöllin hér í kring, Esjuna og Úlf-
arsfell og svona, til viðbótar við hitt
prógrammið, og æfa okkur enn frek-
ar.“ Pósturinn hefur staðið fyrir
reglubundnum mælingum sl. fjögur
ár að sögn Ingibjargar Sigrúnar.
„Við mælum reglulega þyngd, fi-
tuprósentu og mittismál auk þess
sem við höfum fylgst með vöðva-
styrk, blóðþrýstingi og kólesteróli.
Það er mismunandi milli ára hvað er
mælt en auk þess er boðið upp á
fræðsluerindi.“ Starfsmönnum er
jafnframt beint inn á líkamsrækt-
arstöðvar og þeir hvattir til að lyfta
lóðum til að styrkja og undirbúa lík-
amann fyrir komandi átök.
Mikil samkeppni
„Þeir sem ekki ætla á hnjúkinn
geta verið með í mælingunum og í
sínu eigin átaki. Ég er í tíu manna
hópi og við höfum sett niður á blað
hver árangurinn hefur verið og það
er mikil samkeppni í gangi,“ segir
Sveinbjörn léttur. „Þeir sem sjá um
mælingarnar lesa í tölurnar og
ákvarða hver er „sigurvegarinn“ í
hvert sinn og það er innbyrðis keppni
í gangi, bæði í að bæta vöðvamassa
og losa sig við fituprósentu.“ Í fyr-
irtækinu er þannig almenn heilsuefl-
ing í gangi fyrir alla sem vilja bæta
líkamsástand sitt.
Leiðbeinendur starfsmanna Pósts-
ins eru ekki af verri endanum, enda
þrælvanir menn þar á ferð. Ingþór
Bjarnason og Haraldur Örn Ólafs-
son, pólfarar með meiru, hafa haldið
utan um gönguferðir vetrarins og
munu leiða þá áfram sem ætla sér
alla leið á hnjúkinn. „Það verður einn
leiðsögumaður á hverja tíu þannig að
það verður gengið í litlum hópum
upp á hnjúkinn,“ segir Ingibjörg. Um
1.200 manns vinna hjá Póstinum og á
þessum fjórum árum sem heilsupóst-
sverkefnið hefur verið í gangi hafa
alla jafna um 500 starfsmenn tekið
virkan þátt á ári hverju með mismun-
andi markmið í huga. Til að mynda
léttust starfsmenn Póstsins um 700
kíló og bættu á sig 100 kílóum af
vöðvum veturinn sem verkefnið
hófst.
„Það er svo hvetjandi, fyrir utan
hvað það er þægilegt, að þeir sem
mæla okkur koma hingað,“ segir
Sveinbjörn. „Það munar svo miklu að
geta gert þetta í vinnunni, maður fær
þetta allt upp í hendurnar.“
Fínn taktur í mötuneytinu
Að sögn Sveinbjörns og Ingibjarg-
ar Sigrúnar gerir svona átak innan
fyrirtækis gríðarlega mikið fyrir
starfsandann. „Maður kynnist stærri
hóp innan fyrirtækisins og á öðrum
forsendum, þetta eflir hópinn sem
annars vinnur ekki saman innan fyr-
irtækisins,“ segir Sveinbjörn. Ingi-
björg Sigrún segir minna um veik-
indi og í heildina sé miklu
skemmtilegra í vinnunni. Sá matur
sem boðið er upp á í mötuneytinu
dregur að einhverju leyti dám af
átaki starfsmanna. „Þegar þetta
byrjaði var svolítið tekið á því og hef-
ur þróast síðan, kominn fínn taktur í
þetta,“ segir Sveinbjörn. „Það er sal-
atbar og boðið upp á fría ávexti. Svo
er líka möguleiki á að fá óhollari mat,
fólk bara velur.“
„Já, við fengum ráðgjafa hingað
fyrir fjórum árum til að fara yfir
mötuneytin hjá okkur,“ segir Ingi-
björg Sigrún, „og til að gefa okkur
góð ráð. Unnið hefur verið markvisst
að því að gera matinn hollari án þess
að taka alla óhollustuna út, fólk hefur
val,“ segir hún og hlær. „Maður sér
samt mun minni ásókn í sætindin nú
en áður. Fólk kýs að borða hollari
mat. “
Hægt af stað
Þau Sveinbjörn og Ingibjörg Sig-
rún ráðleggja þeim sem vilja feta í
fótspor þeirra að byrja rólega og
taka eitt skref í einu. „Það er mjög
gott að fá einhverja ráðgjöf,“ segir
Sveinbjörn, „um hvernig rétt er að
fara af stað. Sumir fara of hratt í
byrjun sem verður til þess að þeir
gefast bara upp. Það borgar sig að
finna sinn takt og fara ekki of geyst.“
Þó að í upphafi hafi heilsupóstsverk-
efnið verið heilsuátak hefur það með
tímanum þróast í að verða einfald-
lega breyttur lífsstíll. „Það má segja
að við séum alla daga í átaki,“ segir
Ingibjörg Sigrún að lokum og bætir
við að gaman sé fyrir þau í höf-
uðstöðvunum að fá fréttir af félögun-
um úti á landi þegar þeir hafa afrek-
að eitthvað stórt og það hvetji þau á
höfuðborgarsvæðinu til að halda
áfram á sömu braut.
Heilsupósturinn stefnir á toppinn
Morgunblaðið/Árni Sæberg
Æfing Nokkrir starfsmenn Póstsins taka rösklega göngu til að búa sig undir gönguna á Hvannadalshnjúk.
Morgunblaðið/Árni Sæberg
Stefna hátt Þau Ingibjörg Sigrún Stefánsdóttir, forstöðumaður þjón-
ustudeildar Póstsins, og Sveinbjörn R. Svavarsson vinnslustjóri ætla sér
bæði að fara alla leið á topp Hvannadalshnjúks.
Til að mynda léttust
starfsmenn Póstsins um
700 kíló og bættu á sig
100 kílóum af vöðvum vet-
urinn sem verkefnið hófst.
Um 100 starfs-
menn Póstsins
stefna ásamt
mökum á
Hvannadalshnjúk
HÆTTAN á að krækja sér í ör-
lagaríka salmonellusýkingu er ekki
ofarlega í huga danskra neytenda
þegar þeir standa á haus ofan í
kæliborðum verslana, að því er ný
rannsókn sýnir og sagt er frá á
fréttavef Berlingske Tidende.
Danir voru spurðir um afstöðu til
kjúklingaafurða og neyslu sína á
þeim. Niðurstöðurnar eru ekki upp-
lífgandi fyrir danska kjúklinga-
framleiðendur sem rembast eins og
rjúpan við staurinn til að halda
dönskum kjúklingum lausum við
salmonellu. Einungis 9% aðspurðra
telja það skipta máli að afurðirnar
séu lausar við salmonellu og kam-
fýlóbakter þegar valinn er kjúkling-
ar á matarborðið. Hins vegar sögðu
20% verðið skipta miklu máli.
„Mér sýnist á öllu að danskir
neytendur tefli í tvísýnu með heils-
una,“ er haft eftir Per. V. Møller,
framkvæmdastjóra eins stærsta ali-
fuglabús í Danmörku, Rose Poultry.
Það, hversu verðið er mikilvægt
fyrir Dani, sýnir vel hver þróunin
hefur verið í kjúklingaframleiðslu í
Danmörku undanfarin ár. 42% allra
seldra kjúklinga í Danmörku voru
innflutt árið 2006. Til samanburðar
má geta þess að árið 2005 voru inn-
fluttir kjúklingar 29% heildarneysl-
unnar.
Þó að danskir neytendur spari
einhverjar krónur á því að kaupa
innfluttar kjúklingaafurðir marg-
faldast hættan á salmonellu-
sýkingum. Árið 2006 fannst salmon-
ella í 2% danskra kjúklingaafurða
en í allt að 26% innfluttra kjúklinga-
afurða.
Vísbendingar eru þó um að
hræðslan við salmonellu sé meiri
meðal eldri neytenda. Svarendur
sem voru aldrinum 50–59 ára í
rannsókninni sögðu óttann við salm-
onellu hafa áhrif í 16% tilfella, en
13% þeirra gáðu að því hvert verðið
var.
Vilja ódýran kjúkling
Morgunblaðið/Árni Sæberg
Girnilegur er hann En er hann
ódýr og laus við salmónellu?
Verðið hefur meira að segja en salmon-
ellan þegar Danir kaupa kjúkling
neytendur