Morgunblaðið - 05.06.2007, Síða 8

8 ÞRIÐJUDAGUR 5. JÚNÍ 2007 MORGUNBLAÐIÐ
ALÞINGI
A-Class – Ánægjunnar vegna
ASKJA · Laugavegi 170 · 105 Reykjavík · Sími 590 2100 · www.askja.is · ASKJA er eini viðurkenndi sölu- og þjónustuaðili Mercedes-Benz á Íslandi.
Nýr A-Class sameinar skynsemi og þægindi með fullkomnum hætti. Hann er nettur
en einnig ótrúlega rúmgóður og glæsileikinn helst í hendur við stórkostleg þægin-
din. A-Class er bíll sem þú velur ánægjunnar vegna – af því að það er skynsamlegt.
Verð frá 2.290.000 kr.
Eftir Gunnar Pál Baldvinsson
gunnarpall@mbl.is
GEIR H. Haarde, forsætisráðherra,
mælti í gær fyrir frumvarpi um
breytingar á lögum um stjórnarráð-
ið. Í ræðu sinni með frumvarpinu
sagði Geir að markmið laganna væri
að ráðuneytum yrði fækkað en
stjórnarandstæðingar töldu málið
illa undirbúið og bera vott um hrossa-
kaup milli stjórnarflokkanna. Með
lögunum verða ráðuneyti sameinuð
og málaflokkar færðir á milli annarra
í samræmi við samkomulag milli
stjórnarflokkanna. Jafnframt verður
hægt að sameina ráðuneyti án laga-
breytingar. Samkvæmt núverandi
lögum, sem eru frá árinu 1969, þarf
lagabreytingu til að stofna ný ráðu-
neyti eða sameina.
Verði lögin sam-
þykkt mun forseti
Íslands, að tillögu
forsætisráðherra,
geta úrskurðað að
tvö ráðuneyti verði
sameinuð í eitt.
Benti forsætisráð-
herra á að þetta hefði verið sá háttur
sem hafður hefði verið á í Danmörku.
Þetta byði upp á meiri sveigjanleika
við mótun stjórnsýslunnar sem væri
nauðsynlegt nú þegar fækkun ráðu-
neyta væri fyrirhuguð.
„Með þessum hætti verða lögin
sveigjanlegri án þess þó að hagga því
meginmarkmiði þeirra að hamla of-
fjölgun ráðuneyta sem var ein helsta
kveikja stjórnarráðslaganna þegar
þau voru sett árið 1969,“ sagði Geir.
Steingrímur J. Sigfússon, formað-
ur Vinstri hreyfingarinnar – græns
framboðs, mótmælti frumvarpinu og
sagði málið bæði óljóst og vanreifað
af hálfu ríkisstjórnarinnar. Gagn-
rýndi hann að framkvæmdavaldinu
yrði fært meira svigrúm til að stjórna
skipulagi stjórnarráðsins. Með laga-
breytingunni yrði stigið skref aftur á
bak til þess tíma sem var áður en lög-
in um stjórnarráðið voru sett 1969.
„Of risavaxið ráðuneyti“
Siv Friðleifsdóttir, þingmaður
Framsóknarflokksins, beindi þeirri
spurningu til forsætisráðherra af
hverju stjórnarflokkarnir hefðu ekki
ákveðið að sameina jafnframt við-
skipta- og iðnaðarráðuneytin við
landbúnaðar- og sjávarútvegsráðu-
neytin. „Í stað þess hafa flokkarnir
ákveðið að veikja enn frekar við-
skipta- og iðnaðarráðuneytin með því
að skipta þeim upp,“ sagði Siv.
Jafnframt krafðist hún þess að rík-
isstjórnin legði fram fyrirætlanir sín-
ar um frekari breytingar á stjórnar-
ráðinu, enda benti allt til þess að um
þær hefði nú þegar verið samið. For-
sætisráðherra taldi hins vegar að
ekki væri hyggilegt að búa til stórt
atvinnuvegaráðuneyti. „Slíkt ráðu-
neyti væri einfaldlega of risavaxið.“
Guðni Ágústsson, formaður Fram-
sóknarflokksins, sagði þá endur-
skipulagningu sem stjórnarflokkarn-
ir nú stæðu fyrir fyrst og fremst
tilkomna vegna hrossakaupa þeirra á
milli um ráðherrastóla.
Forsætisráðherra fái vald
til að fækka ráðuneytum
Geir H. Haarde
ÁRNI M. Mathiesen fjármálaráð-
herra hyggst ekki beita sér fyrir
því að sett verði sérstök sönn-
unarregla í lög varðandi þjóðlend-
umál. Þetta kom fram í svari hans
við fyrirspurn Bjarna Harðarson-
ar, nýs þingmanns Framsóknar-
flokksins, á Alþingi í gær.
Bjarni gagnrýndi í fyrirspurn
sinni að ríkisvaldið hefði í þjóð-
lendumálunum náð til sín landi
sem bændur hefðu lengi átt og
beitt til þess fornfálegum heim-
ildum.
Sagði Bjarni að Sjálfstæðis-
flokkurinn hefði haft framkvæmd
þjóðlendumálanna á sinni hönd og
bæri ábyrgð á málinu. Rakti hann
þær breytingar sem fjármálaráð-
herra hefði rætt um skömmu fyrir
kosningar að gerðar yrðu á vinnslu
kröfugerðar ríkisins. Spurði hann
ráðherra hvort rétt væri að þær
aðgerðir hefðu engin áhrif á nið-
urstöðu málanna.
Árni M. Mathiesen fjármálaráð-
herra sagðist telja að breytingin
gerði bændum auðveldara með að
koma sjónarmiðum sínum og gögn-
um á framfæri og því myndi það
síður gerast að ríkisvaldið gerði
kröfur inn fyrir þinglýst landa-
merki. Ekki væri þó hægt að úti-
loka að slíkt gæti gerst vegna þess
að Hæstiréttur hefði margsinnis
dæmt að landamerki ein og sér
dygðu ekki.
Ekki ráðherra að segja
dómstólum fyrir verkum
Bjarni Harðarson taldi að þetta
væri ekki í samræmi við kosninga-
loforð Sjálfstæðisflokksins, lofað
hefði verið að niðurstöður yrðu
aðrar en fyrr. Ráðherra sagði að
ekki væri í sínum verkahring sem
fjármálaráðherra að segja dóm-
stólunum fyrir verkum heldur gæti
hann einungis ráðið hvaða fyrir-
komulag væri á kröfugerð ríkisins.
„Ég hef ekki í hyggju að breyta
lögunum um hvernig sönnunar-
færslan fer fram fyrir dómstólum,“
benti ráðherrann á.
Gagnrýndi ráðherra
í þjóðlendumálum
Eftir Gunnar Pál Baldvinsson
gunnarpall@mbl.is
AUGLJÓST er að margir þing-
menn eru að venjast nýjum hlut-
verkum um þessar mundir. Nýir
þingmenn fara varfærnislega í
ræðustól og fyrrum ráðherrar eru
gagnrýnni í ummælum sínum þar
en fyrir nokkrum vikum. Að sama
skapi eru sumir ráðherrarnir sýni-
lega hófstilltari í málflutningi sín-
um en áður. Minntust sumir þing-
menn á þetta í ræðum sínum í gær.
Valgerður Sverrisdóttir, þing-
maður Framsóknarflokksins í
Norðausturkjördæmi, krafði Krist-
ján L. Möller, samgönguráðherra
og þingmann Samfylkingarinnar,
um svör í fyrirspurnartíma við því,
hvort hann hygðist beita sér fyrir
gerð Vaðlaheiðaganga líkt og hann
hefði rætt um í kosningabaráttunni.
Benti hún á að allir þingmenn
Norðausturkjördæmis, kjördæmis
þeirra beggja, hefðu verið sammála
um að framkvæmdin yrði á vegum
einkaaðila. Stjórnvöld hefðu þó var-
ið nokkru fé til verksins á vegaáætl-
un. „Þá gerist það nú í kosninga-
baráttunni að núverandi ráðherra,
Kristján Möller spilar því út að
hægt sé að fara strax í Vaðlaheið-
argöng og þá sem ríkisframkvæmd
og þar með verði göngin gjaldfrjáls.
Því er ekki úr vegi að spyrja nú
þegar sú skemmtilega staða er
komin upp að þingmaðurinn er orð-
inn ráðherra: Er nú að vænta
breytinga á samgönguáætlun um að
aukið fjármagn renni til verksins?“
Ráðherrann, Kristján L. Möller,
sagðist vera sammála því að
skemmtilegt væri að hann stæði nú
í þeim sporum að fá fyrirspurn um
þetta mál frá þingmanninum Val-
gerði Sverrisdóttur. Hann hygðist
leita allra leiða til að framkvæmdir
gætu hafist og þá skipti ekki máli
hvort um einkaframkvæmd eða rík-
isframkvæmd væri um að ræða.
„Ég vona að við þingmenn kjör-
dæmisins munum vinna saman um
að koma þessu máli áfram.“ Var
Valgerður síður en svo ánægð með
svör ráðherra. „Þetta er það stórt
mál að það er algjörlega nauðsyn-
legt að fá það strax fram hvar við
stöndum því slík stóryrði voru látin
falla um þetta stóra mál í kosninga-
baráttunni. Það eru ekki fáir í kjör-
dæminu sem styðja verkið og það
eru ekki fáir sem ég reikna með að
hafi stutt Samfylkinguna þar ein-
mitt vegna þessa loforðs, jafnvel
þótt fylgi flokksins hafi hvergi verið
minna en í þessu kjördæmi. En það
er gott að fá það í þingskjölin að
ráðherra hefur svikið þetta loforð
núna strax.“
Morgunblaðið/ÞÖK
Hlutverkaskipti Valgerður Sverrisdóttir var í gær í hlutverki fyrirspyrjanda og gagnrýnanda á Alþingi eftir
mörg ár hinum megin borðsins. Valgerður var iðnaðar- og viðskiptaráðherra 1999-2006 og svo utanríkisráðherra.
Breytt hlut-
verk á þingi
KATRÍN Jakobsdóttir, þingkona
VG, beindi þeirri fyrirspurn til ut-
anríkisráðherra á Alþingi í gær
hvort búið væri að draga til baka
þær heimildir sem bandarískum
stjórnvöldum voru veittar til notk-
unar á íslenskri lofthelgi og Kefla-
víkurflugvelli í tengslum við Íraks-
stríðið. Vísaði Katrín m.a. í
stefnuyfirlýsingu ríkisstjórn-
arinnar þar sem stríðið er harmað.
Ingibjörg S. Gísladóttir sagði að
eftir því sem hún best vissi væru
umræddar heimildir ekki til staðar
lengur. „Þær heimildir voru í gildi
um ákveðinn tíma en slíkar heim-
ildir eru eftir því sem mér er best
kunnugt ekki í gildi lengur. Það eru
breyttar aðstæður í Keflavík eftir
að herinn hvarf af landi brott og nú
mun það vera til sérstakrar skoð-
unar hvernig slíkum heimildum
verður háttað í framtíðinni.“
Engar heimildir
lengur vegna
Íraksstríðs